ᠬᠤᠶᠠᠷ ᠵᠢᠯ ᠤᠨ ᠡᠮᠦᠨᠡᠬᠢ ᠨᠢᠭᠡᠨ ᠤᠳᠠᠭᠠᠨ ᠤ ᠬᠠᠭᠤᠴᠢᠨ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠨᠣᠲ ᠢ ᠪᠠᠭᠤᠯᠭᠠᠨ ᠲᠡᠮᠳᠡᠭᠯᠡᠬᠦ ᠠᠵᠢᠯᠯᠠᠭᠠᠨ ᠳᠤᠮᠳᠠ ᠰᠠᠨᠠᠮᠰᠠᠷ | ᠦᠭᠡᠢ ᠤᠷᠤᠯᠴᠠᠬᠰᠠᠨ ᠨᠢ ᠮᠠᠰᠢ ᠨᠠᠨᠳᠢᠩᠨᠠᠮᠠᠷ ᠨᠢᠭᠡᠨ ᠤᠴᠢᠷ ᠪᠣᠯᠤᠭᠰᠠᠨ ᠰᠠᠨ᠃ ᠨᠠᠷᠢᠨ ᠤᠴᠢᠷ ᠢ ᠳᠤᠷᠠᠳᠪᠠᠯ᠄ ᠮᠠᠨ ᠤ ᠬᠤᠳᠠ ᠶᠢᠨ ᠠᠷᠠᠳ ᠤᠨ ᠤᠳᠤᠮᠰᠢᠯᠲᠤ | ᠵᠠᠩ ᠦᠢᠯᠡ ᠰᠣᠶᠣᠯ ᠰᠤᠷᠲᠠᠬᠤᠨ ᠢ ᠰᠤᠳᠤᠯᠬᠤ ᠬᠦᠷᠢᠶᠡᠯᠡᠩ ᠠᠴᠠ ᠨᠢᠭᠡᠨ ᠰᠣᠷᠢᠨᠵᠢᠨ ᠪᠢᠴᠢᠯᠭᠡ ᠶᠢ ᠬᠥᠯᠥᠨ ᠪᠤᠶᠢᠷ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡᠨ ᠰᠠᠯᠪᠤᠷᠢ | ᠪᠤᠯᠬᠤ ᠰᠤᠷᠭᠠᠨ ᠬᠥᠮᠦᠵᠢᠯ ᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠳᠠᠭᠤᠤ ᠬᠥᠭᠵᠢᠮ ᠤᠨ ᠰᠠᠯᠪᠤᠷᠢ ᠶᠢᠨ ᠪᠠᠭᠰᠢ ᠨᠠᠷ ᠲᠤ ᠬᠦᠷᠭᠡᠵᠦ᠂ ᠡᠬᠡ ᠮᠠᠲ᠋ᠧᠷᠢᠶᠠᠯ ᠢ ᠪᠠᠭᠤᠯᠭᠠᠨ | ᠠᠪᠬᠤ ᠶᠢ ᠳᠠᠭᠠᠭᠠᠯᠭᠠᠭᠰᠠᠨ ᠪᠠᠶᠢᠨᠠ᠃ ᠲᠤᠰ ᠰᠣᠷᠢᠨᠵᠢᠨ ᠪᠢᠴᠢᠯᠭᠡ ᠨᠢ ᠡᠸᠦ᠋ᠷᠦᠫᠡ ᠪᠣᠯᠣᠨ ᠶᠠᠫᠤᠨ ᠠᠴᠠ ᠰᠢᠯᠵᠢᠭᠦᠯᠦᠨ ᠠᠪᠴᠢᠷᠠᠭᠰᠠᠨ ᠬᠠᠭᠤᠴᠢ ᠮᠡᠲ᠋ᠧᠷᠢᠶᠠᠯ | ᠪᠤᠯᠬᠤ ᠮᠥᠷᠲᠡᠭᠡᠨ ᠳᠣᠲᠣᠷᠠ ᠨᠢ ᠪᠠᠶᠢᠬᠤ ᠰᠢᠩᠭᠡᠭᠡᠯᠲᠡ ᠲᠠᠢ ᠨᠡᠯᠢᠶᠡᠳ ᠬᠡᠰᠡᠭ ᠠᠷᠠᠳ ᠤᠨ ᠳᠠᠭᠤᠤ ᠬᠥᠭᠵᠢᠮ ᠨᠦᠭᠦᠳ ᠢ ᠨᠢ ᠲᠤᠰᠬᠠᠢ ᠳᠠᠭᠤᠤ ᠬᠥᠭᠵᠢᠮ | ᠵᠢᠭᠠᠨ ᠰᠤᠷᠭᠠᠬᠤ ᠰᠠᠯᠪᠤᠷᠢ ᠶᠢᠨ ᠪᠠᠭᠰᠢ ᠨᠠᠷ ᠢᠶᠠᠷ ᠪᠠᠭᠤᠯᠭᠠᠨ ᠲᠡᠮᠳᠡᠭᠯᠡᠭᠦᠯᠬᠦ ᠪᠠᠷ ᠲᠣᠭᠲᠠᠵᠠᠢ᠃ ᠭᠤᠣᠯ ᠠᠵᠢᠯ ᠢ ᠨᠢ ᠳᠠᠭᠠᠭᠠᠴᠢᠯᠠᠨ ᠬᠢᠭᠰᠡᠨ ᠰᠢᠶᠧ ᠪᠠᠢ | ᠵᠢᠶᠦ᠋ᠨ ᠭᠡᠳᠡᠭ ᠪᠠᠭᠰᠢ ᠪᠣᠯ ᠮᠢᠨᠤ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠦᠶᠡ ᠶᠢᠨ ᠳᠠᠭᠤᠤ ᠬᠥᠭᠵᠢᠮ ᠤᠨ ᠪᠠᠭᠰᠢ ᠪᠤᠯᠬᠤ ᠲᠤᠯᠠ ᠵᠠᠷᠢᠮ ᠠᠵᠢᠯ ᠢ ᠨᠢ ᠨᠠᠳᠠ ᠪᠠᠷ | ᠬᠠᠪᠰᠤᠷᠭᠠᠨ ᠬᠢᠯᠭᠡᠬᠦ ᠪᠠᠷ ᠳᠠᠭᠤᠳᠠᠭᠰᠠᠨ ᠪᠢᠯᠡ᠃ ᠲᠡᠭᠡᠭᠡᠳ ᠪᠢ ᠤᠳᠤ ᠠᠴᠠ ᠨᠠᠶᠠᠭᠠᠳ ᠵᠢᠯ ᠤᠨ ᠡᠮᠦᠨᠡ ᠰᠢᠩᠭᠡᠭᠡᠭᠰᠡᠨ ᠡᠳᠡᠭᠡᠷ ᠬᠠᠭᠤᠴᠢᠨ ᠠᠷᠠᠳ ᠤᠨ | ᠳᠠᠭᠤᠤ ᠬᠥᠭᠵᠢᠮ ᠨᠦᠭᠦᠳ ᠲᠠᠢ ᠠᠩᠬᠠ ᠵᠣᠯᠭᠠᠵᠤ ᠪᠢᠯᠡ᠃ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠭᠤᠴᠢᠭᠠᠳ ᠣᠨ ᠤ ᠦᠶᠡ ᠳᠤ᠂ ᠡᠸᠦ᠋ᠷᠦᠫᠡ ᠠᠴᠠ ᠢᠷᠡᠭᠰᠡᠨ | ᠳ᠋ᠧᠨ᠋ᠮᠡᠷᠺ ᠤᠨ ᠵᠢᠭᠤᠯᠴᠢᠨ ᠾᠧᠩᠨᠢᠩ·ᠬᠠᠰᠯᠦ᠋ᠨᠳ᠋ ᠬᠥᠯᠥᠨ ᠪᠤᠶᠢᠷ ᠨᠤᠲᠤᠭ ᠢᠶᠠᠷ ᠵᠢᠭᠤᠯᠴᠢᠯᠠᠨ ᠰᠤᠷᠪᠤᠯᠵᠢᠯᠠᠬᠤ ᠳᠤᠮᠳᠠ ᠰᠢᠩᠭᠡᠬᠡᠨ ᠠᠪᠤᠭᠰᠠᠨ ᠬᠡᠳᠦᠨ ᠪᠠᠷᠭᠤ | ᠠᠷᠠᠳ ᠤᠨ ᠳᠠᠭᠤᠤ ᠡᠭᠦᠨ ᠤ ᠳᠤᠮᠳᠠ ᠪᠠᠭᠲᠠᠵᠤ ᠪᠠᠶᠢᠵᠠᠢ᠃ ᠵᠣᠬᠢᠶᠠᠭᠴᠢ ᠶᠢᠨ ᠲᠤᠬᠠᠢ ᠮᠥᠨ ᠠᠩᠬᠠ ᠰᠣᠨᠣᠰᠴᠤ ᠪᠠᠶᠢᠭᠠ ᠪᠥᠭᠡᠳ ᠡᠳᠡᠭᠡᠷ ᠬᠠᠭᠤᠴᠢ | ᠮᠡᠲ᠋ᠧᠷᠢᠶᠠᠯ ᠤᠨ ᠲᠤᠬᠠᠢ ᠠᠩᠬᠠ ᠪᠦᠦᠷ ᠲᠦᠦᠷ ᠮᠡᠳᠡᠨ ᠠᠪᠤᠭᠰᠠᠨ ᠢᠶᠠᠨ ᠤᠯᠠᠨ ᠡᠳᠦᠷ ᠤᠨ ᠦᠷᠭᠦᠯᠵᠢᠯᠡᠭᠰᠡᠨ ᠬᠠᠮᠲᠤ ᠶᠢᠨ ᠰᠤᠳᠤᠯᠭᠠᠨ ᠴᠢᠷᠮᠠᠶᠢᠯᠭᠠ ᠳᠤᠮᠳᠠ | ᠤᠯᠠᠮ ᠪᠣᠳᠠᠲᠠᠢ ᠴᠢᠮᠡᠭᠡ ᠰᠤᠷᠠᠭ ᠢ ᠣᠶᠢᠯᠠᠭᠠᠨ ᠮᠡᠳᠡᠭᠰᠡᠨ ᠶᠤᠮ᠃ ᠲᠡᠭᠡᠭᠦ ᠶᠢᠨ ᠤᠯᠠᠮ ᠡᠳᠡᠭᠡᠷ ᠬᠠᠭᠤᠴᠢᠨ ᠠᠷᠠᠳ ᠤᠨ ᠳᠠᠭᠤᠤ ᠨᠤᠭᠤᠳ ᠤᠨ ᠲᠤᠬᠠᠢ ᠬᠡᠰᠡᠭ | ᠬᠡᠮᠵᠢᠶᠡᠨ ᠤ ᠲᠠᠨᠢᠯᠲᠠ ᠶᠢᠨ ᠭᠦᠨᠵᠡᠭᠡᠶᠢᠷᠡᠯ ᠢ ᠥᠩᠭᠡᠷᠡᠭᠡᠨ᠂ ᠠᠩᠬᠠᠨ ᠤ ᠰᠣᠨᠢᠬᠠᠨ ᠭᠠᠶᠢᠬᠠᠮᠰᠢᠭᠲᠠᠢ ᠶᠠᠪᠤᠴᠠ ᠠᠯᠬᠤᠮ ᠠᠴᠠ ᠪᠠᠨ ᠢᠳᠡᠭ ᠢᠳᠡᠭ ᠢᠶᠠᠷ | ᠭᠦᠨᠵᠡᠭᠡᠶᠢᠷᠡᠨ ᠦᠷᠭᠡᠳᠦᠭᠰᠡᠭᠡᠷ ᠪᠠᠶᠢᠭᠠᠳ ᠴᠡᠭᠡᠵᠢᠨ ᠳᠡᠭᠡᠨ ᠰᠠᠯᠵᠤ ᠪᠣᠯᠣᠰᠢ ᠦᠭᠡᠢ ᠪᠠᠲᠤ ᠰᠠᠭᠤᠷᠢᠯᠢᠭ ᠢᠮ ᠲᠠᠮᠠᠭᠠ ᠦᠯᠡᠳᠡᠭᠡᠭᠰᠡᠨ ᠶᠤᠮ᠃ | ︽ᠮᠣᠩᠭᠤᠯ ᠤᠨ ᠪᠤᠷᠬᠠᠳ ᠪᠠ ᠡᠷᠡᠴᠦᠦᠯ︾︵ᠳ᠋ᠧᠨ᠋ᠮᠡᠷᠺ ᠤᠨ ᠵᠢᠭᠤᠯᠴᠢᠨ ᠾᠧᠩᠨᠢᠩ· ᠬᠠᠰᠯᠦ᠋ᠨᠳ᠋ ᠤᠨ ᠪᠦᠲᠦᠭᠡᠯ︶ᠭᠡᠬᠦ ᠨᠣᠮ ᠢ ᠵᠣᠯ ᠢᠶᠠᠷ ᠲᠣᠣᠷ | ᠰᠦᠯᠵᠢᠶᠡᠨ ᠠᠴᠠ ᠬᠤᠳᠠᠯᠳᠤᠨ ᠠᠪᠴᠤ ᠰᠣᠨᠢᠷᠬᠠᠨ ᠤᠩᠰᠢᠭᠠᠳ ᠰᠠᠶ᠋ᠢ ᠲᠡᠷᠡ ᠤᠳᠠᠭᠠᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠳᠤᠮᠳᠠᠬᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠰᠢᠩᠭᠡᠭᠡᠯᠲᠡ ᠶᠢᠨ | ᠲᠤᠬᠠᠢ ᠨᠡᠩ ᠲᠣᠳᠣᠷᠬᠠᠢ ᠣᠶᠢᠯᠠᠭᠠᠯᠲᠠ ᠲᠠᠢ ᠪᠣᠯᠵᠤ᠂ ᠤᠯᠠᠮ ᠴᠢᠨᠠᠭᠰᠢᠳᠠ ᠨᠠᠷᠢᠪᠴᠢᠯᠠᠨ ᠲᠣᠳᠣᠯᠠᠬᠤ ᠪᠤᠳᠤᠯ ᠣᠷᠣᠵᠤ ᠪᠢᠯᠡ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ᠂ | ᠳ᠋ᠧᠨ᠋ᠮᠡᠷᠺ ᠤᠨ ᠵᠢᠭᠤᠯᠴᠢᠨ ᠾᠧᠩᠨᠢᠩ·ᠬᠠᠰᠯᠦ᠋ᠨᠳ᠋ ᠬᠠᠶᠢᠯᠠᠷ ᠲᠤ ᠢᠷᠡᠭᠡᠳ ᠠᠳᠡᠬᠢ ᠴᠡᠷᠢᠭ ᠤᠨ ᠠᠯᠪᠠᠨ ᠳᠤ ᠪᠠᠶᠢᠭᠠ ᠵᠢᠷᠭᠤᠳᠤᠭᠠᠷ ᠬᠤᠷᠢᠶᠠᠨ ᠤ ᠫᠦᠯᠦ᠋ᠮᠧᠲ ᠤᠨ | ᠠᠩᠭᠢ ᠶᠢᠨ ᠬᠠᠭᠤᠴᠢᠨ ᠪᠠᠷᠭᠤ ᠨᠤᠲᠤᠭ ᠲᠠᠢ ᠬᠤᠸᠠᠯᠢᠩᠪᠤ ᠭᠡᠳᠡᠭ ᠬᠥᠮᠥᠨ ᠢᠶᠠᠷ ᠨᠡᠯᠢᠶᠡᠳ ᠬᠡᠳᠦᠨ ᠪᠠᠷᠭᠤ ᠠᠷᠠᠳ ᠤᠨ ᠳᠠᠭᠤᠤ ᠶᠢ ᠳᠠᠭᠤᠯᠠᠭᠤᠯᠵᠤ | ᠰᠢᠩᠭᠡᠭᠡᠭᠰᠡᠨ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃︽ᠪᠠᠷᠭᠤ ᠬᠤᠷᠢᠮ ᠤᠨ ᠳᠠᠭᠤᠤ︾᠂︽ᠪᠦᠭᠡ ᠶᠢᠨ ᠤᠷᠢᠶᠠ︾᠂ ︽ᠤᠷᠳᠤ ᠰᠠᠶᠢᠬᠠᠨ ᠤᠯᠠᠭᠠᠨ︾᠂︽ᠠᠷᠤ ᠶᠢᠨ ᠭᠤᠷᠪᠠᠨ ᠬᠠᠶᠢᠯᠠᠰᠤ︾ | ᠵᠡᠷᠭᠡ ᠳᠠᠭᠤᠤ ᠨᠤᠭᠤᠳ ᠨᠢ ᠤᠤᠯ ᠬᠠᠭᠤᠴᠢᠨ ᠬᠡᠪ ᠢᠶᠠᠨ ᠭᠦᠨ ᠬᠠᠳᠠᠭᠠᠯᠠᠭᠰᠠᠨ ᠮᠥᠷᠲᠡᠭᠡᠨ ᠬᠤᠯᠢᠴᠠ ᠦᠭᠡᠢ ᠣᠣᠷ ᠪᠠᠶᠢᠭᠠᠯᠢᠯᠢᠭ ᠶᠠᠩᠵᠤ ᠪᠠᠷ ᠢᠶᠠᠨ ᠪᠢᠳᠡᠨ ᠤ | ᠰᠣᠨᠣᠷ ᠰᠡᠳᠬᠢᠯ ᠳᠤ ᠠᠯᠢ ᠡᠷᠲᠡ ᠶᠢᠨ ᠤᠳᠤᠮᠰᠢᠯᠲᠤ ᠤᠷᠠᠯᠢᠭ ᠤᠨ ᠷᠢᠳᠢ ᠰᠢᠳᠢ ᠶᠢ ᠳᠠᠮᠵᠢᠭᠤᠯᠤᠨ ᠠᠪᠴᠢᠷᠠᠵᠤ᠂ ᠵᠢᠷᠦᠬᠡᠨ ᠤ ᠤᠭ ᠠᠴᠠ ᠪᠤᠷᠭᠢᠯᠤᠨ ᠪᠠᠶᠢᠭᠠ | ᠬᠠᠶᠢᠷᠠ ᠶᠢᠨ ᠪᠤᠯᠠᠭ ᠢ ᠤᠨᠳᠤᠷᠤᠭᠤᠯᠤᠨ᠂ ᠡᠷᠴᠢ ᠤᠷᠮᠠ ᠶᠢᠨ ᠭᠠᠯ ᠢ ᠳᠦᠷᠡᠯᠵᠡᠭᠦᠯᠵᠦ ᠪᠢᠯᠡ᠃ ᠲᠡᠭᠡᠭᠡᠳ ᠲᠡᠷᠡ ᠤᠳᠠᠭᠠᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠳᠤᠮᠳᠠᠬᠢ | ᠰᠣᠷᠪᠤᠯᠵᠢᠯᠠᠭᠠ ᠶᠢᠨ ᠲᠤᠬᠠᠢ ᠨᠡᠩ ᠤᠯᠠᠨ ᠰᠤᠷᠠᠭ ᠵᠠᠩᠭᠢ ᠨᠦᠭᠦᠳ ᠢ ᠡᠷᠢᠯᠬᠢᠯᠡᠬᠦ ᠪᠠᠷ ᠪᠠᠰᠠ ᠨᠢᠭᠡᠨ ᠳᠤᠷᠠ ᠰᠣᠨᠢᠷᠬᠠᠯ ᠤᠨ ᠭᠡᠬᠦ ᠤᠤ︖ ᠦᠢᠯᠡᠰ | ᠬᠥᠭᠡᠭᠡᠴᠡᠯᠳᠦᠯ ᠤᠨ ᠭᠡᠬᠦ ᠲᠣᠳᠣᠬᠠᠨ ᠨᠢᠭᠡ ᠬᠤᠯᠠ ᠶᠢᠨ ᠵᠣᠷᠢᠯᠲᠠ ᠲᠠᠢ ᠪᠣᠯᠵᠠᠢ᠃ ᠤᠯᠠᠮᠵᠢᠯᠠᠯᠲᠤ ᠤᠷᠠᠯᠢᠭ ᠤᠨ ᠯᠤᠲᠤ ᠶᠡᠭᠡ ᠷᠢᠳᠢ ᠰᠢᠳᠢ ᠲᠠᠢ ᠨᠥᠯᠥᠭᠡᠯᠡᠬᠦ | ᠬᠦᠴᠦᠨ ᠢ ᠮᠡᠳᠡᠷᠡᠨ᠂ ᠰᠠᠨᠠᠭᠠ ᠠᠬᠤᠢ ᠪᠠᠨ ᠲᠡᠷᠡ ᠵᠦᠭ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠨᠢ ᠬᠡᠴᠢᠨᠡᠭᠡᠨ ᠵᠢᠯ ᠷᠠᠳᠢᠣ᠋ ᠤᠳᠬᠠ ᠤᠷᠠᠯᠢᠭ ᠤᠨ ᠦᠢᠯᠡᠰ ᠵᠣᠷᠢᠭᠰᠠᠨ | ᠠᠵᠢᠯᠯᠠᠭᠠᠨ ᠳᠤᠮᠳᠠᠬᠢ ᠪᠠᠰᠠ ᠨᠢᠭᠡᠨ ᠵᠥᠪ ᠰᠣᠩᠭᠤᠯᠲᠠ ᠪᠤᠯᠬᠤ ᠶᠢ ᠤᠳᠤ ᠴᠤ ᠭᠡᠰᠡᠨ᠂ ᠢᠷᠡᠭᠡᠳᠦᠢ ᠳᠤ ᠴᠤ ᠭᠡᠰᠡᠨ ᠪᠠᠲᠤ ᠭᠡᠷᠡᠴᠢᠯᠡᠭᠳᠡᠬᠦ ᠨᠢ ᠯᠠᠪᠲᠠᠢ︕ | ᠢᠩᠭᠢᠵᠦ ᠵᠣᠷᠢᠯᠲᠠ ᠬᠠᠷᠠᠯᠲᠠ ᠪᠠᠨ ᠲᠣᠭᠲᠠᠭᠠᠨ ᠠᠵᠢᠯ ᠰᠤᠳᠤᠯᠭᠠ ᠪᠠᠨ ᠡᠬᠢᠯᠡᠭᠦᠯᠵᠦ ᠪᠠᠶᠢᠲᠠᠯᠠ ᠭᠠᠷ ᠤᠲᠠᠰᠤᠨ ᠤ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠴᠠ︽ᠾᠧᠩᠨᠢᠩ· | ᠬᠠᠰᠯᠦ᠋ᠨᠳ᠋ ᠤᠨ ᠴᠤᠭᠯᠠᠭᠤᠯᠤᠭᠰᠠᠨ ᠮᠣᠩᠭᠤᠯ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠰᠤᠳᠤᠯᠤᠯ︾ ︵ᠰᠠᠷᠠᠨᠭᠡᠷᠡᠯ᠂ ᠲᠦᠯᠦᠮᠵᠢ ᠵᠣᠬᠢᠶᠠᠪᠠ᠂ ᠦᠨᠳᠦᠰᠦᠲᠡᠨ ᠤ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ︶ ᠭᠡᠬᠦ ᠨᠣᠮ ᠤᠨ ᠰᠤᠷᠠᠭ ᠢ ᠣᠯᠵᠤ᠂ ᠠᠵᠠ ᠲᠤᠭᠢᠶᠠᠯ ᠢ ᠠᠯᠳᠠᠯ ᠦᠭᠡᠢ ᠣᠯᠵᠤ ᠠᠪᠴᠢᠷᠠᠭᠰᠠᠨ ᠨᠢ ᠪᠦᠬᠦᠢ ᠠᠵᠢᠯᠯᠠᠭᠠ ᠶᠢᠨ ᠭᠤᠣᠯ ᠴᠢᠮᠦᠭᠡ ᠶᠢ | ᠪᠠᠷᠢᠨ ᠠᠳᠬᠤᠭᠰᠠᠨ ᠰᠢᠭ᠋ ᠢᠯᠴᠢ ᠬᠦᠴᠦᠨ ᠢ ᠨᠡᠮᠡᠭᠳᠡᠭᠦᠯᠦᠨ᠂ ᠰᠤᠷ ᠤᠷᠮᠠᠰ ᠢ ᠴᠢᠩᠭᠠᠯᠠᠵᠠᠢ᠃ ᠡᠨᠡ ᠨᠢ ᠮᠥᠨ ᠬᠤᠷᠢᠨ ᠲᠠᠪᠤᠳᠠᠭᠢ︽ᠳᠡᠯᠡᠬᠡᠢ ᠶᠢᠨ ᠨᠣᠮ | ᠤᠩᠰᠢᠬᠤ ᠡᠳᠦᠷ︾ ᠢ ᠪᠡᠯᠭᠡᠯᠡᠬᠦ - ᠬᠥᠯᠥᠨ ᠪᠤᠶᠢᠷ ᠬᠤᠳᠠ ᠶᠢᠨ ᠨᠣᠮ ᠤᠨ ᠰᠠᠩ ᠪᠣᠯᠣᠨ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠤ ᠨᠣᠮ ᠤᠨ ᠰᠠᠩ ᠤᠨ ᠬᠠᠮᠲᠤᠷᠠᠭᠰᠠᠨ | ᠰᠢᠷᠢᠰ ᠠᠵᠢᠯᠯᠠᠭᠠ ᠶᠢᠨ ᠳᠤᠮᠳᠠ ᠤᠷᠢᠭᠳᠠᠨ ᠣᠷᠤᠯᠴᠠᠬᠤ ᠮᠢᠨᠤ ᠭᠤᠣᠯ ᠲᠠᠶᠢᠯᠪᠤᠷᠢᠯᠠᠬᠤ ᠠᠭᠤᠯᠭᠠ ᠶᠢ ᠪᠦᠷᠢᠯᠳᠦᠭᠦᠯᠦᠨ ᠥᠭᠴᠦ᠂ ᠲᠤᠰ ᠬᠡᠳᠦᠨ ᠪᠠᠷᠭᠤ | ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠲᠤᠬᠠᠢ ᠮᠥᠷᠳᠡᠯᠭᠡ ᠪᠠᠶᠢᠴᠠᠭᠠᠯᠲᠠ ᠬᠢᠬᠦ ᠪᠣᠳᠠᠲᠤ ᠠᠵᠢᠯᠯᠠᠭᠠ ᠶᠢᠨ ᠵᠢᠩᠬᠢᠨᠢ ᠡᠬᠢᠯᠡᠯ ᠪᠣᠯᠤᠭᠰᠠᠨ ᠪᠢᠯᠡ᠃ ᠭᠤᠴᠢᠨ ᠮᠢᠨᠦ᠋ᠲ ᠤᠨ ᠲᠠᠭᠤ | ᠰᠢᠩᠭᠡᠭᠡᠯᠲᠡ ᠲᠠᠢ ᠶᠠᠷᠢᠶᠠ ᠪᠤᠶᠤ ᠲᠠᠶᠢᠯᠤᠮᠵᠢ ᠬᠢᠬᠦ ᠡᠨᠡ ᠠᠵᠢᠯᠯᠠᠭᠠ ᠪᠠᠨ ᠷᠠᠳᠢᠣ᠋ ᠫᠷᠣᠭ᠍ᠷᠠᠮ ᠲᠠᠢ ᠪᠠᠨ ᠬᠤᠯᠪᠣᠨ ᠤᠷᠠᠨ ᠰᠠᠶᠢᠬᠠᠨ ᠤ ᠲᠤᠰᠬᠠᠢ ᠨᠡᠪᠲᠡᠷᠡᠭᠦᠯᠭᠡ ᠶᠢᠨ | ᠪᠠᠷᠢᠮᠵᠢᠶᠠ ᠪᠠᠷ ᠱᠠᠭᠠᠷᠳᠠᠨ ᠪᠡᠶᠡᠯᠡᠭᠦᠯᠬᠦ ᠨᠢ ᠬᠤᠶᠠᠷ ᠲᠠᠯᠠ ᠶᠢᠨ ᠠᠴᠢ ᠬᠤᠯᠪᠣᠭᠳᠠᠯ ᠲᠠᠢ ᠶᠤᠮ᠃ ᠨᠢᠭᠡ ᠳᠤ᠂ ᠪᠤᠰᠤᠳ ᠪᠠᠶᠢᠭᠤᠯᠭᠠ ᠶᠢᠨ ᠤᠷᠢᠯᠭᠠ ᠶᠢ ᠣᠯᠵᠤ᠂ | ᠨᠠᠶᠢᠳᠠᠯᠭᠠ ᠶᠢ ᠨᠢ ᠬᠦᠯᠢᠶᠡᠭᠰᠡᠨ ᠤ ᠤᠴᠢᠷ ᠶᠣᠰᠣᠴᠢᠯᠠᠨ ᠭᠦᠢᠴᠡᠳᠬᠡᠬᠦ ᠨᠢ ᠵᠦᠢ ᠶᠣᠰᠣᠨ ᠤ ᠠᠯᠬᠤᠮ ᠰᠠᠨ᠃ ᠨᠡᠩ ᠴᠠᠭᠠᠨᠠ ᠨᠢ ᠲᠣᠳᠣᠷᠠᠵᠤ ᠪᠠᠶᠢᠭᠠ ᠪᠠᠷᠭᠤ | ᠲᠦᠮᠡᠨ ᠤ ᠮᠢᠨᠢ ᠤᠤᠭᠠᠯ ᠤᠷᠠᠯᠢᠭ ᠤᠨ ᠭᠦᠨ ᠲᠠᠯᠳᠠ ᠤᠴᠢᠷ ᠤᠳᠬᠠ ᠶᠢ ᠤᠯᠠᠨ ᠨᠡᠶᠢᠳᠡ ᠳᠡᠭᠡᠨ ᠮᠡᠳᠡᠭᠦᠯᠦᠨ ᠲᠠᠨᠢᠭᠤᠯᠵᠤ᠂ ᠶᠢᠷᠲᠢᠨᠴᠦ ᠶᠢᠨ ᠰᠣᠨᠣᠷ ᠲᠤ | ᠳᠠᠭᠤᠷᠢᠰᠤᠭᠤᠯᠤᠨ᠂ ᠮᠥᠨ ᠡᠭᠦᠨ ᠤ ᠲᠥᠯᠥᠭᠡ ᠵᠢᠳᠬᠦᠭᠰᠡᠨ ᠬᠥᠮᠥᠰ ᠤᠳ ᠤᠨ ᠠᠯᠳᠠᠷ ᠭᠠᠪᠢᠶᠠ ᠶᠢ ᠴᠠᠭ ᠤᠨ ᠴᠠᠭ᠂ ᠦᠶᠡ ᠶᠢᠨ ᠦᠶᠡ ᠳᠤ ᠳᠤᠷᠠᠰᠤᠨ ᠰᠠᠨᠠᠵᠤ᠂ | ᠳᠠᠭᠤᠯᠠᠨ ᠤᠶᠠᠩᠭᠠᠯᠠᠵᠤ ᠶᠠᠪᠤᠬᠤ ᠶᠢᠨ ᠤᠴᠢᠷ ᠢ ᠣᠶᠢᠯᠠᠭᠠᠭᠤᠯᠬᠤ ᠶᠠᠪᠤᠳᠠᠯ ᠰᠠᠨ᠃ ᠬᠤᠶᠠᠷ ᠲᠤ᠂ ᠥᠪᠡᠷ ᠤᠨ ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠪᠤᠯᠬᠤ ᠳᠠᠭᠠᠭᠠᠴᠢᠯᠠᠭᠰᠠᠨ | ᠫᠷᠣᠭ᠍ᠷᠠᠮ︽ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠳᠤᠭᠤᠷᠠ︾ᠨᠡᠪᠲᠡᠷᠡᠭᠦᠯᠭᠡ ᠳᠡᠭᠡᠨ ᠰᠢᠨᠡ ᠠᠭᠤᠯᠭᠠ ᠰᠢᠨᠡ ᠭᠡᠯᠪᠡᠷᠢ ᠨᠡᠮᠡᠨ᠂ ᠤᠳᠬᠠ ᠤᠷᠠᠯᠢᠭ ᠤᠨ ᠲᠤᠰᠬᠠᠢ ᠫᠷᠣᠭ᠍ᠷᠠᠮ ᠤᠨ | ᠭᠡᠯᠪᠡᠷᠢ ᠪᠠᠷ ᠰᠢᠩᠭᠡᠬᠡᠨ ᠦᠢᠯᠡᠳᠴᠦ᠂ ᠴᠢᠳᠠᠪᠠᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠪᠣᠯᠣᠨ ᠨᠠᠢᠮᠠᠨ ᠮᠤᠵᠢ ᠣᠷᠣᠨ ᠤ ᠮᠣᠩᠭᠤᠯ ᠷᠠᠳᠢᠣ᠋ ᠲᠧᠯᠸᠢᠰ ᠤᠨ ᠰᠢᠯᠢᠳᠡᠭ | ᠫᠷᠣᠭ᠍ᠷᠠᠮ ᠤᠨ ᠰᠣᠯᠢᠯᠴᠠᠭᠠᠨ ᠤ ᠬᠤᠷᠠᠯ ᠳᠤ ᠳᠡᠪᠰᠢᠭᠦᠯᠦᠨ ᠨᠡᠩ ᠥᠷᠭᠡᠨ ᠬᠡᠪᠴᠢᠶᠡᠨ ᠤ ᠨᠥᠯᠥᠭᠡ ᠲᠤᠰᠬᠠᠯ ᠪᠤᠯᠭᠠᠬᠤ ᠬᠤᠯᠠ ᠶᠢᠨ ᠰᠠᠨᠠᠭᠠ ᠠᠭᠤᠯᠤᠭᠳᠠᠵᠤ ᠪᠤᠢ᠃ | ᠡᠶᠢᠮᠦ ᠬᠤᠶᠠᠷ ᠲᠠᠯᠠ ᠶᠢᠨ ᠠᠴᠢ ᠬᠤᠯᠪᠣᠭᠳᠠᠯ ᠲᠠᠢ ᠶᠢᠨ ᠲᠤᠯᠠᠳᠠ ᠪᠡᠯᠡᠬᠡᠨ ᠪᠠᠶᠢᠭᠠ ᠭᠠᠷ ᠮᠡᠲ᠋ᠧᠷᠢᠶᠠᠯ ᠢ ᠪᠦᠷᠢᠨ ᠠᠰᠢᠭᠯᠠᠵᠤ᠂ ᠳᠣᠲᠣᠷᠠᠬᠢ ᠠᠭᠤᠯᠭᠠ ᠰᠠᠨᠠᠭᠠ | ᠶᠢ ᠨᠢ ᠳᠡᠯᠭᠡᠷᠡᠩᠭᠦᠢ ᠳᠡᠯᠭᠡᠨ᠂ ᠴᠢᠳᠠᠬᠤᠶᠢᠴᠠ ᠢᠯᠡᠭᠦᠦ ᠤᠯᠠᠨ ᠰᠣᠨᠢᠨ ᠰᠤᠷᠠᠭ ᠤᠳ ᠢ ᠱᠦᠭᠦᠨ ᠰᠤᠷᠪᠤᠯᠵᠢᠯᠠᠵᠤ᠂ ᠳᠠᠭᠤᠤ ᠪᠦᠷᠢ ᠳᠤᠨᠢ ᠨᠠᠷᠢᠨ ᠵᠠᠳᠠᠯᠤᠯᠲᠠ | ᠰᠢᠨᠵᠢᠯᠡᠯᠲᠡ ᠬᠢᠵᠦ᠂ ᠥᠪᠡᠷ ᠤᠨ ᠦᠵᠡᠯᠲᠡ ᠪᠠᠷᠢᠮᠲᠠ ᠪᠠᠨ ᠲᠣᠳᠣᠷᠬᠠᠢ ᠥᠭᠦᠯᠡᠮᠡᠨᠵᠢᠨ ᠰᠠᠶ᠋ᠢ ᠳᠠᠭᠠᠭᠠᠴᠢᠯᠠᠭᠰᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠣᠮᠣᠭᠯᠠᠩ | ᠪᠠᠷᠳᠠᠮ ᠭᠦᠢᠴᠡᠳᠬᠡᠵᠦ ᠴᠢᠳᠠᠨᠠ ᠪᠢᠯᠡ᠃ ᠵᠠ᠂ ᠢᠩᠭᠢᠭᠡᠳ ᠪᠣᠳᠠᠲᠠᠢ ᠰᠡᠳᠦᠪ ᠤᠷᠤᠭᠤ ᠪᠠᠨ ᠰᠢᠯᠵᠢᠶᠡ᠄ | ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ᠂ ᠬᠥᠯᠥᠨ ᠪᠤᠶᠢᠷ ᠤᠨ ᠺᠢᠨᠣ᠋ ᠺᠤᠮᠫᠠᠨᠢ ᠶᠢᠨ ᠣᠷᠴᠢᠭᠤᠯᠭᠠ ᠶᠢᠨ ᠲᠠᠰᠤᠭ ᠤᠨ ᠥᠨᠢᠷ ᠨᠥᠬᠦᠷ ᠨᠠᠮᠠᠶᠢ ᠡᠷᠢᠵᠦ᠂ ᠥᠪᠡᠷ ᠤᠨ | ᠲᠦᠷᠦᠭᠰᠡᠨ ᠠᠬᠠ ᠪᠤᠯᠬᠤ ᠥᠪᠥᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠯᠧᠺᠲ᠋ᠣᠷ᠂ ᠡᠷᠲᠡᠨ ᠤ ᠣᠷᠳᠣᠨ ᠤ ᠬᠥᠭᠵᠢᠮ︽ᠵᠠᠩᠭᠠᠷ ᠬᠠᠮᠲᠤᠯᠢᠭ︾ ᠢ | ᠪᠠᠶᠢᠭᠤᠯᠤᠭᠴᠢ ᠪᠠ᠊᠆·ᠪᠣᠯᠣᠳ ᠢ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠰᠠᠨ᠃ ᠰᠠᠭᠤᠨ ᠶᠠᠷᠢᠯᠴᠠᠬᠤ ᠳᠤᠮᠳᠠ ᠣᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠲᠡᠷᠡ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠳᠤ | ᠨᠤᠲᠤᠭ ᠲᠠᠢ︽ᠬᠤᠸᠠᠯᠢᠩᠪᠤ︾ ᠭᠡᠳᠡᠭ ᠬᠥᠮᠥᠨ ᠢ ᠰᠤᠷᠠᠭᠯᠠᠵᠤ ᠶᠠᠪᠤᠭᠠ ᠶᠤᠮ ᠪᠠᠶᠢᠨᠠ᠃ ᠤᠳᠤ ᠲᠣᠭᠠᠯᠠᠵᠤ ᠪᠤᠳᠤᠬᠤ ᠳᠤ ᠮᠢᠨᠤ ᠠᠪᠤ ᠪᠣᠯᠣᠨ ᠡᠪᠦᠭᠡ ᠶᠢᠨ | ᠬᠤᠭᠤᠷᠤᠨᠳᠤᠭᠢ ᠨᠠᠰᠤᠨ ᠤ ᠣᠷᠴᠢᠮ ᠤᠨ ᠬᠥᠮᠥᠨ ᠲᠤᠯᠠ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠨᠠᠳᠠ ᠪᠡᠯᠡᠨ ᠶᠠᠷᠢᠮᠠᠷ ᠲᠠᠶᠢᠯᠪᠤᠷᠢ ᠣᠯᠳᠠᠭᠠ ᠦᠭᠡᠢ᠂ ᠬᠠᠷᠢᠨ ᠬᠠᠭᠤᠴᠢᠨ | ᠪᠠᠷᠭᠤ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠤᠬᠠᠭᠤᠯᠬᠤ ᠬᠡᠯᠲᠡᠰ ᠤᠨ ᠳᠡᠳ᠋ ᠳᠠᠷᠤᠭᠠ ᠪᠠᠶᠢᠭᠰᠠᠨ ᠰᠢᠨᠡᠰᠣᠶᠣᠯ ᠨᠠᠶᠢᠵᠠ ᠶᠢ ᠪᠠᠨ ᠲᠠᠨᠢᠯᠴᠠᠭᠤᠯᠤᠨ ᠥᠭᠴᠦ᠂ | ᠤᠲᠠᠰᠤ ᠵᠠᠯᠭᠠᠭᠤᠯᠤᠨ ᠲᠤᠰ ᠬᠥᠮᠥᠨ ᠤ ᠠᠵᠢᠯ ᠳᠤ ᠳᠡᠮᠵᠢᠯᠭᠡ ᠥᠭᠬᠦ ᠶᠢ ᠨᠠᠶᠢᠳᠠᠭᠰᠠᠨ ᠪᠠᠶᠢᠭᠠ ᠶᠤᠮ᠃ ᠲᠡᠭᠡᠭᠦ ᠳᠤ ᠪᠢ︽ᠬᠤᠸᠠᠯᠢᠩᠪᠤ︾ ᠭᠡᠬᠦ ᠡᠨᠡ ᠬᠥᠮᠥᠨ ᠤ | ᠨᠡᠷᠡ ᠶᠢ ᠠᠩᠬᠠ ᠰᠣᠨᠣᠰᠴᠤ ᠪᠠᠶᠢᠬᠤ ᠮᠥᠷᠲᠡᠭᠡᠨ︽ᠳᠠᠭᠤᠴᠢᠨ︾ᠭᠡᠳᠡᠭ ᠢ ᠨᠢ ᠭᠦᠷᠳᠡᠯᠡ ᠠᠩᠬᠠ ᠮᠡᠳᠡᠵᠦ ᠪᠠᠶᠢᠬᠤ ᠲᠤᠯᠠ ᠡᠨᠡ ᠲᠤᠬᠠᠢ ᠶᠡᠷᠦᠨᠢ ᠤᠮ ᠲᠠᠮ | ᠪᠠᠶᠢᠭᠰᠠᠨ ᠶᠤᠮ᠃ ᠴᠠᠭ ᠤᠨ ᠪᠠᠴᠢᠮ ᠳᠡᠭᠡᠷᠡ ᠪᠤᠳᠤᠯ ᠳᠤᠲᠠᠭᠤ ᠠᠴᠠ ᠪᠣᠯᠵᠤ ᠲᠡᠷᠡ ᠤᠳᠠᠭᠠᠨ ᠤ ᠨᠠᠨᠳᠢᠨ ᠵᠠᠪᠰᠢᠶᠠᠨ ᠢ ᠲᠡᠭᠡᠵᠦ ᠨᠢᠭᠡ ᠮᠥᠷᠥ ᠵᠥᠷᠢᠨ | ᠥᠩᠭᠡᠷᠡᠭᠡᠭᠰᠡᠨ ᠰᠠᠨ᠃ | ᠳ᠋ᠧᠨ᠋ᠮᠡᠷᠺ ᠤᠨ ᠵᠢᠭᠤᠯᠴᠢᠨ ᠾᠧᠩᠨᠢᠩ· ᠬᠠᠰᠯᠦ᠋ᠨᠳ᠋ ᠤᠨ︽ᠮᠣᠩᠭᠤᠯ ᠤᠨ ᠪᠤᠷᠬᠠᠳ ᠪᠠ ᠡᠷᠡᠴᠦᠦᠯ︾ ᠭᠡᠳᠡᠭ ᠵᠢᠭᠤᠯᠴᠢᠯᠠᠯ ᠤᠨ ᠲᠡᠮᠳᠡᠭᠯᠡᠯ ᠢ ᠦᠵᠡᠭᠰᠡᠨ ᠤ | ᠲᠠᠷᠠᠭᠠ᠂ ᠬᠡᠳᠦᠶᠢᠪᠡᠷ ᠶᠡᠬᠡᠩᠬᠢ ᠨᠢᠭᠤᠷ ᠲᠠᠭᠠᠨ ᠪᠠᠷᠠᠭᠤᠨ ᠮᠣᠩᠭᠤᠯ ᠢᠶᠠᠷ ᠵᠢᠭᠤᠯᠴᠢᠯᠠᠨ ᠶᠠᠪᠤᠭᠰᠠᠨ ᠰᠣᠨᠢᠨ ᠰᠠᠶᠢᠬᠠᠨ ᠶᠠᠪᠤᠳᠠᠯ ᠨᠦᠭᠦᠳ ᠢᠶᠠᠨ ᠲᠡᠮᠳᠡᠭᠯᠡᠵᠦ᠂ | ᠪᠦᠬᠦᠶᠢᠯᠡ ᠲᠣᠭᠠᠴᠢᠯᠲᠠ ᠶᠢᠨ ᠣᠯᠠᠩᠬᠢ ᠪᠠᠶᠢᠷᠢ ᠶᠢ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠴᠤ ᠵᠡᠭᠦᠨ ᠮᠣᠩᠭᠤᠯ ᠢᠶᠠᠷ ᠲᠣᠭᠤᠷᠢᠨ ᠰᠤᠷᠪᠤᠯᠵᠢᠯᠠᠭᠰᠠᠨ ᠴᠥᠭᠡᠩᠬᠢ ᠬᠡᠰᠡᠭ ᠨᠢᠭᠤᠷ | ᠨᠢ ᠮᠢᠨᠤ ᠠᠩᠬᠠᠷᠤᠯ ᠢ ᠮᠠᠰᠢᠳᠠ ᠲᠠᠲᠠᠵᠠᠢ᠃ ᠲᠡᠭᠡᠪᠡᠴᠦ ᠤᠯᠠᠭᠠᠨᠬᠠᠳᠠ᠂ ᠬᠤᠷᠴᠢᠨ᠂ ᠨᠡᠩ ᠲᠦᠰᠢᠶᠡᠲᠦ ᠬᠤᠰᠢᠭᠤ ᠪᠠᠷ ᠶᠠᠪᠤᠭᠰᠠᠨ ᠢᠶᠠᠨ ᠢᠯᠡᠭᠦᠬᠡᠨ ᠲᠣᠭᠠᠴᠢᠵᠤ᠂ | ᠬᠥᠯᠥᠨ ᠪᠤᠶᠢᠷ ᠤᠨ ᠬᠡᠰᠡᠭ ᠤᠨ ᠰᠤᠷᠠᠭ ᠪᠠᠯᠠᠷᠬᠠᠢ ᠴᠥᠭᠡᠬᠡᠨ ᠪᠠᠶᠢᠬᠤ ᠨᠢ ᠮᠠᠰᠢ ᠬᠠᠷᠠᠮᠰᠠᠯᠲᠠᠢ ᠰᠢᠭ᠋ ᠰᠠᠨᠠᠭᠳᠠᠯᠠ᠃ ᠤᠯᠵᠠᠭᠤᠷᠬᠠᠰᠢᠳᠠᠢ ᠨᠢ ᠨᠣᠮ ᠤᠨ ᠢᠶᠠᠨ | ᠰᠡᠭᠦᠯᠴᠢ ᠶᠢᠨ ︿ᠵᠡᠭᠦᠯᠲᠡ﹀ᠳᠤᠮᠳᠠ ᠬᠠᠶᠢᠯᠠᠷ ᠢᠶᠠᠷ ᠢᠷᠡᠭᠰᠡᠨ ᠠᠭᠤᠯᠭᠠ ᠳᠠᠭᠠᠨ ᠨᠡᠮᠡᠯᠲᠡ ᠬᠢᠵᠦ᠂ ᠬᠡᠳᠦᠶᠢᠪᠡᠷ ᠦᠰᠦᠭ ᠥᠭᠦᠯᠡᠪᠦᠷᠢ ᠶᠢᠨ ᠲᠤᠭᠠ ᠨᠢ ᠴᠥᠭᠡᠨ | ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠲᠤᠰ ᠤᠳᠠᠭᠠᠨ ᠤ ᠪᠦᠬᠦᠶᠢᠯᠡ ᠬᠠᠶᠢᠨ ᠰᠢᠨᠵᠢᠯᠡᠯᠲᠡ ᠶᠢᠨ ᠠᠵᠢᠯᠯᠠᠭᠠᠨ ᠤ ᠨᠢᠭᠡᠨ ᠴᠣᠭᠴᠠ ᠶᠢᠨ ᠬᠡᠪ ᠢᠶᠠᠷ ᠲᠣᠳᠣᠷᠠᠭᠰᠠᠨ ᠨᠢ ᠨᠠᠳᠠᠳᠤ | ᠶᠡᠬᠡᠬᠡᠨ ᠲᠠᠶᠢᠳᠬᠤᠷᠠᠯ ᠪᠣᠯᠵᠠᠢ᠃ ᠪᠦᠬᠦᠯᠢ ᠴᠣᠭᠴᠠ ᠠᠭᠤᠯᠭᠠ ᠶᠢᠨ ᠳᠤᠮᠳᠠ ᠠᠴᠠ ᠲᠤᠰ ᠵᠣᠬᠢᠶᠠᠭᠴᠢ ᠶᠢᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ ᠠᠭᠠᠵᠢᠮ ᠢᠶᠠᠷ ᠭᠦᠨᠵᠡᠭᠡᠶᠢᠷᠡᠨ᠂ | ᠨᠡᠩ ᠨᠠᠷᠢᠨ ᠵᠦᠭ ᠰᠢᠯᠵᠢᠭᠦ ᠳᠤᠮᠳᠠ ᠲᠠᠨᠢᠯᠲᠠ ᠴᠢᠨᠠᠭᠰᠢᠯᠠᠨ ᠳᠡᠭᠡᠭᠰᠢᠯᠡᠵᠡᠢ᠃ ᠥᠪᠡᠷ ᠤᠨ ᠲᠣᠳᠣᠯᠠᠨ ᠲᠣᠳᠣᠷᠬᠠᠶᠢᠯᠠᠬᠤ ᠴᠢᠬᠤᠯᠠᠲᠠᠢ ᠪᠠᠶᠢᠭᠠ ᠨᠤᠲᠤᠭ ᠤᠨ | ᠳᠡᠭᠡᠳᠦᠰ ᠤᠨ ᠮᠢᠨᠢ ᠮᠥᠷ ᠰᠤᠷᠠᠭ ᠨᠢ ᠪᠦᠷᠦᠭ ᠪᠠᠷᠤᠭ ᠬᠠᠷᠠᠬᠳᠠᠩᠬᠠᠨ ᠰᠢᠤᠬᠠᠨ ᠪᠣᠯᠤᠭᠰᠠᠨ ᠨᠢ ᠰᠣᠨᠢᠬᠠᠨ᠃ ᠵᠣᠬᠢᠶᠠᠭᠴᠢ ᠮᠠᠨᠢ ᠪᠠᠷᠠᠭᠤᠨ ᠵᠦᠭ ᠤᠨ ᠲᠡᠭᠷᠢ ᠶᠢᠨ | ᠣᠷᠣᠨ ᠠᠴᠠ ᠨᠤᠲᠤᠭ ᠵᠦᠭ ᠮᠢᠨᠢ ᠲᠡᠮᠡᠦᠯᠵᠦ᠂ ᠵᠢᠩ ᠤᠨ ᠴᠤᠪᠤᠭᠠ ᠨᠢ ᠲᠡᠷᠡ ᠤᠯᠠᠨ ᠪᠠᠷᠳᠠᠭᠠ ᠬᠦᠴᠢᠷ ᠢ ᠲᠠᠪᠠᠨ ᠲᠤᠭᠤᠯᠤᠬᠰᠠᠭᠠᠷ ᠁ ᠭᠡᠷ ᠤᠨ | ᠬᠠᠶᠠᠭᠠᠨ ᠤ ᠵᠠᠬᠠ ᠳᠤ ᠪᠠᠭᠤᠵᠤ᠂ ᠮᠠᠶᠢᠬᠠᠨ ᠢᠶᠠᠨ ᠪᠣᠰᠬᠠᠨ᠂ ᠲᠠᠭᠢᠨ ᠠᠯᠬᠤᠨ ᠨᠠᠭᠠᠰᠢᠯᠠᠭᠰᠠᠭᠠᠷ ᠭᠠᠷ ᠠᠳᠬᠤᠨ ᠵᠣᠯᠭᠠᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠯᠠ᠃ | ᠲᠡᠭᠡᠭᠡᠳ ᠪᠢ᠂ ᠲᠡᠷᠡ ᠳᠣᠣᠷᠠ ᠨᠢ ᠬᠤᠶᠠᠷ ᠱᠤᠭᠤᠮ ᠢᠶᠠᠷ ᠥᠪᠡᠷ ᠤᠨ ᠬᠤᠪᠢ ᠶᠢᠨ ᠮᠥᠷᠳᠡᠯᠲᠡ ᠪᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠪᠢᠯᠡ᠃ ᠤᠷᠢᠳᠠᠪᠠᠷ ᠬᠠᠭᠤᠴᠢᠨ | ᠪᠠᠷᠭᠤ ᠬᠤᠰᠢᠭᠤᠨ ᠤ ᠰᠣᠶᠣᠯ ᠲᠠᠮᠢᠷ ᠷᠠᠳᠢᠣ᠋ ᠲᠧᠯᠸᠢᠰ ᠲᠣᠪᠴᠢᠶᠠᠨ ᠤ ᠳᠡᠳ᠋ ᠲᠣᠪᠴᠢᠶᠠᠨ ᠳᠠᠷᠤᠭᠠ ᠶᠢᠨ ᠠᠵᠢᠯ ᠲᠠᠢ ᠠᠬᠠ ᠪᠤ · ·ᠲᠡᠮᠦᠷᠡ ᠲᠠᠢ ᠤᠲᠠᠰᠤ | ᠵᠠᠯᠭᠠᠨ ᠪᠦᠬᠦᠢ ᠠᠭᠤᠯᠭᠠ ᠵᠣᠷᠢᠯᠭᠠ ᠪᠠᠨ ᠲᠠᠨᠢᠯᠴᠠᠭᠤᠯᠤᠨ ᠬᠤᠯᠪᠣᠭᠳᠠᠯ ᠪᠦᠬᠦᠢ ᠬᠥᠮᠥᠰ ᠤᠨ ᠰᠤᠷᠠᠭ ᠢ ᠯᠠᠪᠯᠠᠨ ᠲᠣᠳᠣᠯᠠᠬᠤ ᠠᠩᠬᠠᠨ ᠤ ᠠᠯᠬᠤᠮ ᠢᠶᠠᠨ | ᠡᠬᠢᠯᠡᠭᠦᠯᠵᠡᠢ᠃ ᠲᠡᠭᠡᠭᠡᠳ ᠲᠡᠭᠦᠨ ᠤ ᠢᠳᠡᠪᠬᠢᠲᠡᠢ ᠬᠠᠮᠵᠢᠯᠴᠠᠭᠠᠨ ᠳᠤᠮᠳᠠ᠂︽ᠬᠤᠸᠠᠯᠢᠩᠪᠤ︾ᠭᠡᠳᠡᠭ ᠡᠨᠡ ᠬᠥᠮᠥᠨ ᠴᠠᠭᠠᠨ ᠲᠠᠯᠠᠪᠠᠢ ᠳᠤ ᠪᠠᠶᠢᠭᠰᠠᠨ ᠲᠤᠬᠠᠢ ᠮᠡᠳᠡᠭᠡ | ᠶᠢ ᠣᠯᠵᠤ᠂ ᠲᠠᠭᠢᠨ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠫᠦᠷᠪᠦ ᠪᠠᠭᠰᠢ ᠶᠢᠨ ᠬᠠᠪᠰᠤᠷᠤᠯᠭᠠ ᠳᠣᠣᠷᠠ ᠴᠠᠭᠠᠨ ᠪᠠᠯᠭᠠᠰᠤᠨ ᠳᠤ ᠪᠠᠶᠢᠬᠤ | ᠲᠠᠨᠢᠯ ᠬᠥᠮᠥᠰ ᠤᠨ ᠰᠤᠷᠠᠭ ᠢ ᠣᠯᠵᠠᠢ᠃ ᠡᠨᠡ ᠱᠤᠭᠤᠮ ᠤᠨ ᠪᠣᠳᠠᠲᠤ ᠮᠡᠳᠡᠭᠡ ᠪᠣᠯ᠄︽ᠬᠠᠶᠢᠯᠠᠷ ᠤᠨ ᠴᠡᠷᠢᠭ ᠤᠨ ᠲᠣᠭᠤᠷᠢᠭ ᠤᠨ ᠫᠦᠯᠦᠮᠧᠲ ᠤᠨ ᠠᠩᠭᠢ︾ ᠳᠤ | ᠪᠠᠶᠢᠭᠰᠠᠨ ; ᠬᠡᠦᠬᠡᠨ ᠨᠢ ᠪᠤᠨᠳᠠᠷᠮᠠ᠂ ᠬᠦᠦ ᠨᠢ ᠴᠢᠯᠠᠭᠤᠨᠪᠠᠭᠠᠲᠤᠷ ᠭᠡᠳᠡᠭ ᠪᠥᠭᠡᠳ ᠤᠳᠤ ᠪᠦᠷ ᠦᠭᠡᠢ ᠪᠣᠯᠤᠭᠰᠠᠨ︵ᠨᠠᠰᠤ ᠨᠥᠭᠴᠢᠭᠰᠡᠨ︶; ᠠᠴᠢ ᠵᠢᠭᠡ | ᠨᠠᠷ ᠤᠨ ᠬᠢᠨᠢ ᠲᠤᠬᠠᠢ ᠣᠳᠣᠬᠠᠨ ᠳᠠᠭᠠᠨ ᠰᠤᠷᠠᠭᠯᠠᠬᠤ ᠵᠠᠪ ᠣᠯᠳᠠᠭᠠ ᠦᠭᠡᠢ ᠪᠠᠶᠢᠭᠠ᠃ ᠪᠠᠰᠠ ᠨᠢᠭᠡᠨ ᠵᠢᠭᠡ ᠬᠦᠦ ᠨᠢ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠤ | ᠬᠠᠷᠭᠠᠨᠠᠲᠤ᠂ ᠬᠥᠬᠡᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠣᠷᠴᠢᠮ ᠳᠤ ᠭᠠᠴᠠᠭᠠᠨ ᠳᠠᠷᠤᠭᠠ ᠪᠠᠶᠢᠭᠰᠠᠨ ᠭᠡᠬᠦ ᠵᠡᠷᠭᠡ ᠴᠢᠮᠡᠭᠡ ᠨᠦᠭᠦᠳ ᠪᠣᠯᠣᠨᠠ᠃ ᠲᠡᠭᠡᠭᠡᠳ ᠠᠬᠠ ᠮᠠᠨᠢ ᠬᠠᠭᠤᠴᠢᠨ | ᠪᠠᠷᠭᠤ ᠬᠤᠰᠢᠭᠤᠨ ᠤ ᠱᠤᠭᠤᠮ ᠢᠶᠠᠷ ᠰᠤᠷᠠᠭᠯᠠᠬᠤ ᠳᠤ᠂ ᠤᠴᠢᠷ ᠶᠡᠭᠡ ᠲᠣᠳᠣᠷᠬᠠᠢ ᠪᠣᠯᠵᠠᠢ᠃ ᠲᠡᠷᠡ ᠲᠦᠷᠦᠭᠰᠡᠨ ᠵᠢᠭᠡ ᠬᠦᠦ ᠨᠢ ᠪᠠᠶᠠᠷᠰᠠᠶᠢᠬᠠᠨ ᠭᠡᠳᠡᠭ | ᠮᠥᠷᠲᠡᠭᠡᠨ ᠮᠠᠨ ᠳᠤ ᠠᠪᠠᠭᠠ ᠦᠶᠡᠲᠡᠢ ᠰᠠᠳᠤᠨ ᠪᠤᠯᠳᠠᠭ ᠪᠠᠶᠢᠨᠠ᠃ ᠲᠡᠭᠦᠨ ᠤ ᠡᠷᠭᠢᠴᠡᠭᠦᠯᠬᠦ ᠪᠠᠷ᠂︽ᠬᠤᠸᠠᠯᠢᠩᠪᠤ︾ ᠶᠢᠨ ᠡᠴᠢᠭᠡ ᠨᠢ ᠢᠳᠡᠮᠦ ᠭᠡᠳᠡᠭ᠂ | ᠬᠠᠭᠠᠷᠬᠠᠢ ᠣᠪᠣᠭᠠᠨ ᠤ ᠰᠢᠷᠠᠨᠤᠳ ᠬᠠᠯᠠ ᠲᠠᠢ᠃ ᠪᠠᠶᠠᠷᠰᠠᠶᠢᠬᠠᠨ ᠤ ᠲᠠᠭᠠᠮᠠᠭᠯᠠᠵᠤ ᠪᠠᠶᠢᠬᠤ ᠪᠠᠷ ᠪᠣᠯ ᠳᠡᠭᠡᠷᠡ ᠵᠠᠭᠤᠨ ᠤ ᠳᠥᠴᠢ ᠲᠠᠪᠢᠭᠠᠳ ᠣᠨ ᠤ ᠦᠶᠡ ᠳᠤ | ᠴᠠᠭᠠᠨ ᠲᠠᠯᠠᠪᠠᠢ ᠤᠷᠤᠭᠤ ᠨᠡᠭᠦᠭᠰᠡᠨ ᠪᠤᠯᠤᠯᠳᠠᠢ᠃ ᠬᠡᠷᠬᠢᠨ ᠨᠡᠭᠦᠵᠦ ᠣᠴᠢᠭᠰᠠᠨ ᠲᠤᠬᠠᠢ ᠪᠣᠳᠠᠲᠠᠢ ᠰᠤᠷᠠᠭ ᠣᠯᠳᠠᠭᠰᠠᠨ ᠦᠭᠡᠢ᠂ ᠳᠡᠯᠡᠬᠡᠢ ᠶᠢᠨ ᠬᠤᠶᠠᠳᠤᠭᠠᠷ | ᠲᠠᠶᠢᠨ ᠤ ᠲᠡᠭᠦᠰᠬᠡᠯ ᠤᠨ ᠦᠶᠡ ᠳᠤ᠂ ᠬᠠᠭᠤᠴᠢᠨ ᠪᠠᠷᠭᠤᠴᠤᠳ ᠤᠨ ᠳᠥᠴᠢᠨ ᠲᠦᠮᠡᠨ ᠮᠡᠯ ᠢ ᠤᠷᠤᠰ ᠤᠷᠤᠭᠤ ᠲᠠᠭᠤᠭᠰᠠᠨ ᠶᠠᠪᠤᠳᠠᠯ ᠭᠠᠷᠴᠤ᠂ ᠨᠡᠯᠢᠶᠡᠳ | ᠬᠥᠮᠥᠨ ᠵᠤᠨ ᠠᠮᠢᠳᠤᠷᠠᠯ ᠤᠨ ᠡᠷᠬᠡ ᠪᠠᠷ ᠪᠤᠰᠤᠳ ᠬᠤᠰᠢᠭᠤᠨ ᠤ ᠨᠤᠲᠤᠭ ᠲᠤ ᠨᠡᠭᠦᠭᠰᠡᠨ ᠪᠠᠶᠢᠵᠤ ᠪᠢᠯᠡ᠃ ᠲᠡᠳᠡᠭᠡᠷ ᠨᠡᠭᠦᠨ ᠰᠢᠯᠵᠢᠭᠰᠡᠨ ᠬᠥᠮᠥᠰ ᠤᠳ ᠤᠨ | ᠳᠤᠮᠳᠠᠬᠢ ᠨᠢᠭᠡᠨ ᠨᠢ ᠪᠣᠯᠪᠠᠤ ᠭᠡᠵᠦ ᠬᠡᠮᠡᠨ ᠪᠠᠷᠤᠭᠴᠠᠭᠠᠯᠠᠵᠤ ᠪᠤᠢ᠃ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠨᠠᠶᠠᠭᠠᠳ ᠣᠨ ᠳᠤ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠴᠠᠭᠠᠨ | ᠪᠠᠯᠭᠠᠰᠤᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠪᠠᠷᠢᠭᠰᠠᠨ ᠮᠣᠩᠭᠤᠯ ᠭᠡᠷ ᠲᠤ ᠨᠠᠰᠤ ᠨᠥᠭᠴᠢᠵᠡᠢ ᠭᠡᠵᠦ ᠶᠠᠷᠢᠵᠤ ᠪᠠᠶᠢᠨᠠ᠃ ᠭᠠᠷᠵᠠ ᠠᠪᠤᠭᠠᠢ ᠪᠣᠯ ᠮᠠᠨ ᠤ | ᠭᠡᠷ ᠤᠨ ᠶᠡᠭᠡ ᠬᠦᠷᠭᠡᠨ ᠠᠬᠠ ᠰᠠᠶᠢᠨᠲᠣᠭᠲᠠᠬᠤ ᠶᠢᠨ ᠠᠪᠤ ᠨᠢ ᠪᠣᠯᠣᠨᠠ᠃ ᠲᠡᠷᠡ ᠵᠠᠯᠠᠭᠤ ᠳᠠᠭᠠᠨ ︽ᠬᠤᠸᠠᠯᠢᠩᠪᠤ︾ ᠲᠠᠢ ᠴᠤᠭ ᠨᠢᠭᠡ ᠬᠤᠷᠢᠶᠠᠨ ᠳᠤ ᠴᠡᠷᠢᠭ ᠤᠨ | ᠠᠯᠪᠠᠨ ᠳᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠨᠠᠰᠤ ᠪᠠᠷ ᠬᠤᠶᠠᠷ ᠳᠡᠭᠦᠦ ᠪᠠᠶᠢᠭᠰᠠᠨ ᠭᠡᠨᠡ᠃ ᠬᠤᠶᠠᠭᠤᠯᠠ ᠣᠶᠢᠷᠠᠬᠠᠨ ᠳᠣᠲᠣᠨᠣ ᠦᠶᠡᠷᠬᠡᠵᠦ ᠶᠠᠪᠤᠯᠴᠠᠳᠠᠭ ᠲᠤᠯᠠ ︽ | ᠬᠠᠭᠠᠷᠬᠠᠢ ᠣᠪᠣᠭᠠᠨ ᠤ ᠰᠢᠷᠠᠨᠤᠳ︾ ᠭᠡᠳᠡᠭ ᠢ ᠨᠢ ᠲᠣᠳᠣᠬᠠᠨ ᠴᠡᠭᠡᠵᠢᠯᠡᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠪᠠᠶᠠᠷᠰᠠᠶᠢᠬᠠᠨ ᠠᠪᠠᠭᠠ ᠳᠤ ᠶᠠᠷᠢᠵᠤ ᠥᠩᠭᠡᠷᠡᠭᠰᠡᠨ ᠭᠡᠳᠡᠭ᠃ | ᠢᠩᠭᠢᠪᠡᠯ ᠲᠤᠰ ᠬᠥᠮᠥᠨ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠠᠷᠪᠠᠨ ᠣᠨ ᠤ ᠬᠥᠮᠥᠨ ᠪᠤᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ᠃ ᠢᠩᠭᠢᠬᠦ ᠲᠤᠳᠤᠮ ᠭᠤᠷᠪᠠᠳᠤᠭᠠᠷ ᠱᠤᠭᠤᠮ ᠢ | ᠪᠣᠳᠣᠯᠬᠢᠯᠠᠬᠤ ᠴᠢᠬᠤᠯᠠ ᠲᠠᠢ ᠪᠤᠯᠬᠤ ᠦᠶᠡᠰ᠂ ᠪᠠᠶᠠᠷᠰᠠᠶᠢᠬᠠᠨ ᠠᠪᠤᠭᠠᠢ ᠶᠢᠨ ᠲᠡᠨᠳᠡ ᠠᠴᠠ ᠳᠠᠮᠵᠢᠭᠤᠯᠤᠭᠰᠠᠨ ᠴᠢᠮᠡᠭᠡ ᠪᠠᠷ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ | ᠴᠠᠭᠠᠨ ᠪᠠᠯᠭᠠᠰᠤᠨ ᠳᠤ ᠪᠠᠶᠢᠬᠤ ᠲᠡᠮᠡᠴᠡᠯ ᠠᠪᠤᠭᠠᠢ ᠶᠢᠨ ᠰᠤᠷᠠᠭ ᠢ ᠣᠯᠵᠠᠢ᠃ ᠲᠡᠭᠡᠭᠡᠳ ᠬᠠᠶᠢᠯᠠᠷ ᠲᠤ ᠪᠠᠶᠢᠭᠠ ᠲᠡᠭᠦᠨ ᠤ ᠠᠴᠢ ᠬᠥᠪᠡᠭᠦᠨ ᠣᠴᠢ ᠪᠣᠯᠣᠨ | ᠬᠦᠷᠭᠡᠨ ᠨᠢ ᠪᠤᠯᠬᠤ ᠪᠣᠯᠣᠳ ᠤᠨ ᠬᠠᠪᠰᠤᠷᠤᠯᠭᠠ ᠪᠠᠷ ᠬᠠᠷᠢᠯᠴᠠᠭᠠ ᠠᠪᠤᠭᠰᠠᠨ ᠨᠢ ᠪᠠᠷᠠᠭᠠᠨ ᠮᠠᠨᠠᠨ ᠰᠢᠭ᠋ ᠪᠤᠳᠤᠯᠢᠨ ᠪᠠᠶᠢᠭᠠ ᠪᠢᠲᠡᠭᠦᠯᠢᠭ ᠤᠴᠢᠷ ᠮᠠᠨᠠᠨ ᠠᠷᠢᠯᠬᠤ | ᠰᠢᠭ᠋ ᠲᠣᠳᠣᠷᠠᠨ ᠢᠷᠡᠭᠰᠡᠨ ᠨᠢ ᠤᠶᠤᠩᠭᠤ ᠪᠣᠯᠵᠠᠢ᠃ ᠬᠤᠸᠠᠯᠢᠩᠪᠤ ᠪᠣᠯ ᠲᠡᠮᠡᠴᠡᠯ ᠠᠪᠤᠭᠠᠢ ᠶᠢᠨ ᠠᠪᠤ ᠲᠠᠢ ᠨᠢ ᠴᠤᠭ ᠴᠡᠷᠢᠭ ᠤᠨ ᠳᠣᠯᠣᠳᠤᠭᠠᠷ ᠬᠤᠷᠢᠶᠠᠨ ᠳᠤ | ᠪᠠᠶᠢᠭᠰᠠᠨ ᠪᠥᠭᠡᠳ ᠲᠡᠭᠦᠨ ᠲᠠᠢ ᠬᠤᠳᠠ ᠤᠷᠤᠭ ᠪᠤᠯᠬᠤ ᠲᠤᠯᠠ ᠬᠤᠸᠠᠯᠢᠩᠪᠤ ᠶᠢᠨ ᠪᠦᠬᠦᠶᠢᠯᠡ ᠠᠮᠢᠳᠤᠷᠠᠯ ᠠᠬᠤᠢ ᠶᠢᠨ ᠲᠤᠬᠠᠢ ᠨᠡᠯᠢᠶᠡᠳ ᠲᠣᠳᠣ ᠰᠤᠷᠠᠭ ᠵᠠᠩᠭᠢ | ᠣᠯᠳᠠᠭᠳᠠᠭᠰᠠᠨ ᠶᠤᠮ᠃ ᠲᠡᠭᠦᠨ ᠤ ᠶᠠᠷᠢᠬᠤ ᠪᠠᠷ᠄ ᠬᠤᠸᠠᠯᠢᠩᠪᠤ ᠪᠣᠯ 1912 ᠣᠨ ᠤ ᠬᠥᠮᠥᠨ᠂ ᠬᠤᠯᠤᠭᠠᠨᠠ ᠵᠢᠯ ᠲᠠᠢ᠂ ᠴᠢᠪᠴᠢᠨ ᠪᠠᠷᠭᠤ ᠶᠢᠨ ᠬᠠᠭᠠᠷᠬᠠᠢ | ᠣᠪᠣᠭᠠᠨ ᠤ ᠬᠠᠷᠠᠨᠤᠳ ᠬᠠᠯᠠ ︵ᠣᠪᠣᠭ︶ ᠲᠠᠢ ᠬᠥᠮᠥᠨ ᠭᠡᠨᠡ᠂ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠭᠤᠴᠢᠭᠠᠳ ᠣᠨ ᠳᠤ᠂ ᠬᠠᠶᠢᠯᠠᠷ ᠲᠤ ᠠᠪᠤ ᠲᠠᠢ ᠨᠢ ᠴᠤᠭ ᠴᠡᠷᠢᠭ | ᠲᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠨᠤᠮᠤᠨ ᠬᠠᠨ ᠤ ᠲᠠᠶᠢᠨ ᠳᠤ ᠤᠷᠤᠯᠴᠠᠵᠦ ᠥᠩᠭᠡᠷᠡᠭᠰᠡᠨ ᠪᠠᠶᠢᠵᠠᠢ᠃ ᠲᠡᠶᠢᠨ ᠤ ᠳᠤᠮᠳᠠ ᠤᠷᠤᠰ ᠴᠡᠷᠢᠭ ᠲᠤ ᠪᠦᠰᠡᠯᠡᠭᠳᠡᠨ ᠳᠠᠪᠬᠢᠨ | ᠵᠢᠭᠤᠲᠠᠵᠤ ᠪᠠᠶᠢᠭᠠ ᠮᠠᠰᠢᠨ ᠤ ᠠᠷᠤ ᠬᠠᠰᠢᠯᠭᠠᠨ ᠠᠴᠠ ᠵᠢᠭᠤᠷᠠᠯᠳᠤᠨ ᠪᠠᠶᠢᠵᠤ ᠠᠮᠢ ᠭᠠᠷᠤᠭᠰᠠᠨ ᠭᠡᠵᠦ ᠶᠠᠷᠢᠵᠤ ᠪᠠᠶᠢᠯᠠ ᠭᠡᠳᠡᠭ᠃ ᠲᠠᠶᠢᠨ ᠤ ᠲᠠᠷᠠᠭᠠ ᠴᠡᠷᠢᠭ ᠠᠴᠠ | ᠬᠠᠯᠠᠭᠳᠠᠨ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠤ᠂ ᠳᠡᠭᠡᠷᠡ ᠵᠠᠭᠤᠨ ᠤ ᠳᠥᠴᠢᠭᠡᠳ ᠣᠨ ᠤ ᠰᠡᠭᠦᠯᠴᠢ ᠪᠠᠷ ᠴᠠᠭᠠᠨ ᠲᠡᠯᠡᠪᠡᠢ ᠳᠤ ᠨᠡᠭᠦᠨ ᠣᠴᠢᠭᠰᠠᠨ ᠶᠤᠮ ᠪᠠᠶᠢᠵᠠᠢ᠃ | ᠬᠡᠦᠬᠡᠨ ᠳᠡᠭᠦᠦ ᠶᠢᠨ ᠬᠢᠨᠢ ᠬᠠᠭᠤᠴᠢᠯᠠᠬᠤ ᠪᠠᠷ᠂ ᠠᠬᠠ ᠨᠢ ᠮᠣᠳᠣᠨ ᠲᠠᠷᠬᠠᠨ ᠤ ᠠᠵᠢᠯ ᠳᠤ ᠰᠠᠶᠢᠨ ᠪᠣᠯᠬᠤᠷ ᠲᠡᠷᠭᠡ ᠮᠦᠭᠡᠷᠯᠡᠵᠦ ᠪᠠᠶᠢᠬᠤ ᠳᠠᠭᠠᠨ ᠴᠤ ᠳᠠᠭᠤᠤ | ᠭᠢᠩᠰᠢᠵᠦ᠂ ᠮᠣᠷᠢ ᠲᠠᠬᠠᠯᠠᠬᠤ ᠮᠡᠷᠭᠡᠵᠢᠯ ᠳᠡᠭᠡᠨ ᠴᠤ ᠰᠠᠶᠢᠨ ᠪᠠᠶᠢᠵᠠᠢ ᠭᠡᠨᠡ᠃ ᠲᠡᠮᠡᠴᠡᠯ ᠭᠤᠸᠠᠢ ᠪᠠᠭᠠ ᠠᠴᠠ ᠪᠠᠨ ᠣᠶᠢᠷᠠᠬᠠᠨ ᠵᠡᠷᠭᠡᠯᠡᠳᠡᠭᠡ ᠰᠠᠭᠤᠳᠠᠭ ᠪᠣᠯᠬᠤᠷ | ᠶᠡᠭᠡᠯᠡ ᠲᠠᠰᠤᠯ ᠪᠠᠶᠢᠵᠤ᠂ ᠠᠭᠤᠯᠵᠠᠨ ᠤᠴᠠᠷᠠᠬᠤ ᠪᠦᠷᠢ ᠦᠷᠭᠦᠯᠵᠢ ᠵᠢᠳᠬᠦᠭᠦᠯᠦᠨ ᠬᠠᠭᠤᠴᠢᠨ ᠦᠯᠢᠭᠡᠷ ᠶᠠᠪᠤᠳᠠᠯ ᠢ ᠨᠢ ᠶᠠᠷᠢᠭᠤᠯᠵᠤ ᠰᠣᠨᠣᠰᠳᠠᠭ ᠪᠠᠶᠢᠵᠠᠢ᠃ | 1989 ᠣᠨ ᠳᠤ᠂ ᠲᠠᠯᠠᠨ ᠳᠣᠯᠣᠭᠠᠲᠠᠢ ᠳᠠᠭᠠᠨ ᠨᠠᠰᠤ ᠨᠥᠭᠴᠢᠵᠡᠢ᠃ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠭᠤᠴᠢᠭᠠᠳ ᠣᠨ ᠳᠤ᠂ ᠬᠥᠯᠥᠨ ᠪᠤᠶᠢᠷ ᠤᠨ ᠴᠡᠷᠢᠭ ᠤᠨ | ᠲᠣᠭᠤᠷᠢᠭ ᠤᠨ ᠳᠣᠯᠣᠳᠤᠭᠠᠷ ᠬᠤᠷᠢᠶᠠ ᠶᠢᠨ ᠫᠦᠯᠦᠮᠧᠲ ᠰᠤᠮᠤᠨ ᠤ ᠴᠡᠷᠢᠭ ᠪᠠᠶᠢᠬᠤ ᠳᠠᠭᠠᠨ᠂ ᠳ᠋ᠧᠨ᠋ᠮᠡᠷᠺ ᠤᠨ ᠵᠢᠭᠤᠯᠴᠢᠨ ᠾᠧᠩᠨᠢᠩ·ᠬᠠᠰᠯᠦ᠋ᠨᠳ᠋ ᠤᠨ | ᠰᠣᠷᠪᠤᠯᠵᠢᠯᠠᠭᠠ ᠪᠣᠯᠣᠨ ᠰᠢᠩᠭᠡᠭᠡᠯᠲᠡ ᠶᠢ ᠬᠦᠯᠢᠶᠡᠵᠦ᠂ ︽ᠤᠷᠳᠤ ᠰᠠᠶᠢᠬᠠᠨ ᠤᠯᠠᠭᠠᠨ︾᠂ ︽ᠭᠠᠯᠠᠭᠤᠨ ᠬᠦᠵᠦᠭᠦᠨ ᠵᠡᠭᠡᠷᠳᠡ︾᠂ ︽ᠠᠷᠤ ᠶᠢᠨ ᠭᠤᠷᠪᠠᠨ | ᠬᠠᠶᠢᠯᠠᠰᠤ︾᠂ ︽ᠪᠦᠭᠡ ᠶᠢᠨ ᠤᠷᠢᠶᠠ︾᠂ ︽ᠪᠠᠷᠭᠤ ᠨᠠᠭᠠᠳᠤᠮ ᠤᠨ ᠳᠠᠭᠤᠤ︾ᠵᠡᠷᠭᠡ ᠲᠠᠪᠤᠨ ᠪᠠᠷᠭᠤ ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ᠂ ᠲᠡᠷᠡ ᠨᠢ ᠮᠣᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠤᠨ ᠨᠠᠨᠳᠢᠨ ᠥᠪ ᠪᠣᠯᠣᠨ ᠰᠣᠷᠢᠨᠵᠢᠨ ᠪᠢᠴᠢᠯᠭᠡ ᠳᠤ ᠰᠢᠩᠭᠡᠭᠡᠭᠳᠡᠨ ᠦᠯᠡᠳᠡᠵᠡᠢ᠃ | |