| — ︽ᠬᠦᠯᠦᠨ ᠪᠤᠶᠢᠷ︾ ᠰᠡᠳᠭᠦᠯ ᠤᠨ ᠮᠡᠨᠳᠦᠯᠡᠭᠰᠡᠨ 40 ᠵᠢᠯ ᠤᠨ ᠤᠢ ᠶᠢᠨ ᠳᠤᠷᠠᠰᠬᠠᠯ ᠳᠤ ᠵᠤᠷᠢᠭᠤᠯᠪᠠ ᠯᠢᠭᠳᠡᠨ | | ︽ᠬᠥᠯᠦᠨ ᠪᠤᠶᠢᠷ︾ ᠭᠡᠳᠡᠭ ᠨᠢᠭᠡᠨ ᠪᠤᠲᠠ ᠥᠪᠡᠷᠮᠢᠴᠡ ᠦᠵᠡᠰᠭᠦᠯᠡᠩ ᠰᠣᠶᠣᠯ ᠤᠨ ᠴᠡᠴᠡᠭ ᠳᠡᠯᠭᠡᠷᠡᠵᠠᠢ᠃ ᠲᠡᠷᠡ ᠪᠣᠯ ︽ᠬᠦᠯᠦᠨ ᠪᠤᠶᠢᠷ︾ ᠭᠤᠸᠠ | ᠶᠤᠮ᠃ ᠶᠠᠭᠠᠬᠢᠬᠤ ᠳᠠᠭᠠᠨ ᠡᠶᠢᠮᠦ ᠰᠠᠶᠢᠬᠠᠨ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠨ ᠶᠤᠮ︖ ᠭᠡᠪᠡᠯ ᠡᠨᠡ ᠪᠠᠷᠤᠭ 1600 ᠵᠢᠯ ᠤᠨ ᠡᠮᠦᠨᠡᠬᠢ ᠪᠠᠷᠭᠤ ᠪᠠᠭᠠᠲᠤᠷ ᠤᠨ ᠰᠣᠪᠢᠡᠭ ᠳᠤ | ᠣᠷᠣᠭᠰᠠᠨ ᠡᠷᠲᠡᠨ ᠤ ᠵᠡᠭᠦᠳᠦ ᠯᠡ ᠪᠡᠶᠡᠯᠡᠵᠦ ᠪᠠᠶᠢᠭᠠ ᠬᠡᠷᠡᠭ᠃ ᠤᠷᠢᠲᠤ ᠶᠢᠨ ᠰᠣᠷᠪᠤᠯᠵᠢ ᠲᠠᠢ ᠰᠣᠶᠣᠯ ᠤᠨ ᠲᠤᠨᠤᠳᠠᠰᠤᠯᠠᠯ ᠢᠶᠠᠷ ᠯᠡ ᠡᠶᠢᠮᠦ ᠰᠣᠨᠢᠨ ᠰᠣᠳᠣᠨ | ᠣᠶᠣᠨ ᠤᠬᠠᠭᠠᠨ ᠤ ᠤᠷᠭᠤᠮᠠᠯ ᠴᠡᠴᠡᠭ ᠦᠨᠳᠦᠰᠦᠯᠡᠳᠡᠭ ᠪᠠᠶᠢᠵᠠᠢ᠃ ᠶᠠᠮᠠᠷ ᠬᠥᠷᠦᠰᠦᠨ ᠠᠴᠠ ᠶᠠᠮᠠᠷ ᠴᠡᠴᠡᠭ ᠳᠡᠯᠭᠡᠷᠡᠳᠡᠭ ᠨᠢ ᠠᠮᠢᠳᠤ ᠶᠢᠷᠲᠢᠨᠴᠤ ᠶᠢᠨ ᠵᠢᠮᠡ | ᠬᠠᠤᠯᠢ ᠪᠢᠯᠡ᠃ | ᠬᠥᠯᠦᠨ ᠪᠦᠢᠷ ᠯᠡ ᠭᠡᠬᠦ ᠶᠢᠨ ᠦᠶᠡ ᠳᠤ ᠠᠯᠢ ᠴᠤ ᠨᠤᠲᠤᠭ ᠤᠨ ᠮᠣᠩᠭᠤᠯᠴᠤᠳ ᠤᠨ ᠳᠣᠲᠣᠷᠠ ᠬᠦᠨᠳᠦᠤᠡᠬᠡᠯ ᠪᠢᠰᠢᠷᠡᠯ ᠤᠨ ᠰᠡᠳᠬᠢᠯᠭᠡ ᠠᠶᠠᠨᠳᠠᠭᠠᠨ | ᠡᠭᠦᠰᠳᠡᠭ ᠰᠠᠨ᠃ ᠮᠠᠨᠠᠶᠢᠬᠢᠳ ᠶᠡᠷᠦ ᠨᠢ ᠤᠵᠠᠭᠤᠷ ᠠᠴᠠ ︽ᠪᠢ︾ ᠴᠣᠬᠤᠮ ᠬᠠᠮᠢᠭᠠ ᠠᠴᠠ ᠢᠷᠡᠪᠡ︖ ᠭᠡᠳᠡᠭ ᠤᠨ ᠲᠤᠬᠠᠢ ᠪᠣᠳᠣᠳᠠᠭ᠂ ᠶᠠᠷᠢᠳᠠᠭ ᠪᠠᠶᠢᠭᠰᠠᠨ᠃ | ᠨᠡᠩ ᠢᠯᠠᠩᠭᠤᠶᠠ ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠠᠴᠠ ᠳᠠᠶᠠᠩ ᠳᠡᠯᠡᠬᠡᠢ ᠪᠠᠷ ᠢᠶᠠᠨ ᠤᠳᠤᠮ ᠤᠭᠰᠠᠭᠠ ᠪᠠᠨ ᠡᠷᠢᠬᠦ ᠶᠢᠨ ᠶᠡᠭᠡ ᠥᠷᠨᠢᠯᠲᠡ ᠪᠣᠯᠬᠤ ᠳᠤ | ᠮᠣᠩᠭᠤᠯᠴᠤᠳ ᠴᠤ ᠥᠪᠡᠷ ᠤᠨ ᠦᠨᠳᠦᠰᠦ ᠤᠭᠰᠠᠭᠠ ᠪᠠᠨ ᠬᠠᠶᠢᠬᠤ ᠶᠢᠨ ᠮᠥᠷᠥᠭᠡᠳᠦᠯ ᠪᠣᠯᠵᠦ ᠣᠪᠣᠭ ᠳᠠᠭᠤᠳᠠᠯᠭᠠ ᠪᠠᠨ ᠰᠡᠷᠭᠦᠭᠡᠵᠦ ᠬᠡᠷᠡᠭᠯᠡᠬᠦ ᠪᠣᠯᠣᠭᠰᠠᠨ᠃ | ᠲᠡᠷᠡ ᠡᠷᠢᠯ ᠤᠨ ᠰᠣᠷᠪᠤᠯᠵᠢ ᠡᠴᠤᠰ ᠲᠡᠭᠡᠨ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾᠂ ︽ᠡᠷᠭᠦᠨᠡ ᠬᠤᠨ ᠤ ᠳᠣᠮᠤᠭ︾ ᠪᠠ ᠭᠠᠵᠠᠷ ᠲᠣᠣᠷᠠ ᠠᠴᠠ ᠴᠤ | ᠭᠠᠷᠳᠠᠭ᠂ ᠭᠠᠳᠠᠭᠠᠳᠣ ᠳᠣᠲᠣᠭᠠᠳᠦ ᠶᠢᠨ ᠰᠤᠳᠤᠷ ᠲᠡᠦᠬᠡ ᠶᠢᠨ ᠰᠤᠷᠠᠭ ᠵᠠᠩᠬᠢ ᠪᠠᠷ ᠴᠤ ᠣᠯᠳᠠᠳᠠᠭ ᠲᠡᠦᠬᠡᠨ ᠭᠡᠷᠡᠴᠢ ᠵᠡᠷᠭᠡ ᠳᠡᠭᠡᠷᠡ ᠬᠦᠷᠦᠭᠡᠳ ᠯᠡ ᠡᠷᠡᠭᠡᠯᠵᠡᠭᠡ | ᠦᠭᠡᠢ ᠡᠷᠡᠰ ᠲᠠᠰᠤ ᠵᠣᠭᠰᠣᠭᠰᠠᠨ᠃ | ᠲᠡᠭᠡᠭᠡᠳ ᠯᠡ ᠮᠠᠨ ᠤ ᠮᠣᠩᠭᠤᠯ ᠤᠬᠠᠮᠰᠠᠷ ᠤᠯᠠᠮ ᠢᠶᠠᠷ ᠴᠢᠩᠭᠠᠷᠠᠵᠦ ᠡᠷᠴᠢᠮᠵᠢᠭᠰᠡᠨ ᠳ᠋ᠡᠭ᠃ ᠮᠣᠩᠭᠤᠯᠴᠤᠳ ᠤᠨ ᠦᠵᠡᠯ ᠵᠣᠭᠰᠣᠯᠲᠠ ᠶᠢ ᠬᠠᠳᠠᠨ | ᠲᠣᠭᠲᠠᠭᠠᠬᠤ ᠳᠤ ᠮᠣᠩᠭᠤᠯ ᠰᠣᠶᠣᠯ ᠲᠡᠦᠬᠡ ᠶᠢᠨ ᠮᠠᠰᠢ ᠠᠷᠪᠢᠨ ᠲᠡᠮᠦᠷ ᠪᠠᠷᠢᠮᠲᠠ ᠶᠢ ᠪᠦᠭᠦᠳᠡ ︽ᠬᠦᠯᠦᠨ ᠪᠤᠶᠢᠷ︾ ᠯᠡ ᠳᠡᠯᠡᠬᠡᠢ ᠳᠤ ᠠᠪᠴᠤ ᠭᠠᠷᠤᠭᠰᠠᠨ ᠶᠤᠮ᠃ | ︽ᠬᠦᠯᠦᠨ ᠪᠤᠶᠢᠷ︾ ᠨᠤᠲᠤᠭ ᠪᠣᠯ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠦᠲᠦᠵᠦ ᠪᠦᠷᠢᠯᠳᠦᠭᠰᠡᠨ ᠡᠭᠦᠰᠦᠯ ᠮᠠᠨᠳᠤᠯ᠂ ᠰᠣᠶᠣᠯ ᠲᠡᠦᠬᠡ ᠶᠢᠨ ᠦᠨᠳᠦᠰᠦᠯᠡᠯ᠂ | ᠳᠡᠯᠭᠡᠷᠡᠯ ᠤᠨ ᠰᠣᠷᠪᠣᠯᠵᠢᠲᠦ ᠲᠠᠭᠱᠢᠨ ᠣᠷᠣᠨ ᠶᠤᠮ᠃ ᠲᠡᠶᠢᠮᠦ ᠠᠴᠠ ᠮᠣᠩᠭᠤᠯ ᠲᠡᠦᠬᠡᠨ ᠳᠤ ᠬᠦᠯᠦᠨ ᠪᠤᠶᠢᠷ ᠤᠨ ᠠᠬᠠᠯᠠᠬᠤ ᠪᠠᠶᠢᠷᠢ ᠰᠠᠭᠤᠷᠢ ᠠᠶᠠᠨᠳᠠᠭᠠᠨ | ᠳᠡᠭᠡᠭᠰᠢᠯᠡᠵᠦ᠂ ᠬᠠᠶᠢᠷᠠ ᠰᠡᠳᠬᠢᠯ ᠤᠨ ᠬᠠᠮᠤᠭ ᠥᠨᠳᠥᠷ ᠭᠦᠩᠭᠠᠷᠠᠪᠠ ᠳᠤ ᠲᠠᠬᠢᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠤᠴᠢᠷᠲᠠᠢ᠃ ᠨᠢᠭᠡ ᠯᠡ ᠦᠭᠡ ᠪᠠᠷ ᠬᠡᠯᠡᠪᠡᠯ | ᠮᠣᠩᠭᠤᠯᠴᠤᠳ ᠥᠪᠡᠷ ᠤᠨ ᠪᠥᠭᠡᠮᠨᠡᠷᠡᠵᠦ ᠪᠦᠷᠢᠯᠳᠦᠭᠡᠳ ᠪᠤᠶᠢᠵᠢᠵᠦ ᠪᠤᠵᠠᠭᠠᠶᠢᠷᠠᠭᠰᠠᠨ ᠥᠯᠦᠭᠡᠢ ᠪᠠᠨ ︽ᠬᠦᠯᠦᠨ ᠪᠤᠶᠢᠷ︾ ᠭᠡᠵᠦ ᠳᠡᠭᠡᠳᠦᠯᠡᠳᠡᠭ ᠤᠨ ᠦᠨᠳᠦᠰᠦ | ᠰᠢᠯᠲᠠᠭᠠᠨ ᠨᠢ ᠡᠨᠡ᠃ | ᠬᠦᠯᠦᠨ ᠪᠤᠶᠢᠷ ᠨᠤᠲᠤᠭ ᠪᠣᠯ ᠥᠩ ᠰᠢᠮᠡᠯᠢᠭ ᠬᠥᠷᠦᠰᠤ ᠰᠢᠷᠣᠢ ᠲᠠᠢ᠂ ᠥᠷᠭᠡᠨ ᠠᠭᠤᠳᠠᠮ ᠪᠠᠯᠴᠢᠭᠡᠷ ᠲᠠᠢ ᠵᠢᠩᠬᠢᠨᠢ ᠮᠠᠯ ᠮᠠᠯᠵᠢᠯ ᠤᠨ ᠲᠡᠭᠷᠢ ᠶᠢᠨ | ᠬᠡᠰᠢᠭᠲᠦ ᠣᠷᠣᠨ ᠪᠣᠯᠬᠤᠷ ᠳᠡᠨᠳᠡᠬᠢ ᠶᠢᠨ ᠠᠵᠢᠯᠴᠢ ᠮᠠᠯᠴᠢᠳ ᠮᠠᠯ ᠢᠶᠠᠨ ᠵᠢᠯ ᠵᠢᠯ ᠬᠤᠩᠬᠤᠷ ᠢᠶᠠᠷ ᠬᠡᠮᠵᠢᠮᠡᠷ ᠪᠣᠯᠳᠠᠭ᠃ ︽ᠪᠠᠶᠠᠨ ᠪᠠᠷᠭᠤ︾ ᠠᠯᠳᠠᠷ | ᠴᠣᠯᠠ ᠶᠢ ᠨᠢ ᠡᠷᠲᠡᠨ ᠠᠴᠠ ᠣᠳᠣ ᠪᠣᠯᠲᠠᠯᠠ ᠬᠡᠨ ᠴᠤ ᠪᠤᠯᠢᠶᠠᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠭᠠᠷ ᠪᠠᠶᠢᠭᠠᠳ ᠪᠠᠷᠳᠠᠮ ᠪᠣᠯᠭᠠᠴᠢᠬᠠᠵᠠᠢ᠃ ᠶᠣᠰᠤᠲᠠᠢ ᠡᠳ᠋ | ᠠᠭᠤᠷᠠᠰᠣᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠪᠤᠶᠠᠨ ᠬᠡᠰᠢᠭ ᠬᠤᠷᠠᠭᠰᠠᠨ ᠵᠡᠭᠦᠨ ᠪᠤᠮᠪᠠ ᠶᠢᠨ ᠣᠷᠣᠨ ᠳ᠋ᠠ᠃ ᠠᠵᠦ ᠠᠬᠤᠢ ᠶᠢᠨ ᠰᠠᠭᠤᠷᠢ ᠨᠢ ᠳᠠᠪᠬᠤᠷᠭᠠᠨ ᠳᠠᠭᠠᠨ | ᠰᠤᠶᠤᠨ ᠭᠡᠷᠡᠯ ᠢᠶᠠᠷ ᠣᠶᠢᠳᠠᠭ ᠪᠠᠶᠢᠵᠠᠢ᠃ | ᠲᠡᠶᠢᠮᠦ ᠳᠡᠭᠡᠨ ᠦᠨᠳᠦᠰᠦᠲᠡᠨ ᠤᠭᠰᠠᠭᠠᠲᠠᠨ ᠳᠤ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠨᠢ ᠰᠦᠨᠡᠰᠦ᠂ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠨᠢ ᠨᠠᠷᠠ ᠪᠣᠯᠵᠦ ᠭᠡᠶᠢᠭᠦᠯᠳᠡᠭ ᠤᠨ | ᠤᠴᠢᠷ ᠤᠳᠤᠮᠲᠦ ᠪᠥᠬᠡᠴᠢᠳ᠂ ᠪᠥᠵᠢᠭᠴᠢᠳ᠂ ᠳᠠᠭᠤᠴᠢᠳ᠂ ᠲᠡᠭᠦᠨᠴᠢᠯᠡᠨ ᠠᠪᠢᠶᠠᠰ ᠪᠢᠯᠢᠭᠲᠦ ᠰᠢᠯᠦᠭᠴᠢᠳ᠂ ᠵᠣᠬᠢᠶᠠᠯᠴᠢᠳ᠂ ᠵᠢᠷᠤᠭᠴᠢᠳ᠂ ᠰᠢᠲᠠᠷᠠᠴᠢᠳ | ᠣᠭᠲᠠᠷᠭᠤᠢ ᠶᠢᠨ ᠣᠳᠣᠳ ᠰᠢᠭ᠋ ᠲᠥᠭᠡᠳᠡᠭ ᠶᠤᠮ᠃ ᠬᠦᠯᠦᠨ ᠪᠤᠶᠢᠷ ᠲᠤ ᠨᠠᠶᠢᠷ ᠨᠠᠭᠠᠳᠤᠮ ᠣᠯᠠᠨ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠠᠷᠪᠢᠨ ᠪᠠᠶᠢᠳᠠᠭ ᠠᠴᠠ ᠦᠢ | ᠣᠯᠠᠨ ᠡᠷᠳᠡᠮᠲᠡᠨ ᠴᠢᠳᠠᠪᠤᠷᠢᠲᠠᠨ ᠴᠢᠳᠠᠯᠲᠠᠨ ᠢ ᠮᠥᠴᠡᠬᠡᠷᠬᠡᠬᠦᠯᠦᠨ ᠰᠢᠯᠭᠠᠷᠠᠭᠤᠯᠵᠠᠢ᠃ | ᠨᠤᠲᠤᠭ ᠤᠰᠤᠨ ᠤ ᠪᠤᠶᠠᠨ ᠬᠡᠰᠢᠭ ᠪᠢᠵᠡ᠂ ᠬᠥᠷᠦᠩᠭᠡ ᠮᠥᠩᠭᠦ ᠨᠢ ᠬᠥᠷᠵᠡᠩᠰᠢᠵᠦ ᠵᠤᠵᠠᠭᠠᠷᠠᠬᠤ ᠲᠤᠲᠤᠮ ᠬᠥᠷᠦᠰᠦᠨ ᠠᠴᠠ ᠨᠢ ᠵᠤᠯᠭᠠᠷᠠᠰᠢ ᠦᠭᠡᠢ | ᠵᠠᠭᠤ ᠮᠢᠩᠭᠠᠨ ᠴᠡᠴᠡᠭ ᠮᠢᠷᠠᠯᠵᠠᠨ ᠲᠠᠯᠭᠡᠷᠡᠭᠡᠳ ᠣᠶᠣᠨ ᠲᠠᠮᠢᠷ ᠤᠨ ᠠᠪᠤᠷᠭᠤ ᠶᠡᠭᠡ ᠰᠦᠷ ᠬᠦᠴᠦᠨ ᠢᠶᠠᠨ ᠢᠯᠡᠷᠡᠭᠦᠯᠳᠡᠭ ᠨᠢ ᠵᠣᠷᠢᠭ ᠰᠠᠨᠠᠭᠠ ᠪᠤᠶᠤ᠃ ᠡᠨᠡ ᠪᠣᠯ | ᠰᠣᠶᠣᠯ ᠭᠡᠭᠴᠢ᠃ | ᠠᠳᠡ ᠣᠳᠣᠨ ᠤ ᠲᠣᠲᠣᠷᠠᠬᠢ ᠣᠳᠣᠨ ᠰᠣᠳᠣᠨ ᠤ ᠳᠡᠭᠡᠷᠡᠬᠢ ᠰᠣᠳᠣᠨ ᠴᠤᠭᠯᠠᠷᠠᠨᠠ᠃ ᠰᠢᠯᠢᠳᠡᠭ ᠣᠳᠣᠮᠯᠠᠯ ᠢᠶᠠᠷ ᠢᠶᠠᠨ ᠳᠠᠶᠠᠩ ᠲᠥᠮᠡᠨ ᠳᠤ | ᠠᠯᠳᠠᠷᠰᠢᠭᠰᠠᠨ ᠪᠥᠬᠡᠴᠤᠳ ᠢᠶᠠᠨ ᠲᠦᠢᠮᠤᠴᠢᠯᠠᠨ ᠢᠰᠢᠭᠡᠨ ᠪᠥᠬᠡ ᠠᠴᠠ ᠡᠬᠢᠯᠡᠨ ᠲᠣᠭᠠᠯᠠᠬᠤ ᠳᠤ ᠴᠤ ᠵᠠᠭᠤ ᠰᠢᠬᠠᠮ ᠪᠣᠢ᠃ ᠲᠡᠳᠡᠨ ᠲᠠᠢ ᠠᠴᠢ ᠲᠠᠴᠢ | ᠭᠢᠯᠠᠯᠵᠠᠭᠰᠠᠨ ᠣᠶᠤᠨ ᠪᠢᠯᠢᠭ ᠤᠨ ᠠᠪᠤᠷᠭᠤ ᠬᠦᠴᠦᠲᠠᠨ — ᠪᠢᠴᠢᠭ ᠪᠢᠯᠢᠭ ᠤᠨ ᠡᠷᠳᠡᠮᠲᠡᠨ ᠮᠡᠷᠭᠡᠳ᠂ ᠤᠳᠬᠠ ᠤᠷᠠᠯᠢᠭᠴᠢᠳ ᠴᠤ ᠬᠦᠢᠯᠡᠨ ᠮᠡᠨᠳᠦᠯᠡᠭᠰᠡᠭᠡᠷ | ᠪᠣᠢ᠃ ᠨᠢᠭᠡᠨ ᠦᠶᠡ ᠶᠢ ᠡᠵᠡᠯᠡᠭᠰᠡᠨ ᠬᠡᠯᠡ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠡᠷᠳᠡᠮᠲᠡᠤᠨ ᠰᠢ᠊ · ᠳᠠᠯᠠᠨᠲᠠᠢ᠂ ᠼ᠊ · ᠨᠣᠷᠵᠢᠨ᠂ ᠳᠠᠸᠠᠳᠠᠭᠸᠠ ᠨᠠᠷ ᠲᠤᠶᠠᠭᠠᠯᠠᠭᠠᠳ | ᠥᠩᠭᠡᠷᠡᠭᠰᠡᠨ ᠴᠤ ᠭᠣ · ᠪᠠᠯᠠᠯᠲᠠ ᠨᠠᠷ ᠡᠩᠬᠡ ᠮᠡᠨᠳᠦ ᠡᠩᠨᠡᠭᠡ ᠪᠠᠬᠢᠯᠡᠯᠲᠡ ᠪᠠᠨ ᠪᠠᠲᠤᠯᠠᠨ ᠰᠠᠬᠢᠭᠰᠠᠭᠠᠷ ᠪᠣᠢ᠃ ᠲᠡᠦᠬᠡ ᠰᠤᠳᠤᠯᠤᠬᠴᠢ ᠲᠡᠮᠦᠷ ᠤᠨ | ᠨᠠᠮᠵᠢᠯᠰᠦ᠋ᠷᠦᠩ ᠨᠠᠷ ᠦᠢᠯᠡᠰ ᠤᠨ ᠲᠤᠭ ᠢᠶᠠᠨ ᠦᠷᠭᠦᠯᠵᠢᠯᠡᠨ ᠥᠨᠳᠥᠷ ᠡᠷᠭᠦᠭᠰᠡᠭᠡᠷ ᠪᠠᠶᠢᠨᠠ᠃ ᠤᠳᠬᠠ ᠵᠣᠬᠢᠶᠠᠯᠴᠢᠳ ᠤᠨ ᠡᠩᠨᠡᠭᠡᠨ ᠤ ᠬᠢᠨᠢ ᠲᠠᠶᠢᠰᠠᠨ ᠤ | ᠬᠥᠰᠢᠭᠡ ᠶᠢ ᠰᠡᠬᠦᠪᠡᠯ ᠭᠤᠷᠪᠠᠨ ᠦᠶᠠ ᠶᠢᠨ ᠬᠤᠰᠢᠭᠤᠴᠢᠳ ᠠᠴᠠ ᠱᠠ᠊ · ᠳᠣᠷᠵᠢ᠂ ᠮ᠊ · ᠴᠧᠪᠡᠯᠮᠠ᠂ ᠹ᠊ · ᠴᠢᠮᠡᠭ᠂ ᠴᠣ · ᠳᠤᠭᠠᠷᠵᠠᠪ᠂ ᠴ᠊ · ᠮᠥᠩᠬᠡᠰᠦ᠋ᠷᠦᠩ᠂ | ᠭᠠ᠊ · ᠰᠢᠷᠠᠬᠦᠦ᠂ ᠨᠠ᠊ · ᠰᠧᠮᠵᠢᠳ᠂ ᠪᠤ · ᠪᠦᠷᠢᠨ᠂ ᠪᠢ᠊ · ᠳᠠᠮᠳᠢᠨᠰᠦ᠋ᠷᠦᠩ᠂ ᠨᠠ᠊ · ᠲᠤᠯᠭᠠᠷ᠂ ᠮ᠊ · ᠣᠶᠤᠩᠭᠤᠸᠠ᠂ ᠰ᠊ · ᠥᠯᠵᠡᠶᠢᠵᠢᠷᠭᠠᠯ᠂ ᠰᠢᠷᠡᠶᠢᠳ | ᠳᠦᠭᠦᠷᠡᠩᠵᠢᠷᠭᠠᠯ᠂ ᠤ · ᠸᠴᠢᠷᠪᠠᠨᠢ᠂ ᠨᠣᠮᠢᠨ ᠨᠠᠷ ᠨᠤᠲᠤᠭ ᠤᠰᠤᠨ ᠤ ᠰᠦᠷ ᠰᠦᠯᠲᠡ ᠬᠡᠶᠢᠮᠤᠷᠢ ᠪᠣᠯᠣᠨ ᠮᠠᠨᠳᠤᠵᠦ ᠪᠠᠶᠢᠨᠠᠮ᠃ ᠬᠦᠯᠦᠨ ᠪᠤᠶᠢᠷ ᠤᠷᠠᠨ | ᠵᠣᠬᠢᠶᠠᠯ ᠤᠨ ᠠᠩᠬᠠᠨ ᠤ ᠴᠣᠭᠴᠠᠯᠠᠯᠲᠠ ᠳᠤ ᠶᠡᠬᠡᠬᠡᠨ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠦᠭᠡᠳ ᠰᠣᠯᠢᠷᠰᠢᠨ ᠣᠳᠴᠤ ᠠᠯᠲᠠᠨ ᠬᠠᠭᠤᠳᠠᠰᠤᠨᠠ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠤ · | ᠳᠣᠭᠠᠷᠰᠦ᠋ᠷᠤᠩ᠂ ᠳ᠋ᠠᠭᠠᠱᠠ᠂ ᠪᠦ᠊ · ᠳᠣᠩᠶᠣᠳᠳᠣᠷᠵᠢ᠂ ᠤ · ᠳ᠋ᠠᠮᠪᠠᠷᠢᠨᠴᠢᠨ᠂ ᠪᠷᠠᠬᠠᠰᠪᠠᠳᠢ᠂ ᠴᠣ · ᠣᠷᠱᠤᠨ᠂ ᠠ᠊ · ᠪᠠᠲᠤᠮᠦ᠋ᠩᠬᠡ᠂ ᠨᠠ᠊ · ᠳ᠋ᠠᠰᠢᠨᠢᠮᠠ᠂ ᠶᠠ᠊ · | ᠠᠳᠢᠶᠠ᠂ ᠳ᠋ᠣ · ᠴᠢᠯᠠᠭᠤᠨ᠂ ᠪᠢ᠊ · ᠽᠧᠪᠡᠭ ᠢᠶᠠᠨ ᠦᠭᠡᠶᠢᠯᠡᠨ ᠳᠤᠷᠠᠳᠬᠠᠨᠠᠮ᠃ | ︽ᠬᠦᠯᠦᠨ ᠪᠤᠶᠢᠷ︾ ᠰᠡᠳᠭᠦᠯ ᠮᠡᠠᠳᠦᠯᠡᠭᠡᠳ 40 ᠵᠢᠯ ᠤᠨ ᠲᠤᠷᠰᠢ ᠥᠪ ᠰᠣᠶᠣᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠵᠦ ᠤᠯᠠᠮᠵᠢᠯᠠᠯ ᠰᠢᠨᠡᠴᠢᠯᠡᠯ ᠢ ᠤᠷᠭᠠᠨᠢᠭ ᠢᠶᠠᠷ | ᠤᠶᠠᠯᠳᠤᠭᠤᠯᠤᠨ ᠬᠥᠭᠵᠢᠭᠦᠯᠵᠦ ᠣᠷᠣᠨ ᠨᠤᠲᠤᠭ ᠤᠨ ᠣᠨᠴᠠᠯᠢᠭ ᠢᠶᠠᠨ ᠲᠡᠭᠦᠰ ᠪᠠᠳᠠᠷᠠᠭᠠᠨ ᠴᠠᠭ ᠦᠶᠡ ᠶᠢᠨ ᠰᠢᠨᠡ ᠰᠣᠷᠭᠤᠭ ᠥᠪᠡᠷᠮᠢᠴᠡ ᠥᠩᠭᠡ ᠶᠢᠨ | ᠤᠷᠠᠯᠢᠭ ᠤᠨ ᠭᠤᠸᠠ ᠴᠡᠴᠡᠭ ᠢ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠶᠤᠮ᠃ | ︽ᠬᠦᠯᠦᠨ ᠪᠤᠶᠢᠷ︾ ᠰᠡᠳᠬᠦᠯ ᠥᠪᠡᠷ ᠤᠨ ᠣᠨᠴᠠᠭᠠᠢ ᠪᠠᠶᠢᠷᠢ ᠰᠠᠭᠤᠷᠢ᠂ ᠬᠦᠮᠦᠨ ᠪᠠᠶᠢᠭᠠᠯᠢ ᠶᠢᠨ ᠳᠠᠪᠠᠭᠤᠯᠢᠭ ᠨᠥᠬᠦᠴᠡᠯ ᠢᠶᠠᠨ ᠠᠰᠢᠭᠯᠠᠵᠦ᠂ | ᠰᠡᠳᠬᠦᠯ ᠤᠨ ᠨᠢᠭᠤᠷ ᠤᠨ ᠵᠢᠷᠤᠭ ᠠᠴᠠ ᠳᠣᠲᠣᠷᠠᠬᠢ ᠦᠰᠦᠭ ᠤᠨ ᠠᠭᠤᠯᠭᠠ ᠳᠤ ᠬᠦᠷᠲᠡᠯᠡ ᠪᠦᠷ ᠡᠨᠡ ᠨᠤᠲᠤᠭ ᠤᠨ ᠦᠵᠡᠮᠵᠢ ᠶᠢᠨ ᠳᠣᠲᠣᠭᠠᠳᠦ ᠭᠠᠳᠠᠭᠠᠳᠦ | ᠳᠦᠷᠢ ᠶᠢᠨ ᠤᠷᠠᠨ ᠰᠠᠶᠢᠬᠠᠨ ᠢᠶᠠᠨ ᠳᠡᠯᠡᠬᠡᠢ ᠳᠤ ᠬᠠᠨᠳᠢᠪᠯᠠᠭᠰᠠᠭᠠᠷ ᠪᠠᠶᠢᠨᠠᠮ᠃ ᠣᠷᠣᠨ ᠨᠤᠲᠤᠭ ᠤᠨ ᠥᠪᠡᠷᠮᠢᠴᠡ ᠭᠤᠪᠠᠢ ᠪᠠᠷ ᠢᠶᠠᠨ ᠨᠡᠷᠡ ᠶᠢᠨ ᠬᠠᠭᠤᠳᠠᠰᠤ | ᠪᠣᠯᠭᠠᠭᠰᠠᠨ ᠢᠶᠠᠷ ᠢᠶᠠᠨ ᠣᠨᠴᠠᠯᠢᠭᠳᠠᠨᠠ᠃ ᠡᠨᠡ ᠪᠣᠯ ᠬᠡᠳᠦᠨ ᠦᠶᠡ ᠶᠢᠨ ᠴᠡᠴᠡᠷᠯᠢᠭᠴᠢᠳ ᠤᠨ ᠡᠭᠦᠰᠭᠡᠨ ᠡᠬᠢᠯᠡᠭᠦᠯᠦᠭᠰᠡᠨ ᠨᠠᠨᠳᠢᠨ ᠲᠤᠷᠰᠢᠯᠭᠠ ᠰᠧᠶ᠋ᠢᠩᠭᠤᠶᠢᠷᠤᠪ | ᠭᠤᠸᠠᠢ ᠳᠡᠭᠡᠷᠠ ᠢᠷᠡᠭᠡᠳ ᠬᠦᠭᠵᠢᠨ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠭᠠ ᠦᠵᠡᠮᠵᠢ ᠪᠣᠯᠣᠨᠠ᠃ ᠲᠡᠳᠡ ᠬᠦᠮᠦᠨ ᠢ ᠬᠡᠲᠦ ᠰᠡᠭᠦᠯᠳᠡᠨ ᠳᠠᠭᠠᠵᠦ ᠭᠠᠵᠠᠷᠳᠠᠭᠠ ᠦᠭᠡᠢ᠂ ᠬᠡᠷᠢᠶᠡ | ᠰᠢᠭ ᠭᠠᠯᠠᠭᠤ ᠶᠢ ᠳᠠᠭᠤᠷᠢᠶᠠᠵᠦ ᠬᠥᠯ ᠢᠶᠠᠨ ᠬᠥᠯᠳᠡᠭᠡᠭᠡ ᠦᠭᠡᠢ᠃ ᠤᠭ ᠵᠣᠷᠢᠯᠲᠠ ᠪᠠᠨ ᠤᠮᠠᠷᠲᠠᠭᠠ ᠦᠭᠡᠢ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠪᠡᠶᠡᠯᠡᠭᠦᠯᠦᠭᠰᠡᠭᠡᠷ | ᠪᠠᠶᠢᠨᠠ᠂ ᠰᠢᠨᠡᠴᠢᠯᠡᠯ ᠢᠶᠠᠨ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠨ ᠤᠷᠭᠠᠨᠢᠭ ᠢᠶᠠᠷ ᠤᠶᠠᠯᠳᠤᠭᠤᠯᠵᠦ᠂ ᠨᠤᠲᠤᠭ ᠤᠰᠤᠨ ᠤ ᠨᠢᠪᠲᠠᠭ ᠰᠢᠪᠲᠠᠭ ᠬᠦᠮᠦᠨ ᠠᠷᠠᠳ ᠤᠨ ᠢᠶᠠᠨ ᠵᠠᠩ | ᠠᠭᠠᠯᠢ ᠣᠷᠣᠰᠢᠯ ᠲᠣᠭᠲᠠᠨᠢᠯ ᠢ ᠬᠠᠯᠠᠮᠵᠢᠯᠠᠨ ᠬᠠᠷᠠᠭᠠᠯᠵᠠᠵᠦ᠂ ᠪᠣᠷᠣᠭᠵᠢᠭᠤᠨ ᠢᠳᠡᠷᠬᠡᠭ ᠬᠡᠪ ᠨᠠᠮᠪᠠ ᠲᠠᠢ ᠮᠣᠩᠭᠤᠯ ᠢᠶᠠᠨ ᠮᠣᠩᠭᠤᠯ ᠢᠶᠠᠷ ᠢᠶᠠᠨ᠂ ᠥᠭᠡᠷᠡ ᠪᠠᠷ | ᠬᠡᠯᠡᠪᠡᠯ ︽ᠬᠦᠯᠦᠨ ᠪᠤᠶᠢᠷ︾ ᠢᠶᠠᠷ ᠢᠶᠠᠨ ᠠᠪᠴᠤ ᠶᠠᠪᠤᠨᠠᠮ᠃ | |