| ᠴᠠᠰᠤ ᠦᠭᠡᠢ ᠪᠠᠷ ᠡᠪᠦᠯ ᠢ ᠶᠠᠭᠠᠬᠢᠵᠤ ᠲᠥᠰᠥᠭᠡᠯᠡᠨᠡ ᠪᠤᠢ⁈ | ᠶᠢᠷᠲᠢᠨᠴᠦ ᠶᠢᠨ ᠠᠮᠢᠨ ᠭᠤᠣᠯ ᠪᠣᠯ ᠤᠰᠤ᠃ ᠤᠰᠤ᠂ ᠲᠡᠭᠷᠢ ᠭᠠᠵᠠᠷ ᠬᠥᠮᠥᠨ ᠤ ᠬᠤᠷᠸᠠ ᠭᠤᠷᠪᠠᠨ ᠶᠢᠷᠲᠢᠨᠴᠦ ᠪᠠᠷ ᠵᠣᠭᠰᠣᠰᠢ ᠦᠭᠡᠢ ᠯᠤᠭᠰᠢᠨ ᠪᠠᠶᠢᠳᠠᠭ᠃ | ᠤᠰᠤ ᠠᠭᠤᠷᠰᠢᠪᠠᠯ ᠠᠭᠤᠷ ᠪᠣᠯᠣᠨᠠ᠂ ᠴᠠᠷᠴᠠᠪᠠᠯ ᠬᠢᠷᠠᠭᠤ ᠪᠣᠯᠣᠨᠠ᠃ ᠪᠠᠰᠠ ᠡᠭᠦᠯᠡ ᠪᠣᠯᠵᠤ ᠭᠦᠪᠦᠯᠵᠡᠨᠡ᠂ ᠪᠣᠷᠣᠭᠠᠨ ᠪᠣᠯᠵᠤ ᠰᠢᠪᠡᠷᠡᠨᠡ᠂ ᠮᠠᠨᠠᠨ ᠪᠣᠯᠵᠤ | ᠪᠦᠷᠦᠯᠵᠡᠨᠡ᠂ ᠰᠢᠭᠦᠳᠡᠷᠢ ᠪᠣᠯᠵᠤ ᠮᠡᠯᠲᠡᠭᠡᠨᠡᠨᠡ᠂ ᠴᠠᠰᠤ ᠪᠣᠯᠵᠤ ᠯᠠᠪᠰᠠᠯᠠᠨᠠ᠂ ᠮᠥᠰᠥ ᠪᠣᠯᠵᠤ ᠭᠦᠯᠳᠦᠭᠡᠨᠡᠨᠡ᠃ ᠤᠰᠤ ᠶᠡᠷᠦ ᠨᠢ ᠳᠦᠷᠰᠦ ᠪᠠᠨ ᠬᠤᠪᠢᠷᠠᠭᠠᠵᠤ | ᠳᠠᠩᠳᠠ ᠵᠣᠷᠴᠢᠵᠤ ᠯᠠ ᠪᠠᠶᠢᠳᠠᠭ ᠠᠴᠠ ᠠᠮᠢ ᠠᠮᠢᠳᠠᠨ ᠡᠰᠡᠨᠢᠨ ᠲᠥᠯᠵᠢᠵᠦ ᠪᠠᠶᠢᠳᠠᠭ᠃ | ᠴᠠᠰᠤ ᠪᠣᠯ ᠤᠰᠤᠨ ᠤ ᠨᠢᠭᠡ ᠭᠡᠯᠪᠡᠷᠢ᠃ ᠴᠠᠰᠤ ᠥᠪᠡᠷ ᠤᠨ ᠢᠶᠠᠨ ᠭᠡᠯᠪᠡᠷᠢ ᠪᠠᠷ ᠣᠷᠣᠰᠢᠵᠤ᠂ ᠣᠨᠳᠣᠣ ᠨᠢᠭᠡᠨ ᠶᠢᠷᠲᠢᠨᠴᠦ - ᠡᠪᠦᠯ ᠢ ᠪᠦᠲᠦᠭᠡᠳᠡᠭ᠃ | ᠴᠡᠴᠡᠭ ᠬᠤᠸᠠᠷ ᠬᠤᠪᠠᠭ᠋ᠠᠶᠢᠷᠠᠵᠤ᠂ ᠮᠣᠳᠣᠳ ᠨᠢᠴᠦᠭᠦᠷᠡᠵᠦ᠂ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠪᠤᠴᠠᠵᠤ᠂ ᠴᠠᠭ ᠠᠭᠤᠷ ᠬᠦᠢᠲᠡᠷᠡᠵᠦ᠂ ᠴᠠᠰᠤᠨ ᠯᠠᠪᠰᠠ ᠪᠥᠵᠢᠨᠡ ᠁ | ᠲᠡᠷᠡ ᠤᠯᠠᠨ ᠬᠤᠭ ᠲᠣᠭᠤᠰᠣ ᠶᠢ ᠳᠠᠷᠤᠬᠤ ᠭᠡᠵᠦ᠂ ᠬᠠᠯᠲᠠᠷ ᠪᠤᠯᠳᠠᠷ ᠶᠢᠷᠲᠢᠨᠴᠦ ᠶᠢ ᠠᠷᠢᠭᠤᠯᠠᠬᠤ ᠭᠡᠵᠦ ᠴᠠᠰᠤ ᠪᠥᠵᠢᠵᠦ ᠯᠡ ᠪᠠᠶᠢᠳᠠᠭ᠃ ᠨᠠᠷᠭᠢᠶᠠᠨ ᠱᠤᠤᠭᠢᠶᠠᠨ | ᠨᠠᠮᠳᠠᠵᠤ᠂ ᠨᠠᠮ ᠵᠢᠮ ᠶᠢᠷᠲᠢᠨᠴᠦ ᠳᠤ ᠬᠥᠮᠥᠰ ᠥᠪᠡᠷ ᠵᠦᠭ ᠢᠶᠠᠨ᠂ ᠰᠡᠳᠬᠢᠯ ᠵᠦᠭ ᠢᠶᠠᠨ ᠥᠩᠭᠡᠶᠢᠭᠡᠷᠡᠢ ᠭᠡᠵᠦ ᠰᠠᠨᠠᠭᠤᠯᠵᠤ ᠦᠳᠦᠨ ᠴᠠᠭᠠᠨ ᠴᠠᠰᠤ ᠬᠠᠶᠠᠯᠠᠵᠤ ᠯᠡ | ᠪᠠᠶᠢᠳᠠᠭ᠃ | ᠰᠡᠪ ᠦᠭᠡᠢ ᠰᠠᠶᠢᠬᠠᠨ ᠶᠢᠷᠲᠢᠨᠴᠦ ᠶᠢ ᠪᠦᠲᠦᠭᠡᠬᠦ ᠭᠡᠵᠦ ᠴᠠᠰᠤᠨ ᠴᠡᠴᠡᠭ ᠳᠡᠯᠭᠡᠷᠡᠨᠡ᠃ ᠣᠭᠲᠠᠷᠭᠤᠢ ᠳᠦᠭᠦᠷᠡᠩ ᠴᠠᠰᠤᠨ ᠴᠡᠴᠡᠭ ᠪᠥᠵᠢᠬᠦ ᠪᠠᠷ ᠠᠭᠤᠯᠠ | ᠲᠠᠯᠠ᠂ ᠲᠤᠪᠤ ᠳᠣᠪᠣᠴᠠᠭ᠂ ᠠᠰᠠᠷ ᠲᠠᠭᠲᠤ᠂ ᠤᠢ ᠮᠣᠳᠣ ᠁ ᠥᠪᠴᠢ ᠪᠠᠷ ᠢᠶᠠᠨ ᠴᠠᠪ ᠴᠠᠭᠠᠨ᠃ ᠭᠬᠢᠷ ᠲᠣᠭᠤᠰᠣ ᠪᠠᠶᠢᠬᠤ ᠦᠭᠡᠢ᠂ ᠬᠠᠯᠲᠠᠷ ᠡᠷᠢᠶᠡᠨ ᠪᠠᠶᠢᠬᠤ | ᠦᠭᠡᠢ᠂ ᠬᠠᠭᠤᠷᠮᠠᠭ ᠥᠩᠭᠡᠪᠴᠢ ᠪᠠᠶᠢᠬᠤ ᠦᠭᠡᠢ᠃ ︽ᠮᠥᠩᠭᠦᠨ ᠳᠡᠯᠡᠬᠡᠢ ᠶᠢᠨ ᠡᠵᠡᠳ︾ ᠪᠠ ᠴᠠᠰᠤᠨ ᠨᠦᠮᠦᠷᠭᠡᠳᠦ ᠰᠡᠭᠰᠡᠭᠡᠷ ᠲᠠᠶᠢᠭᠠ ᠨᠤᠭᠤᠳ ᠰᠠᠷᠠᠭᠤᠯ | ᠲᠠᠯᠠ ᠶᠢᠨ ᠴᠢᠮᠡᠭ ᠪᠣᠯᠵᠤ ᠠᠮᠢᠯᠠᠨᠠ᠃ ᠴᠠᠭᠠᠨ ᠳᠠᠬᠤ ᠲᠠᠢ ᠶᠡᠬᠡᠮᠰᠦᠭ ᠵᠤᠬᠰᠤᠬᠤ ᠨᠠᠷᠠᠰᠤ ᠮᠠᠶᠢᠯᠠᠰᠤ ᠠᠴᠠ ᠡᠷᠡᠯᠬᠡᠭ ᠵᠠᠩᠵᠤᠨ ᠤ ᠣᠮᠤᠭ ᠰᠦᠷ ᠪᠠᠳᠠᠷᠠᠨᠠ᠃ | ᠡᠪᠦᠯ ᠭᠡᠳᠡᠭ ᠢ ᠬᠠᠬᠢᠷ ᠬᠦᠢᠲᠡᠨ ᠢᠶᠠᠷ ᠯᠠ ᠣᠶᠢᠯᠠᠭᠠᠬᠤ ᠪᠢᠰᠢ ᠡᠩ ᠦᠭᠡᠢ ᠬᠤᠷᠸᠠ ᠶᠢᠨ ᠤᠯᠠᠷᠢᠯ ᠤᠨ ᠵᠦᠢ᠂ ᠮᠥᠨ ᠴᠦ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠵᠢᠷᠤᠭᠯᠠᠭᠰᠠᠨ | ᠡᠲᠡᠭᠡᠳ ᠭᠤᠶᠤ ᠦᠵᠡᠮᠵᠢ ᠶᠢᠨ ᠵᠢᠷᠤᠭ᠂ ᠦᠨᠡᠨ ᠴᠢᠨᠠᠷ ᠤᠨ ᠰᠢᠯᠭᠠᠭᠤᠷ᠂ ᠥᠯᠴᠢᠷ ᠲᠡᠰᠪᠦᠷᠢ ᠶᠢᠨ ᠳᠠᠭᠠᠭᠠᠴᠠ ᠶᠤᠮ᠃ | ᠠᠷᠢᠭᠤᠨ ᠴᠠᠭᠠᠨ ᠬᠤᠷᠸᠠ ᠳᠤ ᠠᠯᠳᠠᠨ ᠨᠠᠷᠠᠨ ᠳᠤᠸᠠᠯᠠᠨ ᠭᠡᠷᠡᠯᠳᠦᠵᠦ᠂ ᠠᠮᠤᠷ ᠠᠮᠤᠭᠤᠯᠠᠩ ᠨᠠᠮ ᠲᠠᠶᠢᠪᠤᠩ ᠪᠣᠯᠣᠨᠠ᠃ ᠰᠢᠬᠢᠷ ᠰᠢᠭ ᠴᠠᠪ ᠴᠠᠭᠠᠨ | ᠭᠦᠪᠰᠦᠭᠡᠷ ᠵᠥᠭᠡᠯᠡᠨ ᠴᠠᠰᠤ ᠭᠡᠳᠡᠭ ᠦᠨᠡᠨ ᠳᠡᠭᠡᠨ ᠡᠪᠦᠯ ᠤᠨ ᠱᠣᠰᠢᠭᠠ ᠶᠤᠮ᠃ ᠡᠷᠲᠡᠨ ᠠᠴᠠ ᠠᠪᠤᠭᠠᠳ ᠴᠠᠰᠤ ᠴᠠᠭᠠᠨ ᠭᠦᠩᠵᠦ ᠶᠢᠨ ᠲᠤᠮᠤᠭ᠂ ᠴᠠᠭᠯᠠᠰᠢ | ᠦᠭᠡᠢ ᠬᠠᠶᠢᠷᠠ ᠶᠢᠨ ᠵᠠᠬᠢᠶᠠ ᠨᠤᠭᠤᠳ ᠪᠠᠶᠢᠳᠠᠭ᠃ ᠴᠠᠰᠤᠨ ᠬᠥᠮᠥᠨ ᠵᠣᠬᠢᠶᠠᠴᠢᠬᠠᠭᠠᠳ ᠪᠠᠶᠠᠷᠯᠠᠨ ᠲᠣᠭᠯᠠᠵᠤ ᠪᠠᠶᠢᠭᠠ ᠬᠡᠦᠬᠡᠳ ᠢ ᠬᠠᠷᠠᠭᠠᠴᠢ᠂ ᠬᠡᠴᠢᠨᠡᠨ | ᠬᠥᠭᠡᠷᠦᠬᠦᠨ ᠪᠤᠢ︕ ᠬᠡᠦᠬᠡᠳ ᠤᠨ ᠴᠠᠰᠤ ᠰᠢᠭ᠋ ᠭᠬᠢᠷ ᠦᠭᠡᠢ ᠴᠠᠶᠢᠯᠭᠠᠨ ᠴᠠᠭᠠᠪᠤᠷ ᠶᠢᠷᠲᠢᠨᠴᠦ ᠳᠤ ᠶᠠᠭᠤ ᠪᠦᠭᠦᠨ ᠪᠦᠷᠢᠨ ᠪᠦᠲᠦᠨ ᠭᠤᠶᠤ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ | ᠨᠠᠮ ᠵᠢᠮ ᠶᠢᠷᠲᠢᠨᠴᠦ ᠶᠢ ᠪᠦᠲᠦᠭᠡᠬᠦ ᠭᠡᠵᠦ ᠴᠠᠰᠤ ᠬᠠᠶᠠᠯᠠᠨᠠ᠃ ᠵᠤᠨᠵᠢᠨ ᠳᠡᠪᠵᠢᠶᠡᠷᠡᠯᠳᠦᠭᠰᠡᠨ ᠨᠠᠷᠭᠢᠶᠠᠨ ᠱᠤᠤᠭᠢᠶᠠᠨ ᠨᠠᠮᠳᠠᠵᠤ᠂ ᠨᠠᠮᠤᠭᠲᠤ ᠲᠠᠯᠠ | ᠴᠡᠯᠳᠡᠶᠢᠵᠦ᠂ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠭᠰᠡᠨ ᠠᠯᠠᠭᠳᠠᠭᠠ ᠣᠭᠤᠲᠣᠨᠠ ᠴᠦ ᠢᠴᠡᠭᠡᠨ ᠳᠡᠭᠡᠨ ᠣᠷᠣᠪᠠ᠃ ᠨᠠᠮ ᠵᠢᠮ ᠣᠷᠴᠢᠨ ᠳᠤ ᠡᠬᠡ ᠪᠠᠶᠢᠭᠠᠯᠢ ᠶᠢᠨ | ᠪᠦᠳᠡᠭᠢᠬᠡᠨ ᠴᠠᠭᠠᠨ ᠠᠶᠠᠯᠭᠤ ᠰᠣᠨᠣᠷᠳᠠᠨᠠ᠃ ᠨᠠᠮ ᠵᠢᠮ ᠣᠷᠴᠢᠨ ᠳᠤ ᠨᠠᠶᠢᠷᠠᠭ ᠤᠨ ᠣᠩᠭᠤᠳ ᠢ ᠤᠷᠢᠵᠤ᠂ ᠤᠩᠭᠤᠨ ᠪᠢᠯᠢᠭ ᠤᠨ ᠬᠤᠷᠴᠠ ᠰᠡᠷᠡᠯ ᠠᠭᠤᠳᠠᠮ | ᠲᠠᠯᠠ ᠪᠠᠷ ᠳᠠᠪᠬᠢᠨᠠ᠃ ᠰᠡᠳᠬᠢᠯ ᠤᠨ ᠢᠶᠠᠨ ᠭᠡᠭᠡᠪᠴᠢ ᠪᠠᠷ ᠥᠩᠭᠡᠶᠢᠨ᠂ ᠲᠠᠯᠠ ᠮᠡᠲᠦ ᠲᠠᠶᠢᠪᠤᠭᠤᠬᠠᠨ᠂ ᠤᠰᠤ ᠮᠡᠲᠦ ᠲᠤᠩᠭᠠᠯᠠᠭᠬᠠᠨ ᠢᠶᠠᠷ ᠪᠤᠳᠤᠯ ᠰᠡᠳᠬᠢᠯ | ᠲᠠᠢ ᠪᠠᠨ ᠬᠦᠦᠷᠨᠢᠯᠳᠦᠨᠡ᠃ | ᠲᠦᠮᠡ ᠲᠦᠴᠢᠭᠢᠨᠡᠵᠦ ᠪᠤᠮᠠ ᠪᠤᠵᠢᠭᠢᠨᠠᠭᠰᠠᠨ ᠬᠤᠳᠠ ᠶᠢᠨ ᠬᠥᠯ ᠦᠢᠮᠡᠭᠡᠨ ᠳᠤ ᠪᠡᠶᠡ ᠰᠡᠳᠬᠢᠯ ᠮᠢᠨᠢ ᠶᠠᠳᠠᠷᠠᠵᠤ ᠴᠢᠯᠡᠵᠦ ᠪᠠᠶᠢᠭᠰᠠᠨ᠃ ᠡᠨᠡ ᠰᠠᠶᠢᠬᠠᠨ | ᠨᠠᠮ ᠵᠢᠮ ᠳᠤ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠠᠮᠲᠠᠲᠤ ᠲᠠᠷᠠᠰᠤᠨ ᠢ ᠰᠢᠮᠡᠵᠦ᠂ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠬᠥᠭᠰᠡᠨ ᠳᠣᠭᠳᠣᠯᠤᠨᠠᠮ᠃ ᠬᠤᠶᠠᠷ ᠰᠠᠶᠢᠬᠠᠨ ᠮᠥᠷ ᠰᠢᠯᠦᠭ | ᠤᠩᠰᠢᠵᠤ ᠬᠤᠨᠣᠭᠤᠲᠠ ᠥᠨᠵᠢᠭᠦᠲᠡ ᠳᠣᠭᠳᠣᠯᠵᠤ ᠶᠠᠪᠤᠭᠰᠠᠨ᠂ ᠬᠦᠴᠢᠷᠳᠡᠭᠰᠡᠨ ᠦᠶᠡ ᠳᠤ ᠬᠠᠯᠠᠭᠤᠨ ᠭᠠᠷ ᠢᠶᠠᠨ ᠰᠤᠩᠭᠠᠭᠰᠠᠨ ᠳᠣᠲᠣᠨᠣ ᠬᠥᠮᠥᠰ ᠲᠤ ᠪᠠᠶᠠᠷᠯᠠᠨ | ᠲᠠᠯᠠᠷᠬᠠᠵᠤ ᠶᠠᠪᠤᠭᠰᠠᠨ᠃ | ᠨᠠᠮ ᠵᠢᠮ᠂ ᠠᠵᠢᠨ ᠲᠦᠵᠢᠨ᠃ ᠴᠠᠰᠤᠨ ᠴᠡᠴᠡᠭ ᠪᠥᠵᠢᠨᠡ᠃ ᠣᠨ ᠵᠢᠯ ᠤᠳ ᠴᠦ ᠴᠢᠪ ᠴᠢᠮᠡᠭᠡ ᠦᠭᠡᠢ ᠶᠢᠨ ᠳᠤᠮᠳᠠ ᠤᠷᠤᠰᠤᠨ ᠤᠳᠤᠨᠠ᠃ ᠴᠠᠬᠢᠯᠠᠨ ᠣᠲᠣᠭᠰᠠᠨ | ᠣᠨ ᠰᠠᠷᠠ ᠶᠢᠨ ᠪᠠᠷᠠ ᠰᠤᠷᠠᠭ ᠢ ᠬᠠᠶᠢᠵᠤ᠂ ᠴᠠᠰᠤᠨ ᠳᠤ ᠳᠡᠯᠭᠡᠷᠡᠭᠰᠡᠨ ᠸᠠᠩᠰᠠᠮᠪᠠᠷᠤ ᠶᠢ ᠪᠠᠭ᠋ᠠᠳᠤᠨᠠᠮ᠃ ᠨᠠᠮᠤᠷ ᠤᠨ ᠲᠤᠩᠭᠠᠯᠠᠭ ᠰᠠᠷᠠᠨ ᠤ ᠭᠡᠷᠡᠯ ᠳᠤ ᠬᠤᠨᠳᠠᠭᠠ | ᠮᠥᠷᠭᠦᠭᠦᠯᠦᠨ ᠨᠠᠶᠢᠷᠠᠭ ᠤᠶᠠᠩᠭᠠᠯᠠᠬᠤ ᠳᠤ ᠨᠡᠯᠦᠭᠡᠷ ᠴᠠᠰᠤᠨ ᠤ ᠮᠢᠨᠳᠠᠰᠤᠨ ᠰᠢᠷᠬᠡᠭ ᠢ ᠲᠣᠭᠠᠯᠠᠨ᠂ ᠡᠷᠲᠡᠨ ᠤ ᠮᠡᠷᠭᠡᠳ ᠤᠨ ᠰᠢᠯᠦᠭ ᠲᠤ ᠰᠣᠭᠲᠣᠭᠤᠷᠠᠨᠠᠮ᠃ | ︽ᠬᠠᠰ ᠤᠨ ᠴᠠᠭᠠᠨ ᠬᠡᠮᠬᠡᠳᠡᠭ︾ ᠢ ᠲᠡᠭᠦᠵᠦ ᠬᠠᠶᠢᠷᠠ ᠶᠢᠨ ᠵᠠᠬᠢᠶᠠ ᠢᠯᠡᠭᠡᠰᠦᠭᠡᠢ | ︽ᠮᠥᠩᠭᠦᠨ ᠴᠠᠭᠠᠨ ᠭᠦᠯᠮᠦᠭ︾ ᠢᠶᠠᠷ ᠭᠠᠳᠠᠷᠯᠠᠵᠤ ᠮᠥᠷᠥᠭᠡᠳᠦᠯ ᠤᠨ ᠰᠣᠨᠳᠣᠷ ᠬᠡᠯᠬᠢᠰᠦᠭᠡᠢ | ︽ᠴᠠᠭᠠᠨ ᠡᠭᠦᠯᠡ︾ ᠶᠢ ᠤᠷᠢᠵᠤ ︽ᠨᠢᠭᠡᠨ ᠳᠠᠪᠬᠤᠷ ᠠᠰᠠᠷ︾ ᠢᠶᠠᠷ ᠵᠤᠭᠠᠴᠠᠰᠤᠭᠠᠢ | ︽ᠴᠠᠭᠠᠵᠠ ᠶᠢᠨ ᠲᠠᠪᠴᠠᠩ︾ ᠢ ᠤᠩᠰᠢᠵᠤ ᠡᠷᠲᠡᠨ ᠡᠳᠦᠭᠡ ᠶᠢ ᠰᠢᠭᠦᠰᠦᠭᠡᠢ︕ | ᠮᠥᠷᠥᠭᠡᠳᠦᠯ ᠤᠨ ᠰᠣᠨᠳᠣᠷ ᠬᠡᠯᠬᠢᠵᠦ᠂ ᠮᠥᠩᠭᠦᠨ ᠴᠠᠰᠤᠨ ᠬᠠᠶᠠᠯᠠᠨᠠ᠃ ᠴᠠᠰᠤᠨ ᠳᠠᠭᠢᠨᠢᠰ ᠦᠰᠦ ᠭᠡᠵᠢᠭᠡ ᠶᠢ ᠡᠩᠬᠦᠷᠡᠶᠢᠬᠡᠨ ᠦᠨᠦᠰᠴᠦ᠂ ᠠᠨᠢᠰᠬᠠᠨ | ᠳᠡᠭᠡᠷᠡ ᠲᠡᠷᠪᠡᠯᠵᠡᠨᠡ᠃ ᠠᠶᠤᠤᠯᠢᠬᠠᠢ ᠶᠢᠨ ᠪᠤᠳᠤᠯ ᠢ ᠲᠣᠭᠠᠴᠢᠵᠤ᠂ ᠠᠯᠤᠰ ᠬᠢᠵᠠᠭᠠᠷ ᠲᠤ ᠰᠤᠪᠤᠷᠠᠨᠠ᠃ ᠠᠯᠠᠭᠠ ᠪᠠᠨ ᠠᠶᠠᠷᠬᠠᠨ ᠳᠡᠯᠭᠡᠬᠦ ᠳᠤ ᠠᠳᠬᠤᠨ ᠳᠤ ᠮᠢᠨᠢ | ᠲᠤᠰᠤᠯ ᠮᠥᠷᠥᠭᠡᠳᠦᠯ ᠮᠡᠯᠲᠡᠭᠡᠨᠡᠨᠡ᠃ ᠠᠯᠬᠤᠵᠤ ᠢᠷᠡᠭᠰᠡᠨ ᠤᠯᠠ ᠮᠥᠷ ᠮᠢᠨᠢ ᠴᠢᠩ ᠦᠨᠡᠨ ᠢᠶᠠᠷ ᠳᠤᠷᠠᠶᠢᠨᠠ᠃ ᠠᠩᠭᠢᠷ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠴᠠᠰᠤᠨ ᠳᠡᠭᠡᠷᠡ | ᠲᠷᠠᠺᠲ᠋ᠣᠷ ᠤᠨ ᠬᠦᠷᠳᠦᠨ ᠮᠥᠷ ᠢ ᠳᠠᠭᠤᠷᠢᠶᠠᠵᠤ᠂ ᠲᠠᠷᠯᠠᠨ ᠮᠥᠷ ᠭᠠᠷᠭᠠᠵᠤ ᠪᠠᠶᠢᠭᠰᠠᠨ ᠮᠢᠨᠢ ᠴᠦ ᠰᠠᠶ᠋ᠢᠬᠠᠨ ᠰᠢᠭ᠋ ᠦᠭᠡᠶᠢᠯᠡᠭᠳᠡᠨᠡ᠃ | ᠬᠡᠨ ᠨᠢᠭᠡᠨ ᠤ ᠲᠤᠬᠠᠢ ᠰᠠᠶᠢᠬᠠᠨ ᠪᠦᠭᠦᠨ ᠢ ᠨᠢ ᠯᠠ ᠴᠡᠭᠡᠵᠢᠯᠡᠵᠦ ᠶᠠᠪᠤᠭᠰᠠᠨ᠃ ᠬᠡᠨ ᠳᠤ ᠴᠦ ᠠᠮᠠᠯᠠᠵᠤ ᠠᠨᠳᠠᠭᠠᠶᠢᠯᠠᠭᠰᠠᠨ ᠵᠦᠢᠯ ᠪᠠᠶᠢᠬᠤ ᠦᠭᠡᠢ᠂ | ᠭᠤᠨᠢᠵᠤ ᠭᠤᠮᠣᠳᠠᠭᠰᠠᠨ ᠵᠦᠢᠯ ᠪᠠᠶᠢᠬᠤ ᠦᠭᠡᠢ᠂ ᠠᠯᠤᠰ ᠡᠮᠦᠨᠡᠰᠢ ᠴᠢᠭᠯᠡᠵᠦ᠂ ᠰᠡᠳᠬᠢᠯ ᠤᠨ ᠢᠶᠠᠨ ᠲᠡᠩᠬᠡᠭᠡ ᠪᠠᠷ ᠵᠢᠳᠬᠦᠵᠦ ᠢᠷᠡᠭᠰᠡᠨ᠃ | ᠠᠮᠢᠳᠤᠷᠠᠯ ᠳᠤ ᠬᠦᠴᠢᠷᠳᠡᠨ ᠮᠤᠬᠤᠷᠳᠠᠵᠤ᠂ ᠲᠠᠭᠠᠷᠠᠵᠦ ᠪᠡᠭᠡᠷᠡᠵᠦ ᠪᠠᠶᠢᠭᠰᠠᠨ ᠦᠶᠡ ᠳᠡᠭᠡᠨ ᠡᠪᠦᠯ ᠤᠨ ᠭᠤᠸᠠ ᠬᠦᠢᠲᠡᠨ ᠳᠤ ᠪᠤᠢ᠂ ᠠᠮᠢᠳᠤᠷᠠᠯ ᠤᠨ | ᠰᠠᠶᠢᠬᠠᠨ ᠵᠢᠳᠬᠦᠯ ᠳᠤ ᠪᠤᠢ ᠭᠡᠵᠦ ᠥᠪᠡᠷ ᠢ ᠪᠠᠨ ᠲᠠᠶᠢᠳᠬᠤᠷᠠᠭᠤᠯᠵᠤ ᠤᠷᠮᠠᠰᠢᠭᠤᠯᠵᠤ ᠪᠠᠶᠢᠭᠰᠠᠨ᠃ | ᠨᠢᠳᠦᠨ ᠨᠠᠭᠤᠷ ᠤᠨ ᠮᠢᠨᠢ ᠠᠩᠭᠢᠷ ᠰᠢᠪᠠᠭᠤᠳ ᠪᠤᠴᠠᠬᠤ ᠳᠤ ᠮᠥᠷᠥᠭᠡᠳᠦᠯ ᠤᠨ ᠰᠢᠪᠠᠭᠤᠬᠠᠢ ᠮᠥᠷᠥᠨ ᠳᠡᠭᠡᠷᠡ ᠮᠢᠨᠢ ᠳᠡᠪᠳᠡᠷᠢᠵᠦ᠂ ᠪᠢᠴᠢᠭ ᠤᠨ | ᠥᠷᠥᠭᠡᠨ ᠳᠤ ᠠᠩᠬᠢᠯᠤᠮᠠ ᠦᠨᠦᠷᠲᠦ ᠴᠠᠭ ᠮᠥᠴᠡ ᠠᠯᠢᠶᠠᠷᠬᠠᠨ ᠲᠤᠨᠢᠷᠬᠠᠵᠤ ᠪᠠᠶᠢᠭᠰᠠᠨ᠃ | ᠬᠤᠯᠠ ᠶᠢᠨ ᠨᠢᠭᠡᠨ ᠬᠥᠮᠥᠨ ᠮᠥᠨ ᠨᠠᠳᠠ ᠰᠢᠭ᠋ ᠴᠠᠰᠤ ᠶᠢ ᠪᠠᠭ᠋ᠠᠳᠤᠨ᠂ ᠴᠠᠰᠤᠨ ᠴᠡᠴᠡᠭ ᠲᠠᠢ ᠵᠣᠭᠤᠭᠳᠠᠨ᠂ ᠴᠠᠰᠤᠲᠤ ᠳᠡᠯᠡᠬᠡᠢ ᠳᠤ ᠬᠦᠰᠡᠯ ᠢᠶᠠᠨ | ᠰᠤᠪᠤᠷᠠᠭᠤᠯᠵᠤ᠂ ᠮᠥᠷᠥᠭᠡᠳᠦᠯ ᠢᠶᠠᠨ ᠬᠡᠯᠬᠢᠵᠦ ᠤᠶᠠᠩᠭᠠ ᠨᠠᠶᠢᠷᠠᠭ ᠪᠢᠴᠢᠭᠯᠡᠵᠦ ᠪᠠᠶᠢᠬᠠ᠃ | ᠬᠥᠮᠥᠨ ᠤ ᠰᠠᠶᠢᠬᠠᠨ ᠢᠲᠡᠭᠡᠯ ᠭᠡᠳᠡᠭ ᠶᠠᠭᠤ ᠪᠠᠷ ᠴᠦ ᠰᠣᠯᠢᠰᠢ ᠦᠭᠡᠢ ᠰᠡᠳᠬᠢᠯ ᠶᠤᠮ᠃ ᠨᠠᠶᠢᠵᠠ ᠨᠥᠬᠦᠳ ᠲᠡᠭᠡᠨ ᠢᠲᠡᠭᠡᠯ ᠲᠠᠢ ᠶᠠᠪᠤᠬᠤ ᠭᠡᠳᠡᠭ ᠶᠠᠭᠤᠨ ᠠᠴᠠ | ᠴᠦ ᠡᠷᠬᠢᠮ᠃ ᠪᠤᠰᠤᠳ ᠢ ᠬᠠᠭᠤᠷᠴᠤ ᠮᠡᠬᠡᠯᠡᠬᠦ ᠦᠭᠡᠢ᠂ ᠪᠣᠷᠣᠭᠵᠢᠭᠤᠨ ᠴᠢᠩ ᠦᠨᠡᠨ ᠦᠭᠡ ᠬᠡᠯᠡᠵᠦ᠂ ᠢᠲᠡᠭᠡᠯ ᠬᠦᠨᠳᠦ ᠶᠢ ᠡᠷᠭᠢᠮᠯᠡᠳᠡᠭ ᠨᠢ ᠠᠮᠢᠳᠤᠷᠠᠯ ᠤᠨ ᠮᠢᠨᠢ | ᠵᠦᠢ᠃ | ᠬᠦᠰᠡᠯ ᠤᠨ ᠤᠶᠠᠩᠭᠠ ᠡᠭᠡᠰᠢᠭᠯᠡᠵᠦ᠂ ᠮᠥᠩᠭᠦᠨ ᠴᠠᠰᠤᠨ ᠬᠠᠶᠠᠯᠠᠨᠠ᠃ ᠬᠦᠰᠡᠬᠦ ᠳᠤ ᠠᠳᠠᠯᠢ ᠰᠠᠶᠢᠬᠠᠨ ᠶᠠᠭᠤᠮᠠ ᠪᠠᠶᠢᠬᠤ ᠦᠭᠡᠢ᠂ ᠬᠦᠯᠢᠶᠡᠬᠦ ᠳᠤ ᠠᠳᠠᠯᠢ | ᠤᠳᠠᠭᠠᠨ ᠵᠦᠢᠯ ᠪᠠᠶᠢᠬᠤ ᠦᠭᠡᠢ᠃ ᠮᠥᠷᠥᠭᠡᠳᠦᠯ ᠬᠦᠰᠡᠯ ᠭᠡᠳᠡᠭ ᠬᠡᠵᠢᠶᠡᠳᠡ ᠬᠠᠭᠤᠴᠢᠷᠠᠳᠠᠭ ᠦᠭᠡᠢ ᠮᠥᠩᠬᠡ ᠶᠢᠨ ᠠᠶᠠᠯᠭᠤᠨ᠃ ᠶᠠᠭ ᠯᠠ ᠰᠢᠨᠡᠬᠡᠨ ᠴᠠᠰᠤ ᠰᠢᠭ᠋ | ᠴᠡᠪᠡᠷ ᠠᠷᠢᠭᠤᠨ᠂ ᠰᠢᠨᠡ ᠪᠡᠷᠢ ᠶᠢᠨ ᠴᠢᠷᠠᠢ ᠰᠢᠭ᠋ ᠭᠡᠷᠡᠯ ᠳᠤᠸᠠᠯᠠᠮᠠ᠃ ᠠᠮᠢᠳᠤᠷᠠᠯ ᠳᠤ ᠮᠥᠷᠥᠭᠡᠳᠦᠯ ᠲᠠᠢ ᠶᠠᠪᠤᠬᠤ ᠰᠠᠶᠢᠬᠠᠨ᠂ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠤᠨ ᠢᠶᠠᠨ | ᠲᠥᠯᠥᠭᠡ ᠬᠦᠴᠦᠯᠡᠨ ᠵᠢᠳᠬᠦᠬᠦ ᠨᠢ ᠨᠡᠩ ᠰᠠᠶᠢᠬᠠᠨ᠃ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠬᠠᠨ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠮᠥᠩᠬᠡ ᠨᠣᠭᠤᠭᠠᠨ ᠨᠠᠷᠠᠰᠤ ᠰᠢᠭ᠋ ᠰᠡᠳᠬᠢᠯ ᠤᠨ | ᠬᠤᠶᠢᠮᠤᠷ ᠲᠤ ᠬᠥᠬᠡᠷᠡᠵᠦ ᠪᠠᠶᠢᠳᠠᠭ ᠠᠴᠠ᠂ ᠮᠥᠷᠡᠨ ᠭᠤᠣᠯ ᠤᠨ ᠴᠢᠳᠬᠤᠯᠠᠩ ᠰᠢᠭ᠋ ᠵᠣᠭᠰᠣᠰᠢ ᠦᠭᠡᠢ ᠬᠦᠷᠬᠢᠷᠡᠨ ᠳᠠᠪᠠᠯᠭᠠᠯᠠᠵᠤ ᠪᠠᠶᠢᠳᠠᠭ ᠠᠴᠠ ᠠᠮᠢᠳᠤᠷᠠᠯ ᠮᠢᠨᠢ | ᠤᠶᠠᠩᠭᠠ ᠳᠠᠭᠤᠤ ᠲᠠᠢ ᠢᠷᠠᠭᠤᠬᠠᠨ᠂ ᠠᠶᠢᠵᠠᠮ ᠭᠡᠮᠨᠡᠯ ᠲᠠᠢ ᠰᠢᠯᠤᠭᠤᠬᠠᠨ᠃ | ᠠᠶᠠᠯᠭᠤ ᠪᠦᠷᠢᠨ ᠠᠮᠢᠳᠤᠷᠠᠯ ᠯᠠ ᠲᠡᠭᠦᠰ ᠲᠡᠭᠦᠯᠳᠡᠷ ᠪᠠᠶᠢᠳᠠᠭ᠂ ᠤᠯᠠᠷᠢᠯ ᠪᠦᠷᠢ ᠴᠡᠴᠡᠭᠯᠡᠳᠡᠭ ᠰᠡᠳᠬᠢᠯ ᠯᠠ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠠᠢ ᠪᠠᠶᠢᠳᠠᠭ᠃ | ᠪᠤᠰᠤᠳ ᠠᠴᠠ ᠭᠠᠷ ᠰᠠᠷᠪᠠᠶᠢᠵᠦ᠂ ᠬᠤᠪᠠᠯᠵᠠ ᠰᠢᠭ᠋ ᠠᠮᠢᠳᠤᠷᠠᠳᠠᠭ ᠪᠢᠰᠢ᠂ ᠥᠭᠭᠢᠶᠡᠮᠦᠷᠴᠢ ᠨᠢᠩᠵᠢᠨ ᠰᠡᠳᠬᠢᠯ ᠢᠶᠠᠷ ᠥᠪᠡᠷ ᠪᠤᠰᠤᠳ ᠲᠤ ᠬᠠᠨᠳᠤᠵᠤ᠂ ᠬᠠᠨᠠᠭᠠᠷ | ᠲᠠᠯᠠ ᠰᠢᠭ᠋ ᠠᠭᠤᠳᠠᠮ ᠰᠡᠳᠬᠢᠯ ᠲᠠᠢ᠂ ᠬᠠᠭᠠᠨ ᠨᠠᠷᠠᠨ ᠰᠢᠭ᠋ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠪᠤᠳᠤᠯ ᠲᠠᠢ ᠪᠠᠶᠢᠮᠠᠨᠵᠢᠨ ᠠᠮᠢᠳᠤᠷᠠᠯ ᠢᠷᠡᠭᠡᠳᠦᠢ ᠵᠥᠪ ᠡᠨᠧᠷᠭᠢ ᠪᠠᠷ ᠳᠦᠭᠦᠷᠴᠦ᠂ | ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠡᠭᠡᠯᠵᠢᠯᠡᠯ ᠢᠶᠠᠷ ᠵᠥᠩᠳᠡᠭᠡᠨ ᠪᠠᠶᠠᠰᠤᠯ ᠮᠦᠰᠢᠶᠡᠳᠦ ᠲᠠᠢ ᠦᠷᠭᠦᠯᠵᠢᠯᠡᠳᠡᠭ᠃ ᠡᠩᠭᠡᠷ ᠳᠡᠭᠡᠷᠡ ᠴᠢᠨᠢ ᠡᠷᠬᠡᠯᠡᠬᠦ ᠡᠷᠪᠡᠬᠡᠢ ᠰᠢᠭ ᠴᠠᠰᠤᠨ ᠢ | ᠥᠭᠭᠢᠶᠡᠮᠦᠷ ᠪᠤᠳᠤᠯ ᠳᠠᠭᠠᠨ ᠳᠡᠷᠪᠡᠯᠵᠡᠭᠦᠯᠦᠭᠡᠴᠢ᠂ ᠡᠪᠦᠯ ᠤᠨ ᠬᠦᠢᠲᠡᠨ ᠳᠤ ᠳᠤᠯᠠᠭᠠᠴᠠᠬᠤ ᠪᠠᠷ ᠢᠷᠡᠭᠰᠡᠨ ᠡᠩᠬᠦᠷᠡᠶᠢᠬᠡᠨ ᠰᠢᠪᠠᠭᠤᠳ ᠢ ᠥᠷᠥ ᠵᠢᠷᠦᠬᠡᠨ ᠳᠡᠭᠡᠨ | ᠪᠦᠯᠢᠶᠡᠬᠡᠨ ᠡᠪᠦᠯᠵᠢᠭᠦᠯᠦᠭᠡᠴᠢ᠂ ᠡᠬᠡ ᠪᠠᠶᠢᠭᠠᠯᠢ ᠠᠴᠠ ᠰᠣᠶᠣᠷᠬᠠᠭᠰᠠᠨ ᠠᠶᠠᠯᠭᠤ ᠢᠷᠠᠭᠤᠬᠠᠨ ᠬᠥᠭᠵᠢᠮ ᠢ ᠠᠷᠪᠠᠨ ᠴᠠᠭᠠᠨ ᠬᠤᠷᠤᠭᠤ ᠪᠠᠷ ᠢᠶᠠᠨ ᠠᠶᠠᠷᠬᠠᠨ | ᠬᠥᠭᠵᠢᠮᠳᠡᠭᠡᠴᠢ︕ | ᠴᠠᠰᠤ ᠪᠥᠵᠢᠨᠡ᠂ ᠴᠠᠭᠯᠠᠰᠢ ᠦᠭᠡᠢ ᠬᠠᠶᠢᠷᠠ ᠶᠢᠨ ᠨᠣᠲ ᠳᠡᠪᠳᠡᠷᠢᠨᠡ ᠁ ᠭᠦᠪ ᠬᠥᠩᠭᠡᠬᠡᠨ ᠪᠠᠶᠢᠲᠠᠯᠠ ᠪᠠᠨ ᠬᠦᠰᠡᠯ ᠰᠡᠳᠬᠢᠯ ᠢ ᠠᠴᠢᠶᠠᠯᠠᠨ | ᠬᠥᠬᠡᠮᠳᠦᠭ ᠣᠭᠲᠠᠷᠭᠤᠢ ᠵᠦᠭ ᠰᠤᠮᠤᠳᠠᠨᠠ᠂ ᠬᠦᠷᠬᠦ ᠢᠷᠡᠭᠡᠳᠦᠢ ᠵᠦᠭ ᠤᠷᠤᠭᠰᠢᠯᠠᠨᠠ᠃ | ᠴᠠᠰᠤ ᠪᠥᠵᠢᠨᠡ᠂ ᠴᠡᠪᠡᠷ ᠠᠷᠢᠭᠤᠨ ᠳᠡᠯᠡᠬᠡᠢ ᠮᠦᠰᠢᠶᠡᠨᠡ ᠁ ᠴᠢᠩᠭᠢᠷ ᠵᠢᠩᠭᠢᠷ ᠬᠡᠯᠲᠡᠰ ᠨᠢᠰᠦᠯᠴᠡᠵᠦ᠂ ᠴᠢᠩ ᠬᠠᠶᠢᠷᠠ ᠶᠢᠨ ᠬᠦᠰᠡᠯ ᠤᠨ ᠦᠷᠡ ᠶᠢ | ᠰᠠᠴᠤᠨᠠ᠃ | | ᠵᠣᠬᠢᠶᠠᠭᠴᠢ᠄ ᠴᠢ᠊ · ᠳᠣᠯᠭᠢᠶᠠᠨ |