| ᠭᠠᠵᠠᠷ ᠵᠦᠢ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ | ᠪᠠᠶᠢᠷᠢᠰᠢᠯ᠂ ᠤᠷᠤᠨ ᠬᠡᠪᠴᠢᠶᠡ | ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ ᠨᠢ ᠵᠡᠭᠦᠨ ᠤᠷᠲᠤᠷᠢᠭ ᠤᠨ 119。32 ' —120。35 ' ᠪᠣᠯᠣᠨ ᠤᠮᠠᠷᠠᠲᠤ | ᠥᠷᠭᠡᠷᠢᠭ ᠤᠨ 49。06 ' — 49。32 ' ᠤᠨ ᠬᠤᠭᠤᠷᠣᠨᠳᠤ ᠪᠠᠶᠢᠳᠠᠭ᠃ ᠬᠠᠶᠢᠯᠠᠷ ᠲᠣᠭᠤᠷᠢᠭ ︵ᠤᠤᠯ ᠤᠨ ᠬᠥᠯᠥᠨ ᠪᠤᠶᠢᠷ ᠬᠤᠲᠠ︶ ᠥᠪᠥᠷ | ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠵᠡᠭᠦᠨ ᠬᠤᠶᠢᠲᠤ ᠬᠡᠰᠡᠭ ᠤᠨ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠ ᠶᠢᠨ ᠪᠠᠷᠠᠭᠤᠨ ᠬᠤᠷᠮᠣᠢ᠂ ᠬᠥᠯᠥᠨ ᠪᠤᠶᠢᠷ ᠤᠨ ᠲᠠᠯᠠ | ᠨᠤᠲᠤᠭ ᠤᠨ ᠵᠡᠭᠦᠨ ᠬᠡᠰᠡᠭ᠂ ᠢᠮᠢᠨ ᠭᠤᠣᠯ ᠬᠢᠭᠡᠳ ᠬᠠᠶᠢᠯᠠᠷ ᠭᠤᠣᠯ ᠤᠨ ᠠᠭᠤᠯᠵᠠᠷ ᠲᠤ ᠪᠠᠶᠢᠷᠢᠯᠠᠵᠤ ᠪᠣᠶ᠃ ᠵᠡᠭᠦᠨ ᠲᠠᠯᠠ ᠪᠠᠷ ᠢᠶᠠᠨ ᠶᠠᠭᠰᠢ ᠬᠤᠲᠠ ᠲᠠᠢ | ᠵᠠᠬᠠ ᠨᠡᠶᠢᠯᠡᠵᠦ᠂ ᠡᠮᠦᠨᠡ ᠲᠠᠯᠠ ᠪᠠᠷ ᠢᠶᠠᠨ ᠡᠸᠡᠩᠬᠢ ᠦᠨᠳᠦᠰᠦᠲᠡᠨ ᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤ ᠲᠠᠢ ᠬᠥᠷᠰᠢᠯᠡᠵᠦ᠂ ᠪᠠᠷᠠᠭᠤᠨ ᠬᠡᠰᠡᠭ᠂ ᠬᠤᠶᠢᠲᠤ | ᠬᠡᠰᠡᠭ ᠨᠢ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤ ᠲᠠᠢ ᠵᠠᠬᠠ ᠨᠡᠶᠢᠯᠡᠵᠦ ᠪᠠᠶᠢᠨᠠ᠃ ᠣᠷᠣᠰ ᠤᠨ ᠬᠢᠯᠢ ᠶᠢᠨ ᠵᠠᠭᠠᠭ ᠠᠴᠠ ᠬᠠᠮᠤᠭ ᠤᠨ ᠣᠶᠢᠷᠠ ᠳᠤ ᠪᠠᠨ 110 ᠺᠢᠯᠣᠮᠧᠲᠷ | ᠵᠠᠶᠢᠲᠠᠢ᠂ ᠮᠣᠩᠭᠤᠯ ᠤᠯᠤᠰ ᠤᠨ ᠬᠢᠯᠢ ᠶᠢᠨ ᠵᠠᠭᠠᠭ ᠠᠴᠠ ᠬᠠᠮᠤᠭ ᠤᠨ ᠣᠶᠢᠷᠠ ᠳᠤ ᠪᠠᠨ 160 ᠺᠢᠯᠣᠮᠧᠲᠷ ᠵᠠᠶᠢᠲᠠᠢ᠃ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠬᠢᠯᠢ ᠶᠢᠨ | ᠵᠠᠭᠠᠭ ᠱᠤᠭᠤᠮ ᠨᠢ ᠮᠤᠷᠤᠢ ᠰᠠᠷᠤᠢ ᠪᠠᠶᠢᠵᠤ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠣᠷᠳᠣ ᠨᠢ 77 ᠺᠢᠯᠣᠮᠧᠲᠷ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠥᠷᠭᠡᠨ ᠨᠢ 40 ᠺᠢᠯᠣᠮᠧᠲᠷ ᠪᠠᠶᠢᠳᠠᠭ᠃ | ᠵᠡᠭᠦᠨᠰᠢ ᠪᠠᠨ ᠬᠠᠶᠢᠯᠠᠷ ᠭᠤᠣᠯ ᠬᠢᠭᠡᠳ ᠡᠸᠡᠩᠬᠢ ᠦᠨᠳᠦᠰᠦᠲᠡᠨ ᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤᠨ ᠤ ᠠᠭᠤᠯᠵᠠᠷ ᠤᠨ ᠴᠡᠭ ᠠᠴᠠ ᠡᠬᠢᠯᠡᠵᠦ᠂ ᠪᠠᠷᠠᠭᠤᠨᠰᠢ ᠪᠠᠨ | ᠰᠢᠶᠣᠣ ᠯᠢᠶᠠᠩ ᠲᠡᠷᠭᠡᠨ ᠦᠷᠲᠡᠭᠡ ᠬᠦᠷᠦᠨᠡ︔ ᠬᠤᠶᠢᠰᠢ ᠪᠠᠨ ᠰᠢᠷᠠᠲᠠᠯᠠ ᠶᠢᠨ ᠡᠭᠦᠯᠳᠡᠷ ᠤᠨ ᠦᠬᠡᠷ ᠤᠨ ᠲᠠᠯᠠᠪᠠᠢ ᠶᠢᠨ ᠠᠷᠪᠠᠳᠤᠭᠠᠷ ᠠᠩᠭᠢ ᠠᠴᠠ ᠡᠬᠢᠯᠡᠵᠦ᠂ | ᠡᠮᠦᠨᠡᠰᠢ ᠪᠠᠨ ᠤᠤᠯ ᠤᠨ ᠬᠥᠯᠥᠨ ᠪᠤᠶᠢᠷ ᠠᠶᠢᠮᠠᠭ ᠤᠨ ᠵᠠᠬᠢᠷᠭᠠ ᠶᠢᠨ ᠢᠳᠡᠰᠢᠨ ᠨᠣᠭᠤᠭᠠ ᠶᠢᠨ ᠭᠠᠵᠠᠷ ᠤᠨ ᠤᠰᠤᠨ ᠰᠤᠪᠠᠭ ᠬᠦᠷᠦᠨᠡ᠃ ᠶᠡᠷᠦᠩᠬᠡᠢ ᠲᠠᠯᠠᠪᠠᠶ ᠨᠢ | 1440 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠪᠠᠶᠢᠵᠤ᠂ ᠬᠥᠯᠥᠨ ᠪᠤᠶᠢᠷ ᠬᠤᠲᠠ ᠶᠢᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠶ ᠶᠢᠨ 0.57% ᠶᠢ ᠡᠵᠡᠯᠡᠵᠦ᠂ ᠬᠤᠲᠠ ᠶᠢᠨ ᠲᠠᠯᠠᠪᠠᠶ ᠨᠢ | 64.4 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠪᠠᠶᠢᠨᠠ᠃ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠪᠣᠯ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠤᠨ ᠬᠥᠯᠥᠨ ᠪᠤᠶᠢᠷ ᠬᠤᠳᠠ ᠶᠢᠨ | ᠬᠤᠷᠢᠶᠠ᠂ ᠬᠥᠯᠥᠨ ᠪᠤᠶᠢᠷ ᠬᠤᠳᠠ ᠶᠢᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠪᠠᠶᠢᠭᠠ ᠭᠠᠵᠠᠷ᠂ ᠪᠦᠬᠦ ᠬᠤᠳᠠ ᠶᠢᠨ ᠤᠯᠤᠰ ᠲᠦᠷᠦ᠂ ᠠᠵᠤ ᠠᠬᠤᠢ᠂ ᠰᠣᠶᠣᠯ᠂ | ᠵᠠᠮ ᠬᠠᠷᠢᠯᠴᠠᠭᠠ᠂ ᠮᠡᠳᠡᠭᠡ ᠵᠠᠩᠭᠢ ᠪᠣᠯᠣᠨ ᠵᠤᠭᠠᠴᠠᠯ ᠤᠨ ᠲᠥᠪ ᠪᠣᠯᠣᠨᠠ᠃ | ᠭᠠᠵᠠᠷ ᠤᠨ ᠪᠠᠶᠢᠴᠠ ᠶᠢᠨ ᠣᠨᠴᠠᠯᠢᠭ | ᠬᠠᠶᠢᠯᠠᠷ ᠪᠣᠯ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠ ᠶᠢᠨ ᠪᠠᠷᠠᠭᠤᠨ ᠬᠤᠷᠮᠣᠢ ᠶᠢᠨ ᠪᠣᠭᠤᠨᠢ ᠠᠭᠤᠯᠠ ᠳᠣᠪᠣᠷᠬᠠᠭ ᠬᠢᠭᠡᠳ ᠬᠥᠯᠥᠨ ᠪᠤᠶᠢᠷ ᠤᠨ ᠥᠨᠳᠥᠷ ᠲᠠᠯᠠ | ᠭᠠᠵᠠᠷ ᠤᠨ ᠠᠭᠤᠯᠵᠠᠷ ᠭᠠᠵᠠᠷ ᠲᠤ ᠣᠷᠣᠰᠢᠵᠤ ᠪᠠᠶᠢᠨᠠ᠃ ᠵᠡᠭᠦᠨ ᠢᠶᠠᠨ ᠥᠨᠳᠥᠷ ᠪᠠᠷᠠᠭᠤᠨ ᠢᠶᠠᠨ ᠳᠣᠣᠷᠠ ᠪᠠᠶᠢᠵᠤ᠂ ︽ᠬᠠᠶᠢᠯᠠᠷ ᠤᠨ ᠳᠣᠲᠣᠭᠠᠳᠤ | ᠬᠠᠭᠤᠷᠠᠢ ᠶᠢᠨ ᠵᠥᠷᠢᠭᠳᠡᠯ ᠤᠨ ᠬᠤᠲᠣᠭᠤᠷ︾ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠭᠠᠵᠠᠷ ᠤᠨ ᠲᠥᠷᠬᠦ ᠶᠢᠨ ᠲᠥᠷᠥᠯ ᠵᠦᠢᠯ ᠨᠢ ᠣᠯᠠᠨ ᠶᠠᠩᠵᠤ ᠶᠢᠨ ᠪᠠᠶᠢᠵᠤ᠂ ᠳᠠᠯᠠᠶ ᠶᠢᠨ | ᠲᠦᠪᠰᠢᠨ ᠠᠴᠠ ᠳᠡᠭᠡᠭᠰᠢ 603.0 —776.6 ᠮᠧᠲᠷ ᠤᠨ ᠬᠤᠭᠤᠷᠣᠨᠳᠤ ᠡᠷᠭᠦᠭᠳᠡᠵᠦ᠂ ᠬᠠᠷᠢᠴᠠᠩᠭᠤᠢ ᠥᠨᠳᠥᠷ ᠤᠨ ᠵᠥᠷᠢᠶᠡ ᠨᠢ 170 ᠭᠠᠷᠤᠢ ᠮᠧᠲᠷ | ᠪᠠᠶᠢᠳᠠᠭ᠃ ᠰᠢᠷᠠᠲᠠᠯᠠ᠂ ᠵᠡᠭᠦᠨ ᠠᠭᠤᠯᠠ ᠬᠤᠶᠠᠷ ᠲᠣᠭᠲᠠᠴᠠ ᠶᠢᠨ ᠳᠡᠨᠵᠢ ᠵᠢᠴᠢ ︽ᠬᠠᠶᠢᠯᠠᠷ ᠤᠨ ᠬᠤᠲᠣᠭᠤᠷ︾ ᠭᠤᠷᠪᠠᠨ ᠭᠠᠵᠠᠷ ᠰᠢᠨᠵᠢᠯᠡᠭᠡᠨ ᠤ ᠨᠢᠭᠡᠴᠢ ᠶᠢ | ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠡᠮᠦᠨᠡᠬᠢ ᠨᠢ ᠥᠨᠳᠥᠷ ᠲᠡᠭᠰᠢ ᠭᠠᠵᠠᠷ ᠢᠶᠠᠷ ᠭᠤᠣᠯᠯᠠᠵᠤ᠂ ᠬᠤᠶᠢᠨᠠᠬᠢ ᠨᠢ ᠪᠣᠭᠤᠨᠢ ᠲᠡᠭᠰᠢ ᠭᠠᠵᠠᠷ ᠪᠠ ᠭᠤᠣᠯ ᠤᠨ ᠵᠢᠯᠠᠭᠠᠢ | ᠭᠠᠵᠠᠷ ᠢᠶᠠᠷ ᠭᠤᠣᠯᠯᠠᠵᠤ᠂ ᠭᠠᠵᠠᠷ ᠤᠨ ᠲᠥᠷᠬᠦ ᠶᠢᠨ ᠲᠥᠷᠥᠯ ᠵᠦᠢᠯ ᠢ ᠪᠣᠭᠤᠨᠢ ᠠᠭᠤᠯᠠ ᠳᠣᠪᠣᠷᠬᠠᠭ᠂ ᠥᠨᠳᠥᠷ ᠲᠡᠭᠰᠢ ᠭᠠᠵᠠᠷ᠂ ᠪᠣᠭᠤᠨᠢ ᠲᠡᠭᠰᠢ ᠭᠠᠵᠠᠷ ᠪᠠ | ᠭᠤᠣᠯ ᠤᠨ ᠵᠢᠯᠠᠭᠠᠢ ᠭᠠᠵᠠᠷ ᠭᠡᠵᠦ ᠠᠩᠭᠢᠯᠠᠳᠠᠭ᠃ | ᠠᠭᠤᠷ ᠠᠮᠢᠰᠬᠤᠯ ᠤᠨ ᠣᠨᠴᠠᠯᠢᠭ | ᠬᠠᠶᠢᠯᠠᠷ ᠪᠣᠯ ᠳᠤᠮᠳᠠ ᠰᠡᠷᠢᠭᠦᠨ ᠪᠦᠰᠡ ᠶᠢᠨ ᠵᠠᠷᠢᠮᠳᠤᠭ ᠭᠠᠩ ᠬᠠᠭᠤᠷᠠᠢ ᠡᠬᠡ ᠭᠠᠵᠠᠷ ᠤᠨ ᠴᠢᠨᠠᠷᠲᠠᠢ ᠬᠡᠭᠡᠷᠡ ᠲᠠᠯᠠ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠳᠤ | ᠬᠠᠷᠢᠶᠠᠯᠠᠭᠳᠠᠨᠠ᠃ ᠥᠷᠭᠡᠷᠢᠭ ᠨᠢ ᠥᠨᠳᠥᠷ ᠰᠢᠭ᠂ ᠲᠡᠯᠡᠶ ᠲᠠᠩᠭᠢᠰ ᠠᠴᠠ ᠬᠤᠯᠠ ᠪᠥᠭᠡᠳ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠ ᠶᠢᠨ ᠬᠠᠯᠬᠠᠪᠴᠢ ᠶᠢᠨ ᠦᠢᠯᠡᠳᠦᠯ ᠠᠴᠠ | ᠪᠣᠯᠵᠤ᠂ ᠴᠢᠭᠢᠭᠯᠢᠭ ᠲᠡᠯᠡᠶ ᠶᠢᠨ ᠴᠢᠨᠠᠷᠲᠠᠢ ᠠᠭᠤᠷ ᠠᠮᠢᠰᠬᠤᠯ ᠤᠨ ᠪᠥᠭᠡᠮ ᠤᠨ ᠨᠥᠯᠥᠭᠡ ᠨᠢ ᠪᠠᠭᠤᠷᠠᠵᠤ᠂ ᠶᠡᠬᠡᠩᠬᠢ ᠴᠠᠭ ᠲᠤ ᠰᠢᠪᠧᠷᠢᠶᠠ ᠶᠢᠨ ᠥᠨᠳᠥᠷ | ᠳᠠᠷᠤᠯᠲᠠ ᠶᠢᠨ ᠡᠵᠡᠮᠰᠢᠯ ᠳᠣᠣᠷᠠ᠂ ᠳᠣᠣᠷᠠᠬᠢ ᠮᠡᠲᠦ ᠣᠷᠣᠨ ᠪᠦᠰᠡ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠤᠨ ᠣᠨᠴᠠᠯᠢᠭ ᠢ ᠪᠣᠶ ᠪᠣᠯᠭᠠᠪᠠ᠄ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠰᠠᠯᠬᠢ | ᠶᠡᠭᠡ ᠪᠣᠯᠪᠠᠴᠤ ᠪᠣᠷᠣᠭᠠᠨ ᠪᠠᠭᠠ᠂ ᠠᠭᠤᠷᠰᠢᠯᠲᠠ ᠶᠢᠨ ᠬᠡᠮᠵᠢᠶᠡ ᠨᠢ ᠶᠡᠭᠡ ᠪᠠᠶᠢᠳᠠᠭ︔ ᠵᠣᠨ ᠤ ᠤᠯᠠᠷᠢᠯ ᠰᠡᠷᠢᠭᠦᠨ ᠮᠥᠷᠲᠡᠭᠡᠨ ᠣᠭᠵᠣᠮ ᠪᠠᠶᠢᠵᠤ᠂ ᠬᠤᠷᠠ | ᠲᠤᠨᠳᠠᠰᠤ ᠲᠥᠪᠯᠡᠷᠡᠨᠡ︔ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠪᠠᠭᠤᠷᠠᠬᠤ ᠨᠢ ᠲᠦᠷᠭᠡᠨ᠂ ᠬᠢᠷᠠᠭᠤ ᠤᠨᠠᠬᠤ ᠨᠢ ᠡᠷᠲᠡ︔ ᠡᠪᠦᠯ ᠤᠨ ᠤᠯᠠᠷᠢᠯ ᠬᠠᠬᠢᠷ | ᠬᠦᠢᠲᠡᠨ ᠮᠦᠷᠲᠡᠭᠡᠨ ᠣᠷᠳᠣ ᠪᠠᠶᠢᠵᠤ᠂ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠳᠤ ᠴᠠᠰᠤ ᠬᠤᠷᠠᠬᠤ ᠬᠤᠭᠤᠴᠠᠭᠠ ᠨᠢ ᠣᠷᠳᠣ ᠪᠠᠶᠢᠳᠠᠭ᠃ | ᠵᠢᠯ ᠤᠨ ᠳᠤᠮᠳᠠᠴᠢ ᠠᠭᠠᠷ ᠤᠨ ᠳᠤᠯᠠᠭᠠᠨ ᠨᠢ -1℃ ᠠᠴᠠ -2℃᠂ 1 ᠰᠠᠷᠠ ︵ᠬᠠᠮᠤᠭ ᠤᠨ ᠬᠦᠢᠲᠡᠨ ᠰᠠᠷᠠ︶ ᠶᠢᠨ ᠳᠤᠮᠳᠠᠴᠢ ᠳᠣᠣᠷᠠ ᠳᠤᠯᠠᠭᠠᠨ | ᠨᠢ -30.83℃᠂ 7 ᠰᠠᠷᠠ ︵ᠬᠠᠮᠤᠭ ᠤᠨ ᠬᠠᠯᠠᠭᠤᠨ ᠰᠠᠷᠠ︶ ᠶᠢᠨ ᠳᠤᠮᠳᠠᠴᠢ ᠥᠨᠳᠥᠷ ᠳᠤᠯᠠᠭᠠᠨ ᠨᠢ 25.84℃ ᠪᠠᠶᠢᠳᠠᠭ᠃ | ᠵᠢᠯ ᠤᠨ ᠳᠤᠮᠳᠠᠴᠢ ᠲᠤᠨᠳᠠᠰᠤᠨ ᠤ ᠬᠡᠮᠵᠢᠶᠡ ᠨᠢ 350-370mm᠂ 1 ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠲᠤᠨᠳᠠᠰᠤᠨ ᠤ ᠬᠡᠮᠵᠢᠶᠡ ᠨᠢ 3.79 mm᠂ 7 | ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠲᠤᠨᠳᠠᠰᠤᠨ ᠤ ᠬᠡᠮᠵᠢᠶᠡ ᠨᠢ 99.38 mm ᠪᠣᠯᠣᠨᠠ᠃ ᠵᠢᠯ ᠤᠨ ᠨᠡᠷᠡᠨ ᠤ ᠲᠤᠰᠤᠯᠲᠠ ᠶᠢᠨ ᠴᠠᠭ ᠤᠨ ᠲᠤᠭᠠ ᠨᠢ ᠳᠤᠮᠳᠠᠴᠢ ᠪᠠᠷ | 2800 ᠴᠠᠭ ᠪᠠᠶᠢᠳᠠᠭ᠃ | ᠬᠢᠷᠠᠭᠤ ᠦᠭᠡᠢ ᠬᠤᠭᠤᠴᠠᠭᠠ ᠨᠢ ᠳᠤᠮᠳᠠᠴᠢ ᠪᠠᠷ 130 ᠡᠳᠦᠷ ᠪᠠᠶᠢᠵᠤ᠂ 5-9 ᠰᠠᠷᠠ ᠶᠢᠨ ᠳᠤᠮᠳᠠᠴᠢ ᠳᠣᠣᠷᠠ ᠳᠤᠯᠠᠭᠠᠨ ᠨᠢ 0℃ ᠠᠴᠠ ᠦᠨᠳᠦᠷ | ᠪᠠᠶᠢᠳᠠᠭ᠃ | ᠪᠠᠶᠢᠭᠠᠯᠢ ᠶᠢᠨ ᠡᠬᠢ ᠪᠠᠶᠠᠯᠢᠭ | ᠭᠠᠵᠠᠷ ᠰᠢᠷᠤᠢ ᠶᠢᠨ ᠬᠢ ᠪᠠᠶᠠᠯᠢᠭ | ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠬᠥᠷᠥᠰᠥᠨ ᠤ ᠡᠬᠡ ᠪᠣᠳᠠᠰ ᠤᠨ ᠲᠥᠷᠥᠯ ᠵᠦᠢᠯ ᠢ ᠲᠡᠭᠦᠨ ᠤ ᠪᠦᠲᠦᠭᠰᠡᠨ ᠬᠥᠷᠥᠰᠥᠨ ᠤ ᠡᠬᠡ ᠪᠣᠳᠠᠰ ᠤᠨ ᠲᠥᠷᠥᠯ | ᠵᠦᠢᠯ ᠢᠶᠠᠷ ᠨᠢ ᠭᠤᠣᠯᠳᠠᠭᠤ ᠦᠯᠡᠳᠡᠭᠳᠡᠯ ᠲᠤᠨᠤᠮᠠᠯ ᠨᠠᠯᠠᠤ ᠶᠢᠨ ᠲᠤᠨᠤᠮᠠᠯ ᠪᠣᠳᠠᠰ ᠤᠨ ᠡᠬᠡ ᠪᠣᠳᠠᠰ᠂ ᠰᠢᠷᠠ ᠰᠢᠷᠣᠶᠢᠲᠤ ᠪᠣᠳᠠᠰ ᠤᠨ ᠡᠬᠡ ᠪᠣᠳᠠᠰ᠂ ᠦᠶᠡᠷ ᠤᠨ | ᠲᠤᠨᠤᠮᠠᠯ ᠪᠣᠳᠠᠰ ᠤᠨ ᠡᠬᠡ ᠪᠣᠳᠠᠰ ᠪᠠ ᠰᠠᠯᠬᠢᠨ ᠡᠯᠡᠰᠦᠨ ᠤ ᠪᠣᠳᠠᠰ ᠤᠨ ᠡᠬᠡ ᠪᠣᠳᠠᠰ ᠵᠡᠷᠭᠡ ᠲᠠᠪᠤᠨ ᠵᠦᠢᠯ ᠬᠤᠪᠢᠶᠠᠳᠠᠭ᠃ ᠡᠭᠦᠨ ᠤ ᠰᠠᠭᠤᠷᠢᠨ ᠳᠡᠭᠡᠷᠡ 5 | ᠬᠥᠷᠥᠰᠥᠨ ᠤ ᠲᠥᠷᠥᠯ᠂ 16 ᠳᠡᠳ᠋ ᠲᠥᠷᠥᠯ ᠪᠣᠯᠣᠨ ᠪᠣᠶᠢᠵᠢᠵᠠᠢ᠃ | 1. ᠬᠠᠷᠠ ᠺᠠᠯᠽᠳᠤ ᠬᠥᠷᠥᠰᠥ᠄ ᠲᠣᠭᠤᠷᠢᠭ ᠤᠨ ᠵᠡᠭᠦᠨ ᠬᠡᠰᠡᠭ ᠤᠨ ᠳᠣᠪᠣᠷᠬᠠᠭ ᠣᠷᠣᠨ ᠢᠶᠠᠷ ᠲᠠᠷᠬᠠᠳᠠᠭ᠃ | 2. ᠬᠦᠷᠡᠩ ᠺᠠᠯᠽᠳᠤ ᠬᠥᠷᠥᠰᠥ᠄ ᠲᠣᠭᠤᠷᠢᠭ ᠤᠨ ᠬᠠᠷᠢᠶᠠ ᠣᠷᠣᠨ ᠤ ᠥᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠭᠠᠵᠠᠷ ᠲᠠᠷᠬᠠᠵᠤ ᠪᠠᠶᠢᠳᠠᠭ᠃ | 3. ᠪᠠᠷᠠᠭᠠᠨ ᠥᠩᠭᠡᠲᠡᠢ ᠨᠤᠭᠤ ᠶᠢᠨ ᠬᠥᠷᠥᠰᠥ᠄ ᠭᠤᠣᠯᠳᠠᠭᠤ ᠬᠠᠶᠢᠯᠠᠷ ᠭᠤᠣᠯ ᠪᠣᠯᠣᠨ ᠢᠮᠢᠨ ᠭᠤᠣᠯ ᠤᠨ ᠬᠥᠨᠳᠡᠢ ᠶᠢᠨ ᠱᠠᠲᠤᠯᠢᠭ ᠭᠠᠵᠠᠷ ᠪᠣᠯᠣᠨ | ᠭᠤᠣᠯ ᠤᠨ ᠰᠠᠶᠢᠷᠭᠠᠯ ᠭᠠᠵᠠᠷ ᠲᠤ ᠲᠠᠷᠬᠠᠳᠠᠭ᠃ | 4. ᠨᠠᠮᠤᠭ ᠤᠨ ᠬᠥᠷᠥᠰᠥ᠄ ᠭᠤᠣᠯᠳᠠᠭᠤ ᠬᠠᠶᠢᠯᠠᠷ ᠭᠤᠣᠯ ᠪᠣᠯᠣᠨ ᠢᠮᠢᠨ ᠭᠤᠣᠯ ᠤᠨ ᠳᠣᠣᠷᠠ ᠱᠠᠲᠤᠯᠢᠭ ᠭᠠᠵᠠᠷ᠂ ᠭᠤᠣᠯ ᠤᠨ ᠰᠠᠶᠢᠷᠭᠠᠯ ᠭᠠᠵᠠᠷ | ᠪᠣᠯᠣᠨ ᠨᠠᠭᠤᠷ ᠴᠦᠬᠦᠷᠦᠮ ᠤᠨ ᠨᠠᠮᠤᠭ ᠭᠠᠵᠠᠷ ᠤᠨ ᠣᠷᠴᠢᠮ ᠳᠤ ᠲᠠᠷᠬᠠᠳᠠᠭ᠃ | 5. ᠰᠠᠯᠬᠢ ᠡᠯᠡᠰᠦᠲᠦ ᠬᠥᠷᠥᠰᠥ᠄ ᠭᠤᠣᠯᠳᠠᠭᠤ ᠬᠠᠷᠢᠶᠠ ᠭᠠᠵᠠᠷ ᠤᠨ ᠪᠠᠷᠠᠭᠤᠨ ᠠᠭᠤᠯᠠ᠂ ᠬᠤᠲᠠ ᠶᠢᠨ ᠬᠤᠶᠢᠲᠦ ᠬᠡᠰᠡᠭ ᠤᠨ ᠵᠠᠷᠢᠮ ᠦᠨᠳᠦᠷᠯᠢᠭ ᠲᠠᠯᠠ | ᠂ ᠢᠮᠢᠨ ᠭᠤᠣᠯ ᠤᠨ ᠵᠡᠭᠦᠨ ᠡᠷᠭᠢ ᠶᠢᠨ ᠱᠠᠲᠤᠯᠢᠭ ᠭᠠᠵᠠᠷ ᠤᠨ ᠡᠮᠦᠨᠡ ᠬᠡᠰᠡᠭ ᠤᠨ ᠡᠮᠡᠭᠡᠯᠲᠦ ᠠᠭᠤᠯᠠ ᠪᠣᠯᠣᠨ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠲᠣᠰᠬᠤᠨ ᠢᠶᠠᠷ ᠲᠠᠷᠬᠠᠳᠠᠭ | ᠃ | | ᠤᠰᠤᠨ ᠤ ᠡᠬᠢ ᠪᠠᠶᠠᠯᠢᠭ | ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠤᠰᠤᠨ ᠤ ᠡᠬᠢ ᠪᠠᠶᠠᠯᠢᠭ ᠲᠤ ᠪᠣᠷᠣᠭᠠᠨ ᠠᠴᠠ ᠭᠠᠳᠠᠨᠠ᠂ ᠪᠠᠰᠠ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠶᠢᠨ ᠤᠰᠤ ᠪᠠ ᠭᠠᠵᠠᠷ ᠳᠣᠣᠷᠠᠬᠢ | ᠤᠰᠤ ᠪᠠᠶᠢᠳᠠᠭ᠃ | ︵1︶ ᠭᠤᠣᠯ ᠮᠥᠷᠡᠨ᠄ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠬᠢᠯᠢ ᠳᠣᠲᠣᠷᠠ ᠢᠮᠢᠨ ᠭᠤᠣᠯ ᠪᠠ ᠬᠠᠶᠢᠯᠠᠷ ᠭᠤᠣᠯ ᠭᠡᠬᠦ ᠬᠤᠶᠠᠷ ᠨᠡᠯᠢᠶᠡᠳ ᠶᠡᠭᠡ ᠭᠠᠳᠠᠭᠠᠳᠤ ᠠᠴᠠ | ᠣᠷᠣᠵᠤ ᠬᠢᠯᠢ ᠪᠠᠷ ᠥᠩᠭᠡᠷᠡᠬᠦ ᠭᠤᠣᠯ ᠮᠥᠷᠡᠨ ᠪᠠᠶᠢᠨᠠ᠃ ᠬᠤᠶᠠᠷ ᠭᠤᠣᠯ ᠮᠥᠷᠡᠨ ᠪᠦᠷ ᠡᠷᠭᠦᠨᠡ ᠭᠤᠣᠯ ᠤᠨ ᠤᠰᠤᠨ ᠰᠢᠰᠲ᠋ᠧᠮ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠂ | ᠤᠰᠤᠨ ᠤ ᠭᠠᠳᠠᠷᠭᠤ ᠶᠢᠨ ᠲᠠᠯᠠᠪᠠᠢ ᠨᠢ5.02 ᠲᠦᠮᠡᠨ ᠮᠦ᠃ | ︵2︶ ᠨᠠᠭᠤᠷ ᠤᠨ ᠴᠥᠪᠥᠷᠢᠭᠦᠦ ᠭᠤᠤ ᠶᠢᠨ ᠰᠠᠯᠠᠭᠠ᠄ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠨᠠᠭᠤᠷ ᠤᠨ ᠴᠥᠪᠥᠷᠢᠭᠦᠦ ᠭᠤᠤ ᠶᠢᠨ ᠰᠠᠯᠠᠭᠠ ᠨᠢ 34 ᠪᠠᠶᠢᠵᠤ᠂ | ᠶᠡᠷᠦᠩᠬᠡᠢ ᠲᠠᠯᠠᠪᠠᠶ ᠨᠢ 2955 ᠾᠧᠺᠲ᠋ᠠᠷ ᠪᠠᠶᠢᠳᠠᠭ᠃ | ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠭᠠᠵᠠᠷ ᠳᠣᠣᠷᠠᠬᠢ ᠤᠰᠤᠨ ᠤ ᠡᠬᠢ ᠪᠠᠶᠠᠯᠢᠭ ᠪᠤᠶ ᠪᠣᠯᠤᠭᠰᠠᠨ ᠪᠠ ᠲᠠᠷᠬᠠᠭᠰᠠᠨ ᠨᠢ ᠭᠠᠵᠠᠷ ᠤᠨ ᠲᠣᠭᠲᠠᠴᠠ᠂ ᠣᠷᠣᠨ ᠪᠦᠰᠡ᠂ | ᠭᠠᠵᠠᠷ ᠤᠨ ᠭᠠᠳᠠᠷᠭᠤ᠂ ᠭᠠᠵᠠᠷ ᠤᠨ ᠪᠠᠶᠢᠴᠠ ᠪᠠ ᠠᠭᠤᠷ ᠠᠮᠢᠰᠬᠤᠯ ᠤᠨ ᠨᠥᠬᠦᠴᠡᠯ ᠤᠨ ᠡᠵᠡᠮᠰᠢᠯ ᠪᠠ ᠨᠥᠯᠥᠭᠡ ᠠᠴᠠ ᠪᠣᠯᠵᠤ᠂ ᠭᠤᠣᠯᠳᠠᠭᠤ ᠳᠥᠷᠪᠡᠳᠦᠭᠡᠷ | ᠰᠢᠰᠲ᠋ᠧᠮ ᠤᠨ ᠲᠤᠨᠤᠮᠠᠯ ᠡᠯᠡᠰᠦᠨ ᠬᠠᠶᠢᠷ ᠤᠨ ᠵᠠᠪᠰᠠᠷ ᠤᠨ ᠳᠠᠯᠳᠠ ᠤᠰᠤ ᠵᠡᠷᠭᠡ ᠭᠤᠷᠪᠠᠨ ᠵᠦᠢᠯ ᠪᠤᠶ᠂ ᠳᠠᠷᠤᠢ ᠳᠥᠷᠪᠡᠳᠦᠭᠡᠷ ᠰᠢᠰᠲ᠋ᠧᠮ ᠤᠨ ᠲᠤᠨᠤᠮᠠᠯ ᠡᠯᠡᠰᠦᠨ | ᠬᠠᠶᠢᠷ ᠤᠨ ᠳᠠᠪᠬᠤᠷᠭᠠ ᠶᠢᠨ ᠵᠠᠪᠰᠠᠷ ᠤᠨ ᠳᠠᠯᠳᠠ ᠤᠰᠤ᠂ ᠴᠠᠷᠳᠠ ᠶᠢᠨ ᠰᠢᠰᠲ᠋ᠧᠮ᠂ ᠶᠦᠷ ᠤᠨ ᠰᠢᠰᠲ᠋ᠧᠮ ᠤᠨ ᠡᠯᠡᠰᠦᠨ ᠬᠠᠶᠢᠷ ᠤᠨ ᠴᠢᠯᠠᠭᠤᠯᠢᠭ᠂ ᠡᠯᠡᠰᠦᠨ | ᠴᠢᠯᠠᠭᠤᠯᠢᠭ ᠤᠨ ᠳᠠᠷᠤᠯᠲᠠᠲᠤ ᠤᠰᠤ᠂ ᠰᠠᠭᠤᠷᠢ ᠴᠢᠯᠠᠭᠤᠯᠢᠭ ᠤᠨ ᠲᠣᠭᠲᠠᠴᠠ ᠶᠢᠨ ᠥᠭᠢᠷᠡᠰᠢᠭᠰᠡᠨ ᠠᠩ ᠵᠠᠪᠰᠠᠷ ᠤᠨ ᠤᠰᠤ ᠪᠣᠯᠣᠨᠠ᠃ | ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ ᠶᠢᠨ ᠡᠬᠢ ᠪᠠᠶᠠᠯᠢᠭ | ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠪᠠᠶᠢᠭᠠᠯᠢ ᠶᠢᠨ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ ᠨᠢ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ᠃ | 1. ᠳᠤᠮᠳᠠ ᠵᠡᠷᠭᠡ ᠶᠢᠨ ᠡᠪᠡᠰᠦᠲᠦ ᠨᠤᠭᠤ ᠶᠢᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠤᠨ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ᠄ ᠭᠤᠣᠯᠳᠠᠭᠤ ᠲᠣᠭᠤᠷᠢᠭ ᠤᠨ ᠵᠡᠭᠦᠨ ᠬᠡᠰᠡᠭ ᠤᠨ | ᠪᠣᠭᠤᠨᠢ ᠠᠭᠤᠯᠠ ᠳᠣᠪᠤ ᠭᠠᠵᠠᠷ ᠲᠤ ᠲᠠᠷᠬᠠᠳᠠᠭ᠃ ᠡᠨᠡ ᠤᠷᠭᠤᠮᠠᠯ ᠤᠨ ᠪᠦᠷᠬᠦᠴᠡ ᠳᠣᠣᠷᠠ ᠪᠣᠢ ᠪᠣᠯᠣᠭᠰᠠᠨ ᠬᠦᠷᠦᠰᠦ ᠨᠢ ᠬᠠᠷᠠ ᠺᠠᠯᠽᠲᠤ ᠰᠢᠷᠣᠢ ᠪᠣᠯᠣᠨᠠ᠃ | 2. ᠲᠣᠮᠣ ᠬᠢᠯᠭᠠᠨᠠ ᠶᠢᠨ ᠬᠡᠭᠡᠷᠡ ᠶᠢᠨ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ᠄ ᠲᠣᠭᠤᠷᠢᠭ ᠤᠨ ᠦᠨᠳᠦᠷᠯᠢᠭ ᠲᠠᠯᠠ ᠳᠡᠭᠡᠷᠡ ᠲᠠᠷᠬᠠᠵᠤ ᠪᠠᠶᠢᠨᠠ᠃ ᠤᠷᠭᠤᠮᠠᠯ ᠤᠨ | ᠪᠦᠷᠬᠦᠴᠡ ᠳᠣᠣᠷᠠᠬᠢ ᠬᠦᠷᠦᠰᠦ ᠨᠢ ᠬᠦᠷᠡᠩ ᠺᠠᠯᠽᠳᠤ ᠬᠥᠷᠥᠰᠥ ᠪᠣᠯᠣᠨᠠ᠃ | 3. ᠨᠤᠭᠤ ᠶᠢᠨ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ᠄ ᠬᠠᠶᠢᠯᠠᠷ ᠭᠤᠣᠯ᠂ ᠢᠮᠢᠨ ᠭᠤᠣᠯ ᠤᠨ ᠬᠤᠶᠠᠷ ᠡᠷᠭᠢ ᠶᠢᠨ ᠭᠤᠣᠯ ᠤᠨ ᠬᠥᠨᠳᠡᠢ ᠶᠢᠨ ᠱᠠᠲᠤᠯᠢᠭ | ᠭᠠᠵᠠᠷ ᠢᠶᠠᠷ ᠲᠠᠷᠬᠠᠵᠤ ᠪᠤᠢ᠃ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ ᠶᠢᠨ ᠲᠤᠤᠷᠠᠬᠢ ᠬᠦᠷᠦᠰᠦ ᠨᠢ ᠬᠦᠨ ᠦᠩᠭᠡᠳᠦ ᠡᠪᠡᠰᠦᠲᠦ ᠲᠠᠯᠠ ᠶᠢᠨ ᠰᠢᠷᠤᠢ᠂ ᠬᠡᠰᠡᠭ ᠵᠦᠯᠭᠡᠯᠢᠭ | ᠬᠠᠷᠠ ᠺᠠᠯᠼᠲᠦ ᠰᠢᠷᠤᠢ ᠪᠠ ᠵᠦᠯᠭᠡᠯᠢᠭ ᠬᠦᠷᠡᠩ ᠺᠠᠯᠼᠲᠦ ᠰᠢᠷᠤᠢ ᠪᠤᠯᠤᠨᠠ᠃ | 4. ᠬᠤᠵᠢᠷᠯᠢᠭ ᠴᠢᠭᠢᠭᠯᠢᠭ ᠬᠤᠨᠢᠨ ᠡᠪᠡᠰᠦᠲᠦ ᠬᠡᠭᠡᠷᠡ ᠲᠠᠯᠠ ᠶᠢᠨ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ᠄ ᠭᠤᠣᠯ ᠤᠨ ᠬᠥᠨᠳᠡᠢ ᠶᠢᠨ ᠮᠠᠩᠬᠠᠨ ᠭᠠᠵᠠᠷ ᠪᠠ | ᠨᠠᠭᠤᠷ ᠤᠨ ᠡᠷᠭᠢᠨ ᠲᠣᠭᠤᠷᠢᠨ ᠳᠤ ᠪᠠᠶᠢᠳᠠᠭ᠃ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ ᠶᠢᠨ ᠲᠤᠤᠷᠠᠬᠢ ᠬᠦᠷᠦᠰᠦ ᠨᠢ ᠬᠤᠵᠢᠷᠰᠢᠭᠰᠠᠨ ᠵᠦᠯᠭᠡ ᠶᠢᠨ ᠰᠢᠷᠤᠢ ᠪᠠ | ᠬᠤᠵᠢᠷᠰᠢᠭᠰᠠᠨ ᠵᠦᠯᠭᠡ ᠶᠢᠨ ᠺᠠᠯᠼᠳᠤ ᠰᠢᠷᠤᠢ ᠪᠤᠯᠤᠨᠠ᠃ | 5. ᠨᠠᠮᠤᠭ ᠤᠨ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ᠄ ᠬᠠᠶᠢᠯᠠᠷ ᠭᠤᠤᠯ᠂ ᠢᠮᠢᠨ ᠭᠤᠤᠯ ᠤᠨ ᠬᠤᠶᠠᠷ ᠡᠷᠭᠢ ᠪᠤᠯᠤᠨ ᠨᠠᠭᠤᠷ ᠤᠨ ᠬᠦᠪᠡᠭᠡ ᠲᠠᠭᠠᠤ ᠭᠠᠵᠠᠷ ᠲᠤ | ᠪᠠᠶᠢᠳᠠᠭ᠃ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ ᠶᠢᠨ ᠲᠤᠤᠷᠠᠬᠢ ᠬᠦᠷᠦᠰᠦ ᠨᠢ ᠨᠠᠮᠤᠭ ᠤᠨ ᠰᠢᠷᠤᠢ ᠪᠠ ᠡᠪᠡᠰᠦᠲᠦ ᠲᠠᠯᠠ ᠶᠢᠨ ᠨᠠᠮᠤᠭ ᠤᠨ ᠰᠢᠷᠤᠢ ᠪᠤᠯᠤᠨᠠ᠃ | 6. ᠡᠯᠡᠰᠦᠨ ᠤ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ᠄ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠪᠠᠷᠠᠭᠤᠨ ᠬᠡᠰᠡᠭ᠂ ᠢᠮᠢᠨ ᠭᠤᠣᠯ ᠤᠨ ᠵᠡᠭᠦᠨ ᠡᠷᠭᠢ ᠵᠢᠴᠢ ᠠᠷᠪᠠᠨ | ᠵᠢᠷᠭᠤᠭᠠᠳᠤᠭᠠᠷ ᠲᠣᠰᠬᠤᠨ ᠢᠶᠠᠷ ᠲᠠᠷᠬᠠᠵᠤ ᠪᠤᠢ᠃ ᠤᠷᠭᠤᠮᠠᠯ ᠤᠨ ᠬᠤᠴᠢᠯᠭᠠ ᠶᠢᠨ ᠲᠤᠤᠷᠠᠬᠢ ᠬᠦᠷᠦᠰᠦ ᠨᠢ ᠬᠠᠭᠠᠰ ᠲᠤᠭᠲᠠᠪᠦᠷᠢᠵᠢᠭ᠌ᠰᠠᠨ ᠡᠯᠡᠰᠦᠨ ᠰᠢᠷᠤᠢ | ᠪᠣᠯᠣᠨ ᠲᠤᠭᠲᠠᠪᠦᠷᠢᠵᠢᠭ᠌ᠰᠠᠨ ᠡᠯᠡᠰᠦᠨ ᠰᠢᠷᠤᠢ ᠪᠤᠯᠤᠨᠠ᠃ | ᠠᠭᠤᠷᠬᠠᠢ ᠶᠢᠨ ᠡᠬᠢ ᠪᠠᠶᠠᠯᠢᠭ | ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠬᠢᠯᠢ ᠳᠣᠲᠣᠷᠠ ᠠᠯᠲᠠ᠂ ᠮᠥᠩᠭᠦ᠂ ᠮᠣᠯᠢᠪᠳᠧᠨ᠂ ᠬᠠᠷᠠ ᠲᠤᠭᠤᠯᠭᠠ᠂ ᠵᠡᠰ᠂ ᠴᠢᠯᠠᠭᠤᠨ ᠲᠣᠰᠣ ᠵᠡᠷᠭᠡ 40 ᠭᠠᠷᠤᠢ | ᠵᠦᠢᠯ ᠤᠨ ᠠᠭᠤᠷᠬᠠᠢ ᠶᠢᠨ ᠭᠠᠷᠤᠯᠲᠠ ᠲᠠᠢ᠃ 2008 ᠣᠨ ᠪᠣᠯᠲᠠᠯᠠ᠂ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠬᠢᠯᠢ ᠳᠣᠲᠣᠷᠠᠬᠢ ᠰᠢᠷᠠᠲᠠᠯᠠ ᠶᠢᠨ ᠲᠡᠮᠦᠷ ᠴᠠᠶᠢᠷ ᠤᠨ | ᠠᠭᠤᠷᠬᠠᠢ ᠶᠢᠨ ᠬᠠᠳᠠᠭᠠᠯᠠᠭᠳᠠᠴᠠ 5851 ᠲᠦᠮᠡᠨ ᠲᠣᠨ ᠳᠤ ᠬᠦᠷᠴᠡᠢ᠂ ᠳ᠋ᠠ ᠶᠠᠨ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠪᠠ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ ᠤ ᠪᠣᠷᠣ ᠰᠢᠯᠢ | ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢ ᠨᠢ ᠪᠦᠷ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠤᠨ ᠬᠢᠯᠢ ᠳᠤ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠵᠡᠢ᠂ ᠴᠣᠬᠤᠢ ᠶᠢᠨ ᠴᠢᠯᠠᠭᠤ ᠶᠢᠨ ᠬᠠᠶᠢᠨ ᠲᠣᠳᠣᠯᠠᠭᠳᠠᠭᠰᠠᠨ | ᠬᠠᠳᠠᠭᠠᠯᠠᠭᠳᠠᠴᠠ 3348 ᠲᠦᠮᠡᠨ ᠲᠣᠨ᠂ ᠪᠠᠷᠠᠭᠤᠨ ᠠᠭᠤᠯᠠ ᠶᠢᠨ ᠴᠠᠬᠢᠭᠤᠷᠲᠤ ᠡᠯᠡᠰᠦ ᠨᠢ ᠲᠣᠮᠣ ᠬᠡᠯᠪᠡᠷᠢ ᠶᠢᠨ ᠠᠭᠤᠷᠬᠠᠢ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠃ | ᠠᠮᠢᠳᠤ ᠪᠣᠳᠠᠰ ᠤᠨ ᠡᠬᠢ ᠪᠠᠶᠠᠯᠢᠭ | ᠡᠮ ᠳᠤ ᠣᠷᠣᠬᠤ ᠤᠷᠭᠤᠮᠠᠯ᠄ ᠬᠠᠶᠢᠯᠠᠷ ᠲᠣᠭᠤᠷᠢᠭ ᠲᠤ ᠬᠥᠬᠡ ᠳᠡᠯᠳᠡᠦ᠂ ᠪᠣᠷᠴᠠ ᠡᠪᠡᠰᠦ᠂ ᠪᠠᠭᠪᠠᠭ᠋ᠠᠢ ᠴᠡᠴᠡᠭ᠂ ᠲᠥᠮᠥᠰᠥ᠂ ᠬᠠᠰ ᠬᠤᠯᠤᠰᠤ᠂ | ᠰᠠᠷᠠᠨᠠ᠂ ᠨᠡᠷᠡᠨ ᠨᠣᠭᠤᠭᠠ᠂ ᠴᠢᠨ᠋ᠸᠠ ᠶᠢᠨ ᠬᠤᠣᠷ᠂ ᠬᠡᠭᠡᠷᠡ ᠶᠢᠨ ᠰᠠᠷᠭᠠᠢ᠂ ᠱᠦᠭᠦᠷᠭᠡᠨᠡ᠂ ᠬᠤᠨᠴᠢᠷ᠂ ᠤᠯᠠᠭᠠᠨ ᠴᠠᠨᠠ᠂ ᠰᠤᠶᠢᠬᠠ᠂ ᠰᠢᠷᠠ ᠴᠡᠴᠡᠭ ᠤᠨ | ᠦᠨᠳᠦᠰᠦ᠂ ᠰᠢᠷᠠ ᠴᠡᠴᠡᠭ ᠤᠨ ᠦᠷᠡ᠂ ᠵᠠᠢ ᠪᠤᠭᠤᠳᠠᠢ᠂ ᠵᠠᠪᠠᠶ ᠣᠯᠣᠰᠤ᠂ ᠴᠠᠭᠠᠨ ᠦᠷᠡ᠂ ᠭᠤᠭᠤᠳ ᠤᠨ ᠦᠷᠡ᠂ ᠮᠠᠯᠤᠷ ᠡᠪᠡᠰᠦ᠂ ᠴᠠᠭᠠᠨ ᠤᠯᠠᠯᠵᠢ ᠶᠢᠨ | ᠦᠨᠳᠦᠰᠦ᠂ ᠵᠣᠷᠭᠤᠳᠠᠰᠤ᠂ ᠳᠥᠷᠪᠡᠯᠵᠢ ᠡᠪᠡᠰᠦ᠂ ᠴᠢᠨ᠋ᠸᠠ ᠶᠢᠨ ᠡᠪᠡᠷ ᠡᠪᠡᠰᠦ᠂ ᠤᠯᠠᠭᠠᠨ ᠠᠵᠠᠷᠭᠠᠨᠠ᠂ ᠵᠢᠵᠢᠭ ᠠᠵᠠᠷᠭᠠᠨᠠ ᠵᠡᠷᠭᠡ ᠵᠠᠭᠤᠭᠠᠳ ᠵᠦᠢᠯ ᠪᠤᠶ᠃ | ᠬᠡᠭᠡᠷᠡ ᠶᠢᠨ ᠬᠤᠯᠢᠰᠢᠨ ᠢᠳᠡᠭᠡᠨ ᠤ ᠤᠷᠭᠤᠮᠠᠯ ᠳᠤ ᠭᠤᠣᠯᠳᠠᠭᠤ ᠰᠢᠷᠠ ᠴᠡᠴᠡᠭᠲᠦ ᠨᠤᠭᠤᠭᠠ᠂ ᠬᠥᠷᠥᠰᠥᠨ ᠵᠠᠮᠠᠭ᠂ ᠬᠡᠭᠡᠷᠡ ᠶᠢᠨ ᠭᠤᠭᠤᠳ ᠵᠡᠷᠭᠡ ᠪᠤᠢ᠃ | ᠢᠳᠡᠭᠡᠨ ᠤ ᠮᠥᠭᠦ ᠳᠤ ᠭᠤᠣᠯᠳᠠᠭᠤ ᠴᠠᠭᠠᠨ ᠮᠥᠭᠦ᠂ ᠠᠯᠠᠭ ᠴᠢᠷᠠᠶᠢᠲᠤ ᠮᠥᠭᠦ᠂ ᠡᠪᠡᠰᠦᠨ ᠮᠥᠭᠦ ᠪᠠ ᠨᠠᠷᠠᠰᠤᠨ ᠮᠥᠭᠦ ᠵᠡᠷᠭᠡ ᠪᠤᠶ᠃ ᠬᠡᠭᠡᠷᠡ ᠶᠢᠨ ᠵᠢᠮᠢᠰ ᠤᠨ | ᠤᠷᠭᠤᠮᠠᠯ ᠭᠤᠣᠯᠳᠠᠭᠤ ᠠᠭᠤᠯᠠ ᠶᠢᠨ ᠤᠯᠠᠯᠵᠢ᠂ ᠤᠯᠠᠭᠠᠨ ᠭᠦᠢᠯᠡᠰᠦ᠂ ᠳ᠋ᠧᠩᠯᠦ ᠵᠢᠮᠢᠰ᠂ ᠥᠷᠭᠡᠰᠦᠲᠦ ᠭᠦᠢᠯᠡᠰᠦ᠂ ᠬᠦᠢᠯᠡᠰᠦ ᠵᠡᠷᠭᠡ ᠪᠣᠢ᠃ ᠤᠰᠤᠨ ᠤ | ᠤᠷᠭᠤᠮᠠᠯ ᠭᠤᠣᠯᠳᠠᠭᠤ ᠬᠤᠯᠤᠰᠤ᠂ ᠪᠠᠭᠪᠠᠭ᠋ᠠᠢ ᠶᠢᠨ ᠡᠪᠡᠰᠦ᠂ ᠤᠰᠤᠨ ᠰᠣᠩᠭᠢᠨᠠ᠂ ᠤᠨᠵᠢᠭᠢᠷ ᠡᠪᠡᠰᠦ ᠵᠡᠷᠭᠡ ᠪᠣᠢ᠃ | ᠬᠡᠭᠡᠷᠡ ᠶᠢᠨ ᠠᠵᠤ ᠠᠬᠤᠢ ᠶᠢᠨ ᠠᠮᠢᠲᠠᠨ ᠤ ᠳᠣᠲᠣᠷᠠ ᠠᠷᠠᠰᠤ ᠨᠣᠣᠰᠣᠲᠤ ᠠᠮᠢᠲᠠᠨ ᠳᠤ ᠪᠣᠷᠣ ᠭᠥᠷᠥᠭᠡᠰᠦ᠂ ᠵᠡᠭᠡᠷᠡ᠂ ᠴᠢᠨ᠋ᠸᠠ᠂ ᠦᠨᠡᠭᠡ᠂ ᠲᠠᠷᠪᠠᠭᠠ᠂ | ᠵᠠᠷᠠᠭᠠ᠂ ᠬᠠᠯᠢᠭᠤ᠂ ᠮᠠᠩᠭᠢᠰᠤ᠂ ᠤᠰᠤᠨ ᠬᠤᠯᠤᠭᠠᠨᠠ᠂ ᠣᠭᠤᠲᠣᠨᠠ᠂ ᠨᠠᠷᠢᠬᠠᠨ ᠣᠭᠤᠲᠣᠨᠠ᠂ ᠰᠢᠷᠠ ᠰᠣᠯᠣᠩᠭᠠ᠂ ᠵᠡᠭᠦᠨ ᠬᠤᠶᠢᠲᠤ ᠶᠢᠨ ᠰᠣᠬᠤᠷ | ᠣᠭᠤᠲᠣᠨᠠ ᠪᠠ ᠬᠡᠭᠡᠷᠡ ᠶᠢᠨ ᠲᠠᠤᠯᠠᠢ ᠵᠡᠷᠭᠡ ᠪᠤᠶ᠃ ᠰᠢᠪᠠᠭᠤᠨ ᠤ ᠲᠥᠷᠥᠯ ᠳᠤ ᠲᠣᠩᠰᠢᠭᠤᠯ᠂ ᠬᠡᠭᠡᠷᠡ ᠶᠢᠨ ᠨᠤᠭᠤᠰᠤ᠂ ᠪᠣᠷᠣ ᠲᠣᠭᠤᠷᠤᠤ᠂ ᠬᠠᠷᠢᠶᠠᠴᠠᠢ᠂ | ᠰᠢᠷᠠ ᠪᠣᠯᠵᠣᠮᠣᠷ᠂ ᠱᠠᠭᠠᠵᠠᠭᠠᠢ᠂ ᠬᠠᠶᠢᠷᠠᠭᠤᠴᠠᠢ᠂ ᠡᠯᠡᠰᠦᠨ ᠲᠠᠬᠢᠶᠠ ᠪᠠ ᠣᠭᠤᠯᠢ ᠵᠡᠷᠭᠡ ᠪᠤᠶ᠃ | | | |