ᠦᠨᠦᠳᠦᠷ ᠭᠤᠷᠪᠠ ᠶᠢᠰᠥ᠃ | ᠦᠷᠯᠦᠭᠡ ᠶᠢᠨ ᠨᠠᠷᠠ ᠣᠷᠭᠠ ᠶᠢᠨ ᠬᠢᠷᠢ ᠮᠠᠨᠳᠤᠪᠠ ᠤᠤ ᠦᠭᠡᠢ ᠦᠦ ᠰᠦᠢᠬᠡᠯᠴᠢᠬᠡᠭᠰᠡᠨ ᠪᠠᠶᠢᠪᠠ᠃ ᠠᠷᠭᠠ ᠦᠭᠡᠢ ᠯᠠ ᠭᠤᠨᠠ ᠶᠢᠨ ᠡᠪᠡᠷ ᠢ ᠬᠠᠭᠠ | ᠬᠦᠯᠳᠡᠭᠡᠮᠡᠷ ᠡᠳᠤᠷ ᠪᠣᠯᠬᠤ ᠨᠢ ᠡ︕ ᠬᠤᠳᠳᠤᠭ ᠤᠨ ᠬᠦᠵᠤᠬᠦᠨ ᠠᠴᠠ ᠵᠠᠯᠭᠠᠵᠤ ᠲᠠᠯᠪᠢᠭᠰᠠᠨ ᠤᠷᠳᠣ ᠲᠡᠮᠤᠷ ᠤᠩᠭᠤᠴᠠᠨ ᠠᠴᠠ ᠠᠭᠤᠷ ᠰᠠᠪᠰᠠᠭᠰᠠᠨ ᠬᠦᠢᠳᠡᠨ | ᠤᠰᠣ ᠶᠢ ᠬᠦᠵᠡᠭᠡ ᠪᠠᠨ ᠲᠡᠨᠡᠶᠢᠳᠡᠯᠡ ᠤᠤᠭᠤᠭᠰᠠᠨ ᠦᠬᠡᠷ ᠤᠳ ᠪᠡᠯᠴᠢᠬᠡᠷ ᠵᠦᠭ ᠢᠶᠠᠨ ᠲᠤᠯᠤᠭᠠᠢ ᠳᠠᠮᠠᠷᠤᠳᠠᠭᠤᠯᠤᠨ ᠰᠣᠪᠤᠷᠠᠬᠤ ᠳᠤ ᠵᠢᠰᠤᠮ ᠨᠢ ᠪᠦᠷ | ᠬᠤᠪᠢᠷᠠᠴᠢᠬᠠᠭᠰᠠᠨ᠂ ᠤᠤᠯ ᠤᠨ ᠬᠠᠷᠠ ᠦᠬᠡᠷ ᠨᠢ ᠪᠤᠭᠤᠷᠤᠯ ᠦᠬᠡᠷ ᠪᠤᠯᠵᠣ᠂ ᠤᠯᠠᠭᠠᠨ ᠦᠬᠡᠷ ᠤᠳ ᠨᠢ ᠴᠠᠭᠠᠨ ᠦᠬᠡᠷ ᠪᠤᠯᠴᠢᠬᠠᠡᠡᠰᠠᠨ ᠪᠦᠭᠡᠳ᠂ ᠠᠭᠤᠷ | ᠪᠠᠭᠠᠬᠢᠭᠰᠠᠨ ᠰᠠᠶ᠋ᠢᠬᠠᠨ ᠤ ᠦᠬᠡᠷ ᠤᠨ ᠪᠠᠭᠠᠰᠣ ᠬᠠᠭᠠᠰ ᠭᠤᠳᠤᠯᠢ ᠳᠠᠮᠠᠬᠢ ᠲᠠᠲᠠᠬᠤ ᠶᠢᠨ ᠬᠤᠭᠤᠷᠤᠨᠳᠣ᠂ ᠨᠤᠬᠠᠢ ᠴᠤᠬᠢᠪᠠᠯ ᠭᠠᠰᠠᠯᠭᠠᠮᠠᠷ ᠲᠢᠱ ᠭᠡᠰᠡᠨ | ᠬᠦᠯᠳᠡᠭᠦᠰᠣ ᠪᠤᠯᠵᠤ ᠪᠠᠶᠢᠯᠠ᠃ | ᠬᠦᠬᠡ ᠬᠦᠪᠡᠭᠡ ᠲᠠᠳᠠᠭᠰᠠᠨ ᠴᠡᠪᠳᠡᠭᠡᠷ ᠲᠡᠭᠷᠢ ᠶᠢᠨ ᠠᠯᠤᠰ ᠪᠠᠷᠠᠭᠤᠨ ᠬᠤᠶᠢᠳᠠᠢ ᠤᠯᠠᠨ ᠴᠡᠩᠬᠡᠷ ᠠᠭᠤᠯᠠᠰ ᠤᠨ ᠤᠷᠬᠢᠯ ᠢᠶᠠᠷ ᠦᠶᠡ ᠦᠶᠡ ᠴᠠᠰᠤᠨ | ᠰᠢᠮᠠᠷᠭᠠ ᠬᠤᠶᠢᠰᠬᠠᠭᠠᠵᠤ᠂ ᠦᠴᠤᠭᠡᠳᠤᠷ ᠤᠨ ᠤᠷᠤᠭᠰᠠᠨ ᠲᠦᠷᠡᠢ ᠬᠤᠳᠬᠤᠮᠠ ᠴᠠᠰᠣ᠂ ᠴᠠᠶᠢᠪᠠᠭᠠᠷ ᠴᠢᠷᠠᠶᠢᠯᠠᠭᠰᠠᠨ ᠨᠠᠷᠠᠨ ᠤ ᠰᠤᠯᠳᠠᠭᠠᠷ ᠭᠡᠷᠡᠯ ᠳᠤ | ᠳᠠᠭᠠᠷᠠᠳᠠᠰᠣ ᠬᠦᠷᠭᠡᠮᠡ ᠴᠠᠶᠢᠯᠵᠡᠨᠠ᠃ | ᠬᠡᠵᠢᠶᠡᠨᠡᠢ ᠬᠤᠨᠢ ᠭᠠᠷᠬᠤ ᠨᠠᠷᠠ ᠪᠤᠯᠴᠢᠬᠠᠭᠰᠠᠨ ᠪᠤᠯᠬᠤᠷ ᠰᠤᠶᠤᠯᠭᠡᠷᠡᠯ᠂ ᠬᠤᠨᠢᠨ ᠬᠤᠷᠤᠭᠠᠨ ᠤ ᠪᠠᠨ ᠡᠬᠦᠳᠡ ᠶᠢ ᠨᠡᠭᠡᠭᠡᠵᠤ ᠬᠤᠨᠢᠳ ᠢᠶᠠᠨ ᠠᠯᠭᠤᠷ | ᠰᠤᠪᠤᠭᠤᠯᠤᠨ᠂ ᠪᠡᠯᠴᠢᠭᠡᠷ ᠲᠤ ᠭᠠᠷᠬᠤ ᠬᠤᠨᠢᠳ ᠢᠶᠠᠨ ᠲᠤᠭᠠᠯᠠᠬᠤ ᠭᠡᠰᠡᠨ ᠪᠤᠯᠪᠠᠴᠤ ᠰᠦᠷᠤᠭ᠌ ᠤᠨ ᠲᠦᠷᠤᠬᠦᠣ ᠰᠦᠪᠡᠭᠡ ᠠᠯᠠᠭ᠂ ᠬᠠᠮᠠᠷ ᠬᠠᠯᠵᠢᠨ᠂ ᠬᠠᠷᠠ | ᠲᠦᠷᠤᠬᠦᠳᠣ ᠢᠷᠭᠡ ᠠᠴᠠ ᠲᠡᠷᠢᠬᠦᠯᠡᠨ᠂ ᠬᠠᠭᠠᠰ ᠨᠡᠭᠡᠭᠡᠯᠳᠡᠳᠠᠢ ᠡᠬᠦᠳᠡ ᠶᠢᠨ ᠲᠡᠭᠡᠬᠦᠷ ᠬᠠᠰᠢᠬᠤ ᠶᠢᠨ ᠵᠠᠪ ᠦᠭᠡᠢ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠰᠣᠮᠤᠳᠠᠨ | ᠦᠰᠤᠷᠴᠤ᠂ ᠪᠡᠯᠴᠢᠭᠡᠷ ᠵᠦᠭ ᠢᠶᠠᠨ ᠰᠠᠯᠬᠢ ᠰᠦᠷᠤᠨ ᠬᠤᠰᠢᠭᠤᠷᠠᠨ ᠴᠤᠪᠤᠯᠠ᠃ | ︽ᠡᠪᠡᠰᠤ ᠪᠤᠷᠳᠤᠭᠠ ᠦᠯᠡᠬᠦᠣ ᠨᠦᠭᠡᠴᠠᠯᠡᠵᠣ᠂ ᠬᠤᠷᠤᠭᠠ ᠰᠠᠷᠠᠪᠴᠢ ᠪᠢᠬᠢᠯᠢᠭ ᠲᠤᠯᠠᠭᠠᠨ ᠤ ᠲᠡᠭᠡᠷᠡ᠂ ᠪᠡᠯᠴᠢᠭᠡᠷ ᠴᠤ ᠵᠤᠵᠠᠭᠠᠨ ᠰᠠᠬᠤᠯᠠᠭ ᠲᠤᠯᠠ | ᠬᠤᠨᠢᠳ ᠮᠢᠨᠢ ᠢᠷᠡᠬᠦ ᠵᠢᠯ ᠤᠨ ᠨᠤᠭᠤᠭᠠᠨ ᠳᠤ ᠮᠦᠨ ᠲᠤᠭᠯᠠᠭᠰᠠᠨ ᠢᠶᠠᠷ ᠢᠶᠠᠨ ᠤᠷᠤᠨᠠ ᠳ᠋ᠠ᠂ ᠡᠶᠢᠮᠣ ᠲᠠᠷᠭᠤ ᠰᠠᠶᠢᠳᠠᠢ ᠬᠤᠨᠢᠳ ᠶᠠᠮᠠᠷ ᠴᠤ ᠵᠤᠳ ᠢ ᠪᠤᠷᠪᠢᠨ | ᠲᠤᠤᠷᠠ ᠪᠠᠨ ᠲᠡᠪᠰᠡᠨᠡ ᠳ᠋ᠠ︾ ᠭᠡᠵᠣ ᠰᠦᠷᠤᠭ᠌ ᠤᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠬᠠᠷᠠᠵᠤ ᠵᠤᠭᠰᠣᠭᠰᠠᠨ ᠰᠤᠶᠤᠯᠭᠡᠷᠡᠯ ᠤᠨ ᠭᠡᠷᠡᠯ ᠰᠠᠴᠤᠷᠠᠭᠰᠠᠨ ᠲᠤᠩᠭᠠᠯᠠᠭ ᠪᠤᠷᠣ | ᠨᠢᠳᠣ᠂ ᠭᠡᠭᠡ ᠤᠶᠢᠭᠰᠠᠨ ᠠᠯᠢᠮᠠᠨ ᠤᠯᠠᠭᠠᠨ ᠬᠠᠴᠡᠷ ᠨᠢ ᠴᠠᠭᠠᠨᠠ ᠴᠠᠶᠢᠯᠵᠡᠬᠤ ᠬᠠᠰ ᠤᠨ ᠴᠠᠭᠠᠨ ᠴᠠᠰᠣ᠂ ᠴᠠᠩ ᠰᠠᠭᠤᠭᠰᠠᠨ ᠴᠡᠩᠬᠡᠷ ᠨᠤᠤᠰᠤᠨ ᠠᠯᠴᠢᠭᠤᠷ ᠲᠠᠢ | ᠦᠩᠭᠡ ᠢᠯᠭᠠᠷᠠᠮᠡᠷ ᠢᠯᠡᠳᠠᠢ ᠴᠤᠭᠳᠠᠢ ᠬᠠᠷᠠᠭᠳᠠᠨᠠ᠃ ︽ᠮᠠᠯᠠᠭᠠᠢ ᠶᠢᠨ ᠦᠰᠣ ᠶᠢ ᠪᠠᠷᠢᠨ ᠪᠠᠶᠢᠵᠣ ᠲᠤᠭᠠᠯᠠᠨ᠂ ᠮᠠᠯ ᠤᠨ ᠢᠶᠠᠨ ᠲᠤᠭᠠ ᠶᠢ ᠰᠢᠷᠪᠢᠨ ᠪᠠᠶᠢᠵᠣ | ᠲᠤᠭᠠᠯᠠᠳᠠᠭ︾ ᠤᠬᠠᠭᠠᠯᠢᠭ ᠰᠣᠷᠮᠣᠭᠤᠨ ᠰᠤᠶᠤᠯᠭᠡᠷᠡᠯ ᠬᠤᠨᠢ ᠪᠠᠨ ᠲᠤᠭᠠᠯᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠭᠡᠵᠤ ᠲᠡᠳᠤᠢ ᠯᠠ ᠤᠴᠢᠷ ᠪᠤᠯᠭᠠᠭᠰᠠᠨ ᠦᠭᠡᠢ ᠮᠦᠬᠦᠭᠳᠣ ᠶᠢᠨ | ᠡᠭᠡᠬᠡᠪᠴᠢ ᠳᠤ ᠬᠤᠨᠢ ᠪᠠᠨ ᠲᠤᠭᠳᠠᠭᠠᠴᠢᠬᠠᠭᠠᠳ᠂ ᠮᠦᠬᠡᠷᠤᠣ ᠱᠤᠷᠤᠩ ᠤᠨ ᠤᠷᠤᠢ ᠠᠴᠠ ᠲᠤᠭᠠᠯᠠᠬᠤ ᠶᠤᠮ ᠪᠤᠯ ᠨᠡᠩ ᠬᠢᠯᠪᠠᠷ ᠭᠡᠵᠤ ᠰᠡᠳᠬᠢᠪᠡ᠃ | ᠦᠯᠤ ᠮᠠᠳᠡᠭ ᠶᠠᠪᠠᠭᠠᠨ ᠰᠢᠭᠤᠷᠭᠠ ᠬᠠᠶᠠ ᠬᠠᠶᠠ ᠪᠤᠰᠴᠤ᠂ ᠬᠦᠢᠳᠡᠨ ᠤ ᠡᠷᠴᠢ ᠤᠯᠠᠮ ᠴᠢᠩᠭᠠᠷᠠᠬᠤ ᠪᠠᠶᠢᠳᠠᠯ ᠲᠠᠢ᠃ ᠵᠢᠵᠢᠭ ᠲᠠᠷᠠᠺᠲ᠋ᠤᠷ ᠤᠨ ᠬᠠᠮᠠᠷ | ᠲᠡᠭᠡᠷᠡ ᠵᠡᠭᠡᠵᠤ ᠵᠤᠬᠢᠶᠠᠭᠰᠠᠨ ᠵᠢᠷᠭᠤᠭᠠᠨ ᠰᠠᠯᠠᠭᠠ ᠲᠠᠢ ᠰᠡᠷᠡᠭᠡ ᠪᠠᠷ ᠠᠭᠤᠯᠠ ᠰᠢᠭ᠋ ᠤᠪᠤᠭᠠᠯᠠᠭᠰᠠᠨ ᠡᠪᠡᠰᠣᠨ ᠠᠴᠠ᠂ ᠳᠠᠯᠠ ᠨᠠᠶᠠᠨ ᠵᠢᠩ ᠤᠨ ᠲᠤᠮᠤᠬᠠᠨ | ᠪᠤᠭᠤᠯᠳᠠ ᠲᠠᠢ ᠬᠦᠬᠡ ᠡᠪᠡᠰᠣ ᠶᠢ ᠬᠡᠳᠤᠬᠡᠨ ᠮᠢᠨᠦ᠋ᠲ ᠤᠨ ᠲᠤᠳᠤᠷᠠ ᠵᠢᠭᠳᠡ ᠰᠠᠶᠢᠬᠠᠨ ᠲᠠᠷᠬᠠᠭᠠᠭᠰᠠᠨ ᠰᠤᠶᠤᠯᠭᠡᠷᠡᠯ᠂ ᠭᠤᠷᠪᠠᠨ ᠵᠠᠭᠤ ᠳᠠᠯᠠ ᠶᠢᠰᠤᠨ ᠲᠤᠯᠤᠭᠠᠢ | ᠲᠦᠯᠯᠡᠬᠦ ᠰᠢᠬᠠᠭᠰᠠᠨ ᠬᠤᠨᠢᠳ ᠢᠶᠠᠨ ᠲᠤᠬᠢᠯᠢᠭ ᠲᠤᠯᠠᠭᠠᠨ ᠰᠠᠷᠠᠪᠴᠢᠨ ᠤ ᠡᠭᠡᠪᠤᠷ ᠡᠩᠭᠡᠷ ᠲᠤ ᠡᠪᠡᠰᠣᠯᠡᠭᠡᠳ᠂ ᠰᠠᠷᠠ ᠶᠢᠨ ᠡᠮᠤᠨᠡ ᠰᠢᠨᠡ ᠠᠪᠤᠭᠰᠠᠨ ᠴᠠᠭᠠᠨ | ᠫᠢᠺᠠ ᠪᠠᠨ ᠪᠠᠷᠢᠵᠣ ᠬᠤᠨᠢᠳ ᠤᠨ ᠢᠶᠠᠨ ᠠᠷᠣ ᠠᠴᠠ ᠭᠠᠯᠭᠢᠭᠤᠯᠤᠯᠠ᠃ | ᠰᠤᠶᠤᠯᠭᠡᠷᠡᠯ ᠤᠨ ᠨᠦᠬᠦᠷ ᠨᠢ ᠰᠦᠷᠵᠢᠪ᠊ ᠬᠤᠯᠠᠩ ᠦᠨᠤᠳᠤᠷ ᠤᠨ ᠬᠤᠰᠢᠭᠤᠨ ᠤ ᠪᠠᠨ ᠮᠦᠩᠬᠦᠨ ᠡᠪᠤᠯ ᠤᠨ ᠨᠠᠭᠠᠳᠤᠮ ᠳᠤ ᠪᠦᠬᠡ ᠪᠠᠷᠢᠯᠳᠤᠬᠤ ᠪᠠ | ᠮᠤᠷᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠨᠠ ᠭᠡᠵᠤ ᠦᠴᠤᠬᠡᠳᠤᠷ ᠦᠷ ᠢᠶᠠᠷ ᠡᠷᠲᠡᠯᠡᠭᠰᠡᠨ ᠪᠤᠯᠬᠤᠷ ᠬᠤᠨᠢᠨ ᠳᠠᠭᠠᠨ ᠶᠠᠪᠤᠵᠤ ᠪᠠᠶᠢᠭᠠ ᠨᠢ ᠡᠨᠡ ᠶᠤᠮ᠃ | ᠡᠪᠤᠯᠵᠢᠶᠡᠨ ᠠᠴᠠ ᠨᠢ ᠬᠤᠶᠢᠰᠢ ᠲᠠᠪᠤᠨ ᠭᠠᠵᠠᠷ ᠤᠨ ᠪᠠᠷᠤᠭ ᠲᠤ᠋ ᠮᠦ᠋ᠬᠦᠭᠳᠣ ᠶᠢᠨ ᠡᠬᠡᠬᠡᠪᠴᠢ ᠳᠤ ᠬᠤᠨᠢᠳ ᠨᠢ ᠰᠠᠯᠬᠢ ᠰᠦᠷᠤᠨ ᠲᠤᠭᠳᠠᠵᠤ᠂ ᠬᠡᠳᠤᠨ | ᠠᠵᠢᠷᠭᠠ ᠠᠳᠤᠭᠤ᠂ ᠨᠡᠯᠢᠶᠡᠳ ᠦᠬᠡᠷ ᠤᠨ ᠪᠡᠯᠴᠢᠭᠰᠡᠨ ᠮᠦᠷ ᠢ ᠳᠠᠭᠠᠵᠤ᠂ ᠬᠢᠯᠭᠠᠨᠠ᠂ ᠬᠢᠶᠠᠭ ᠤᠨ ᠰᠣᠷ ᠬᠢᠷᠭᠠᠵᠤ ᠳᠠᠭᠠᠳᠠᠢ ᠢᠳᠡᠰᠢᠯᠡᠨᠡ᠃ ᠮᠦᠬᠡᠷᠤᠣ | ᠱᠤᠷᠤᠩ ᠤᠨ ᠬᠤᠷᠮᠤᠢ ᠳᠤ ᠬᠦᠷᠴᠤ᠂ ᠰᠣᠶᠤᠯᠭᠡᠷᠡᠯ ᠲᠡᠷᠭᠡᠨ ᠠᠴᠠ ᠪᠠᠨ ᠪᠠᠭᠤᠵᠤ ᠤᠷᠤᠢ ᠦᠭᠡᠳᠡ ᠠᠯᠬᠤᠪᠠ᠃ ᠨᠤᠭᠤᠭᠠᠨ ᠲᠤᠷᠭᠠᠨ ᠭᠠᠳᠠᠷ ᠲᠠᠢ ᠲᠡᠪᠡᠯ ᠱᠠᠪ | ᠭᠡᠲᠡᠯᠡ ᠬᠡᠳᠦᠷᠴᠥ᠂ ᠨᠤᠮᠢᠨ ᠦᠩᠭᠡ ᠲᠠᠢ ᠴᠡᠩᠬᠡᠷ ᠨᠤᠤᠰᠣᠨ ᠠᠯᠴᠢᠭᠤᠷ ᠤᠷᠢᠶᠠᠭᠰᠠᠨ ᠰᠣᠶᠤᠯᠭᠡᠷᠡᠯ ᠢ ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠴᠡᠯ ᠨᠤᠭᠤᠭᠠᠨ ᠡᠰᠢ ᠲᠠᠢ᠂ | ᠴᠡᠩᠬᠡᠷ ᠬᠦᠬᠡ ᠲᠠᠯᠪᠢ ᠲᠠᠢ ᠲᠠᠯᠠ ᠶᠢᠨ ᠢᠷᠭᠤᠢ᠂ ᠮᠦᠩᠬᠦᠨ ᠴᠠᠭᠠᠨ ᠴᠠᠰᠤᠨ ᠤ ᠲᠤᠮᠳᠠ ᠪᠠᠳᠠᠷᠠᠨ ᠲᠡᠯᠭᠡᠷᠡᠵᠤ ᠪᠠᠶᠢᠭᠠ ᠰᠢᠭ᠋ ᠰᠣᠷᠭᠤᠭ ᠢᠳᠡᠷᠡᠬᠦᠨ ᠬᠠᠷᠠᠭᠳᠠᠬᠤ | ᠪᠦᠭᠡᠳ ᠦᠨᠳᠤᠷ ᠲᠦᠷᠡᠢ ᠲᠠᠢ ᠰᠡᠪᠬᠢᠨ ᠭᠤᠳᠤᠯ ᠢᠰᠬᠦᠯᠤᠭ᠍ᠰᠡᠨ ᠬᠦᠯ ᠤᠨ ᠮᠦᠷ ᠨᠢ ᠲᠤᠭᠤᠰᠤ ᠲᠤᠷᠳᠤᠭ ᠰᠠᠭᠤᠭᠠ ᠦᠭᠡᠢ ᠰᠢᠨᠡᠬᠡᠨ ᠴᠠᠭᠠᠨ ᠴᠠᠰᠣᠨ ᠲᠡᠭᠡᠷᠡ | ᠲᠤᠪ ᠲᠤᠳᠤᠬᠠᠨ ᠲᠤᠷᠠᠶᠢᠨᠠ᠃ ᠡᠪᠤᠯ ᠤᠨ ᠭᠤᠤᠯ ᠤᠨ ᠢᠳᠡ ᠬᠦᠢᠳᠡᠨ ᠲᠦᠮᠡ ᠮᠢᠩᠭᠠᠨ ᠵᠡᠬᠦᠣ ᠪᠠᠷ ᠢᠶᠠᠨ ᠰᠣᠶᠤᠯᠭᠡᠷᠡᠯ ᠤᠨ ᠨᠢᠭᠤᠷ ᠬᠠᠴᠠᠷ ᠢ ᠰᠢᠪᠡᠬᠦ ᠶᠢ | ᠰᠠᠨᠠᠭᠰᠠᠨ ᠴᠤ ᠰᠠᠶ᠋ᠢ ᠯᠠ ᠭᠤᠴᠢ ᠭᠠᠷᠴᠤ ᠪᠠᠶᠢᠭᠠ ᠴᠠᠬᠢᠷᠠᠭ ᠵᠠᠯᠠᠭᠤ ᠪᠦᠰᠡᠬᠦᠢ ᠶᠢᠨ ᠵᠢᠪᠬᠤᠭᠠ ᠲᠠᠢ ᠤᠯᠠᠭᠠ ᠪᠤᠳᠠᠷᠠᠭᠰᠠᠨ ᠬᠠᠴᠠᠷ ᠠᠴᠠ ᠴᠢᠪ ᠴᠢᠮᠡᠭᠡ ᠦᠭᠡᠢ | ᠬᠠᠯᠢᠷᠠᠨ ᠵᠠᠶᠢᠯᠠᠵᠤ ᠪᠠᠶᠢᠯᠠ᠃ | ︽ᠪᠦᠬᠦ ᠬᠤᠨᠢᠳ ᠤᠨ ᠲᠤᠭᠠ ᠪᠠᠷ ᠪᠤᠳᠤᠪᠠᠯ ᠪᠡᠯᠴᠢᠭᠡᠷ ᠲᠤ ᠭᠠᠷᠤᠭᠰᠠᠨ ᠨᠢ ᠲᠦᠷᠪᠡᠨ ᠵᠠᠭᠤ ᠬᠤᠷᠢᠨ ᠲᠠᠪᠤ ᠪᠠᠶᠢᠪᠠᠯ ᠲᠠᠭᠠᠷᠠᠨᠠ︾ ᠭᠡᠳ᠂ ᠮᠦᠬᠡᠷᠤᠣ | ᠱᠤᠷᠤᠩ ᠤᠨ ᠤᠷᠤᠢ ᠳᠠᠬᠢ ᠪᠦᠳᠤᠬᠦᠨ ᠬᠠᠳᠠᠨ ᠲᠡᠭᠡᠷᠡ ᠵᠤᠭᠰᠣᠵᠤ᠂ ᠭᠤᠷᠪᠠ ᠳᠠᠬᠢᠵᠤ ᠬᠤᠨᠢ ᠪᠠᠨ ᠲᠤᠭᠠᠯᠠᠬᠤ ᠳᠤ ᠴᠢᠪ ᠭᠡᠳᠡᠯᠡ ᠲᠠᠭᠠᠷᠠᠵᠤ ᠪᠠᠶᠢᠪᠠ᠃ | ᠰᠦᠷᠵᠢᠪᠬᠤᠯᠠᠩ᠂ ᠰᠣᠶᠣᠯᠭᠡᠷᠡᠯ ᠬᠤᠶᠠᠷ ᠪᠤᠯ ᠲᠠᠭᠠᠨᠠᠳᠣ ᠶᠢᠨ ᠵᠠᠳᠠᠭᠠᠢ ᠶᠢᠨ ᠬᠤᠶᠠᠷ ᠬᠦᠪᠡᠭᠡᠨ ᠳᠤ ᠪᠠᠷᠠ ᠪᠠᠷᠠ ᠪᠠᠨ ᠠᠪᠴᠤ ᠰᠠᠭᠤᠭᠰᠠᠨ ᠬᠤᠶᠠᠷ ᠠᠶᠢᠯ ᠤᠨ | ᠬᠡᠤᠬᠡᠳ ᠪᠠᠶᠢᠵᠤ᠂ ᠠᠷᠠᠳ ᠤᠨ ᠰᠣᠷᠭᠠᠭᠤᠯᠢ ᠳᠤ ᠠᠩᠬᠠᠯᠠᠨ ᠶᠠᠪᠤᠬᠤ ᠳᠠᠭᠠᠨ ᠠᠯᠠᠭ ᠱᠠᠷ ᠬᠦᠯᠤᠭ᠍ᠰᠠᠨ ᠢᠰᠡᠬᠡᠢ ᠬᠠᠮ ᠳᠤ ᠴᠤᠭ ᠰᠠᠭᠤᠵᠤ ᠶᠠᠪᠤᠭᠰᠠᠨ ᠠᠴᠠ | ᠡᠬᠢᠯᠡᠵᠤ᠂ ᠤᠷᠤᠨ ᠤ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠬᠠᠮᠢᠶᠠᠳᠠᠢ ᠭᠤᠤᠯ ᠰᠠᠯᠪᠤᠷᠢ ᠠᠴᠠ ᠴᠤᠭ ᠲᠡᠬᠦᠰᠴᠤ᠂ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠨ ᠠᠶᠢᠯ ᠭᠡᠷ | ᠪᠤᠯᠵᠤ ᠲᠤᠭᠤᠨᠤ ᠪᠠᠨ ᠲᠤᠯᠵᠤ᠂ ᠰᠢᠨᠡ ᠬᠦᠳᠡᠭᠡ ᠳᠡᠭᠡᠨ ᠰᠢᠨᠡ ᠮᠠᠯᠴᠢᠨ ᠤ ᠬᠤᠪᠢ ᠪᠠᠷ ᠤᠶᠢᠯᠡᠰ ᠤᠨ ᠭᠡᠭᠡᠨ ᠬᠠᠷᠭᠤᠢ ᠪᠠᠨ ᠵᠤᠯᠪᠤᠭᠠ ᠲᠠᠢ ᠡᠯᠭᠦᠵᠤ ᠶᠠᠪᠤᠭᠠ | ᠵᠠᠯᠠᠭᠤᠰ ᠶᠤᠮ᠃ | ᠤᠷᠤᠢ ᠲᠡᠭᠡᠷᠡ ᠠᠴᠠ ᠬᠠᠷᠠᠬᠤ ᠳᠤ ᠰᠣᠶᠤᠯᠭᠡᠷᠡᠯ ᠤᠨ ᠬᠤᠨᠢᠳ ᠶᠠᠭ ᠯᠠ ᠰᠠᠷᠠ ᠲᠠᠢ ᠰᠦᠨᠢ ᠶᠢᠨ ᠤᠳᠤᠳ ᠰᠢᠭ᠋᠂ ᠴᠠᠰᠣᠳᠣ ᠠᠯᠭᠠᠢ ᠳᠤ ᠬᠦᠳᠡᠯᠤᠯ | ᠦᠭᠡᠢ ᠢᠷᠠᠶᠢᠨ ᠲᠤᠭᠳᠠᠵᠤ ᠪᠠᠶᠢᠭᠠ ᠲᠤᠯᠠ ᠲᠡᠷᠡ ᠱᠤᠷᠤᠩ ᠤᠨ ᠤᠷᠤᠢ ᠠᠴᠠ ᠪᠠᠭᠤᠵᠤ᠂ ᠲᠡᠷᠭᠡᠨ ᠪᠦᠬᠦᠭ ᠳᠡᠭᠡᠨ ᠤᠷᠤᠨ ᠲᠤᠯᠠᠭᠠᠪᠴᠢ ᠪᠠᠨ ᠨᠡᠬᠡᠬᠡᠵᠤ ᠴᠠᠭᠠᠰᠣ | ᠲᠡᠯᠭᠡᠨ ᠦᠵᠦᠭ ᠵᠢᠷᠢᠯᠵᠡᠬᠦᠯᠵᠤ ᠡᠬᠢᠯᠡᠯᠡ᠃ ᠰᠣᠶᠣᠯᠭᠡᠷᠡᠯ ᠤᠷᠴᠢᠮ ᠤᠨ ᠬᠡᠳᠤᠨ ᠵᠢᠯ ᠤᠨ ᠮᠠᠯᠵᠢᠬᠤ ᠠᠵᠢᠯ ᠤᠨ ᠪᠤᠳᠠᠳᠠᠢ ᠶᠠᠪᠤᠴᠠ ᠶᠢᠨ ᠲᠤᠮᠳᠠ ᠰᠣᠷᠣᠭᠰᠠᠨ | ᠮᠡᠳᠡᠯᠭᠡ ᠪᠠᠨ ᠤᠤᠯ ᠤᠨ ᠤᠯᠠᠮᠵᠢᠯᠠᠯᠳᠣ ᠮᠠᠯ ᠮᠠᠯᠵᠢᠬᠤ ᠠᠷᠭᠠ ᠪᠠᠷᠢᠯ ᠳᠤ ᠦᠭᠡᠷᠡᠴᠢᠯᠡᠯᠳᠡ ᠬᠢᠬᠦ ᠳᠤ ᠴᠢᠭᠯᠡᠬᠦᠯᠵᠤ᠂ ᠲᠡᠭᠦᠨ ᠵᠶᠠᠨ ᠤᠶᠢᠯᠡᠳᠦᠯᠭᠡᠵᠢᠬᠦᠯᠬᠦ ᠶᠢᠨ | ᠡᠭᠦᠳᠡᠨ ᠠᠴᠠ ᠬᠡᠷᠬᠢᠨ ᠰᠦᠷᠣᠭ᠌ ᠤᠨ ᠪᠦᠳᠣᠴᠡ ᠳᠡᠭᠡᠨ ᠲᠤᠬᠢᠷᠠᠭᠤᠯᠤᠯᠳᠠ ᠬᠢᠭᠰᠡᠨ ᠲᠤᠬᠠᠢ ᠪᠠᠨ ︽ᠨᠤᠳᠤᠭ ᠤᠨ ᠡᠬᠦᠯᠳᠡᠷ ᠤᠨ ᠬᠤᠨᠢ ᠶᠢ ᠡᠷᠯᠢᠰᠡᠵᠢᠬᠦᠯᠤᠭ᠍ᠰᠡᠨ | ᠲᠤᠷᠰᠢᠯᠭᠠ︾ ᠭᠡᠬᠦ ᠤᠷᠳᠣᠬᠠᠨ ᠦᠬᠦᠯᠡᠯ ᠢᠶᠠᠨ ᠮᠠᠯ ᠠᠵᠣ ᠠᠬᠤᠢ ᠶᠢᠨ ᠬᠠᠮᠢᠶᠠᠳᠠᠢ ᠰᠣᠨᠢᠨ ᠰᠡᠳᠬᠦᠯ ᠳᠤ ᠦᠭᠬᠦ ᠭᠡᠳ ᠶᠠᠭᠠᠷᠠᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ | ᠲᠡᠳᠡ ᠶᠠᠭᠤᠨ ᠤ ᠡᠮᠤᠨᠡ ᠰᠦᠷᠤᠭ᠌ ᠤᠨ ᠪᠦᠳᠤᠴᠡ ᠳᠡᠭᠡᠨ ᠲᠤᠬᠢᠷᠠᠭᠤᠯᠤᠯᠳᠠ ᠬᠢᠬᠦ ᠳᠡᠭᠡᠨ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠵᠢᠮᠡ ᠶᠤᠰᠣ ᠶᠢ ᠠᠳᠬᠤᠵᠤ᠂ ᠤᠷᠤᠨ | ᠭᠠᠵᠠᠷ ᠤᠨ ᠤᠰᠣ ᠪᠡᠯᠴᠢᠭᠡᠷ᠂ ᠪᠠᠶᠢᠭᠠᠯᠢ ᠠᠬᠤᠢ᠂ ᠠᠮᠢᠳᠤᠷᠠᠬᠤᠢ ᠶᠢᠨ ᠵᠢᠮᠡ᠂ ᠦᠷᠡᠵᠢᠯ ᠲᠦᠯᠵᠢᠯ ᠁ ᠳᠤ ᠵᠤᠬᠢᠴᠠᠭᠤᠯᠬᠤ ᠶᠢ ᠠᠩᠬᠠᠷᠤᠭᠰᠠᠨ ᠪᠠᠶᠢᠯᠠ᠃ | ᠰᠦᠷᠵᠢᠪᠬᠤᠯᠠᠩ᠂ ᠰᠣᠶᠣᠯᠭᠡᠷᠡᠯ ᠬᠤᠷᠢᠮᠯᠠᠭᠰᠠᠨ ᠵᠢᠯ ᠤᠨ ᠢᠶᠠᠨ ᠨᠠᠮᠤᠷ ᠠᠴᠠ ᠡᠬᠢᠯᠡᠵᠤ᠂ ᠪᠦᠳᠣᠬᠦᠨ ᠰᠡᠬᠦᠯᠳᠣ ᠨᠤᠳᠤᠭ ᠤᠨ ᠬᠤᠨᠢᠳ ᠲᠠᠭᠠᠨ ᠤᠬᠤᠷ | ᠰᠡᠬᠦᠯᠳᠣ ᠦᠯᠴᠢᠷ ᠬᠤᠨᠢᠨ ᠤ ᠬᠤᠴᠠ ᠲᠠᠯᠪᠢᠵᠤ᠂ ᠴᠢᠰᠣ ᠰᠣᠯᠢᠭᠤᠯᠵᠣ᠂ ᠳᠠᠬᠢᠨ ᠪᠠᠩ ᠳ᠋ᠧ ᠡᠬᠦᠯᠲᠡᠷ ᠤᠨ ᠬᠤᠴᠠ ᠲᠠᠯᠪᠢᠨ ᠮᠢᠬᠠ ᠨᠤᠤᠰᠣ ᠶᠢ ᠨᠢ ᠵᠡᠷᠭᠡ ᠳᠤᠨᠢ | ᠲᠡᠭᠡᠭᠰᠢᠯᠡᠬᠦᠯᠵᠤ᠂ ᠤᠷᠴᠢᠮ ᠤᠨ ᠵᠢᠯ ᠠᠴᠠ ᠴᠤᠯ ᠮᠢᠬᠠᠨ ᠤ ᠳ᠋ᠦ᠋ ᠪᠦᠸᠧ ᠤᠳᠤᠮ ᠢᠶᠠᠷ ᠪᠦᠬᠦ ᠰᠦᠷᠣᠭ᠌ ᠢᠶᠠᠨ ᠡᠷᠯᠢᠰᠡᠵᠢᠬᠦᠯᠤᠭ᠍ᠰᠡᠨ ᠠᠴᠠ ᠦᠯᠴᠢᠷ ᠬᠤᠨᠢ ᠶᠢᠨ | ᠳᠠᠪᠠᠭᠤᠯᠢᠭ ᠲᠠᠯᠠ ᠪᠤᠯᠬᠤ᠂ ᠤᠯᠠᠨ ᠢᠬᠡᠷᠡᠯᠡᠬᠦ᠂ ᠢᠳᠡᠰᠢ ᠤᠤᠭᠤᠰᠢ ᠭᠤᠯᠤᠬᠤ ᠦᠭᠡᠢ ᠪᠤᠷᠤᠭ ᠢᠳᠡᠰᠢ ᠲᠠᠢ ᠬᠤᠨᠢᠳ ᠪᠤᠯᠵᠤ᠂ ᠪᠠᠩ ᠳ᠋ᠧ ᠤᠳᠤᠮ ᠤᠨ ᠮᠢᠬᠠ | ᠨᠤᠤᠰᠣ ᠵᠡᠷᠭᠡᠴᠡᠭᠰᠡᠨ ᠤ ᠲᠡᠭᠡᠷᠡ ᠳ᠋ᠦ᠋ ᠪᠦᠸᠧ ᠬᠤᠨᠢᠨ ᠤ ᠪᠡᠶᠡ ᠪᠢᠯᠳᠡᠷ ᠲᠤᠮᠣ᠂ ᠮᠢᠬᠠᠨ ᠤ ᠭᠠᠷᠤᠯᠳᠠ ᠶᠡᠭᠡ ᠵᠡᠷᠭᠡ ᠰᠠᠶᠢᠨ ᠲᠠᠢ ᠲᠠᠯᠠ ᠶᠢ ᠰᠢᠩᠭᠡᠭᠡᠭᠰᠡᠨ ᠠᠴᠠ | ᠤᠤᠯ ᠤᠨ ᠪᠦᠳᠤᠬᠦᠨ ᠰᠡᠬᠦᠯᠳᠣ ᠨᠤᠳᠤᠭ ᠤᠨ ᠬᠤᠨᠢᠳ ᠨᠢ ᠭᠠᠩ ᠭᠠᠴᠢᠭ ᠲᠤ ᠲᠡᠰᠪᠤᠷᠢ ᠲᠠᠢ᠂ ᠪᠠᠶᠢᠭᠠᠯᠢ ᠤᠷᠴᠢᠨ ᠳᠤ ᠳᠠᠰᠣᠮᠳᠠᠭᠠᠢ᠂ ᠡᠪᠡᠰᠣ ᠪᠤᠷᠳᠤᠭᠠ | ᠭᠤᠯᠤᠬᠤ ᠦᠭᠡᠢ᠂ ᠦᠭᠡᠬᠦ ᠨᠢ ᠪᠠᠭᠠ᠂ ᠬᠠᠷᠠ ᠮᠢᠬᠠ ᠨᠢ ᠶᠡᠭᠡ᠂ ᠰᠦ ᠪᠠᠭᠤᠬᠤ ᠨᠢ ᠰᠠᠶᠢᠨ᠂ ᠠᠷᠠᠰᠣ ᠤᠩᠭᠠᠰᠣ ᠨᠢ ᠦᠪᠡᠷ ᠤᠨ ᠤᠨᠴᠠᠯᠢᠭ ᠲᠠᠢ ᠴᠣ ᠰᠢᠨᠡ | ᠡᠬᠦᠯᠳᠡᠷ ᠤᠨ ᠬᠤᠨᠢᠳ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠲᠡᠨᠢᠢᠳᠡᠯᠡ ᠬᠡᠭᠡᠯ ᠭᠠᠷᠤᠭᠰᠠᠨ ᠬᠤᠨᠢᠳ ᠬᠤᠳᠠᠨ ᠵᠦᠭ ᠢᠶᠠᠨ ᠠᠯᠭᠤᠷ ᠡᠷᠬᠢᠬᠦ ᠳᠤ ᠰᠣᠶᠣᠯᠭᠡᠷᠡᠯ ᠴᠤ | ᠦᠬᠦᠯᠡᠯ ᠢᠶᠠᠨ ᠪᠢᠴᠢᠵᠤ ᠲᠡᠬᠦᠰᠭᠡᠭᠡᠳ ᠪᠢᠷ ᠢᠶᠠᠨ ᠬᠤᠩᠬᠤᠶᠢᠯᠳᠠᠯᠠ ᠭᠠᠷ ᠤᠳᠠᠰᠣ ᠨᠢ ᠬᠠᠩᠬᠢᠨᠠᠪᠠ᠃ | ︽ᠬᠤᠷᠳᠤᠨ ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠮᠠᠨ ᠤ ᠰᠠᠷᠡᠳᠣ ᠬᠠᠷᠠ ᠲᠡᠷᠢᠬᠦᠯᠵᠤ᠂ ᠪᠠᠷᠢᠯᠳᠤᠭᠠᠨ ᠳᠤ ᠪᠢ ᠲᠡᠳ᠋ᠯᠡᠵᠠᠢ᠃ ᠡᠨᠡ ᠨᠢ ᠴᠤ ᠪᠠᠭᠠ ᠪᠠᠶᠠᠷ᠃ | ᠠᠷᠠᠰᠣ ᠰᠢᠷᠢ ᠡᠳ᠋ᠰᠢᠬᠦᠯᠵᠤ ᠪᠤᠯᠪᠠᠰᠣᠷᠠᠭᠤᠯᠬᠤ ᠤᠶᠢᠯᠡᠳᠪᠤᠷᠢ ᠪᠠᠶᠢᠭᠤᠯᠬᠤ ᠶᠢ ᠲᠡᠭᠡᠳᠤ ᠱᠠᠳᠣᠨ ᠠᠴᠠ ᠲᠡᠮᠵᠢᠵᠤ᠂ ᠢᠷᠡᠬᠦ ᠵᠢᠯ ᠤᠨ ᠬᠠᠩᠰᠢᠨ ᠠᠴᠠ ᠰᠡᠬᠦᠯᠡᠷ | ᠪᠠᠷᠢᠯᠭᠠ ᠡᠬᠢᠯᠡᠬᠦ ᠪᠠᠷ ᠪᠤᠯᠵᠠᠢ᠃ ᠤᠯᠠᠭᠠᠨ ᠢᠳᠡᠭᠡᠨ ᠢ ᠪᠤᠯᠭᠤᠭᠰᠠᠨ ᠲᠦᠬᠦᠬᠡᠢ ᠪᠠᠷ ᠤᠯᠤᠰ ᠤᠨ ᠬᠡᠪᠴᠢᠶᠡᠨ ᠤ ᠵᠠᠬᠠ ᠳᠤ ᠭᠠᠷᠭᠠᠬᠤ ᠭᠡᠰᠡᠨ ᠮᠠᠨ ᠤ ᠲᠦᠯᠤᠪᠯᠡᠭᠡ | ᠮᠡᠳᠡᠬᠦᠯᠤᠯᠳᠡ ᠶᠢ ᠴᠤ ᠵᠦᠪᠰᠢᠶᠡᠷᠡᠮᠡᠷ ᠪᠠᠶᠢᠨᠠ᠃ ᠡᠨᠡ ᠨᠢ ᠶᠡᠭᠡ ᠪᠠᠶᠠᠷ ᠡ︕︾ ᠭᠡᠵᠤ ᠰᠦᠷᠵᠢᠪᠬᠤᠯᠠᠩ ᠤᠨ ᠳᠠᠭᠤ ᠤᠳᠠᠰᠣᠨ ᠲᠤᠳᠤᠷᠠ ᠬᠦᠩᠬᠢᠨᠡᠨᠡ ᠁ | ᠴᠠᠶᠢᠪᠠᠭᠠᠷ ᠭᠡᠭᠡ᠂ ᠴᠢᠮᠬᠢᠬᠦᠨ ᠠᠮᠢᠰᠬᠤᠯ ᠲᠠᠢ ᠡᠪᠤᠯ ᠤᠨ ᠤᠭᠳᠣᠷ ᠨᠠᠷᠠ ᠳᠠᠭᠠᠷᠠᠭᠰᠠᠨ ᠶᠤᠮ ᠰᠢᠭ᠋ ᠶᠠᠭᠠᠷᠠᠤᠬᠠᠨ ᠪᠦᠮᠪᠦᠷᠢᠭᠰᠡᠭᠡᠷ ᠲᠡᠭᠷᠢ ᠶᠢᠨ ᠪᠠᠷᠠᠭᠤᠨ | ᠬᠢᠵᠠᠭᠠᠷ ᠲᠤ ᠵᠢᠷᠭᠠᠪᠠ᠃ ᠸᠠᠭᠠᠷ ᠲᠤᠭᠤᠰᠬᠠ ᠶᠢᠨ ᠪᠦᠳᠤᠴᠡ ᠲᠠᠢ ᠰᠢᠯᠤᠨ ᠲᠡᠭᠡᠪᠤᠷ ᠪᠦᠬᠦᠢ ᠦᠷᠬᠦᠯᠵᠢᠯᠡᠭᠰᠡᠨ ᠲᠤᠯᠠᠭᠠᠨ ᠰᠠᠷᠠᠪᠴᠢ ᠠᠴᠠ ᠪᠠᠷᠠᠭᠤᠨᠰᠢ | ᠵᠠᠯᠭᠠᠭᠰᠠᠨ᠂ ᠬᠠᠷᠢ ᠮᠠᠶ᠋ᠢᠭ ᠤᠨ ᠵᠤᠰᠠᠯᠠᠩ ᠬᠡᠯᠪᠡᠷᠢ ᠶᠢᠨ ᠲᠤᠮᠤᠬᠠᠨ ᠴᠠᠭᠠᠨ ᠪᠠᠶᠢᠰᠢᠩ ᠠᠴᠠ ᠴᠠᠬᠢᠯᠭᠠᠨ ᠳ᠋ᠧᠩ ᠤᠨ ᠭᠡᠷᠡᠯ ᠲᠤᠸᠠᠯᠠᠵᠤ᠂ ᠲᠤᠯᠠᠭᠠᠪᠴᠢ ᠠᠴᠠ | ᠨᠦᠭᠡᠯᠡᠭᠰᠡᠨ ᠬᠠᠯᠠᠭᠤᠨ ᠢᠯᠴᠢᠨ ᠳᠤ ᠰᠦᠷᠵᠢᠪᠬᠤᠯᠠᠩ᠂ ᠰᠣᠶᠣᠯᠭᠡᠷᠡᠯ ᠤᠨ ᠴᠢᠷᠠᠢ ᠡᠳᠤᠷ ᠤᠨ ᠢᠶᠠᠨ ᠠᠴᠠ ᠪᠠᠨ ᠨᠡᠩ ᠤᠯᠠᠭᠠ ᠪᠤᠳᠠᠷᠡᠵᠦ ᠬᠠᠷᠠᠭᠳᠠᠨᠠ᠃ ᠬᠤᠶᠠᠷ | ᠵᠠᠯᠠᠭᠤ ᠶᠢᠨ ᠰᠡᠳᠬᠢᠯ ᠤᠨ ᠢᠯᠴᠢ ᠡᠨᠡ ᠪᠦᠬᠦᠨ ᠠᠴᠠ ᠳᠠᠪᠠᠵᠤ᠂ ᠬᠤᠨᠢᠨ ᠤ ᠬᠠᠩᠰᠢ ᠬᠡᠯᠡᠬᠦ ᠠᠴᠠ ᠴᠠᠭᠠᠰᠢ ᠤᠨᠠᠵᠤ᠂ ᠠᠷᠠᠰᠣ ᠨᠤᠤᠰᠣ ᠠᠪᠬᠤ ᠬᠦᠮᠤᠨ ᠦᠭᠡᠢ | ᠪᠤᠯᠤᠭᠰᠠᠨ ᠠᠷᠭᠠᠴᠠᠭᠠ ᠦᠭᠡᠢ ᠪᠠᠶᠢᠳᠠᠯ ᠳᠤ ᠬᠤᠪᠢᠷᠠᠯᠳᠠ ᠭᠠᠷᠭᠠᠬᠤ ᠪᠠᠷ ᠰᠣᠶᠤᠯ ᠤᠨ ᠲᠦᠪᠰᠢᠨ᠂ ᠰᠣᠷᠤᠭᠰᠠᠨ ᠮᠡᠳᠡᠯᠭᠡ ᠪᠠᠨ ᠵᠠᠷᠤᠬᠤ ᠪᠠᠷ ᠶᠠᠭᠠᠷᠠᠨᠠ᠃ | ᠰᠢᠨᠠ ᠦᠷᠯᠦᠬᠡ ᠡᠬᠢᠯᠡᠵᠦ᠂ ᠵᠠᠯᠠᠭᠤ ᠬᠠᠯᠠᠭᠤᠨ ᠨᠠᠰᠣᠨ ᠤ ᠰᠡᠳᠬᠢᠯ ᠤᠨ ᠢᠯᠴᠢᠨ ᠳᠤ ᠤᠶᠠᠰᠣᠨ ᠬᠠᠶᠢᠯᠪᠠ ᠤᠤ ᠭᠡᠮᠡᠷ ᠲᠤᠮᠤᠬᠠᠨ ᠭᠡᠬᠡᠬᠡᠪᠴᠢ ᠶᠢᠨ | ᠵᠤᠵᠠᠭᠠᠨ ᠴᠠᠩ ᠴᠤ ᠮᠡᠯᠳᠡᠯᠵᠡᠨ᠂ ᠭᠡᠷ ᠪᠤᠯᠤᠨ ᠬᠤᠨᠢᠨ ᠤ ᠰᠠᠷᠠᠪᠴᠢᠨ ᠤ ᠤᠷᠤᠢ ᠳᠤ ᠬᠤᠷᠠᠭᠰᠠᠨ ᠵᠤᠵᠠᠭᠠᠨ ᠴᠠᠰᠣ ᠴᠤ ᠲᠤᠤᠷᠠ ᠠᠴᠠ ᠪᠠᠨ ᠤᠶᠠᠰᠣᠭᠰᠠᠨ ᠨᠢ | ᠢᠯᠡᠷᠬᠡᠢ᠂ ᠴᠠᠶᠢᠯᠠᠰ ᠴᠠᠶᠢᠯᠠᠰ ᠬᠢᠨ ᠭᠤᠯᠭᠤᠨ ᠤᠨᠠᠵᠤ ᠡᠬᠢᠯᠡᠯᠡ᠃ ᠮᠤᠩᠭᠤᠯ ᠨᠤᠳᠤᠭ ᠤᠨ ᠬᠠᠯᠠᠭᠤᠨ ᠬᠦᠷᠤᠰᠤᠨ ᠳᠤ ᠮᠥᠩᠬᠡ ᠶᠢᠨ ᠠᠮᠢᠯᠠᠯ ᠲᠠᠢ ᠴᠡᠩᠬᠡᠷ | ᠢᠷᠭᠤᠢ ᠴᠤ ᠬᠠᠪᠤᠷ ᠤᠨ ᠤᠷᠢ ᠶᠢ ᠶᠠᠭᠠᠷᠠᠨ ᠬᠦᠯᠢᠶᠡᠭᠰᠡᠨ ᠲᠤᠯᠠᠭᠠᠨ ᠴᠠᠰᠤᠨ ᠤ ᠲᠤᠤᠷᠠ ︽ᠬᠦᠯ︾ ᠢᠶᠠᠨ ᠵᠢᠬᠢᠵᠤ ᠡᠬᠢᠯᠡᠭᠰᠡᠨ ᠪᠠᠶᠢᠯᠤᠭᠠ᠃ | ᠨᠤ · ᠮᠦᠩᠬᠡᠳᠤᠭᠳᠠᠬᠤ |