ᠮᠢᠨᠤ ᠨᠠᠭᠠᠴᠤ ᠡᠮᠡᠭᠡ ᠶᠢᠰᠦᠨ ᠵᠣᠭᠤᠰ ᠢᠶᠠᠷ ᠲᠥᠯᠭᠡ ᠦᠵᠡᠳᠡᠭ ᠢᠶᠠᠷ ᠢᠶᠠᠨ ᠬᠤᠯᠠ ᠣᠶᠢᠷᠠ ᠳᠠᠭᠠᠨ ᠠᠯᠳᠠᠷᠲᠠᠢ᠃ ᠡᠨᠡ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠤᠭᠰᠠᠨ | ᠶᠤᠮ ᠤᠤ ᠡᠰᠡᠬᠦᠯᠡ ᠨᠠᠭᠠᠴᠤ ᠡᠮᠡᠭᠡ ᠮᠢᠨᠢ ᠲᠡᠭᠷᠢ ᠠᠭᠠᠷ᠂ ᠭᠠᠵᠠᠷ ᠯᠤᠤᠰ ᠲᠠᠢ ᠭᠡᠯᠡ ᠤᠯᠠ ᠪᠠᠨ ᠣᠯᠣᠯᠴᠠᠳᠠᠭ ᠪᠠᠶᠢᠭᠰᠠᠨ ᠴᠤ ᠶᠤᠮ ᠤᠤ᠂ ᠪᠤᠣ ᠮᠡᠳᠡ᠃ ᠲᠡᠷᠡ | ᠵᠣᠨ ᠨᠠᠭᠠᠴᠤ ᠡᠮᠡᠭᠡ ᠮᠢᠨᠢ ᠨᠠᠮᠠᠶᠢ ᠳᠠᠭᠠᠭᠤᠯᠤᠨ ᠲᠡᠷᠲᠡᠭᠡ ᠬᠠᠷᠠᠭᠳᠠᠬᠤ ᠥᠨᠳᠥᠷ ᠠᠴᠠ ᠥᠨᠳᠥᠷ᠂ ᠨᠣᠭᠤᠭᠠᠨ ᠠᠴᠠ ᠨᠣᠭᠤᠭᠠᠨ ᠳᠣᠪᠣᠴᠠᠭ ᠭᠡᠮᠡᠷ ᠪᠦᠳᠦᠭᠦᠨ | ᠲᠣᠮᠣ ᠪᠥᠭᠡᠷᠡᠭ ᠪᠠᠷᠠᠳᠠᠨ ᠨᠡᠭᠦᠵᠦ ᠣᠴᠢᠭᠠᠳ ᠨᠤᠲᠤᠭᠰᠢᠭᠰᠠᠨ ᠶᠤᠮ᠃ ᠳᠡᠭᠡᠭᠡᠳ ᠪᠢᠳᠡᠨ ᠤ︽ᠰᠠᠬᠢᠭᠴᠢ︾ ᠬᠡᠮᠡᠨ ᠰᠦᠰᠦᠭᠯᠡᠨ ᠨᠡᠷᠡᠯᠡᠳᠡᠭ ᠲᠡᠷᠡ ᠲᠣᠮᠣ | ᠪᠥᠭᠡᠷᠡᠭ ᠤᠨ ᠨᠥᠮᠥᠷᠢ ᠨᠥᠭᠡᠯᠭᠡ ᠲᠠᠢ ᠭᠠᠵᠠᠷ ᠲᠤ ᠢᠳᠡᠭᠡᠰᠢᠨ ᠳᠠᠰᠴᠤ ᠴᠢᠨᠠᠭᠰᠢᠯᠠᠭᠠᠳ ᠨᠤᠲᠤᠭ ᠤᠰᠤᠨ ᠤ ᠪᠠᠨ ᠲᠡᠷᠡᠬᠡᠨ ᠬᠡᠰᠡᠭ ᠠᠴᠠ ᠰᠠᠯᠵᠤ ᠶᠠᠳᠠᠮᠠ | ᠰᠣᠨᠢᠬᠠᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠣᠯᠤᠭᠰᠠᠨ ᠪᠢᠯᠡ᠃ | ᠲᠡᠷᠡ ᠣᠨᠴᠠᠭᠠᠢ ᠤᠷᠭᠤᠭᠰᠠᠨ ᠪᠥᠭᠡᠷᠡᠭ ᠪᠤᠲᠠ ᠴᠣᠬᠤᠮ ᠠᠯᠢ ᠦᠶᠡ ᠠᠴᠠ ᠡᠨᠡ ᠭᠠᠵᠠᠷ ᠤᠷᠭᠤᠵᠤ ᠲᠥᠯᠵᠢᠵᠦ ᠢᠩᠭᠢᠵᠦ ᠲᠣᠮᠣ ᠪᠣᠯᠤᠭᠰᠠᠨ ᠢ | ᠮᠡᠳᠡᠳᠡᠭ ᠬᠥᠮᠥᠨ ᠠᠯᠠᠭᠠ᠃ ᠨᠤᠲᠤᠭ ᠤᠨ ᠬᠢᠨ ᠪᠦᠷ ︽ᠰᠠᠬᠢᠭᠴᠢ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠲᠡᠷᠡ ᠪᠣᠯ ᠡᠪ ᠡᠩ ᠤᠨ ᠨᠢᠭᠡᠨ ᠪᠦᠳᠦᠭᠦᠨ ᠨᠠᠪᠴᠢᠯᠢᠭ ᠤᠷᠭᠤᠮᠠᠯ ᠶᠤᠮ᠃ | ᠭᠡᠬᠦ ᠳᠡᠭᠡᠨ ᠲᠡᠷᠡ ᠠᠭᠤᠯᠠ ᠰᠢᠭ᠋ ᠪᠥᠬᠡᠵᠢᠵᠦ᠂ ᠡᠭᠦᠯᠡ ᠰᠢᠭ ᠰᠠᠯᠠᠭᠠᠯᠠᠵᠤ ᠰᠠᠭᠰᠠᠶᠢᠭᠰᠠᠭᠠᠷ ᠣᠳᠣ ᠪᠣᠯᠵᠠᠢ᠃ ᠰᠠᠬᠢᠭᠴᠢ ᠳᠤ ᠲᠣᠣᠷᠠᠢ ᠰᠢᠭ᠋ ︽ᠤᠷᠭᠤᠭᠠᠳ | ᠮᠢᠩᠭᠠᠨ ᠵᠢᠯ᠂ ᠤᠨᠠᠭᠠᠳ ᠮᠢᠩᠭᠠᠨ ᠵᠢᠯ᠂ ᠥᠭᠢᠷᠡᠭᠡᠳ ᠮᠢᠩᠭᠠᠨ ᠵᠢᠯ︾ ᠤᠨ ᠮᠥᠩᠬᠡ ᠶᠢᠨ ᠤᠪᠠᠳᠢᠰ ᠪᠠᠶᠢᠬᠤ ᠦᠭᠡᠢ ᠴᠦ ᠭᠦᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠭᠤᠪᠢ | ᠨᠤᠲᠤᠭ ᠲᠤ ᠬᠠᠷᠠᠭᠠ ᠲᠣᠷᠬᠤ ᠪᠤᠲᠠ ᠪᠤᠷᠭᠠᠰᠤ ᠦᠭᠡᠢ ᠠᠭᠤᠳᠠᠮ ᠵᠠᠢ ᠳᠤ ᠣᠨᠳᠣᠣ ᠭᠠᠵᠠᠷ ᠠᠴᠠ ᠣᠯᠵᠤ ᠬᠠᠷᠠᠮᠠ ᠦᠭᠡᠢ ᠥᠪᠡᠷᠮᠢᠴᠡ ᠦᠵᠡᠮᠵᠢ᠂ ᠣᠨᠴᠠᠯᠢᠭ | ᠴᠢᠨᠠᠷ ᠲᠡᠭᠦᠨ ᠳᠤ ᠪᠦᠷᠢᠨ ᠭᠦᠢᠴᠡᠳ ᠪᠤᠢ ᠭᠡᠵᠦ ᠪᠢ ᠣᠮᠤᠭ ᠪᠠᠷᠳᠠᠮ ᠪᠤᠳᠤᠳᠠᠭ᠃ | ᠪᠠᠭᠠ ᠨᠠᠰᠤᠨ ᠤ ᠨᠢᠴᠦᠭᠦᠨ ᠬᠥᠯ ᠤᠨ ᠢᠶᠠᠨ ᠮᠥᠷ ᠢ ᠦᠯᠡᠳᠡᠭᠡᠵᠦ ᠲᠠᠮᠠᠭᠠᠯᠠᠭᠰᠠᠨ ᠲᠡᠷᠡ ᠦᠶᠡ ᠶᠢᠨ ᠰᠠᠬᠢᠭᠴᠢ ᠶᠢ ᠪᠠᠶᠢᠭᠠᠯᠢ ᠶᠢᠨ ᠴᠡᠴᠡᠷᠯᠢᠭ ᠭᠡᠮᠡᠷ᠃ | ᠳᠥᠷᠪᠡᠨ ᠤᠯᠠᠷᠢᠯ ᠤᠨ ᠲᠤᠷᠰᠢ ᠰᠢᠷᠦᠭᠦᠨ ᠰᠢᠭᠤᠷᠭᠠ ᠱᠤᠤᠭᠢᠨ ᠬᠤᠤᠭᠢᠬᠤ ᠰᠠᠯᠬᠢ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠠᠴᠠ ᠥᠨᠥᠴᠢᠨ ᠡᠪᠡᠰᠦᠨ ᠤ ᠦᠨᠳᠦᠰᠦ ᠶᠢ | ᠭᠦᠷᠲᠡᠯᠡ ᠦᠯᠡᠳᠡᠭᠡᠯ ᠦᠭᠡᠢ ᠬᠡᠶᠢᠰᠬᠡᠨ ᠣᠲᠣᠭᠰᠠᠨ ᠴᠤ ᠰᠠᠬᠢᠭᠴᠢ ᠡᠬᠡ ᠭᠠᠵᠠᠷ ᠤᠨ ᠢᠶᠠᠨ ᠵᠢᠷᠦᠬᠡᠨ ᠠᠴᠠ ᠭᠠᠩ ᠬᠤᠯᠪᠣᠭᠠᠲᠠᠢ ᠶᠤᠮᠰᠢᠭ ᠬᠡᠨᠡᠭ ᠴᠤ ᠦᠭᠡᠢ | ᠰᠦᠭᠯᠡᠶᠢᠭᠰᠡᠭᠡᠷ ᠪᠠᠶᠢᠳᠠᠭ᠃ ᠶᠡᠭᠡ ᠭᠤᠪᠢ ᠶᠢᠨ ᠭᠠᠩ ᠬᠠᠭᠰᠠᠷᠠᠭᠠᠨ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷᠲᠠᠢ ᠲᠤᠶᠢᠯ ᠤᠨ ᠬᠡᠴᠡᠭᠦᠦ ᠪᠠᠶᠢᠳᠠᠭ ᠴᠤ ᠰᠠᠬᠢᠭᠴᠢ ᠲᠣᠯᠣᠭᠠᠢ | ᠬᠠᠯᠵᠠᠶᠢᠵᠥ ᠨᠢᠷᠤᠭᠤ ᠪᠥᠬᠦᠶᠢᠵᠦ ᠦᠵᠡᠭᠡ ᠦᠭᠡᠢ᠃ | ᠲᠡᠷᠡ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠡᠯᠢᠭᠡᠨ ᠳᠤ ᠭᠦᠨ ᠦᠨᠳᠦᠰᠦᠯᠡᠵᠦ᠂ ᠡᠭᠡᠷᠡᠮᠡ ᠲᠠᠴᠢᠷ ᠴᠦ ᠭᠡᠰᠡᠨ ᠡᠩᠬᠦᠷᠡᠶᠢᠬᠡᠨ ᠨᠤᠲᠤᠭ ᠲᠠᠭᠠᠨ ᠮᠥᠩᠬᠡ ᠬᠤᠷᠭᠤᠳᠠᠵᠤ ᠰᠠᠬᠢᠨ | ᠰᠠᠭᠤᠬᠤ ᠲᠠᠷᠬᠠᠨ ᠡᠭᠦᠷᠭᠡ ᠶᠢ ᠡᠷᠡᠰ ᠰᠢᠭᠤᠷᠬᠠᠢ ᠭᠥᠯᠢᠶᠡᠨ ᠠᠪᠤᠭᠰᠠᠨ ᠶᠣᠰᠣᠲᠠᠢ ᠨᠡᠷᠡ ᠨᠢᠳᠡᠷ ᠲᠡᠭᠡᠨ ᠨᠡᠶᠢᠴᠡᠭᠰᠡᠨ ︽ᠰᠠᠬᠢᠭᠴᠢ︾ ᠶᠤᠮ ᠳ᠋ᠠ᠃ ᠲᠡᠭᠦᠨ ᠤ ᠣᠷᠣᠢ | ᠳᠡᠭᠡᠷᠡ ᠠᠴᠠ ᠥᠯᠥᠭᠡᠢ ᠨᠤᠲᠤᠭ ᠤᠨ ᠪᠦᠭᠦ ᠦᠵᠡᠮᠵᠢ ᠶᠢ ᠬᠠᠷᠠᠭᠠ ᠳᠦᠭᠦᠷᠡᠩ ᠪᠠᠷᠠᠯᠠᠵᠤ ᠪᠤᠯᠳᠠᠭ᠃ | ᠴᠠᠰᠤ ᠮᠥᠰᠥ ᠭᠤᠤ ᠵᠢᠯᠠᠭᠠ ᠶᠢ ᠳᠦᠭᠦᠷᠭᠡᠨ ᠬᠤᠩᠭᠠᠷᠯᠠᠭᠰᠠᠨ ᠴᠦ ᠰᠠᠬᠢᠭᠴᠢ ᠶᠢᠨ ᠡᠩᠭᠡᠷ ᠲᠠᠬᠢ ᠴᠠᠰᠤ ᠬᠠᠷᠢᠨ ᠬᠡᠳᠦᠶᠢᠨᠡᠢ ᠬᠠᠶᠢᠯᠴᠢᠬᠠᠭᠰᠠᠨ | ︽ᠠᠳᠡ ᠴᠠᠰᠤ ᠣᠷᠣᠭᠰᠠᠨ︾ ᠭᠡᠵᠦ ᠬᠡᠯᠡᠬᠦ ᠳᠤ ᠢᠲᠡᠭᠡᠮᠡᠷ ᠦᠭᠡᠢ ᠳᠤᠯᠠᠭᠠᠬᠠᠨ ᠪᠠᠶᠢᠳᠠᠭ᠃ ᠭᠤᠨᠠᠨ ᠦᠬᠡᠷ ᠤᠨ ᠡᠪᠡᠷ ᠬᠠᠭᠠ ᠬᠥᠯᠳᠡᠮᠡ ᠭᠤᠷᠪᠠ ᠶᠢᠰᠦ ᠶᠢᠨ | ᠬᠦᠢᠲᠡᠨ ᠳᠤ ᠴᠦ ᠰᠠᠬᠢᠭᠴᠢ ᠶᠢᠨ ᠨᠥᠮᠥᠷᠢ ᠳᠤ ᠰᠠᠶ᠋ᠢᠬᠠᠨ ᠭᠠᠷᠤᠭᠰᠠᠨ ᠬᠤᠷᠠᠭᠠ ᠢᠰᠢᠭᠡ ᠠᠯᠢ ᠬᠡᠳᠦᠶᠢᠨ ᠰᠦ ᠪᠠᠨ ᠬᠥᠬᠦᠭᠡᠳ ᠴᠠᠳᠴᠢᠬᠠᠭᠰᠠᠨ ᠡᠬᠡ ᠪᠠᠨ | ᠳᠠᠭᠠᠭᠠᠳ ᠳᠡᠭᠳᠡᠵᠦ ᠪᠠᠶᠢᠳᠠᠭ ᠰᠠᠨ᠃ ᠭᠠᠩ ᠲᠠᠢ ᠵᠢᠯ ᠤᠳ ᠲᠤ ᠰᠠᠬᠢᠭᠴᠢ ᠶᠢᠨ ᠡᠪᠦᠷ ᠲᠤ ᠵᠢᠯ ᠢᠶᠠᠷ ᠢᠳᠡᠵᠦ ᠪᠤᠯᠳᠠᠭ ᠡᠪᠡᠰᠦᠨ ᠤ ᠨᠠᠮᠠᠭᠠ ᠬᠤᠷᠠᠨ ᠴᠤᠭᠯᠠᠷᠠᠵᠤ | ᠮᠠᠯ ᠰᠦᠷᠦᠭ ᠭᠡᠳᠡᠰᠦ ᠠᠯᠳᠠᠳᠠᠭ ᠦᠭᠡᠢ ᠪᠢᠯᠡ᠃ | ᠰᠠᠬᠢᠭᠴᠢ ᠶᠢᠨ ᠣᠬᠴᠢᠨ ᠳᠤ ᠬᠡᠴᠢᠨᠡᠭᠡᠨ ᠡᠳᠦᠷ ᠢᠶᠠᠷ ᠬᠠᠶᠢᠯᠭᠠᠵᠤ ᠤᠤᠭᠤᠬᠤ ᠪᠠᠷ ᠴᠠᠰᠤ ᠬᠤᠶᠢᠯᠠᠷᠠᠨ ᠬᠤᠷᠠᠳᠠᠭ᠃ ᠠᠮᠠᠨ ᠤᠰᠤᠨ ᠠᠴᠠ ᠨᠡᠯᠢᠶᠡᠳ | ᠬᠤᠯᠠ ᠨᠤᠲᠤᠭᠰᠢᠭᠰᠠᠨ ᠨᠠᠭᠠᠴᠤ ᠡᠮᠡᠭᠡ ᠮᠢᠨᠢ ᠡᠨᠡ ᠴᠠᠰᠤ ᠪᠠᠷ ᠴᠠᠢ ᠬᠤᠭᠤᠯᠠ ᠪᠠᠨ ᠵᠠᠯᠭᠠᠭᠤᠯᠵᠤ ᠣᠯᠠᠨ ᠡᠳᠦᠷ ᠢ ᠠᠷᠤ ᠳᠠᠭᠠᠨ ᠣᠷᠭᠢᠳᠠᠭ ᠪᠢᠯᠡ᠃ | ᠰᠠᠬᠢᠭᠴᠢ ᠶᠢᠨ ᠤᠯᠠᠭᠠᠨ ᠭᠤᠶᠣᠣ ᠶᠢᠨ ᠭᠠᠷᠤᠯᠲᠠ ᠨᠢ ᠮᠠᠨ ᠤ ᠬᠢᠨ ᠤ ᠵᠢᠯ ᠪᠦᠷᠢ ᠶᠢᠨ ᠭᠠᠳᠠᠭᠤᠷ ᠣᠷᠤᠯᠭᠠ ᠶᠢᠨ ᠨᠥᠬᠦᠪᠦᠷᠢ ᠪᠤᠯᠳᠠᠭ᠃ ᠰᠠᠬᠢᠭᠴᠢ ᠵᠣᠨ ᠤ | ᠰᠡᠭᠦᠯᠴᠢ ᠪᠣᠯᠪᠠᠯ ᠢᠳᠡᠭᠡᠳ ᠪᠠᠷᠠᠰᠢ ᠦᠭᠡᠢ ᠨᠤᠲᠤᠭ ᠤᠨ ᠵᠢᠮᠢᠰ ᠪᠤᠯᠬᠤ ᠬᠠᠷᠮᠠᠭ ᠰᠠᠭᠤᠳᠠᠭ᠃ ᠪᠢ ᠲᠡᠭᠦᠨ ᠢ ᠨᠢ ᠱᠠᠩᠳᠠᠭᠤᠷᠠᠲᠠᠯᠠ ᠪᠠᠨ ᠢᠳᠡᠵᠦ᠂ ︽ᠨᠢᠷᠤᠭᠤᠨ︾ | ᠳᠡᠭᠡᠷᠡ ᠨᠢ ᠲᠣᠭᠯᠠᠨ ᠥᠰᠦᠭᠰᠡᠨ ᠶᠤᠮ᠃ ᠲᠡᠭᠦᠨ ᠢᠶᠠᠷ ᠲᠦᠰᠢᠭ ᠬᠠᠨᠢ ᠲᠠᠲᠠᠵᠤ ᠣᠷᠣᠢ ᠳᠤᠨᠢ ᠭᠠᠷᠤᠭᠠᠳ ᠠᠯᠤᠰ ᠤᠨ ᠪᠠᠷᠠ ᠶᠢ ᠤᠳᠠᠲᠠᠯᠠ ᠰᠠᠷᠠᠪᠴᠢᠯᠠᠳᠠᠭ | ᠨᠠᠭᠠᠴᠤ ᠡᠮᠡᠭᠡ ᠮᠢᠨᠢ ᠠᠯᠢ ᠡᠷᠲᠡ ᠪᠤᠷᠬᠠᠨ ᠪᠣᠯᠤᠭᠰᠠᠨ ᠡᠵᠢ ᠪᠠᠨ ᠣᠯᠣᠭᠠᠳ ᠬᠠᠷᠠᠭᠰᠠᠨ ᠰᠢᠭ᠋ ᠤᠶᠠᠷᠠᠨ ᠬᠠᠶᠢᠯᠵᠤ᠂ ᠳᠡᠩᠳᠡᠭᠦᠦ ᠵᠠᠯᠠᠭᠤ ᠪᠠᠷ ᠢᠶᠠᠨ | ᠬᠤᠷᠸᠠ ᠠᠴᠠ ᠬᠠᠯᠢᠭᠰᠠᠨ ᠭᠠᠭᠴᠠᠬᠠᠨ ᠥᠬᠢᠨ ᠢᠶᠠᠨ ᠪᠤᠳᠣᠨ ᠭᠠᠰᠢᠭᠤᠳᠠᠨ ᠤᠬᠢᠯᠠᠵᠤ᠂ ᠦᠯᠡᠳᠡᠵᠦ ᠬᠤᠴᠣᠷᠤᠭᠰᠠᠨ ᠦᠷᠡ ᠰᠠᠳᠤᠨ ᠤ ᠪᠠᠨ ᠭᠡᠭᠡᠨ ᠰᠠᠶᠢᠬᠠᠨ ᠢ | ᠤᠷᠢᠳᠴᠢᠯᠠᠨ ᠬᠠᠷᠠᠵᠤ᠂ ᠲᠡᠭᠦᠪᠡᠷ ᠢᠶᠠᠨ ᠲᠦᠷ ᠴᠦ ᠭᠡᠰᠡᠨ ᠪᠠᠶᠠᠰᠤᠯ ᠲᠠᠶᠢᠳᠬᠤᠷᠠᠯ ᠣᠯᠳᠠᠭ ᠪᠠᠶᠢᠭᠰᠠᠨ ᠪᠣᠯᠪᠠ ᠦᠦ ᠳ᠋ᠠ᠃ ᠬᠤᠯᠠ ᠶᠢ ᠬᠠᠷᠠᠭᠤᠯᠵᠤ ᠬᠤᠲᠠᠯᠠ ᠶᠢ | ᠪᠣᠳᠣᠭᠤᠯᠳᠠᠭ ᠥᠨᠳᠥᠷᠬᠡᠨ ᠪᠤᠲᠠ ᠰᠠᠬᠢᠭᠴᠢ ᠮᠢᠨᠢ ᠨᠠᠮᠠᠶᠢ ᠨᠠᠷᠠ᠂ ᠰᠠᠷᠠ᠂ ᠣᠳᠣ ᠭᠠᠷᠠᠭ ᠲᠤ ᠣᠶᠢᠷᠠᠲᠤᠭᠤᠯᠤᠭᠰᠠᠨ ᠭᠠᠶᠢᠬᠠᠮᠰᠢᠭᠲᠤ ᠵᠠᠭᠠᠨ ᠰᠢᠭ᠋ ᠤᠷᠭᠤᠮᠠᠯ | ᠪᠠᠶᠢᠭᠰᠠᠨ ᠢ ᠪᠢ ᠬᠡᠵᠢᠶᠡ ᠴᠦ ᠮᠠᠷᠲᠠᠬᠤ ᠶᠣᠰᠣ ᠦᠭᠡᠢ᠃ ᠲᠡᠷᠡ ᠮᠠᠨᠢ ᠨᠠᠪᠴᠢ ᠮᠥᠴᠢᠷ ᠢᠶᠠᠨ ᠳᠠᠭᠠᠭᠠᠬᠤ ᠪᠠᠨ ᠪᠣᠯᠢᠵᠤ ᠶᠡᠭᠡ ᠮᠠᠩᠬᠠᠨ ᠳᠤ ᠪᠤᠯᠠᠬᠳᠠᠨ | ᠪᠤᠯᠠᠬᠳᠠᠬᠰᠠᠭᠠᠷ ᠥᠷᠥᠰᠢᠶᠡᠯ ᠦᠭᠡᠢ ᠬᠤᠷᠸᠠ ᠠᠴᠠ ᠨᠢᠭᠡ ᠯᠠ ᠡᠳᠦᠷ ᠰᠠᠯᠤᠭᠠᠳ ᠣᠳᠣᠯᠠ ᠴᠦ ᠦᠨᠳᠦᠰᠦ ᠰᠠᠯᠠᠭᠠ ᠪᠠᠷ ᠢᠶᠠᠨ ᠬᠠᠪᠢ ᠣᠷᠴᠢᠨ ᠢᠶᠠᠨ ᠲᠡᠵᠢᠭᠡᠨ | ᠲᠡᠳᠬᠦᠭᠰᠡᠭᠡᠷ᠂ ᠠᠷᠪᠠᠨ ᠵᠦᠭ ᠲᠡᠭᠡᠨ ᠬᠠᠶᠠᠭᠠ ᠪᠠᠨ ᠲᠡᠯᠡᠨ ᠦᠷᠡᠵᠢᠨ ᠥᠳᠬᠡᠷᠡᠭᠰᠡᠭᠡᠷ ᠪᠠᠶᠢᠬᠤ ᠪᠣᠯᠣᠨᠠ ᠭᠡᠳᠡᠭ ᠲᠤ ᠢᠲᠡᠭᠡᠯ ᠪᠠᠳᠠᠷᠠᠩᠭᠤᠢ᠃ | ︽ᠴᠠᠭ ᠴᠠᠭ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠭ ᠦᠭᠡᠢ᠂ ᠴᠠᠬᠢᠯᠳᠠᠭ ᠬᠥᠬᠡ ᠪᠠᠷ ᠢᠶᠠᠨ ᠬᠠᠲᠠᠳᠠᠭ ᠦᠭᠡᠢ︾ᠭᠡᠳᠡᠭᠴᠢᠯᠡᠨ ᠨᠠᠭᠠᠴᠤ ᠡᠮᠡᠭᠡ ᠪᠢᠳᠠ ᠬᠤᠶᠠᠷ ᠲᠡᠭᠷᠢ ᠲᠠᠢ | ᠲᠡᠷᠰᠯᠡᠯᠳᠦᠨ᠂ ᠭᠠᠵᠠᠷ ᠲᠠᠢ ᠭᠠᠴᠢᠯᠳᠤᠭᠠᠳ ᠪᠠᠶᠢᠵᠤ ᠶᠠᠭᠠᠬᠢᠵᠤ ᠪᠤᠯᠬᠤ ᠪᠢᠯᠡ᠃ ᠨᠢᠭᠡ ᠮᠡᠳᠡᠬᠦ ᠳᠤ ᠢᠪᠴᠤᠤ ᠴᠢᠬᠤᠯᠬᠠᠨ ᠣᠷᠣᠨ ᠵᠠᠢ ᠳᠤ ᠬᠤᠷᠭᠤᠳᠠᠬᠤ ᠪᠣᠯᠪᠠ᠃ | ᠲᠡᠷᠡ ᠦᠶᠡ ᠳᠤ ᠪᠢᠳᠡ ᠰᠠᠬᠢᠭᠴᠢ ᠶᠢ ᠬᠠᠶᠢᠬᠤᠷᠬᠤ ᠲᠡᠩᠬᠡᠭᠡ ᠴᠢᠳᠠᠯ ᠪᠠᠶᠢᠭᠰᠠᠨ ᠦᠭᠡᠢ᠃ ᠦᠨᠡᠨᠳᠡᠭᠡᠨ ᠪᠢᠳᠠ ᠠᠲᠠ ᠠᠴᠠ ᠪᠠᠨ ᠰᠠᠯᠬᠤ ᠳᠤᠷᠠ ᠦᠭᠡᠢ᠃ ᠨᠡᠩ | ᠴᠦ ᠬᠠᠶᠢᠷᠠ ᠰᠢᠩᠭᠡᠭᠰᠡᠨ ᠰᠠᠬᠢᠭᠴᠢ ᠳᠠᠭᠠᠨ ︽ᠪᠠᠶᠠᠷᠲᠠᠢ︕︾ ᠭᠡᠵᠦ ᠬᠡᠯᠡᠬᠦ ᠶᠢ ᠬᠦᠰᠡᠬᠦ ᠦᠭᠡᠢ ᠪᠢᠯᠡ᠃ | ᠬᠤᠷᠢᠭᠠᠳ ᠵᠢᠯ ᠤᠨ ᠲᠤᠷᠰᠢ ᠪᠢᠳᠠ ᠰᠠᠬᠢᠭᠴᠢ ᠶᠢ ᠭᠡᠳᠦ ᠤᠳᠠᠭᠠ ᠡᠷᠭᠢᠵᠦ ᠦᠵᠡᠭᠰᠡᠨ᠃ ᠲᠡᠷᠡ ᠮᠠᠨᠢ ︽ᠰᠠᠬᠠᠯ ᠰᠠᠨᠴᠢᠭ︾ ᠲᠠᠭᠠᠨ ᠶᠠᠭᠠᠬᠢᠬᠤ ᠶᠢᠨ | ᠠᠷᠭᠠ ᠦᠭᠡᠢ ᠪᠠᠷᠢᠭᠳᠠᠭᠠᠳ ᠰᠦᠷᠡᠬᠡᠢ ᠥᠲᠡᠯᠦᠭᠰᠡᠨ ᠰᠢᠭ ᠪᠣᠯᠵᠤ ᠪᠢᠳᠡᠨ ᠢ ᠤᠭᠲᠤᠵᠤ ᠠᠪᠤᠭᠰᠠᠨ ᠶᠤᠮ᠃ ᠬᠤᠷᠣᠬᠠᠢ ᠰᠢᠪᠠᠵᠢ ᠳᠤ ᠢᠳᠡᠭᠳᠡᠭᠡᠳ ᠶᠠᠩᠵᠤ | ᠪᠠᠶᠢᠳᠠᠯ ᠢᠶᠠᠨ ᠠᠶᠢᠬᠤᠪᠲᠤᠷ ᠠᠯᠳᠠᠴᠢᠬᠠᠭᠰᠠᠨ᠂ ᠡᠯᠡᠰᠦ ᠮᠠᠩᠬᠠᠨ ᠳᠤ ᠲᠠᠯᠠ ᠪᠡᠶᠡ ᠨᠢ ᠳᠠᠷᠤᠭᠳᠠᠭᠠᠳ ᠬᠡᠳᠦᠬᠡᠨ ᠰᠠᠯᠠᠭᠠ ᠮᠥᠴᠢᠷ ᠨᠢ ᠰᠠᠯᠬᠢᠨ ᠤ ᠬᠥᠩᠭᠡᠨ | ᠦᠯᠢᠶᠡᠯᠲᠡ ᠶᠢ ᠴᠦ ᠳᠠᠭᠠᠭᠠᠬᠤ ᠦᠭᠡᠢ ᠰᠤᠯᠠ ᠳᠣᠷᠣᠢ ᠬᠥᠭᠰᠢᠨ ᠪᠤᠲᠠ ᠪᠣᠯᠴᠢᠬᠠᠭᠰᠠᠨ ᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠰᠢᠮᠰᠢᠷᠡᠵᠦ᠂ ᠪᠤᠳᠣᠯ ᠭᠠᠩᠰᠠᠷᠠᠵᠤ ᠪᠢᠯᠡ᠃ | ᠴᠠᠭ ᠤᠨ ᠰᠠᠶᠢᠬᠠᠨ ᠳᠤ ᠴᠢᠯᠦᠭᠡᠲᠡᠢ ᠰᠣᠩᠭᠤᠯᠲᠠ ᠬᠢᠵᠦ ᠣᠶᠤᠲᠠᠨ ᠪᠢ ᠠᠯᠪᠠᠨ ᠰᠢᠷᠡᠭᠡ ᠲᠦᠰᠢᠬᠦ ᠠᠮᠠᠷᠬᠠᠨ ᠠᠵᠢᠯ ᠢᠶᠠᠨ ᠬᠠᠶᠠᠭᠠᠳ ᠨᠤᠲᠤᠭ ᠲᠠᠭᠠᠨ | ᠪᠤᠴᠠᠵᠤ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠪᠡ᠃ ᠰᠠᠬᠢᠭᠴᠢ ᠪᠠᠨ ᠰᠠᠨᠠᠨ ᠮᠥᠷᠥᠭᠡᠳᠦᠭᠰᠡᠨ ᠠᠷᠢᠭᠤᠨ ᠰᠡᠳᠬᠢᠯ᠂ ᠤᠨᠠᠭᠠᠨ ᠨᠠᠰᠤᠨ ᠤ ᠮᠢᠨᠢ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ | ᠪᠦᠷ ᠲᠡᠨᠳᠡ ᠯᠠ ᠦᠯᠡᠳᠡᠭᠰᠡᠨ ᠢ ᠪᠢ ᠬᠠᠷᠢᠵᠤ ᠣᠴᠢᠭᠠᠳ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠵᠦ ᠪᠢᠯᠡ᠃ ᠮᠢᠨᠤ ᠠᠮᠢᠳᠤᠷᠠᠯ ᠬᠥᠳᠡᠭᠡ ᠳᠤ ᠯᠠ ᠪᠠᠶᠢᠵᠤ | ᠲᠠᠭᠠᠷᠠᠨᠠ᠃ ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠳᠣᠲᠣᠷᠠ ᠠᠶᠢᠯ ᠬᠤᠲᠠᠯᠠ ᠠᠴᠠ ᠵᠢᠭᠡᠯᠡᠭᠰᠡᠨ ᠪᠤᠶᠤ ᠠᠷᠪᠠ ᠬᠤᠷᠢ ᠪᠠᠷ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ | ᠮᠠᠨᠢ ᠰᠠᠬᠢᠭᠴᠢ ᠶᠢ ᠪᠠᠷᠠᠳᠠᠨ ᠳᠠᠭᠢᠨ ᠥᠰᠴᠦ ᠦᠷᠡᠵᠢᠯᠡ᠃ ᠰᠠᠬᠢᠭᠴᠢ ᠴᠦ ᠲᠡᠭᠷᠢ ᠳᠤ ᠲᠡᠳᠬᠦᠭᠳᠡᠨ ᠭᠠᠵᠠᠷ ᠲᠤ ᠢᠪᠡᠭᠡᠭᠳᠡᠵᠦ᠂ ᠡᠳᠦᠷ ᠠᠴᠠ ᠡᠳᠦᠷ ᠥᠩᠭᠡᠵᠢᠨ | ᠰᠢᠨᠡᠳᠴᠦ᠂ ᠰᠡᠷᠭᠦᠨ ᠠᠮᠢᠯᠠᠬᠤ ᠨᠢ ᠲᠣᠳᠣᠷᠬᠠᠢ ᠪᠣᠯᠵᠤ ᠢᠷᠡᠪᠡ᠃ | ᠴᠤᠯ ᠪᠠᠶᠢᠭᠠᠯᠢ ᠪᠠᠷ ᠢᠶᠠᠨ᠂ ᠦᠷᠡ ᠦᠨᠳᠦᠰᠦ ᠪᠠᠷ ᠢᠶᠠᠨ᠂ ᠤᠤᠯ ᠲᠥᠷᠬᠦ ᠪᠠᠷ ᠢᠶᠠᠨ ᠪᠠᠶᠢᠵᠤ ᠯᠠ ᠪᠠᠶᠢᠭᠰᠠᠨ ᠴᠠᠭ ᠲᠤ ᠶᠠᠭᠤᠮᠠ ᠦᠵᠡᠭᠳᠡᠯ ᠳᠠᠭᠢᠨ | ᠰᠡᠷᠭᠦᠨ ᠪᠣᠰᠴᠤ ᠴᠢᠳᠠᠳᠠᠭ ᠢ ᠰᠠᠬᠢᠭᠴᠢ ᠪᠤᠲᠠ ᠮᠢᠨᠢ ᠬᠡᠯᠡᠭᠡᠳ ᠪᠠᠶᠢᠬᠤ ᠶᠤᠮ ᠠ᠋᠃ |