| | ᠬᠦᠳᠡᠷᠴᠢᠯᠠᠭᠤ ᠶᠢᠨ ᠲᠤᠪᠴᠢ ᠨᠠᠮᠳᠠᠷ᠄ | 1956 ᠤᠨ ᠳᠤ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠦᠵᠤᠬᠦᠷ ᠰᠤᠮᠤ ᠶᠢᠨ ᠦᠵᠦᠬᠦᠷ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠬᠤᠨᠢᠳᠠᠨ ᠬᠤᠷᠯᠠᠳ ᠬᠠᠯᠠ ᠶᠢᠨ | ᠴᠦᠢᠵᠢᠯᠵᠡᠪ ᠤᠨ ᠬᠦᠪᠡᠬᠦᠨ ᠪᠤᠯᠵᠤ ᠵᠠᠶᠠᠭᠠᠵᠠᠢ᠃ ᠱᠠᠰᠢᠨ ᠰᠢᠲᠦᠯᠭᠡ᠂ ᠰᠦᠮᠡ ᠭᠡᠶᠢᠳ ᠢ ᠮᠤᠬᠤᠷ ᠪᠢᠰᠢᠷᠡᠯ ᠭᠡᠵᠤ ᠤᠷᠤ ᠮᠦᠷ ᠦᠭᠡᠢ ᠪᠤᠯᠭᠠᠭᠰᠠᠨ ᠲᠡᠷᠡ ᠬᠦ | ᠴᠠᠭ ᠦᠶᠡ ᠳᠤ ᠦᠰᠴᠦ ᠲᠤᠷᠨᠢᠭᠰᠠᠨ ᠲᠡᠷᠡ ᠪᠠᠷ ᠮᠠᠯ ᠤᠨ ᠢᠶᠠᠨ ᠬᠤᠶᠢᠨᠡ ᠠᠴᠠ ᠶᠠᠪᠤᠵᠤ᠂ ᠱᠠᠰᠢᠨ ᠰᠢᠳᠦᠯᠬᠡ ᠭᠡᠳᠡᠭ ᠲᠤ ᠤᠢᠢᠷᠠᠳᠤᠭᠠ ᠦᠭᠡᠢ ᠡᠷᠠ ᠶᠢᠨ | ᠴᠡᠭᠡᠯ ᠳᠤ ᠬᠦᠷᠴᠡᠢ᠃ ᠲᠡᠭᠡᠷᠠ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠰᠡᠬᠦᠯᠴᠢ ᠠᠴᠠ ᠬᠦᠳᠡᠷᠴᠢᠯᠠᠭᠤ ᠪᠡᠶᠡ ᠮᠠᠭᠤᠳᠠᠢ ᠪᠤᠯᠵᠤ᠂ ᠠᠳᠡ ᠳᠡᠨᠳᠡ ᠤᠯᠠᠨᠳᠡ ᠦᠵᠡᠬᠦᠯᠵᠤ | ᠡᠮ ᠲᠠᠩ ᠴᠦ ᠤᠯᠠᠨ ᠤᠤᠭᠤᠭᠰᠠᠨ ᠪᠤᠯᠪᠠᠴᠦ ᠢᠯᠠᠷᠢᠰᠢᠵᠤ ᠴᠢᠳᠠᠭᠠ ᠦᠭᠡᠢ᠃ | ᠳᠡᠬᠡᠷᠡ ᠵᠠᠭᠤᠨ ᠤ ᠲᠠᠯᠠᠭᠠᠳ ᠤᠨ ᠤ ᠡᠬᠢ ᠪᠠᠷ ᠨᠤᠲᠤᠭ ᠤᠨ ᠬᠢᠨᠢ ᠨᠠᠰᠤᠳᠡᠳ ᠨᠢ ᠲᠡᠬᠦᠨ ᠳᠤ ᠪᠦᠭᠡ ᠭᠡᠵᠤ ᠪᠠᠭᠠ ᠰᠠᠭᠠ ᠶᠠᠭᠤᠮᠠ ᠶᠠᠷᠢᠳᠠᠭ | ᠪᠤᠯᠤᠭᠰᠠᠨ ᠴᠦ ᠴᠠᠭ ᠲᠦᠷᠦ ᠶᠢᠨ ᠰᠢᠯᠳᠡᠭᠠᠨ ᠠᠴᠠ ᠲᠡᠷᠡ ᠢᠳᠡᠭᠡᠬᠦ ᠢᠳᠡᠭᠡᠬᠦ ᠦᠭᠡᠢ ᠶᠢᠨ ᠬᠤᠭᠤᠷᠤᠨᠳᠦ ᠶᠠᠪᠤᠵᠠᠢ᠃ ᠬᠤᠵᠢᠮ ᠨᠢ ᠬᠠᠶᠢᠯᠠᠷ ᠤᠨ ᠢᠮᠢᠨ | ᠭᠤᠤᠯ ᠤᠨ ᠪᠠᠷᠠᠭᠤᠨᠳᠡᠬᠢ ᠲᠡᠮᠤᠷ ᠵᠠᠮ ᠤᠨ ᠤᠢᠢᠷᠠᠯᠴᠠᠭᠠ ᠪᠠᠶᠢᠭᠰᠠᠨ ᠬᠢᠳᠡᠳ ᠡᠮᠨᠡᠯᠭᠡ ᠶᠢᠨ ᠨᠢᠭᠡᠨ ᠶᠠᠰᠤ ᠪᠠᠷᠢᠶᠠᠴᠢ ᠳᠤ ᠬᠦᠷᠴᠦ ᠦᠵᠡᠬᠦᠯᠦᠭᠰᠡᠨ ᠳᠤ᠂ ᠡᠨᠡ | ᠶᠠᠰᠤ ᠪᠠᠷᠢᠶᠠᠴᠢ ᠲᠡᠪᠡᠨᠠ ᠵᠡᠬᠦᠦ ᠪᠠᠷ ᠲᠡᠬᠦᠨ ᠤ ᠬᠤᠷᠤᠭᠤᠨ ᠤ ᠬᠢᠨᠢ ᠰᠠᠯᠠᠭᠠ ᠪᠦᠬᠦᠳᠡ ᠳᠤᠨᠢ ᠬᠠᠳᠬᠤᠵᠤ᠂ ᠬᠦᠯᠭᠡ ᠪᠠᠷ ᠤᠡᠭᠭᠤᠳ ᠢ ᠨᠢ ᠳᠠᠭᠤᠳᠠᠵᠤ ᠦᠭᠴᠡᠢ᠃ | ᠬᠦᠳᠡᠷᠴᠢᠯᠡᠭᠤ ᠲᠤᠰ ᠶᠠᠰᠤ ᠪᠠᠷᠢᠶᠠᠴᠢ ᠳᠤ ᠰᠠᠷᠠ ᠬᠢᠷᠢᠳᠡᠢ ᠰᠠᠭᠤᠭᠠᠳ ᠬᠦᠯ ᠳᠤ ᠤᠷᠤᠵᠠᠢ᠃ ᠲᠡᠬᠦᠨ ᠢ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠬᠤ ᠳᠤᠨᠢ ᠡᠨᠡ ᠶᠠᠰᠤ ᠪᠠᠷᠢᠶᠠᠴᠢ᠄ | ︽ᠲᠡᠨ ᠤ ᠨᠤᠲᠤᠭ ᠲᠤ ᠨᠢᠭᠡᠨ ᠬᠠᠰᠢᠷ ᠪᠦᠭᠡ ᠪᠤᠢ᠂ ᠴᠢ ᠲᠡᠷᠡ ᠬᠦᠮᠦᠨ ᠢ ᠡᠷᠢᠵᠤ ᠤᠴᠢᠭᠠᠳ ᠪᠠᠭᠰᠢ ᠪᠠᠷᠢᠵᠤ᠂ ᠪᠦᠭᠡ ᠶᠢᠨ ᠤᠭ ᠢᠶᠠᠨ ᠰᠡᠷᠬᠦᠭᠡᠵᠤ᠂ ᠭᠤᠷᠪᠠᠨ | ᠵᠢᠯ ᠳᠠᠷᠠᠭᠠᠯᠠᠨ ᠲᠡᠭᠷᠢ ᠲᠠᠬᠢᠯᠭᠠ᠂ ᠭᠠᠯ ᠲᠠᠬᠢᠯᠭᠠ᠂ ᠯᠤᠤᠰ ᠲᠠᠬᠢᠯᠭᠠ᠂ ᠤᠪᠤᠭᠠ ᠲᠠᠬᠢᠯᠭᠠ ᠭᠢᠵᠤ ᠶᠠᠪᠤᠪᠠᠯ ᠴᠢᠨᠤ ᠡᠨᠡ ᠡᠪᠡᠳᠴᠢᠨ ᠡᠳᠡᠭᠡᠷᠡᠵᠤ ᠴᠢᠳᠠᠨᠠ︾ | ᠭᠡᠵᠤ ᠬᠡᠯᠡᠵᠤ ᠶᠠᠪᠤᠭᠤᠯᠵᠠᠢ᠃ ᠬᠦᠯ ᠳᠤ ᠤᠷᠤᠭᠰᠠᠨ ᠬᠦᠳᠡᠷᠴᠢᠯᠠᠭᠤ ᠭᠤᠸᠠᠢ ᠲᠡᠬᠦᠨ ᠤ ᠡᠨᠡ ᠦᠭᠡ ᠶᠢ ᠦᠨᠡᠮᠰᠢᠵᠤ᠂ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠭᠰᠠᠨ ᠤ ᠪᠠᠨ | ᠰᠡᠬᠦᠯᠡᠷ ᠰᠤᠷᠠᠭᠯᠠᠭᠰᠠᠭᠠᠷ ᠪᠠᠶᠢᠵᠤ᠂ ᠰᠢᠨᠡ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠴᠠᠭᠠᠨ ᠪᠠᠯᠭᠠᠰᠤᠨ ᠳᠤ ᠦᠨᠡᠭᠡᠷ ᠨᠢᠭᠡᠨ ᠡᠷᠢᠶᠡᠬᠡᠨ ᠬᠠᠯᠠ ᠲᠠᠢ ᠫᠦᠷᠪᠤ ᠭᠡᠬᠦ ᠪᠦᠭᠡ | ᠪᠠᠶᠢᠬᠤ ᠶᠢ ᠤᠯᠵᠤ ᠮᠡᠳᠡᠪᠡ᠃ 1994 ᠤᠨ ᠳᠤ ᠬᠦᠳᠡᠷᠴᠢᠯᠠᠭᠤ ᠬᠠᠭᠤᠴᠢᠨ ᠤ ᠶᠤᠰᠤ ᠪᠠᠷ ᠫᠦᠷᠪᠦ ᠪᠦᠭᠡ ᠶᠢ ᠪᠠᠭᠰᠢ ᠪᠠᠷᠢᠵᠤ᠂ ᠤᠯᠠᠮᠵᠢᠯᠠᠯᠲᠦ ᠮᠠᠶ᠋ᠢᠭ ᠤᠨ | ᠲᠡᠭᠷᠢ ᠲᠠᠬᠢᠯᠭᠠ᠂ ᠭᠠᠯ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠠᠯ ᠶᠠᠪᠤᠭᠤᠯᠪᠠ᠃ ᠫᠦᠷᠪᠦ ᠪᠦᠭᠡ ᠲᠤᠮ ᠰᠢᠪᠰᠢᠯᠭᠡ ᠭᠢᠵᠤ᠂ ᠬᠦᠵᠢ ᠭᠠᠨᠭ᠍ᠭᠠ ᠤᠭᠤᠬᠢᠭᠤᠯᠵᠤ ᠬᠦᠳᠡᠷᠴᠢᠯᠠᠭᠤ ᠳᠤ | ᠷᠠᠰᠢᠶᠠᠯᠠᠬᠤ ᠵᠠᠰᠠᠯ ᠬᠢᠵᠤ ᠦᠭᠬᠦᠭᠡᠳ ᠪᠡᠷᠴᠢᠳ ᠢ ᠨᠢ ᠬᠦᠭᠡᠭᠡᠵᠤ ᠡᠪᠡᠳᠴᠢᠨ ᠢ ᠨᠢ ᠠᠷᠢᠯᠭᠠᠵᠤ ᠦᠭᠪᠡ᠃ ᠬᠡᠯᠡᠪᠡᠯ ᠪᠠᠰᠠ ᠰᠤᠨᠢᠨ᠂ ᠪᠠᠭᠰᠢ ᠪᠠᠨ ᠲᠠᠨᠢᠵᠤ | ᠤᠡᠭᠭᠤᠳ ᠢᠶᠠᠨ ᠪᠠᠭᠤᠯᠭᠠᠭᠰᠠᠨ ᠬᠦᠳᠡᠷᠴᠢᠯᠠᠭᠤ ᠶᠢᠨ ᠤᠳᠠᠭᠠᠨ ᠵᠢᠯ ᠤᠨ ᠡᠪᠡᠳᠴᠢᠨ ᠨᠢ ᠤᠷᠤ ᠦᠬᠡᠢ ᠠᠷᠢᠯᠵᠤ᠂ ᠡᠷᠡᠬᠦᠯ ᠬᠦᠮᠦᠨ ᠪᠤᠯᠪᠠ᠃ ᠡᠷᠡᠬᠦᠯ ᠪᠡᠶᠡ | ᠤᠯᠤᠭᠰᠠᠨ ᠬᠦᠳᠡᠷᠴᠢᠯᠠᠭᠤ ︽ᠦᠪᠡᠷ ᠢᠶᠠᠨ ᠪᠡᠶᠠ ᠡᠷᠡᠬᠦᠯ᠂ ᠭᠡᠷ ᠤᠨ ᠬᠦᠮᠦᠰ ᠮᠢᠨᠢ ᠰᠠᠷᠠᠭᠤᠯ ᠪᠠᠶᠢᠵᠤ ᠪᠠᠶᠢᠪᠠᠯ ᠪᠤᠯᠴᠢᠬᠠᠨᠠ︾ ᠭᠡᠵᠤ ᠪᠤᠳᠤᠭᠠᠳ ᠪᠦᠭᠡ ᠪᠤᠯᠵᠤ | ᠡᠪᠡᠳᠴᠢᠨ ᠦᠵᠡᠵᠤ ᠶᠠᠪᠤᠭᠠ ᠦᠭᠡᠢ᠂ ᠵᠦᠪᠬᠡᠨ ᠰᠠᠳᠤᠨ ᠲᠦᠷᠦᠯ ᠨᠢ ᠬᠦᠷᠦᠭᠡᠳ ᠢᠷᠡᠪᠡᠯ ᠬᠦᠯ ᠭᠠᠷ ᠢ ᠨᠢ ᠢᠯᠢᠵᠤ ᠨᠤᠬᠤᠯᠠᠵᠤ ᠦᠭᠳᠡᠭ ᠪᠠᠶᠢᠪᠠ᠃ | ᠲᠡᠷᠡ ᠦᠶᠡ ᠳᠤ ᠨᠤᠲᠤᠭ ᠤᠨ ᠵᠤᠨ ᠲᠦᠮᠡᠨ ᠤ ᠤᠯᠠᠩᠭᠢ ᠨᠢ ᠲᠡᠬᠦᠨ ᠢ ᠢᠳᠡᠭᠡᠬᠦ ᠦᠭᠡᠢ ᠪᠠᠶᠢᠵᠤ᠂ ᠡᠯᠳᠡᠪ ᠡᠰᠡᠨ ᠢᠶᠠᠷ ᠶᠠᠷᠢᠳᠠᠭ ᠪᠤᠯᠬᠤᠷ ᠲᠡᠷᠡ | ᠪᠠᠶᠢᠴᠢᠬᠠᠶᠠ ᠭᠡᠵᠤ ᠪᠤᠳᠤᠭᠰᠠᠨ ᠴᠢᠨᠢ ᠪᠠᠶᠢᠵᠤ ᠤᠤ ᠳ᠋ᠠ︕ ᠦᠨᠤᠬᠢ ᠡᠪᠡᠳᠴᠢᠨ ᠨᠢ ᠲᠠᠬᠢᠨ ᠬᠦᠳᠡᠯᠵᠤ᠂ ᠮᠤᠷᠢ ᠤᠨᠤᠪᠠᠯ ᠮᠤᠷᠢᠨ ᠠᠴᠠ ᠪᠠᠨ ᠬᠠᠶᠠᠭᠳᠠᠵᠤ᠂ ᠵᠠᠮ | ᠠᠯᠬᠤᠪᠠᠯ ᠵᠠᠮ ᠳᠠᠭᠠᠨ ᠤᠢᠢᠴᠢᠭᠠᠳ ᠬᠡᠪ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠦᠷᠬᠦᠯᠵᠢᠯᠡᠬᠦᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠪᠠ᠃ ᠠᠷᠭᠠ ᠪᠠᠨ ᠪᠠᠷᠠᠭᠰᠠᠨ ᠬᠦᠳᠡᠷᠴᠢᠯᠠᠭᠤ ᠭᠤᠸᠠᠢ | ︽ᠪᠢ ᠪᠦᠭᠡ ᠪᠤᠯᠵᠤ ᠲᠤᠮ ᠰᠢᠪᠰᠢᠯᠭᠡ ᠬᠢᠨᠡ︾ ᠭᠡᠵᠤ ᠦᠴᠢᠭ ᠢᠶᠠᠨ ᠦᠭᠬᠦᠭᠰᠡᠨ ᠬᠤᠶᠢᠨᠠ ᠰᠠᠶ᠋ᠢ ᠵᠦᠭᠰᠢᠷᠡᠭᠰᠡᠨ ᠭᠡᠨᠡ᠃ ᠡᠬᠦᠨ ᠠᠴᠠ ᠰᠡᠬᠦᠯᠡᠷ | ᠬᠦᠳᠡᠷᠴᠢᠯᠠᠭᠤ ᠨᠢᠭᠡᠨ ᠰᠡᠳᠬᠢᠯ ᠢᠶᠠᠷ ᠪᠦᠭᠡ ᠪᠤᠯᠵᠤ᠂ ᠮᠠᠯᠴᠢᠨ ᠲᠦᠮᠡᠨ ᠤ ᠪᠠᠨ ᠡᠪᠡᠳᠴᠢᠨ ᠲᠠᠬᠤᠯ ᠢ ᠠᠷᠢᠯᠭᠠᠨ᠂ ᠳᠡᠳᠡᠨᠤᠰ ᠤᠨ ᠤᠶᠤᠨ ᠰᠠᠨᠠᠭᠠᠨ ᠤ | ᠳᠠᠶᠢᠳᠬᠤᠷᠠᠭᠤᠯᠤᠯ ᠪᠤᠯᠵᠤ ᠶᠠᠪᠤᠭᠰᠠᠨ ᠠᠴᠠ ᠠᠭᠠᠵᠢᠮ ᠢᠶᠠᠷ ᠤᠯᠠᠨ ᠤ ᠪᠠᠨ ᠳᠤᠮᠳᠠ ︽ᠬᠦᠳᠡᠭᠡ ᠪᠦᠭᠡ︾ ᠭᠡᠵᠤ ᠠᠯᠳᠠᠷᠰᠢᠪᠠ᠃ | ᠤᠳᠤ ᠬᠦᠳᠡᠭᠡ ᠪᠦᠭᠡ ᠡᠪᠡᠳᠴᠢᠨ ᠦᠵᠡᠬᠦ᠂ ᠦᠵᠡᠯᠭᠡ ᠲᠦᠯᠭᠡ ᠦᠵᠡᠬᠦ ᠠᠴᠠ ᠭᠠᠳᠠᠨᠠ ᠬᠤᠰᠢᠭᠤ ᠰᠤᠮᠤᠨ ᠤ ᠪᠠᠨ ᠤᠪᠤᠭᠠ ᠳᠠᠬᠢᠯᠭᠠ ᠶᠢ ᠡᠷᠬᠢᠯᠡᠨ | ᠶᠠᠪᠤᠭᠳᠠᠭᠤᠯᠵᠤ᠂ ᠪᠠᠷᠭᠤ ᠶᠢᠨ ᠡᠯᠠ ᠤᠪᠤᠭ ᠬᠠᠯᠠ ᠶᠢᠨ ᠤᠪᠤᠭᠠ ᠲᠠᠬᠢᠯᠭᠠ ᠳᠤ ᠡᠷᠬᠢᠯᠡᠭᠴᠢ ᠪᠠᠷ ᠵᠠᠯᠠᠭᠳᠠᠵᠤ᠂ ᠪᠠᠷᠭᠤ ᠪᠦᠭᠡ ᠶᠢᠨ ᠤᠳᠤᠷᠢᠳᠤᠨ ᠳᠠᠭᠠᠭᠤᠯᠤᠭᠴᠢ | ᠲᠤᠯᠤᠭᠠᠢᠢᠯᠠᠭᠴᠢ ᠪᠦᠭᠡ ᠪᠤᠯᠵᠠᠢ᠃ | 2010 ᠤᠨ ᠤ ᠦᠶᠡ ᠪᠠᠷ ᠬᠦᠳᠡᠭᠡ ᠪᠦᠭᠡ ᠤᠷᠤᠰ ᠤᠨ ᠪᠤᠷᠢᠶᠠᠳ ᠲᠤ ᠪᠤᠯᠤᠭᠰᠠᠨ ᠨᠠᠢᠮᠠᠨ ᠤᠯᠤᠰ ᠤᠨ ᠪᠦᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ | ᠱᠠᠩᠨᠠᠯ ᠬᠦᠷᠳᠡᠵᠤ ᠢᠷᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠲᠡᠬᠦᠨ ᠤ ᠨᠡᠷᠠ ᠨᠦᠯᠦᠭᠡ ᠨᠢ ᠨᠡᠩ ᠴᠦ ᠮᠠᠨᠳᠤᠵᠤ᠂ ᠬᠦᠯᠦᠨ ᠪᠤᠶᠢᠷ ᠠᠴᠠ ᠭᠠᠳᠠᠨᠠ ᠰᠢᠯᠢ ᠶᠢᠨ ᠭᠤᠤᠯ᠂ ᠤᠷᠳᠤᠰ | ᠵᠡᠷᠭᠡ ᠭᠠᠵᠠᠷ ᠤᠨ ᠬᠦᠮᠦᠰ ᠴᠦ ᠬᠦᠳᠡᠭᠡ ᠪᠦᠭᠡ ᠶᠢ ᠪᠠᠳᠡᠷᠢᠨ ᠢᠷᠡᠳᠡᠭ ᠪᠤᠯᠵᠠᠢ᠃ | ᠬᠦᠳᠡᠭᠡ ᠪᠦᠭᠡ ᠪᠠᠰᠠ ᠠᠳᠠᠯᠢ ᠪᠤᠰᠤ ᠦᠨᠳᠦᠰᠦᠳᠡᠨ ᠤ ᠱᠠᠪᠢ ᠡᠯᠰᠡᠨ᠂ ᠦᠨᠳᠦᠰᠦᠳᠡᠨ ᠤ ᠪᠦᠯᠬᠦᠮᠳᠡᠯ ᠪᠠ ᠦᠨᠳᠦᠰᠦᠳᠡᠨ ᠤ ᠰᠤᠶᠤᠯ ᠤᠨ ᠨᠡᠶᠢᠯᠡᠭ | ᠬᠦᠭᠵᠢᠯᠳᠡ ᠶᠢ ᠠᠬᠢᠭᠤᠯᠵᠤ ᠪᠤᠢ᠃ ᠤᠳᠤᠬᠠᠨ ᠳᠤ ᠬᠦᠯᠦᠨ ᠪᠤᠶᠢᠷ ᠲᠤ ᠨᠡᠯᠢᠶᠡᠳ ᠨᠡᠷᠠ ᠨᠦᠯᠦᠭᠡ ᠲᠠᠢ ᠳᠠᠭᠤᠷ ᠦᠨᠳᠦᠰᠦᠳᠡᠨ ᠤ ᠢᠳᠤᠭᠠᠨ ᠰᠠᠴᠡᠩᠭᠤᠸᠠ᠂ | ᠡᠸᠡᠩᠭᠢ ᠦᠨᠳᠦᠰᠦᠳᠡᠨ ᠤ ᠢᠳᠤᠭᠠᠨ ᠰᠠᠷᠠᠨᠠ᠂ ᠪᠠᠷᠭᠤ ᠪᠦᠭᠡ ᠪᠠᠶᠠᠷᠳᠦ ᠨᠠᠷ ᠪᠤᠯ ᠪᠦᠷ ᠬᠦᠳᠡᠭᠡ ᠪᠦᠭᠡ ᠶᠢᠨ ᠱᠠᠪᠢ ᠪᠤᠯᠬᠤ ᠶᠤᠮ᠃ | ᠡᠬᠦᠨ ᠠᠴᠠ ᠭᠠᠳᠠᠨᠠ ᠰᠸᠢᠰ ᠠᠴᠠ ᠶᠠᠫᠤᠨ ᠳᠤ ᠬᠦᠷᠴᠦ ᠨᠤᠲᠤᠭᠰᠢᠭᠰᠠᠨ ᠪᠦᠭᠡ ᠮᠦᠷᠬᠦᠯ ᠤᠨ ᠰᠤᠶᠤᠯ ᠰᠤᠳᠤᠯᠤᠭᠠᠴᠢ᠂ ᠡᠷᠳᠡᠮᠳᠡᠨ᠂ ᠶᠠᠫᠤᠨ ᠤ | ᠨᠠᠨᠽᠠᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠶᠤᠯ ᠬᠦᠮᠦᠨ ᠵᠦᠢ ᠶᠢᠨ ᠮᠡᠷᠭᠡᠵᠢᠯ ᠤᠨ ᠳᠡᠳ᠋ ᠫᠷᠦᠹᠧᠰᠰᠤᠷ ᠺᠧᠨᠧᠴ · ᠫᠧᠳ᠋ᠷ ᠭᠤᠸᠠᠢ ᠬᠦᠳᠡᠭᠡ ᠪᠦᠭᠡ ᠳᠤ ᠤᠯᠠᠨ ᠵᠢᠯ | ᠳᠠᠷᠠᠭᠠᠯᠠᠨ ᠮᠦᠷᠳᠡᠯ ᠰᠤᠷᠪᠤᠯᠵᠢᠯᠠᠭᠠ ᠬᠢᠵᠤ ᠪᠤᠢ︔ ᠤᠷᠳᠤᠰ ᠨᠤᠲᠤᠭᠲᠠᠢ ᠵᠤᠷᠢᠭᠳᠤ ᠭᠡᠳᠡᠭ ᠵᠠᠯᠠᠭᠤ ᠲᠡᠬᠦᠨ ᠢ ᠲᠠᠪᠤ ᠵᠢᠷᠭᠤᠭᠠᠨ ᠵᠢᠯ ᠳᠠᠭᠠᠵᠤ ᠪᠠᠷᠢᠮᠳᠠᠳᠤ | ᠺᠢᠨᠣ᠋ ᠶᠢᠨ ᠲᠦᠷᠰᠦ ᠪᠢᠴᠢᠯᠭᠡ ᠬᠢᠪᠠ︔ ᠦᠪᠤᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠤᠳᠤᠨ ᠲᠧᠯᠸᠢᠰ ᠤᠨ ︽ᠰᠤᠶᠤᠯ ᠡᠷᠳᠡᠨᠢ︾ ᠫᠷᠦᠭᠷᠡᠮ ᠳᠤ ᠬᠦᠳᠡᠭᠡ ᠪᠦᠭᠡ ᠶᠢᠨ ᠱᠠᠪᠢ | ᠰᠠᠷᠠᠨᠠ ᠶᠢᠨ ᠰᠢᠲᠦᠭᠡᠨ ᠰᠠᠭᠤᠯᠭᠠᠬᠤ ᠶᠤᠰᠤᠯᠠᠯ ᠢ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠲᠤᠬᠠᠢ ᠤᠯᠠᠨᠠ ᠮᠡᠳᠡᠭᠡᠯᠡᠪᠡ ᠁ | ᠬᠦᠳᠡᠭᠡ ᠪᠦᠭᠡ ᠢᠡᠭᠭᠢᠵᠤ ᠤᠯᠠᠨ ᠵᠢᠯ ᠤᠶᠤᠨ ᠮᠡᠳᠡᠷᠡᠯ ᠤᠨ ᠡᠮᠵᠡᠭᠯᠡᠯ᠂ ᠶᠠᠰᠤᠨ ᠤ ᠪᠡᠷᠳᠡᠯ᠂ ᠶᠠᠭᠤᠮᠠᠨ ᠤ ᠠᠳᠡᠯ ᠵᠡᠷᠭᠡ ᠲᠠᠯᠡ ᠶᠢᠨ ᠵᠠᠰᠠᠯᠭᠠ | ᠬᠢᠭᠰᠡᠨ ᠠᠴᠠ ᠭᠠᠳᠠᠨᠠ ᠪᠦᠭᠡ ᠮᠦᠷᠬᠦᠯ ᠤᠨ ᠶᠤᠰᠤᠯᠠᠯ᠂ ᠠᠯᠬᠤᠮ ᠳᠠᠷᠠᠭᠠ᠂ ᠪᠦᠭᠡ ᠶᠢᠨ ᠳᠠᠭᠤᠳᠠᠯᠭᠠ᠂ ᠪᠦᠭᠡ ᠶᠢᠨ ᠡᠮᠦᠰᠭᠡᠯ ᠵᠠᠰᠠᠯ ᠵᠡᠷᠭᠡ ᠶᠢ ᠡᠬᠦᠳᠦᠨ | ᠪᠦᠲᠦᠭᠡᠯᠴᠢ ᠪᠠᠷ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠵᠤ᠂ ᠬᠦᠯᠦᠨ ᠪᠤᠶᠢᠷ ᠤᠨ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠷᠤᠨ ᠤ ᠠᠷᠠᠳ ᠤᠨ ᠰᠢᠳᠦᠯᠭᠡ ᠶᠢᠨ ᠰᠤᠶᠤᠯ ᠢ ᠤᠯᠠᠮᠵᠢᠯᠠᠨ | ᠬᠦᠭᠵᠢᠬᠦᠯᠬᠦ᠂ ᠬᠦᠯᠦᠨ ᠪᠤᠶᠢᠷ ᠢᠶᠠᠨ ᠭᠠᠳᠠᠭᠰᠢ ᠤᠬᠠᠭᠤᠯᠬᠤ ᠳᠤ ᠦᠪᠡᠷ ᠤᠨ ᠭᠡᠬᠦ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠬᠦᠯᠵᠤ ᠢᠷᠡᠵᠡᠢ᠃ | ᠬᠦᠳᠡᠭᠡ ᠪᠦᠭᠡ ᠶᠢᠨ ᠡᠨᠡ ᠬᠦ ᠤᠯᠠᠮᠵᠢᠯᠠᠯᠳᠦ ᠰᠤᠶᠤᠯ ᠢᠶᠠᠨ ᠤᠯᠠᠨ ᠤ ᠰᠤᠨᠤᠷ ᠲᠤ ᠦᠷᠳᠦᠬᠦᠯᠵᠤ᠂ ᠦᠨᠳᠦᠰᠦᠳᠡᠨ ᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠡ ᠶᠢᠨ | ᠠᠵᠢᠯ ᠳᠤ ᠬᠦᠴᠦᠨ ᠢᠶᠠᠨ ᠨᠡᠮᠡᠷᠢᠯᠡᠵᠤ ᠶᠠᠪᠤᠭᠠ ᠳᠤᠨᠢ ᠬᠤᠳᠠ ᠬᠤᠰᠢᠭᠤᠨ ᠤ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠠᠴᠠ ᠬᠦᠳᠡᠭᠡ ᠪᠦᠭᠡ ᠳᠤ ︽ᠬᠦᠯᠦᠨ ᠪᠤᠶᠢᠷ | ᠬᠤᠳᠠ ᠶᠢᠨ ᠲᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠪᠠᠷᠭᠤ ᠪᠦᠭᠡ ᠶᠢᠨ ᠡᠮᠦᠰᠭᠡᠯ ᠪᠤᠯᠤᠨ ᠬᠡᠷᠡᠭᠰᠡᠯ ᠤᠨ ᠲᠦᠯᠦᠭᠡᠯᠡᠭᠴᠢ ᠦᠪᠯᠡᠨ ᠤᠯᠠᠮᠵᠢᠯᠠᠭᠴᠢ︾ ︽ | ᠬᠦᠯᠦᠨ ᠪᠤᠶᠢᠷ ᠬᠤᠳᠠ ᠶᠢᠨ ᠲᠡᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠲᠦᠯᠦᠭᠡᠯᠡᠭᠴᠢ ᠦᠪᠯᠡᠨ ᠤᠯᠠᠮᠵᠢᠯᠠᠭᠴᠢ︾ ︽ᠤᠷᠤᠨ ᠤ ᠲᠡᠰ ᠤᠨ ᠪᠤᠳᠠᠰ ᠤᠨ | ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠪᠠᠷᠭᠤ ᠪᠦᠭᠡ ᠶᠢᠨ ᠵᠠᠩ ᠦᠢᠯᠡ ᠶᠢᠨ ᠬᠤᠰᠢᠭᠤᠨ ᠤ ᠲᠡᠰ ᠤᠨ ᠲᠦᠯᠦᠭᠡᠯᠡᠭᠴᠢ ᠴᠢᠨᠠᠷᠲᠠᠢ ᠦᠪᠯᠡᠨ ᠤᠯᠠᠮᠵᠢᠯᠠᠭᠴᠢ︾ ᠵᠡᠷᠭᠡ ᠦᠨᠡᠮᠯᠡᠯ | ᠭᠠᠷᠳᠠᠭᠤᠯᠵᠤ᠂ ᠲᠡᠬᠦᠨ ᠳᠤ ᠵᠤᠷᠢᠭᠵᠢᠭᠤᠯᠤᠯ ᠪᠠ ᠬᠦᠬᠢᠬᠦᠯᠦᠯ ᠪᠤᠯᠭᠠᠵᠠᠢ᠃ |