| ᠣᠯᠠᠭᠠᠨᠨᠠᠭᠤᠷ ᠤᠨ ᠬᠤᠨ | ᠤᠷᠤᠭᠰᠢ ᠬᠤᠶᠢᠰᠢ ᠪᠠᠨ ᠭᠠᠩᠭᠠᠨᠠᠯᠳᠤᠵᠤ | ᠤᠶᠠᠭᠠᠨ ᠳᠡᠭᠡᠷᠡᠬᠢ ᠮᠣᠷᠢᠳ | ᠰᠦᠷᠦᠭ ᠤᠨ ᠬᠤᠶᠢᠨᠠ ᠠᠴᠠ ᠢᠨᠴᠠᠭᠠᠯᠳᠤᠵᠤ | ᠣᠪᠣᠭᠠᠨ ᠱᠣᠩ ᠤᠨ ᠲᠤᠷᠳᠤᠩ | ᠥᠩᠭᠡ ᠨᠢ ᠪᠠᠭᠤᠷᠠᠨ ᠰᠡᠮᠡᠷᠡᠵᠦ | ᠣᠭᠲᠠᠷᠭᠤᠢ ᠶᠢᠨ ᠴᠠᠭᠠᠨ ᠡᠭᠦᠯᠡᠰ | ᠤᠶᠢᠳᠬᠠᠷ ᠲᠥᠷᠥᠭᠦᠯᠦᠮᠡ ᠨᠡᠭᠦᠯᠳᠤᠵᠤ | ᠬᠤᠯᠠ ᠶᠢᠨ ᠬᠥᠬᠡ ᠠᠭᠤᠯᠠᠰ | ᠰᠢᠩᠭᠡᠨ ᠤᠨᠢᠶᠠᠷ ᠲᠤ ᠪᠦᠳᠡᠭᠢᠷᠡᠵᠦ | ᠬᠤᠯᠪᠤᠭᠠ ᠨᠠᠭᠤᠷ ᠤᠨ ᠵᠡᠭᠡᠰᠦ | ᠰᠢᠪᠠᠭᠤᠳ ᠢᠶᠠᠨ ᠦᠭᠡᠶᠢᠯᠡᠨ ᠭᠠᠩᠬᠤᠵᠤ | ᠵᠢᠯᠠᠭᠠ ᠶᠢᠨ ᠬᠤᠰᠤᠨ ᠤ ᠨᠠᠪᠴᠢᠰ | ᠰᠢᠷᠭᠠᠯ ᠥᠩᠭᠡ ᠪᠠᠷ ᠰᠣᠯᠢᠭᠳᠠᠵᠤ | ᠵᠢᠷᠭᠢᠭᠡ ᠪᠣᠯᠵᠣᠮᠣᠷ ᠤᠨ ᠬᠤᠰᠢᠭᠤ | ᠮᠣᠶᠢᠯ ᠤᠨ ᠰᠢᠭᠦᠰᠦᠨ ᠳᠤ ᠪᠤᠳᠤᠭᠰᠢᠵᠤ | ᠬᠠᠷᠢ ᠳᠤ ᠮᠣᠷᠳᠠᠬᠤ ᠥᠬᠢᠳ ᠤᠨ | ᠬᠠᠨᠴᠤᠢ ᠨᠢ ᠨᠢᠯᠪᠤᠰᠤᠨ ᠳᠤ ᠳᠡᠪᠲᠦᠵᠦ | ᠬᠤᠷᠢᠮ ᠤᠨ ᠨᠢᠵᠢᠭᠢᠷ ᠪᠠᠶᠠᠷ | ᠬᠤᠭᠤᠷ ᠴᠤᠭᠤᠷ ᠢᠶᠠᠷ ᠡᠭᠡᠰᠢᠭᠷᠡᠵᠤ | ᠨᠠᠶᠢᠷ ᠤᠨ ᠰᠢᠷᠡᠭᠡᠨ ᠤ ᠭᠡᠶᠢᠴᠢᠳ | ᠨᠠᠩᠵᠢᠳ ᠤᠨ ᠳᠡᠭᠡᠵᠢ ᠢᠳᠠᠮᠯᠠᠵᠤ | ᠲᠤᠰᠤᠨ ᠲᠠᠷᠭᠤ ᠲᠠᠢ ᠬᠤᠨᠢᠳ | ᠤᠰᠤᠨ ᠵᠦᠭ ᠭᠦᠶᠦᠯᠳᠦᠵᠦ | ᠳᠤᠨᠳᠠᠭᠤᠷ ᠪᠤᠳᠤᠩ ᠲᠠᠢ ᠰᠢᠷᠠ ᠲᠣᠰᠣ | ᠭᠦᠵᠡᠭᠡ ᠤᠷᠤᠭᠤ ᠨᠡᠭᠦᠵᠦ | ᠬᠥᠨᠥᠭ ᠲᠠᠢ ᠰᠢᠷᠠ ᠠᠶᠢᠷᠠᠭ | ᠭᠦᠭᠡᠰᠦ ᠬᠤᠷᠢᠶᠠᠨ ᠬᠥᠷᠥᠩᠭᠡᠰᠢᠵᠦ | ᠬᠥᠳᠥᠰᠥᠨ ᠲᠡᠪᠡᠯ ᠤᠨ ᠦᠰᠦᠨ ᠳᠤ | ᠡᠪᠡᠰᠦᠨ ᠤ ᠦᠨᠦᠷ ᠰᠢᠩᠭᠡᠵᠦ | ᠤᠷᠤᠯᠳᠤᠭᠠᠨ ᠮᠣᠷᠢᠳ ᠤᠨ ᠨᠣᠭᠲᠣ | ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠵᠡᠭᠦᠭᠳᠡᠵᠦ | ᠤᠯᠢᠶᠠᠷᠬᠠᠭ ᠪᠤᠯᠪᠠᠷᠠᠢ ᠬᠡᠦᠬᠡᠳ ᠤᠳ | ᠰᠤᠷᠭᠠᠭᠤᠯᠢ ᠵᠦᠭ ᠢᠶᠠᠨ ᠴᠤᠪᠤᠷᠠᠯᠳᠤᠵᠤ | ᠨᠠᠷᠠᠨ ᠰᠢᠷᠭᠠᠯ ᠲᠠᠯᠠ ᠪᠠᠷ | ᠡᠪᠡᠰᠦᠨ ᠳᠠᠪᠠᠯᠭᠠᠨ ᠬᠠᠶᠠᠯᠠᠵᠤ | ᠨᠠᠷᠠᠨ ᠤ ᠪᠣᠷᠣ ᠮᠠᠯᠴᠢᠳ | ᠨᠠᠮᠤᠷ ᠤᠨ ᠠᠵᠢᠯ ᠳᠠᠭᠠᠨ ᠪᠤᠵᠢᠭᠢᠨᠠᠵᠤ | ᠤᠶᠠᠬᠠᠨ ᠬᠤᠩᠭᠤᠷ ᠰᠠᠯᠬᠢ | ᠦᠶᠡ ᠦᠶᠡ ᠰᠡᠪᠡᠯᠵᠡᠨ | ᠤᠰᠤᠷᠬᠠᠤ ᠬᠦᠢᠲᠡᠨ ᠪᠣᠷᠤᠭᠠ | ᠬᠠᠶᠠ ᠨᠢᠭᠡ ᠰᠡᠩᠰᠡᠷᠡᠵᠦ | ᠤᠶᠠᠭᠠᠲᠠᠢ ᠡᠷᠦᠬᠡᠨ ᠣᠭᠤᠰᠣᠷ | ᠳᠡᠭᠡᠪᠦᠷ ᠴᠢᠪᠬᠠᠳᠠᠨ ᠪᠢᠵᠢᠭᠢᠨᠡᠭᠰᠡᠭᠡᠷ | ᠮᠣᠩᠭᠤᠯ ᠨᠤᠲᠤᠭ ᠤᠨ ᠨᠠᠮᠤᠷ | ᠮᠣᠷᠢᠨ ᠤᠶᠠᠭᠠᠨ ᠳᠡᠭᠡᠷᠡ ᠢᠷᠡᠴᠢᠬᠡᠯᠡ | ᠵᠣᠬᠢᠶᠠᠭᠴᠢ᠄ ᠰᠸ᠊·ᠡᠩᠬᠡ | |