| ᠬᠤᠶᠠᠷ ᠮᠢᠩᠭᠠ ᠠᠷᠪᠠᠨ ᠲᠤᠯᠤᠭᠠᠨ ᠣᠨ ᠤ ᠵᠤᠨ ᠣᠯᠳᠠᠭᠰᠠᠨ ︽ᠪᠠᠷᠭᠤ ᠬᠤᠷᠢᠮ ᠤᠨ ᠳᠠᠭᠤᠤ︾ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠭᠠ ︽ᠤᠷᠳᠤ ᠰᠠᠶᠢᠬᠠᠨ ᠤᠯᠠᠭᠠᠨ︾ | ︽ᠪᠠᠷᠭᠤ ᠨᠠᠭᠠᠳᠤᠮ ᠤᠨ ᠳᠠᠭᠤᠤ︾ ︽ᠪᠦᠮᠪᠤᠳᠠᠢ︾ ︽ᠪᠦᠭᠡ ᠶᠢᠨ ᠤᠷᠢᠶᠠ︾ ︽ᠠᠷᠤ ᠶᠢᠨ ᠭᠤᠷᠪᠠᠨ ᠬᠠᠶᠢᠯᠠᠰᠤ︾ᠵᠡᠷᠭᠡ ᠲᠠᠪᠤᠨ ᠳᠠᠭᠤᠤ ᠶᠢ ᠲᠤᠬᠠᠢ ᠶᠢᠨ | ᠦᠶᠡ ᠳᠤ᠂ ᠦᠭᠡ ᠨᠣᠲ ᠢ ᠪᠠᠭᠤᠯᠭᠠᠨ ᠲᠡᠮᠳᠡᠭᠯᠡᠵᠦ ᠠᠪᠤᠭᠰᠠᠨ ᠢ ᠭᠠᠷᠭᠠᠪᠠᠯ᠂ ᠤᠳᠤ ᠶᠢᠨ︽ᠾᠧᠩᠨᠢᠩ· ᠬᠠᠰᠯᠦ᠋ᠨᠳ᠋ ᠤᠨ ᠴᠤᠭᠯᠠᠭᠤᠯᠤᠭᠰᠠᠨ ᠮᠣᠩᠭᠤᠯ | ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠰᠤᠳᠤᠯᠤᠯ︾ ︵ᠰᠠᠷᠠᠨᠭᠡᠷᠡᠯ᠂ ᠲᠦᠯᠦᠮᠵᠢ ᠵᠣᠬᠢᠶᠠᠪᠠ᠂ ᠦᠨᠳᠦᠰᠦᠲᠡᠨ ᠤ ᠬᠡᠪᠯᠡᠯ ᠤᠨ ᠬᠤᠷᠢᠶᠠ︶ ᠭᠡᠬᠦ ᠨᠣᠮ ᠳᠤ᠂ ︽ᠭᠠᠯᠠᠭᠤᠨ | ᠬᠦᠵᠦᠭᠦᠨ ᠵᠡᠭᠡᠷᠳᠡ︾ ᠭᠡᠬᠦ ᠳᠠᠭᠤᠤ ᠨᠡᠮᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ︽ᠭᠠᠯᠠᠭᠤᠨ ᠬᠦᠵᠦᠭᠦᠨ ᠵᠡᠭᠡᠷᠳᠡ︾ ᠪᠣᠯᠣᠨ ︽ᠠᠷᠤ ᠶᠢᠨ ᠭᠤᠷᠪᠠᠨ ᠬᠠᠶᠢᠯᠠᠰᠤ︾ᠬᠤᠶᠠᠷ ᠳᠠᠭᠤᠤ | ᠶᠢ ᠪᠤᠷᠢᠶᠠᠳ ᠳᠠᠭᠤᠤ ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠠᠯᠳᠠᠭᠠ ᠲᠠᠰᠢᠶᠠ ᠠᠴᠠ ᠪᠣᠯᠤᠭᠰᠠᠨ ᠪᠠᠶᠢᠯᠭᠦᠢ᠃ ᠵᠠᠷᠢᠮ ᠳᠠᠭᠤᠤ ᠨᠢ ᠨᠡᠯᠢᠶᠡᠳ ᠬᠡᠳᠦᠨ | ᠬᠤᠪᠢᠯᠪᠤᠷᠢ ᠲᠠᠢ ᠪᠠᠷ ᠨᠠᠷᠢᠨ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠭᠡᠰᠡᠨ ᠴᠸ ᠵᠠᠷᠢᠮ ᠳᠠᠭᠤᠤ ᠶᠢᠨ ᠦᠭᠡ ᠶᠢ ᠪᠤᠷᠤᠭᠤ ᠪᠠᠭᠤᠯᠭᠠᠬᠤ ᠪᠤᠶᠤ ᠬᠠᠵᠠᠭᠠᠢ ᠰᠣᠨᠣᠰᠤᠭᠰᠠᠨ ᠲᠠᠯᠠ ᠪᠠᠰᠠ | ᠢᠯᠡᠳᠲᠡ ᠮᠡᠳᠡᠭᠳᠡᠵᠦ ᠪᠠᠶᠢᠬᠤ ᠨᠢ ᠪᠢᠳᠠᠨ ᠤ ᠴᠢᠨᠠᠭᠰᠢᠳᠠ ᠭᠦᠨᠵᠡᠭᠡᠶᠢᠷᠡᠭᠦᠯᠦᠨ ᠰᠤᠳᠤᠯᠬᠤ ᠶᠢᠨ ᠨᠥᠬᠦᠴᠡᠯ ᠪᠣᠯᠵᠤ᠂ ᠲᠣᠳᠣᠳᠬᠠᠬᠤ ᠶᠣᠰᠣᠲᠠᠢ ᠪᠠᠷᠭᠤ | ᠠᠷᠠᠳ ᠤᠨ ᠳᠠᠭᠤᠤ ᠪᠠᠨ ᠰᠣᠩᠭᠤᠨ ᠣᠯᠣᠭᠰᠠᠨ ᠨᠢ ᠨᠢᠭᠡᠨ ᠴᠠᠭ ᠤᠨ ᠠᠵᠠ ᠪᠦᠯᠦᠭᠡ᠃ ᠲᠡᠶᠢᠮᠤ ᠬᠦᠴᠢᠷᠳᠡᠯ ᠲᠠᠢ ᠣᠷᠴᠢᠨ ᠨᠥᠬᠦᠴᠡᠯ ᠳᠤᠮᠳᠠ ᠨᠠᠨᠳᠢᠨ ᠦᠨᠡᠲᠦ | ᠠᠷᠠᠳ ᠤᠨ ᠤᠤᠭᠠᠯ ᠰᠣᠶᠣᠯ ᠪᠤᠯᠬᠤ ᠠᠷᠠᠳ ᠤᠨ ᠳᠠᠭᠤᠤ ᠨᠤᠭᠤᠳ ᠢ ᠲᠡᠮᠳᠡᠭᠯᠡᠨ ᠰᠢᠩᠭᠡᠭᠡᠵᠦ ᠦᠯᠡᠳᠡᠭᠰᠡᠨ ᠨᠢ ᠲᠡᠦᠬᠡᠨ ᠳᠤ ᠠᠴᠢ ᠲᠠᠢ ᠦᠷᠡ ᠳ᠋ᠦᠩ ᠲᠠᠢ | ᠪᠢᠯᠡ᠃ ᠨᠡᠩ ᠬᠤᠶᠢᠰᠢᠳᠠ ᠶᠢᠨ ᠰᠤᠳᠤᠯᠤᠭᠠᠴᠢ ᠨᠠᠷ ᠨᠥᠷᠢ ᠶᠡᠭᠡ ᠭᠦᠳᠡᠯᠮᠦᠷᠢ ᠭᠠᠷᠭᠠᠵᠤ᠂ ᠭᠠᠵᠠᠷ ᠭᠠᠵᠠᠷ ᠤᠨ ᠠᠷᠠᠳ ᠤᠨ ᠳᠠᠭᠤᠤ ᠶᠢ ᠥᠪᠡᠷ ᠤᠨ ᠮᠡᠳᠡᠬᠦᠶᠢᠴᠡ | ᠬᠡᠪᠴᠢᠶᠡ ᠪᠠᠷ ᠣᠷᠴᠢᠭᠤᠯᠤᠨ ᠪᠠᠭᠤᠯᠭᠠᠵᠤ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠪᠠᠰᠠ ᠴᠤ ᠮᠠᠭᠲᠠᠭᠤᠰᠢᠲᠠᠢ ᠪᠢᠰᠢᠷᠡᠭᠦᠰᠢᠲᠡᠢ ᠠᠵᠢᠯᠯᠠᠭᠠ ᠰᠠᠨ᠃ | ᠤᠴᠢᠷ ᠪᠢᠲᠡᠭᠦᠦ ᠳᠤ ᠪᠤᠳᠤᠯᠢᠶᠠ ᠦᠭᠡᠢ | ᠦᠯᠢᠭᠡᠷ ᠲᠤᠤᠯᠢ ᠰᠢᠭ᠋ ᠡᠷᠭᠢᠴᠡᠭᠦᠯᠦᠯ | ᠬᠥᠰᠢᠭᠡᠨ ᠳᠤᠮᠳᠠᠬᠢ ᠵᠦᠴᠦᠭᠡ ᠰᠢᠭ | ᠦᠦᠭᠡ ᠲᠡᠦᠬᠡ ᠶᠢ ᠤᠴᠢᠷᠯᠠᠨᠠᠮ | ᠣᠨ ᠲᠠᠮᠵᠢᠨ ᠵᠢᠩᠭᠢᠨᠡᠭᠰᠡᠨ | ᠤᠶᠠᠩᠭᠠ ᠳᠠᠭᠤᠤ ᠶᠢᠨ ᠰᠢᠷᠤᠩᠬᠠᠢ ᠶᠢ | ᠬᠤᠯᠠ ᠶᠢᠨ ᠬᠤᠯᠠᠬᠢ ᠨᠡᠭᠦᠳᠡᠯ ᠳᠤᠮᠳᠠ | ᠬᠤᠲᠠᠯᠠ ᠲᠦᠮᠡᠨ ᠨᠢ ᠦᠭᠡᠶᠢᠯᠡᠨᠡᠮ | ᠤᠳᠤᠮᠲᠤ ᠪᠠᠷᠭᠤ ᠶᠢᠨ ᠠᠯᠳᠠᠷ ᠢ | ᠬᠤᠷᠸᠠ ᠶᠢᠨ ᠬᠤᠷᠮᠣᠢ ᠳᠤ ᠳᠡᠯᠭᠡᠵᠦ | ᠠᠷᠠᠳ ᠤᠨ ᠤᠤᠭᠠᠨ ᠰᠣᠶᠣᠯ ᠢ | ᠳᠡᠯᠡᠬᠡᠢ ᠶᠢᠨ ᠮᠡᠯᠮᠡᠢ ᠳᠤ ᠬᠦᠷᠭᠡᠭᠰᠡᠨ | ᠠᠷᠠᠳ ᠵᠤᠨ ᠤ ᠪᠠᠨ ᠡᠮᠦᠨᠡ | ᠠᠴᠢᠲᠤ ᠭᠠᠪᠢᠶᠠ ᠲᠠᠨᠢ ᠮᠥᠩᠬᠡ ᠯᠡ ᠶᠤᠮ | ᠠᠤᠭᠠ ᠬᠦᠨᠳᠦᠲᠦ ᠲᠠᠨ ᠳᠠᠭᠠᠨ | ᠬᠤᠷᠮᠣᠢ ᠳᠡᠪᠢᠰᠦᠨ ᠮᠥᠷᠭᠦᠶᠡ᠃ | ᠲᠤᠮᠤᠭ ᠤᠨ ᠪᠤᠭᠤᠷᠤᠯ ᠰᠣᠶᠣᠯ ᠢ | ᠳᠡᠯᠡᠬᠡᠢ ᠶᠢᠨ ᠡᠯᠢᠭᠡᠨ ᠳᠤ ᠳᠡᠯᠭᠡᠭᠰᠡᠨ | ᠠᠯᠳᠠᠷᠲᠤ ᠵᠢᠭᠤᠯᠴᠢᠨ ᠲᠠᠨ ᠳᠠᠭᠠᠨ | ᠠᠯᠠᠭᠠ ᠬᠠᠪᠰᠤᠷᠭᠠᠨ ᠵᠠᠯᠪᠠᠷᠢᠶᠠ᠃ | ᠠᠷᠠᠳ ᠤᠨ ᠳᠠᠭᠤᠤ ᠰᠢᠭ᠋ ᠢᠶᠠᠨ ᠲᠠᠨᠠᠷ | ᠤᠯᠠᠨ ᠲᠦᠮᠡᠨ ᠳᠡᠭᠡᠨ ᠪᠢᠰᠢᠷᠡᠭᠳᠡᠨᠡ︕ | ᠠᠯᠳᠠᠷ ᠨᠡᠷᠡ ᠵᠢᠳᠬᠦᠯ ᠨᠦᠭᠦᠳ ᠲᠠᠨᠢ | ᠣᠨ ᠤ ᠠᠯᠤᠰ ᠲᠤ ᠴᠤᠤᠷᠢᠶᠠᠲᠤᠨᠠ︕ | ᠬᠤᠭᠤᠯᠠᠢ ᠭᠦᠮᠡᠶᠢᠯᠡᠨ ᠬᠦᠩᠭᠢᠨᠡᠭᠰᠡᠨ | ᠪᠠᠷᠭᠤ ︽ᠪᠦᠭᠡ ᠶᠢᠨ ᠤᠷᠢᠶᠠ︾ ᠮᠢᠨᠢ | ᠤᠶᠠᠬᠠᠨ ᠨᠤᠭᠤᠯᠤᠭᠠ ᠡᠪᠬᠡᠷᠡᠭᠰᠡᠨ | ᠤᠳᠤᠮ ᠤᠨ ᠤᠤᠭᠠᠯ ᠠᠶᠠᠯᠭᠤ ᠮᠢᠨᠢ | ᠬᠤᠷᠢᠮ ᠨᠠᠶᠢᠷ ᠲᠤ ᠬᠥᠭᠯᠡᠭᠦᠯᠬᠦ | ︽ᠭᠠᠯᠠᠭᠤᠨ ᠬᠦᠵᠦᠭᠦᠨ ᠵᠡᠭᠡᠷᠳᠡ ᠮᠢᠨᠢ︾ | ᠠᠭᠤᠵᠢᠮ ᠬᠤᠯᠠ ᠳᠠᠭᠠᠨ ᠳᠤᠷᠠᠰᠤᠭᠳᠠᠬᠤ | ︽ᠤᠷᠳᠤ ᠰᠠᠶᠢᠬᠠᠨ ᠤᠯᠠᠭᠠᠨ︾ ᠮᠢᠨᠢ | ᠦᠵᠦᠭᠦᠷ ᠨᠤᠲᠤᠭ ᠤᠨ ᠳᠠᠭᠤᠯᠠᠯ | ︽ᠠᠷᠤ ᠶᠢᠨ ᠭᠤᠷᠪᠠᠨ ᠬᠠᠶᠢᠯᠠᠳᠤ︾ ᠮᠢᠨᠢ | ᠨᠠᠭᠠᠳᠤᠮ ᠴᠤᠭᠯᠠᠭᠠᠨ ᠳᠤ ᠬᠠᠩᠭᠢᠨᠠᠬᠤ | ᠨᠠᠯᠠᠭᠠᠷ ᠰᠠᠶᠢᠬᠠᠨ ᠡᠭᠡᠰᠢᠭ ᠤᠳ ᠮᠢᠨᠢ | ᠦᠶᠡ ᠶᠢᠨ ᠦᠶᠡ ᠳᠤ ᠵᠠᠯᠭᠠᠬᠤ | ᠥᠨᠢᠷ ᠪᠠᠶᠠᠨ ᠥᠮᠴᠢ ᠯᠡ ᠰᠢᠤ | ᠥᠨᠢ ᠶᠢᠨ ᠥᠨᠢ ᠳᠤ ᠦᠯᠡᠳᠡᠭᠡᠬᠦ | ᠦᠨᠡᠲᠦ ᠤᠶᠤᠨ ᠤ ᠲᠡᠵᠢᠭᠡᠯ ᠯᠡ ᠰᠢᠤ | ᠨᠠᠰᠤᠨ ᠲᠤᠷᠰᠢᠲᠠ ᠭᠠᠶᠢᠬᠠᠭᠤᠯᠬᠤ | ᠨᠠᠷᠠᠳᠤ ᠶᠢᠨ ᠨᠠᠨᠳᠢᠨ ᠥᠪ ᠯᠡ ᠰᠢᠤ | ᠦᠷᠡ ᠶᠢᠨ ᠦᠷᠡᠰ ᠲᠤ ᠦᠯᠡᠳᠡᠬᠦ | ᠡᠬᠡ ᠰᠣᠶᠣᠯ ᠤᠨ ᠤᠷᠠᠯᠢᠭ ᠯᠡ ᠰᠢᠤ︕ | ᠳ᠋ᠧᠨ᠋ᠮᠡᠷᠺ ᠤᠯᠤᠰ ᠤᠨ ᠪᠠᠷᠳᠠᠭᠠ ᠰᠢᠨᠵᠢᠯᠡᠭᠡᠴᠢ ᠾᠧᠩᠨᠢᠩ·ᠬᠠᠰᠯᠦ᠋ᠨᠳ᠋ ︵1896 －1948 ᠣᠨ︶ ᠪᠣᠯ ᠬᠠᠮᠤᠭ ᠤᠨ ᠠᠩᠬᠠ ᠮᠣᠩᠭᠤᠯ ᠠᠷᠠᠳ ᠤᠨ | ᠳᠠᠭᠤᠤ ᠶᠢ ᠡᠮᠬᠢᠳᠬᠡᠨ ᠰᠢᠩᠭᠡᠭᠡᠯᠲᠡ ᠬᠢᠭᠰᠡᠨ ᠬᠥᠮᠥᠰ ᠤᠨ ᠨᠢᠭᠡ ᠰᠠᠨ᠃ ᠲᠡᠭᠦᠨ ᠤ ᠮᠣᠩᠭᠤᠯ ᠤᠨ ᠡᠯᠡ ᠭᠠᠵᠠᠷ ᠣᠷᠣᠨ ᠢᠶᠠᠷ ᠶᠠᠪᠤᠵᠤ ᠰᠢᠩᠭᠡᠬᠡᠨ ᠠᠪᠤᠭᠰᠠᠨ | ᠭᠤᠴᠢᠨ ᠲᠠᠪᠤᠨ ᠬᠤᠪᠢ ᠰᠢᠩᠭᠡᠭᠡᠯᠲᠡ ᠶᠢᠨ ᠰᠣᠷᠢᠨᠵᠢᠨ ᠪᠢᠴᠢᠯᠭᠡ ᠪᠣᠯ ᠮᠠᠰᠢ ᠨᠠᠨᠳᠢᠨ ᠥᠪ ᠰᠣᠶᠣᠯ ᠤᠨ ᠳᠤᠷᠠᠰᠬᠠᠯ ᠪᠣᠯᠵᠠᠢ᠃ ᠡᠳᠡᠭᠡᠷ ᠦᠨᠡᠲᠦ ᠮᠠᠲ᠋ᠧᠷᠢᠶᠠᠯ ᠨᠢ | ᠤᠳᠤ ᠳ᠋ᠧᠨ᠋ᠮᠡᠷᠺ᠂ ᠰᠸᠧᠳᠧᠠ᠂ ᠭᠧᠷᠮᠠᠨ᠂ ᠹᠷᠠᠨᠼᠢ ᠵᠡᠷᠭᠡ ᠤᠯᠤᠰ ᠤᠨ ᠮᠦᠽᠧᠢ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠳᠠᠭ᠃ ᠲᠡᠷᠡ ᠳᠥᠷᠪᠡ ᠤᠳᠠᠭᠠ ᠮᠣᠩᠭᠤᠯ ᠨᠤᠲᠤᠭ | ᠢᠶᠠᠷ ᠬᠡᠭᠡᠷᠡ ᠶᠢᠨ ᠰᠢᠨᠵᠢᠯᠡᠯ ᠬᠢᠵᠦ ᠠᠶᠠᠯᠠᠬᠤ ᠳᠤᠮᠳᠠ ᠮᠠᠰᠢ ᠤᠯᠠᠨ ᠮᠣᠩᠭᠤᠯ ᠠᠷᠠᠳ ᠤᠨ ᠳᠠᠭᠤᠤ ᠪᠣᠯᠣᠨ ᠠᠮᠠᠨ ᠰᠣᠶᠣᠯ ᠤᠨ ᠤᠯᠠᠮᠵᠢᠯᠠᠯ ᠢ ᠰᠤᠷᠪᠤᠯᠵᠢᠯᠠᠨ | ᠰᠢᠩᠭᠡᠭᠡᠵᠦ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠪᠢᠳᠡᠨ ᠤ ᠰᠣᠨᠢᠭᠤᠴᠢᠯᠠᠨ ᠲᠠᠶᠢᠯᠪᠤᠷᠢᠯᠠᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠣᠯ ᠲᠡᠭᠦᠨ ᠤ 1936 －1937 ᠣᠨ ᠤ ᠬᠤᠭᠤᠷᠣᠨᠳᠤ | ᠥᠪᠥᠷ ᠮᠣᠩᠭᠤᠯ ᠤᠨ ᠵᠡᠭᠦᠨ ᠬᠡᠰᠡᠭ ᠤᠨ ᠰᠢᠨᠵᠢᠯᠡᠭᠡᠨ ᠤ ᠨᠢᠭᠡ ᠬᠡᠰᠡᠭ ᠶᠤᠮ᠃ ᠡᠨᠡ ᠤᠳᠠᠭᠠ ᠲᠡᠷᠡ ᠤᠯᠠᠭᠠᠨᠬᠠᠳᠠ ᠪᠠᠷ ᠭᠤᠣᠯ ᠰᠠᠭᠤᠷᠢᠨ ᠪᠤᠯᠭᠠᠵᠦ᠂ ᠴᠠᠬᠠᠷ᠂ | ᠦᠵᠦᠮᠦᠴᠢᠨ᠂ ᠬᠤᠷᠴᠢᠨ᠂ ᠬᠥᠯᠥᠨ ᠪᠤᠶᠢᠷ ᠵᠡᠷᠭᠡ ᠭᠠᠵᠠᠷ ᠣᠷᠣᠨ ᠢᠶᠠᠷ ᠶᠠᠪᠤᠵᠤ ᠵᠠᠭᠤ ᠭᠤᠴᠢᠭᠠᠳ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠰᠢᠩᠭᠡᠭᠡᠯᠲᠡ ᠬᠢᠵᠦ ᠶᠠᠪᠤᠭᠰᠠᠨ ᠤ | ᠳᠤᠮᠳᠠᠬᠢ ᠬᠡᠰᠡᠭ ᠬᠦᠦᠷᠨᠢᠯ ᠶᠤᠮ᠃ ᠳᠠᠷᠤᠢ᠄ | ︵1︶ 1923 －1926 ᠣᠨ ᠭᠦᠷᠳᠡᠯᠡ᠂ ᠮᠣᠩᠭᠤᠯ ᠤᠯᠤᠰ ᠤᠨ ᠬᠤᠶᠢᠲᠤ ᠬᠡᠰᠡᠭ ᠤᠨ ᠪᠤᠯᠠᠭᠠᠨ ᠤ ᠲᠠᠯᠠ ᠳᠤ ᠭᠤᠷᠪᠠᠨ ᠵᠢᠯ ᠬᠡᠭᠡᠷᠡ ᠶᠢᠨ | ᠰᠢᠨᠵᠢᠯᠡᠭᠡ ᠬᠢᠵᠦ ᠰᠠᠭᠤᠬᠤ ᠳᠠᠭᠠᠨ ᠠᠰᠢᠭᠲᠤ ᠮᠠᠯᠲᠠᠮᠠᠯ ᠤᠨ ᠬᠠᠶᠢᠭᠤᠯ ᠬᠢᠬᠦ᠂ ᠮᠣᠩᠭᠤᠯ ᠣᠷᠣᠨ ᠳᠤ ᠲᠠᠷᠢᠶᠠᠯᠠᠬᠤ ᠲᠤᠷᠰᠢᠯᠲᠠ ᠬᠢᠬᠦ ᠶᠢᠨ ᠬᠠᠮᠲᠤ ᠮᠠᠯ ᠤᠨ | ᠭᠠᠷᠤᠯᠲᠠ ᠠᠷᠠᠰᠤ ᠨᠣᠣᠰᠣᠨ ᠤ ᠬᠤᠳᠠᠯᠳᠤᠭᠠ ᠬᠢᠵᠦ ᠪᠠᠶᠢᠵᠠᠢ᠃ ᠲᠡᠷᠡ ᠬᠤᠭᠤᠴᠠᠭᠠᠨ ᠳᠤ ᠰᠡᠯᠡᠩᠭᠡ ᠶᠢᠨ ᠪᠤᠷᠢᠶᠠᠳ ᠠᠴᠠ ᠳᠥᠴᠢ ᠭᠠᠷᠤᠢ ᠠᠷᠠᠳ ᠤᠨ | ᠳᠠᠭᠤᠤ ᠶᠢᠨ ᠦᠭᠡ ᠶᠢ ᠴᠤᠭᠯᠠᠭᠤᠯᠵᠤ ᠠᠪᠴᠠᠢ᠃ | ︵2︶ 1927 －1929 ᠣᠨ ᠳᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠣᠷᠣᠨ ᠤ ᠰᠢᠨᠵᠢᠶᠠᠩ ᠵᠡᠷᠭᠡ ᠨᠤᠲᠤᠭ ᠲᠤ ᠬᠡᠭᠡᠷᠡ ᠶᠢᠨ | ᠰᠢᠨᠵᠢᠯᠡᠭᠡ ᠬᠢᠵᠦ᠂ 1930 ᠣᠨ ᠤ ᠦᠶᠡ ᠪᠠᠷ ᠥᠪᠥᠷ ᠮᠣᠩᠭᠤᠯ ᠤᠨ ᠰᠦᠢ ᠶᠤᠸᠠᠨ᠂ ᠡᠵᠡᠨᠡ᠂ ᠤᠳᠤ ᠶᠢᠨ ᠭᠠᠨᠰᠤ ᠶᠢᠨ ᠰᠦᠪᠧᠢ ᠵᠢᠴᠢ ᠨᠢᠩᠰᠢᠶᠠ᠂ ᠬᠥᠬᠡᠨᠠᠭᠤᠷ | ᠵᠡᠷᠭᠡ ᠣᠷᠣᠨ ᠢᠶᠠᠷ ᠠᠷᠠᠳ ᠤᠨ ᠳᠠᠭᠤᠤ᠂ ᠠᠮᠠᠨ ᠵᠣᠬᠢᠶᠠᠯ ᠴᠤᠭᠯᠠᠭᠤᠯᠵᠤ ᠶᠠᠪᠤᠵᠠᠢ᠃ ᠡᠭᠦᠨ ᠳᠤ ᠴᠥᠭᠡᠨ ᠲᠣᠭᠠᠨ ᠤ ᠲᠥᠪᠡᠳ᠂ ᠤᠶᠢᠭᠤᠷ᠂ ᠬᠠᠰᠠᠭ ᠳᠠᠭᠤᠤ | ᠪᠠᠭᠲᠠᠯᠴᠠᠵᠤ ᠪᠠᠶᠢᠳᠠᠭ᠃ | ︵3︶ 1936 －1937 ᠣᠨ ᠳᠤ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠵᠡᠭᠦᠨ ᠣᠷᠣᠨ ᠢᠶᠠᠷ ᠰᠢᠨᠵᠢᠯᠡᠭᠡ ᠬᠢᠵᠡᠢ᠃ ᠤᠯᠠᠭᠠᠨᠬᠠᠳᠠ᠂ ᠴᠠᠬᠠᠷ᠂ ᠦᠵᠦᠮᠦᠴᠢᠨ᠂ | ᠬᠤᠷᠴᠢᠨ᠂ ᠪᠠᠷᠭᠤ ᠵᠡᠷᠭᠡ ᠡᠯᠡ ᠣᠷᠣᠨ ᠢᠶᠠᠷ ᠶᠠᠪᠤᠵᠤ ᠵᠠᠭᠤ ᠭᠤᠴᠢᠭᠠᠳ ᠠᠷᠠᠳ ᠤᠨ ᠳᠠᠭᠤᠤ ᠬᠥᠭᠵᠢᠮ ᠴᠤᠭᠯᠠᠭᠤᠯᠤᠨ ᠰᠢᠩᠭᠡᠭᠡᠭᠰᠡᠨ ᠪᠠᠶᠢᠨᠠ᠃ | ︵4︶ 1938 －1939 ᠣᠨ ᠳᠤ᠂ ᠳ᠋ᠧᠨ᠋ᠮᠡᠷᠺ ᠤᠯᠤᠰ ᠤᠨ ᠲᠥᠪ ᠠᠽᠢᠶᠠ ᠶᠢᠨ ᠰᠢᠨᠵᠢᠯᠡᠭᠡᠨ ᠤ ᠳᠤᠭᠤᠶᠢᠯᠠᠩ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ᠂ | ᠭᠦᠭᠡᠬᠤᠳᠠ ᠪᠠᠷ ᠭᠤᠣᠯ ᠲᠥᠪ ᠪᠣᠯᠭᠠᠨ ᠥᠪᠥᠷ ᠮᠣᠩᠭᠤᠯ ᠣᠷᠣᠨ ᠳᠤ ᠲᠤᠰᠬᠠᠢ ᠠᠷᠠᠳ ᠤᠨ ᠳᠠᠭᠤᠤ ᠴᠤᠭᠯᠠᠭᠤᠯᠵᠤ ᠰᠢᠩᠭᠡᠭᠡᠭᠰᠡᠨ ᠪᠠᠶᠢᠨᠠ᠃ ᠠᠷᠠᠳ ᠤᠨ | ᠳᠠᠭᠤᠤ ᠴᠤᠭᠯᠠᠭᠤᠯᠬᠤ ᠪᠦᠷᠢᠨ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ | ︵5︶ 1947 －1948 ᠣᠨ ᠤ ᠦᠶᠡ ᠪᠠᠷ ᠮᠣᠩᠭᠤᠯ ᠠᠷᠠᠳ ᠤᠨ ᠳᠠᠭᠤᠤ ᠴᠤᠭᠯᠠᠭᠤᠯᠬᠤ ᠰᠢᠨᠵᠢᠯᠡᠭᠡᠨ ᠤ ᠳᠤᠭᠤᠶᠢᠯᠠᠩ ᠳᠠᠭᠠᠭᠤᠯᠵᠤ | ᠠᠹᠭᠠᠨᠢᠰᠲ᠋ᠠᠨ ᠳᠤ ᠬᠦᠷᠴᠡᠢ᠃ ᠮᠣᠩᠭᠤᠯ ᠵᠦᠭ ᠮᠣᠷᠳᠠᠬᠤ ᠲᠦᠯᠦᠪᠯᠡᠯᠭᠡ ᠨᠢ ᠡᠯᠡ ᠰᠢᠯᠲᠠᠭᠠᠨ ᠠᠴᠠ ᠪᠡᠶᠡᠯᠡᠭᠳᠡᠭᠰᠡᠨ ᠦᠭᠡᠢ᠂ 1948 ᠣᠨ ᠤ ᠶᠢᠰᠦᠨ ᠰᠠᠷᠠ | ᠳᠤ ᠺᠡᠪᠦ᠋ᠯ ᠳᠤ ᠨᠠᠰᠤ ᠨᠥᠭᠴᠢᠵᠡᠢ᠃ ᠲᠦᠷᠪᠡᠨ ᠤᠳᠠᠭᠠ ᠮᠣᠩᠭᠤᠯ ᠣᠷᠣᠨ ᠢᠶᠠᠷ ᠪᠠᠷᠳᠠᠭᠠ ᠰᠢᠨᠵᠢᠯᠡᠨ ᠵᠢᠭᠤᠯᠴᠢᠯᠠᠵᠤ᠂ ᠮᠠᠰᠢ ᠤᠯᠠᠨ ᠬᠤᠪᠣᠷ ᠨᠠᠨᠳᠢᠨ | ᠮᠡᠲ᠋ᠧᠷᠢᠶᠠᠯ ᠦᠯᠡᠳᠡᠭᠡᠭᠰᠡᠨ ᠰᠠᠨ᠃ | ᠲᠡᠷᠡ ᠪᠠᠷ ᠵᠦᠪᠭᠡᠨ ᠠᠷᠠᠳ ᠤᠨ ᠳᠠᠭᠤᠤ ᠴᠤᠭᠯᠠᠭᠤᠯᠤᠭᠰᠠᠨ ᠲᠡᠳᠦᠢ ᠦᠭᠡᠢ᠂ ᠤᠶᠤᠨ ᠤ ᠪᠠ ᠡᠳ᠋ ᠥᠯᠥᠭ ᠤᠨ ᠲᠣᠮᠣ ᠬᠦᠷᠢᠶᠡᠨ ᠳᠤ ᠵᠠᠩ ᠦᠢᠯᠡ᠂ | ᠲᠡᠦᠬᠡ ᠰᠣᠶᠣᠯ ᠤᠨ ᠶᠠᠩᠵᠤ ᠪᠦᠷᠢ ᠶᠢᠨ ᠮᠠᠲ᠋ᠧᠷᠢᠶᠠᠯ ᠬᠠᠶᠢᠨ ᠴᠤᠭᠯᠠᠭᠤᠯᠵᠤ᠂ ︽ᠮᠣᠩᠭᠤᠯ ᠤᠨ ᠭᠡᠷ ᠣᠷᠣᠨ︾ ︵1934 ᠣᠨ᠂ ᠯᠤᠨᠳᠤᠨ︶᠂ ︵1935 | ᠣᠨ᠂ ᠯᠤᠨᠳᠤᠨ︶᠂ ︽ᠲᠠᠯᠳᠠ ᠮᠣᠩᠭᠤᠯ︾ ︵1996 ᠣᠨ᠂ ᠤᠯᠠᠭᠠᠨᠪᠠᠭᠠᠲᠤᠷ︶᠂ ︽ᠮᠣᠩᠭᠤᠯᠴᠤᠳ ᠤᠨ ᠳᠠᠭᠤᠤ ᠬᠥᠭᠵᠢᠮ︾ ︵1943 ᠣᠨ᠂ | ᠰᠡᠲᠤᠺ ᠺᠾᠤᠯᠮ︶ ᠭᠡᠬᠦ ᠮᠡᠲᠦ ᠠᠯᠳᠠᠷᠲᠤ ᠪᠦᠲᠦᠭᠡᠯ ᠲᠤᠭᠤᠷᠪᠢᠵᠤ᠂ ᠮᠣᠩᠭᠤᠯ ᠰᠣᠶᠣᠯ ᠤᠨ ᠲᠠᠯᠠ ᠪᠠᠷ ᠮᠠᠰᠢ ᠦᠨᠡᠲᠡᠢ ᠮᠡᠳᠡᠭᠡᠯᠡᠯ ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠨᠠ᠃ | ᠲᠡᠷᠡ ᠮᠣᠩᠭᠤᠯ ᠤᠨ ᠲᠤᠬᠠᠢ ︽ᠮᠣᠩᠭᠤᠯ ᠤᠨ ᠮᠠᠶᠢᠬᠠᠨ ᠳᠤ︾᠂ ︽ᠶᠠᠪᠤᠨᠠ︾᠂ ︽ᠪᠤᠷᠬᠠᠳ ᠪᠠ ᠡᠷᠡᠴᠦᠦᠯ︾ ᠭᠡᠬᠦ ᠮᠡᠲᠦᠴᠢᠯᠡᠨ ᠨᠣᠮ ᠤᠳ ᠢ | ᠪᠢᠴᠢᠵᠦ᠂ ᠳᠡᠯᠡᠬᠡᠢ ᠶᠢᠨ ᠤᠯᠠᠨ ᠬᠡᠯᠡᠨᠡ ᠣᠷᠴᠢᠭᠤᠯᠤᠭᠳᠠᠵᠠᠢ᠃ ︽ᠲᠠᠯᠳᠠ ᠮᠣᠩᠭᠤᠯ︾ ᠭᠡᠬᠦ ᠡᠨᠡ ᠨᠣᠮ ᠢ ᠠᠮᠧᠷᠢᠺᠠ ᠶᠢᠨ ︽ᠠᠳ᠋ᠸᠧᠠ － ᠲᠦᠷᠡᠰ | ᠶᠦᠨᠯᠢᠮᠢᠲ᠋ᠧᠳᠧ︾ ᠬᠡᠪᠯᠡᠯ ᠤᠨ ᠭᠠᠵᠠᠷ ᠬᠡᠪᠯᠡᠭᠰᠡᠨ ᠡᠬᠡ ᠠᠴᠠ ᠣᠷᠴᠢᠭᠤᠯᠤᠨ ᠪᠠᠭᠤᠯᠭᠠᠪᠠ᠃ ᠳᠡᠭᠡᠷᠡᠬᠢ ᠬᠤᠶᠠᠷ ᠲᠡᠮᠳᠡᠭᠯᠡᠯ ᠠᠴᠠ ᠦᠵᠡᠪᠡᠯ᠄ ︽ᠮᠣᠩᠭᠤᠯ ᠤᠨ | ᠭᠡᠷ ᠣᠷᠣᠨ︾ － ︽ᠮᠣᠩᠭᠤᠯ ᠤᠨ ᠮᠠᠶᠢᠬᠠᠨ ᠳᠤ︾᠂ ︽ᠮᠣᠩᠭᠤᠯ ᠬᠥᠮᠥᠨ ᠪᠠ ᠪᠤᠷᠬᠠᠳ︾ － ︽ᠪᠤᠷᠬᠠᠳ ᠪᠠ ᠡᠷᠡᠴᠦᠦᠯ︾ － ︽ᠮᠣᠩᠭᠤᠯ ᠤᠨ | ᠪᠤᠷᠬᠠᠳ ᠪᠠ ᠡᠷᠡᠴᠦᠦᠯ︾ ᠬᠤᠶᠠᠷ ᠨᠣᠮ ᠬᠡᠳᠦᠨ ᠶᠠᠩᠵᠤ ᠪᠠᠷ ᠣᠷᠴᠢᠭᠤᠯᠤᠭᠳᠠᠨ ᠬᠡᠪᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠤᠳᠤ ᠣᠯᠳᠠᠭᠳᠠᠭᠠ ᠦᠭᠡᠢ ᠨᠣᠮ ᠨᠤᠭᠤᠳ ᠨᠢ᠄ | ︽ᠮᠣᠩᠭᠤᠯᠴᠤᠳ ᠤᠨ ᠳᠠᠭᠤᠤ ᠬᠥᠭᠵᠢᠮ︾᠂ ︽ᠶᠠᠪᠤᠨᠠ︾᠂ ︽ᠮᠣᠩᠭᠤᠯ ᠤᠨ ᠮᠠᠶᠢᠬᠠᠨ ᠳᠤ︾ ᠵᠡᠷᠭᠡ ᠭᠤᠷᠪᠠᠨ ᠨᠣᠮ ᠪᠣᠯᠣᠨᠠ᠃ ᠬᠢᠲᠠᠳ | ᠣᠷᠴᠢᠭᠤᠯᠭᠠ ᠶᠢᠨ ᠨᠣᠮ ᠳᠣᠲᠣᠷᠠ ᠠᠴᠠ ᠴᠤ ᠭᠡᠰᠡᠨ ᠬᠠᠶᠢᠯᠲᠠ ᠬᠢᠵᠦ ᠪᠣᠯᠣᠨᠠ᠃ | ᠨᠡᠷᠡᠳᠦ ᠶᠢᠨ ᠨᠠᠨᠳᠢᠨ ᠠᠶᠠᠯᠭᠤ ᠶᠢ ᠲᠦᠮᠡᠨᠡ ᠦᠯᠡᠳᠡᠭᠡᠭᠰᠡᠨ ᠲᠤᠬᠠᠢ ᠪᠢ ᠴᠢᠳᠠᠨ ᠶᠠᠳᠠᠨ ᠡᠪᠯᠡᠭᠦᠯᠦᠭᠰᠡᠨ ᠢ ᠮᠡᠷᠭᠡᠳ ᠲᠤᠩᠭᠠᠮᠤ⁈ | ᠵᠣᠬᠢᠶᠠᠭᠴᠢ᠄ ᠪᠤᠷᠱᠢ ᠶᠢᠨ ᠲᠦᠮᠡᠨ | |