| ᠥᠬᠢᠨ ᠤ ᠮᠢᠨᠢ ᠰᠤᠷᠭᠠᠭᠤᠯᠢ ᠨᠢ ᠴᠤᠭᠯᠠᠬᠤ ᠪᠣᠯᠤᠭᠰᠠᠨ ᠲᠤᠯᠠ ᠲᠡᠭᠦᠨ ᠲᠠᠢ ᠬᠠᠮᠲᠤ ᠨᠣᠮ ᠤᠨ ᠳᠡᠯᠭᠡᠭᠦᠷ ᠢᠶᠠᠷ ᠶᠠᠪᠤᠵᠤ ᠪᠣᠯᠣᠳ ᠪᠢᠷ᠂ ᠬᠠᠷᠠᠨᠳᠠ᠂ | ᠱᠤᠭᠤᠮ ᠁ ᠵᠡᠷᠭᠡ ᠪᠢᠴᠢᠭ ᠤᠨ ᠬᠡᠷᠡᠭᠰᠡᠯ ᠤᠳ ᠢ ᠦᠵᠡᠯᠡ᠃ ᠤᠳᠤ ᠶᠢᠨ ᠪᠢᠷ ᠪᠡᠬᠡᠰ ᠤᠤᠯ ᠤᠨ ᠬᠢ ᠶᠢ ᠪᠤᠳᠤᠪᠠᠯ ᠪᠦᠷ ᠰᠠᠶᠢᠬᠠᠨ ᠪᠣᠯᠴᠢᠬᠠᠵᠠᠢ᠃ | ᠳᠡᠯᠭᠡᠭᠦᠷ ᠤᠨ ᠰᠢᠯᠤᠨ ᠯᠠᠩᠭᠦᠢ ᠳᠤ ᠵᠡᠷᠭᠡᠯᠡᠭᠦᠯᠦᠨ ᠲᠠᠯᠪᠢᠭᠰᠠᠨ ᠥᠩᠭᠡ ᠥᠩᠭᠡ ᠶᠢᠨ ᠪᠣᠯᠣᠳ ᠪᠢᠷ ᠢ ᠬᠠᠷᠠᠭᠠᠳ ᠡᠷᠬᠡ ᠦᠭᠡᠢ ᠪᠠᠭᠠ ᠨᠠᠰᠤ ᠪᠠᠨ ᠰᠠᠨᠠᠪᠠ᠃ | ᠤᠳᠤ ᠠᠴᠠ ᠭᠤᠴᠢᠨ ᠵᠢᠯ ᠤᠨ ᠡᠮᠦᠨᠡ ᠠᠷᠪᠠᠲᠠᠢ ᠪᠢ ᠬᠤᠰᠢᠭᠤᠨ ᠤ ᠨᠢᠭᠡᠳᠦᠭᠡᠷ ᠪᠦᠷᠢᠨ ᠪᠠᠷᠠᠭᠠᠲᠤ ᠳᠡᠯᠭᠡᠭᠦᠷ ᠤᠨ ᠯᠠᠩᠭᠦᠢ ᠪᠠᠷ ᠮᠥᠨ ᠢᠩᠭᠢᠵᠦ | ᠱᠣᠬᠤᠭᠤᠷᠬᠠᠨ ᠪᠠᠶᠢᠵᠤ ᠪᠢᠯᠡ᠃ ᠲᠡᠷᠡ ᠦᠶᠡ ᠳᠤ ᠪᠣᠯᠣᠳ ᠪᠢᠷ ᠢ ᠮᠥᠨ ᠳᠡᠯᠭᠡᠭᠦᠷ ᠤᠨ ᠯᠠᠩᠭᠦᠢ ᠳᠤ ᠵᠡᠷᠭᠡᠯᠡᠭᠦᠯᠦᠨ ᠲᠠᠯᠪᠢᠳᠠᠭ ᠴᠤ ᠤᠳᠤ ᠶᠢᠨ ᠰᠢᠭ᠋ ᠡᠶᠢᠮᠦ | ᠥᠩᠭᠡ ᠢᠯᠭᠠᠷᠠᠮᠠ ᠪᠢᠰᠢ᠂ ᠬᠠᠷᠠ᠂ ᠨᠣᠭᠤᠭᠠᠨ᠂ ᠴᠠᠭᠠᠨ ᠭᠤᠷᠪᠠᠭ᠋ᠠᠨ ᠥᠩᠭᠡ ᠶᠢᠨ ᠪᠣᠯᠣᠳ ᠪᠢᠷ ᠪᠠᠶᠢᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠶᠢᠨᠠ᠃ ᠪᠢ ᠭᠤᠷᠪᠠᠳᠤᠭᠠᠷ | ᠣᠨ ᠤ ᠰᠤᠷᠤᠬᠴᠢ ᠪᠣᠯᠤᠭᠰᠠᠨ ᠲᠤᠯᠠ ᠪᠠᠭᠰᠢ ᠪᠣᠯᠣᠳ ᠪᠢᠷ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ ᠭᠡᠰᠡᠨ᠃ ᠳᠡᠯᠭᠡᠭᠦᠷ ᠤᠨ ᠯᠠᠩᠭᠦᠢ ᠳᠣᠲᠣᠷᠠᠬᠢ ᠰᠤᠷᠤᠬᠴᠢ ᠶᠢᠨ ᠬᠡᠷᠡᠭᠯᠡᠳᠡᠭ | ᠪᠣᠯᠣᠳ ᠪᠢᠷ ᠤᠨ ᠣᠯᠠᠩᠬᠢ ᠨᠢ ᠨᠢᠭᠡ ᠲᠥᠭᠦᠷᠢᠭ ᠪᠤᠶᠤ ᠲᠥᠭᠦᠷᠢᠭ ᠲᠠᠪᠢ᠃ ᠪᠢ ᠨᠢᠭᠡ ᠲᠥᠭᠦᠷᠢᠭ ᠭᠠᠷᠭᠠᠵᠤ ᠭᠦᠨ ᠨᠣᠭᠤᠭᠠᠨ ᠥᠩᠭᠡᠲᠡᠢ ᠪᠣᠯᠣᠳ ᠪᠢᠷ ᠠᠴᠠ | ᠨᠢᠭᠡ ᠶᠢ ᠠᠪᠴᠤ᠂ ᠬᠥᠬᠡ ᠥᠩᠭᠡᠲᠡᠢ ᠪᠤᠳᠤᠭ ᠠᠴᠠ ᠨᠢᠭᠡ ᠯᠣᠩᠬᠤ ᠠᠪᠤᠪᠠ᠃ ᠮᠠᠨ ᠤ ᠠᠩᠭᠢ ᠶᠢᠨ ᠨᠥᠬᠦᠳ ᠤᠨ ᠣᠯᠠᠩᠬᠢ ᠨᠢ ᠮᠥᠨ ᠨᠠᠳᠠ ᠲᠠᠢ ᠠᠳᠠᠯᠢᠬᠠᠨ | ᠪᠣᠯᠣᠳ ᠪᠢᠷ ᠬᠡᠷᠡᠭᠯᠡᠵᠦ ᠡᠬᠢᠯᠡᠭᠰᠡᠨ ᠴᠤ ᠪᠣᠯᠣᠳ ᠪᠢᠷ ᠲᠠᠢ ᠯᠣᠩᠬᠤ ᠲᠠᠢ ᠪᠠᠷᠢᠯᠳᠤᠭᠠᠳ ᠪᠤᠳᠤᠭ ᠢᠶᠠᠨ ᠠᠰᠬᠠᠬᠤ᠂ ᠪᠣᠯᠣᠳ ᠪᠢᠷ ᠤᠨ ᠢᠶᠠᠨ ᠦᠵᠦᠭᠦᠷ ᠢ | ᠬᠤᠭᠤᠯᠬᠤ᠂ ᠪᠣᠯᠣᠳ ᠪᠢᠷ ᠢᠶᠠᠨ ᠭᠠᠵᠠᠷ ᠪᠣᠯᠭᠠᠨ ᠳᠤ︽ᠪᠠᠭᠠᠭᠠᠯᠭᠠᠬᠤ︾ ᠵᠡᠷᠭᠡ ᠪᠠᠷ ᠰᠢᠷᠤᠶᠢᠳᠠᠵᠠᠭᠠᠵᠤ ᠪᠠᠶᠢᠪᠠ᠃ | ᠣᠯᠳᠠᠭᠰᠠᠨ ᠪᠣᠯᠣᠳ ᠪᠢᠷ ᠮᠢᠨᠢ ᠬᠢᠮᠳᠠᠬᠠᠨ ᠡᠳ᠋ ᠪᠣᠯᠬᠤᠷ ᠪᠢᠴᠢᠵᠦ ᠪᠢᠴᠢᠵᠦ ᠪᠠᠶᠢᠲᠠᠯᠠ ᠪᠤᠳᠤᠭ ᠨᠢ ᠪᠠᠷᠠᠴᠢᠬᠠᠭᠠᠳ ᠲᠠᠰᠤᠷᠠᠴᠢᠬᠠᠵᠤ ᠲᠦᠪᠡᠭᠳᠡᠭᠦᠯᠦᠨᠡ᠃ | ᠠᠩᠬᠠ ᠳᠤᠮᠳᠠᠳᠤ ᠳᠤ ᠪᠠᠶᠢᠬᠤ ᠳᠤ ᠰᠢᠷᠡᠭᠡᠨ ᠤ ᠨᠠᠶᠢᠵᠠ ᠮᠢᠨᠢ ᠨᠠᠷᠢᠬᠠᠨ ᠴᠡᠪᠡᠷ ᠭᠠᠷᠳᠠᠭ ᠮᠥᠷᠲᠡᠭᠡᠨ ᠪᠤᠳᠤᠭ ᠨᠢ ᠬᠠᠳᠠᠵᠤ ᠲᠠᠰᠤᠷᠠᠳᠠᠭ ᠦᠭᠡᠢ ᠭᠤᠶᠤ ᠪᠣᠯᠣᠳ | ᠪᠢᠷ ᠲᠠᠢ ᠪᠠᠶᠢᠪᠠ᠃ ᠦᠨᠡ ᠶᠢ ᠨᠢ ᠰᠤᠷᠠᠪᠠᠯ ᠨᠠᠢᠮᠠᠨ ᠲᠥᠭᠦᠷᠢᠭ ᠭᠡᠵᠦ ᠪᠢᠯᠡ᠃ ᠪᠢ ᠴᠤ ᠲᠡᠶᠢᠮᠦ ᠪᠢᠷ ᠲᠠᠢ ᠪᠤᠯᠬᠤ ᠪᠠᠷ ᠲᠠᠰᠤ ᠰᠢᠢᠳᠴᠦ᠂ ᠦᠳᠡ ᠶᠢᠨ ᠬᠤᠭᠤᠯᠠ᠂ | ᠰᠤᠯᠠ ᠵᠠᠷᠤᠳᠠᠯ ᠮᠥᠩᠭᠦ ᠪᠠᠨ ᠠᠷᠪᠢᠯᠠᠭᠰᠠᠭᠠᠷ ᠪᠠᠶᠢᠭᠠᠳ ᠬᠤᠶᠠᠷ ᠰᠠᠷᠠ ᠶᠢᠨ ᠳᠠᠷᠠᠭᠠ ᠥᠨᠥᠬᠢ ᠪᠢᠷ ᠢ ᠠᠪᠤᠪᠠ᠃ ᠦᠨᠡᠬᠡᠷ ᠨᠠᠷᠢᠨ ᠭᠠᠷᠳᠠᠭ ᠮᠥᠷᠲᠡᠭᠡᠨ ᠪᠤᠳᠤᠭ | ᠨᠢ ᠲᠠᠰᠤᠷᠠᠳᠠᠭ ᠦᠭᠡᠢ - ᠭᠡᠪᠡᠴᠦ ᠪᠢᠴᠢᠭᠰᠡᠨ ᠦᠰᠦᠭ ᠨᠢ ᠪᠠᠰᠠ ᠲᠡᠳᠦᠢ ᠰᠠᠶᠢᠬᠠᠨ ᠬᠠᠷᠠᠭᠳᠠᠭᠰᠠᠨ ᠦᠭᠡᠢ᠃ ᠰᠠᠶᠢᠨ ᠪᠣᠯᠣᠳ ᠪᠢᠷ ᠴᠢᠬᠤᠯᠠ ᠭᠡᠬᠦᠯᠡᠷ ᠰᠠᠶᠢᠬᠠᠨ | ᠪᠢᠴᠢᠬᠦ ᠡᠷᠳᠡᠮ ᠨᠡᠩ ᠴᠢᠬᠤᠯᠠ ᠰᠠᠨᠵᠠᠢ᠃ | ᠤᠳᠤ ᠪᠤᠳᠤᠬᠤ ᠳᠤ ᠥᠨᠳᠥᠷ ᠳᠤᠮᠳᠠᠳᠤ ᠳᠤ ᠣᠷᠣᠭᠠᠳ ᠡᠨᠡ ᠨᠠᠰᠤᠨ ᠤ ᠪᠠᠨ ᠪᠣᠯᠣᠳ ᠪᠢᠷ ᠢᠶᠠᠷ ᠪᠢᠴᠢᠳᠡᠭ ᠦᠰᠦᠭ ᠤᠨ ᠢᠶᠠᠨ ᠬᠠᠭᠠᠰ ᠢ ᠨᠢ | ᠪᠢᠴᠢᠭᠰᠡᠨ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠃ ᠳᠤᠯᠤᠭᠠ ᠨᠠᠢᠮᠠᠨ ᠬᠢᠴᠢᠶᠡᠯ ᠲᠥᠷᠥᠯ ᠪᠦᠭᠦᠨ ᠤ ᠲᠡᠮᠳᠡᠭᠯᠡᠯ᠂ ᠳᠠᠰᠬᠠᠯ ᠬᠤᠶᠠᠷ ᠢ ᠪᠦᠷ ᠪᠣᠯᠣᠳ ᠪᠢᠷ ᠢᠶᠠᠷ ᠭᠦᠢᠴᠡᠳᠬᠡᠵᠦ | ᠪᠠᠶᠢᠭᠰᠠᠨ ᠪᠥᠭᠡᠳ ᠵᠠᠪ ᠴᠢᠯᠦᠭᠡ ᠪᠠᠷ ᠢᠶᠠᠨ ᠨᠠᠶᠢᠵᠠ ᠨᠥᠬᠦᠳ᠂ ᠠᠪᠤ ᠡᠵᠢ᠂ ᠦᠵᠦᠭ ᠤᠨ ᠨᠠᠶᠢᠵᠠ ᠨᠠᠷ ᠲᠠᠭᠠᠨ ᠵᠠᠬᠢᠳᠠᠯ ᠪᠢᠴᠢᠵᠦ ᠪᠠᠶᠢᠭᠰᠠᠨ᠃ ᠡᠳᠦᠷ ᠪᠣᠯᠭᠠᠨ | ᠪᠣᠯᠣᠳ ᠪᠢᠷ ᠠᠴᠠ ᠰᠠᠯᠵᠤ ᠪᠠᠶᠢᠭᠰᠠᠨ ᠦᠭᠡᠢ ᠭᠡᠪᠡᠯ ᠨᠢᠭᠡ ᠯᠡ ᠦᠭᠡ᠃ ᠭᠠᠷ ᠲᠠᠭᠠᠨ ᠳᠠᠭᠠᠷᠠᠬᠰᠠᠨ ᠪᠣᠯᠣᠳ ᠪᠢᠷ ᠣᠯᠣᠭᠠᠳ ᠴᠠᠭᠠᠰᠤᠨ ᠳᠡᠭᠡᠭᠦᠷ ᠳᠠᠪᠬᠢᠭᠤᠯᠬᠤ | ᠨᠢ ᠮᠥᠨ ᠨᠢᠭᠡ ᠶᠣᠰᠣᠨ ᠤ ᠵᠤᠭᠠᠲᠠᠢ ᠶᠠᠪᠤᠳᠠᠯ ᠶᠤᠮ᠃ ᠣᠶᠤᠲᠠᠨ ᠪᠣᠯᠣᠭᠠᠳ ᠬᠠᠷᠢᠨ ᠪᠣᠯᠣᠳ ᠪᠢᠷ ᠢᠶᠠᠷ ᠪᠢᠴᠢᠬᠦ ᠮᠢᠨᠢ ᠴᠥᠭᠡᠷᠡᠵᠡᠢ᠃ | ᠠᠵᠢᠯ ᠳᠤ ᠭᠠᠷᠤᠭᠠᠳ ᠪᠣᠯᠣᠳ ᠪᠢᠷ ᠬᠡᠷᠡᠭᠯᠡᠬᠦ ᠮᠢᠨᠢ ᠨᠡᠩ ᠴᠥᠭᠡᠷᠡᠪᠡ᠃ ᠤᠴᠢᠷ ᠨᠢ ᠠᠵᠢᠯ ᠤᠨ ᠢᠶᠠᠨ ᠣᠯᠠᠩᠬᠢ ᠶᠢ ᠨᠢ ᠺᠤᠮᠫᠢᠦ᠋ᠲ᠋ᠧᠷ ᠢᠶᠠᠷ ᠪᠡᠶᠡᠯᠡᠭᠦᠯᠳᠡᠭ᠃ | ᠭᠡᠪᠡᠴᠦ ᠪᠢ ᠥᠪᠡᠷ ᠢᠶᠠᠨ ᠪᠣᠯ ᠭᠦᠭᠡᠬᠤᠲᠠ ᠶᠢᠨ ᠰᠣᠶᠣᠯ ᠤᠨ ᠵᠠᠬᠠ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠡᠭᠦᠨ ᠡᠭᠦᠳᠡᠨ ᠤ ᠲᠡᠨᠳᠡ ᠪᠠᠶᠢᠳᠠᠭ | ᠪᠣᠯᠣᠳ ᠪᠢᠷ ᠬᠤᠳᠠᠯᠳᠤᠳᠠᠭ ᠳᠡᠯᠭᠡᠭᠦᠷ ᠢᠶᠠᠷ ᠪᠠᠶᠢᠩᠭᠤ ᠶᠠᠪᠤᠳᠠᠭ᠃ ᠣᠴᠢᠬᠤ ᠪᠣᠯᠭᠠᠨ ᠲᠡᠨᠳᠡᠬᠢ ᠬᠥᠮᠥᠰ ᠲᠠᠢ ᠪᠣᠯᠣᠳ ᠪᠢᠷ ᠤᠨ ᠲᠤᠬᠠᠢ ᠶᠠᠷᠢᠵᠤ᠂ ᠪᠣᠯᠣᠳ ᠪᠢᠷ | ᠬᠤᠳᠠᠯᠳᠤᠨ ᠠᠪᠳᠠᠭ᠃ ᠠᠩᠬᠠ ᠡᠬᠢᠨ ᠳᠡᠭᠡᠨ︽ᠪᠠᠭᠠᠲᠤᠷ︾ᠲᠡᠮᠳᠡᠭᠲᠦ ᠪᠣᠯᠣᠳ ᠪᠢᠷ ᠰᠢᠨᠡ ᠪᠦᠲᠦᠭᠡᠭᠳᠡᠬᠦᠨ ᠭᠠᠷᠪᠠᠯ ᠪᠢᠴᠢᠵᠦ ᠦᠵᠡᠳᠡᠭ ᠪᠥᠭᠡᠳ | ᠲᠠᠭᠠᠯᠠᠭᠳᠠᠭᠰᠠᠨ ᠪᠢᠷ ᠢᠶᠠᠨ ᠳᠠᠷᠤᠶᠢᠬᠠᠨ ᠠᠪᠳᠠᠭ᠃ ᠠᠪᠤᠭᠰᠠᠭᠠᠷ ᠪᠠᠶᠢᠲᠠᠯᠠ ᠠᠷᠪᠠᠨ ᠬᠡᠳᠦᠨ ᠵᠢᠯ ᠤᠨ ᠲᠤᠷᠰᠢ ᠠᠷᠪᠠᠭᠠᠳ︽ᠪᠠᠭᠠᠲᠤᠷ︾ ᠲᠠᠢ ᠪᠣᠯᠵᠠᠢ᠃ ᠪᠢᠷ ᠲᠠᠢ | ᠪᠣᠯᠣᠯᠠ ᠭᠡᠳ ᠲᠡᠷᠡ ᠳᠣᠣᠷᠠ ᠨᠢ ᠠᠪᠴᠤ ᠬᠡᠷᠡᠭᠯᠡᠭᠡ ᠦᠭᠡᠢ᠂ ᠴᠡᠪᠡᠷᠯᠡᠵᠦ ᠠᠷᠴᠢᠭᠠᠳ ᠬᠤᠷᠭᠤᠨ ᠳᠠᠭᠠᠨ ᠬᠢᠵᠦ ᠬᠠᠳᠠᠭᠠᠯᠠᠳᠠᠭ᠃ ᠭᠠᠷᠠᠭ ᠤᠨ ᠠᠮᠠᠷᠠᠯᠲᠠ ᠪᠤᠶᠤ | ᠰᠡᠯᠡᠭᠦᠦ ᠴᠠᠭ ᠢᠶᠠᠷ ᠥᠨᠥᠬᠢ ᠪᠢᠷ ᠤᠳ ᠢᠶᠠᠨ ᠭᠠᠷᠭᠠᠵᠤ ᠦᠵᠡᠨᠡ᠂ ᠬᠠᠮᠢᠭᠠ ᠠᠴᠠ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠵᠡᠷᠭᠡ ᠪᠠᠨ ᠤᠷᠮᠠᠲᠠᠶᠢᠬᠠᠨ ᠡᠷᠭᠢᠴᠡᠭᠦᠯᠦᠨᠡ᠃ ᠬᠡᠳᠦᠨ | ᠪᠣᠯᠣᠳ ᠪᠢᠷ ᠲᠠᠢ ᠪᠣᠯᠣᠭᠠᠳ ᠥᠪᠡᠷ ᠢ ᠪᠠᠨ︽ᠪᠠᠶᠠᠨ︾ ᠪᠣᠯᠤᠭᠰᠠᠨ ᠢᠶᠠᠷ ᠪᠤᠳᠤᠳᠠᠭ ᠢᠶᠠᠨ ᠦᠵᠡᠬᠦᠯᠡ ᠪᠢ ᠮᠥᠨ ᠯᠡ ᠬᠥᠭᠡᠷᠦᠬᠦᠢ ᠪᠢᠴᠢᠭ ᠤᠨ ᠬᠥᠮᠥᠨ ᠠᠵᠤᠭᠤ᠃ | ᠰᠡᠭᠦᠯᠡᠷ ᠨᠢ ᠪᠠᠰᠠ ᠠᠮᠧᠷᠢᠺᠠ ᠬᠢᠴᠡᠲᠡᠢ᠂ ᠭᠧᠷᠮᠠᠨ ᠬᠢᠴᠡᠲᠡᠢ᠂ ᠶᠠᠫᠤᠨ ᠬᠢᠴᠡᠲᠡᠢ ᠬᠡᠳᠦᠨ ᠪᠢᠷ ᠢ ᠲᠣᠭᠤᠵᠤ ᠠᠪᠳᠠᠭ ᠪᠣᠯᠪᠠ᠃ ᠭᠡᠬᠦ ᠳᠡᠭᠡᠨ ᠲᠡᠳᠡᠭᠡᠷ ᠪᠣᠯᠣᠳ ᠪᠢᠷ | ᠮᠢᠨᠢ ᠠᠯᠲᠠ ᠮᠥᠩᠭᠦ ᠪᠠᠷ ᠬᠢᠭᠰᠡᠨ᠂︽ᠪᠢᠷ︾ ᠭᠡᠬᠦ ᠨᠡᠷᠡ ᠠᠴᠠ ᠪᠠᠨ ᠳᠠᠪᠠᠭᠰᠠᠨ ᠶᠠᠭᠤᠮᠠ ᠪᠠᠶᠢᠬᠤ ᠦᠭᠡᠢ᠂ ᠪᠦᠷ ᠯᠡ ᠦᠰᠦᠭ ᠪᠢᠴᠢᠬᠦ ᠬᠡᠷᠡᠭᠰᠡᠯ᠃ ᠪᠢ ᠪᠢᠷ ᠢ | ᠰᠤᠪᠤᠳ ᠡᠷᠳᠡᠨᠢ ᠰᠢᠭᠢᠳᠬᠡᠨ ᠬᠢᠬᠦ ᠠᠳᠠᠯ ᠳᠤ ᠶᠠᠭ ᠳᠤᠷᠠ ᠦᠭᠡᠢ᠂ ᠪᠢᠷ ᠭᠡᠬᠦ ᠨᠡᠷᠡ ᠵᠢᠭᠠᠭᠰᠠᠨ ᠵᠦᠢᠯ ᠥᠭᠡᠷᠡ ᠶᠠᠭᠤᠮᠠ ᠪᠣᠯᠴᠢᠬᠠᠬᠤ ᠪᠠᠷ ᠤᠳᠬᠠ | ᠤᠷᠠᠯᠢᠭ ᠠᠴᠠ ᠬᠤᠯᠠᠳᠠᠭᠠᠳ ᠠᠯᠲᠠ ᠮᠥᠩᠭᠦ ᠪᠣᠯᠴᠢᠬᠠᠭᠰᠠᠨ ᠮᠡᠲᠦ᠃ | ᠪᠢ ᠪᠠᠰᠠ ᠬᠡᠳᠦᠨ ᠨᠠᠶᠢᠵᠠ ᠳᠠᠭᠠᠨ ᠪᠣᠯᠣᠳ ᠪᠢᠷ ᠪᠡᠯᠡᠭᠯᠡᠵᠦ ᠪᠠᠶᠢᠭᠰᠠᠨ᠃ ᠭᠡᠬᠦ ᠳᠡᠭᠡᠨ ᠶᠠᠮᠠᠷ ᠴᠤ ︽ᠡᠷᠳᠡᠨᠢ︾ ᠪᠤᠯᠭᠠᠵᠤ ᠥᠭᠭᠦᠭᠰᠡᠨ ᠦᠭᠡᠢ᠂ ᠭᠠᠷ ᠤᠨ | ᠠᠶᠠ ᠪᠠᠷ ᠢᠶᠠᠨ ᠪᠢᠴᠢᠳᠡᠭ ᠶᠠᠭᠤᠮᠠ ᠪᠠᠨ ᠪᠢᠴᠢᠬᠦ ᠶᠢᠨ ᠡᠷᠬᠡ ᠴᠢᠯᠦᠭᠡ ᠶᠢ ᠡᠳ᠋ᠯᠡᠭᠦᠯᠭᠦ ᠭᠡᠳ ᠳᠡᠭᠡᠭᠰᠡᠨ ᠶᠤᠮ᠃ ᠲᠦᠷᠦᠭᠦᠦ ᠬᠡᠳᠦᠨ ᠡᠳᠦᠷ ᠨᠢᠭᠡ ᠨᠠᠶᠢᠵᠠ | ᠲᠠᠢ ᠪᠠᠨ ᠪᠣᠯᠣᠳ ᠪᠢᠷ ᠤᠨ ᠲᠤᠬᠠᠢ ᠵᠣᠭᠤᠭᠳᠠᠬᠤ ᠳᠤ ᠲᠡᠷᠡ ᠬᠤᠷᠢᠭᠠᠳ ᠵᠢᠯ ᠤᠨ ᠲᠤᠷᠰᠢ ᠭᠠᠭᠴᠠᠬᠠᠨ ᠪᠣᠯᠣᠳ ᠪᠢᠷ ᠢ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ᠂ ᠭᠠᠷ ᠲᠠᠢ ᠮᠢᠨᠢ | ᠭᠠᠷ ᠪᠣᠯᠴᠢᠬᠠᠭᠰᠠᠨ ᠭᠡᠵᠦ ᠪᠢᠯᠡ᠃ ᠪᠣᠯᠣᠳ ᠪᠢᠷ ᠢ ᠬᠡᠷᠡᠭᠯᠡᠬᠦ ᠲᠤᠰᠤᠮ ᠢᠶᠠᠨ ᠭᠠᠷ ᠤᠨ ᠠᠶᠠ ᠪᠠᠷ ᠪᠣᠯᠵᠤ ᠢᠷᠡᠳᠡᠭ ᠭᠡᠵᠦ ᠬᠡᠨ ᠨᠢᠭᠡᠨ ᠤ ᠰᠡᠴᠡᠯᠡᠭᠰᠡᠨ ᠨᠢ ᠶᠠᠭ | ᠵᠥᠪ ᠠᠵᠢ᠃ ᠭᠡᠪᠡᠴᠦ ᠡᠶᠢᠮᠦ ᠪᠣᠯ ᠡᠨᠡ ᠨᠠᠰᠤᠨ ᠳᠠᠭᠠᠨ ᠬᠡᠳᠦᠬᠡᠨ ᠪᠣᠯᠣᠳ ᠪᠢᠷ ᠡᠳ᠋ᠯᠡᠵᠦ ᠠᠮᠵᠢᠨᠠ ᠳ᠋ᠠ ᠭᠡᠵᠦ ᠪᠤᠳᠤᠭᠠᠳ ᠡᠨᠡ ᠶᠠᠪᠤᠭᠠ ᠨᠠᠰᠤ ᠪᠠᠨ ᠴᠢᠮᠠᠯᠠᠮᠠᠷ | ᠪᠣᠯᠵᠤ ᠪᠢᠯᠡ᠃ |