| ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠮᠠᠯᠵᠢᠵᠤ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠳᠡᠭᠡᠳᠦᠯᠡᠵᠦ ᠢᠷᠡᠭᠰᠡᠨ ᠮᠠᠯᠴᠢᠨ ᠠᠷᠠᠳ ᠤᠨ ᠮᠠᠨᠢ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠣᠶᠣᠯ | ᠢᠷᠭᠡᠨᠰᠢᠯ ᠳᠤ ︽ᠴᠡᠭᠡᠷ︾ ᠬᠡᠮᠡᠬᠦ ᠨᠢᠭᠡᠨ ᠬᠠᠲᠠᠭᠤᠬᠠᠨ ᠶᠣᠰᠣ ᠪᠠᠶᠢᠳᠠᠭ ᠶᠤᠮᠰᠠᠨ᠃ | ᠭᠡᠲᠡᠯᠡ ᠨᠡᠶᠢᠭᠡᠮ ᠠᠵᠤ ᠠᠬᠤᠢ ᠶᠢᠨ ᠬᠥᠭᠵᠢᠯᠲᠡ᠂ ᠴᠠᠭ ᠦᠶᠡ ᠶᠢᠨ ᠭᠦ᠋ᠴᠤᠲᠣ ᠤᠷᠤᠰᠬᠠᠯ ᠢ ᠳᠠᠭᠠᠯᠳᠤᠨ᠂ ᠥᠨᠥ ᠪᠤᠯᠬᠤ ᠳᠤ ᠤᠯᠠᠮᠵᠢᠯᠠᠯᠲᠤ | ᠠᠮᠢᠳᠤᠷᠠᠯ ᠲᠠᠢ ᠪᠠᠨ ᠤᠰᠤ ᠴᠠᠰᠤ ᠰᠢᠭ᠋ ᠠᠭᠤᠰᠤᠯᠴᠠᠵᠤ ᠪᠠᠶᠢᠳᠠᠭ ᠴᠡᠭᠡᠷ ᠶᠣᠰᠣᠨ ᠤ ᠲᠤᠬᠠᠢ ᠵᠠᠷᠢᠮ ᠨᠢᠭᠡ ᠤᠴᠢᠷ ᠤᠳᠬᠠ ᠨᠢ ᠪᠠᠷᠤᠭ ᠪᠦᠷ ᠣᠷᠣ ᠮᠥᠷ | ᠦᠭᠡᠢ ᠪᠤᠯᠲᠠᠯᠠ ᠪᠠᠨ ᠠᠷᠢᠯᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠃ | ︽ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠣᠯᠵᠤ᠂ ᠰᠢᠨᠡ ᠶᠠᠭᠤᠮᠠ ᠵᠤᠯᠠ ᠪᠤᠯᠲᠠᠭ︾ ᠤᠨ ᠵᠢᠮᠡ ᠪᠠᠷ ᠴᠤ ᠭᠡᠬᠦ ᠤᠤ ᠳ᠋ᠠ᠂ ᠪᠢᠲᠡᠨ ᠤ ᠤᠯᠠᠮᠵᠢᠯᠠᠯᠲᠤ ᠠᠮᠢᠳᠤᠷᠠᠯ ᠤᠨ | ᠶᠣᠰᠣ ᠵᠠᠩᠰᠢᠯ ᠳᠤ ᠰᠢᠨᠡ ᠡᠷᠭᠢᠯᠲᠡ ᠭᠠᠷᠴᠤ ᠯᠡ ᠪᠠᠶᠢᠨᠠ᠃ ᠡᠨᠡ ᠴᠤ ᠠᠷᠭᠠ ᠦᠭᠡᠢ ᠯᠠ ᠵᠢᠮᠡ ᠶᠣᠰᠣᠨᠠ ᠨᠡᠶᠢᠴᠡᠬᠦ ᠤᠴᠢᠷ ᠪᠤᠯᠬᠤ ᠶᠤᠮ᠃ | ᠠᠲᠡ ᠪᠢ ᠲᠡᠷᠡ ᠪᠦᠭᠦᠲᠠ ᠶᠢ ᠶᠠᠷᠢᠮᠠᠷ ᠦᠭᠡᠢ ᠪᠠᠶᠢᠨᠠ᠃ ᠬᠠᠷᠢᠨ ᠡᠪᠦᠯ ᠤᠨ ᠢᠳᠡᠰᠢᠨ ᠤ ᠦᠶᠡ ᠪᠠᠷ ᠰᠡᠳᠬᠢᠯ ᠳᠤ ᠠᠶᠠ ᠮᠠᠭᠤᠲᠠᠶᠢᠬᠠᠨ ᠰᠠᠨᠠᠭᠳᠠᠭᠰᠠᠨ | ᠮᠠᠯ ᠨᠢᠲᠤᠯᠬᠤ ᠲᠤᠬᠠᠢ ᠤᠴᠢᠷ ᠢᠶᠠᠷ ᠵᠢᠱᠢᠶᠡ ᠠᠪᠴᠤ᠂ ᠴᠡᠭᠡᠷ ᠶᠣᠰᠣᠨ ᠤ ᠲᠤᠬᠠᠢ ᠬᠡᠳᠦᠨ ᠦᠭᠡ ᠬᠡᠯᠡᠬᠦ ᠶᠢ ᠰᠠᠨᠠᠯᠠ᠃ | ᠪᠢᠳᠡᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠪᠠᠶᠢᠭᠠᠯᠢ ᠣᠷᠴᠢᠨ ᠲᠠᠢ ᠪᠠᠨ ᠵᠣᠬᠢᠴᠠᠵᠤ ᠠᠮᠢᠳᠤᠷᠠᠬᠤ ᠲᠠᠯᠠ ᠪᠠᠷ ᠮᠠᠰᠢ ᠶᠡᠭᠡ ᠤᠬᠠᠭᠠᠯᠢᠭ ᠤᠯᠤᠰ ᠪᠠᠶᠢᠭᠰᠠᠨ ᠢ ᠲᠡᠦᠬᠡ | ᠭᠡᠷᠡᠴᠢᠯᠡᠨᠡ᠃ ᠡᠨᠡ ᠨᠢ ᠮᠥᠨ ᠴᠤ ᠪᠢᠳᠡ ᠨᠠᠷ ᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠭᠠᠷᠰᠢᠭᠤᠯᠵᠤ ᠮᠠᠯᠵᠢᠵᠤ ᠢᠷᠡᠭᠰᠡᠨ ᠲᠡᠦᠬᠡ ᠰᠣᠶᠣᠯ ᠲᠠᠢ ᠠᠭᠠᠷ ᠨᠢᠭᠡᠲᠡᠢ | ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠪᠤᠲᠤᠬᠤᠯᠠ ᠠᠮᠢ ᠭᠤᠣᠯ ᠲᠠᠢ ᠶᠠᠭᠤᠮᠠ ᠶᠢ ᠠᠷᠠᠴᠢᠯᠠᠵᠤ ᠲᠡᠵᠢᠭᠡᠳᠡᠭ ᠪᠣᠯᠬᠤᠷ ᠬᠠᠶᠢᠷᠠ ᠰᠡᠳᠬᠢᠯ ᠤᠨ ᠢᠵᠢᠯᠢᠰᠢᠯ ᠬᠢᠭᠡᠳ ᠠᠮᠢ ᠨᠠᠰᠤ ᠶᠢ | ᠬᠦᠨᠳᠦᠳᠬᠡᠬᠦ ᠳᠡᠭᠡᠳᠦ ᠲᠦᠪᠰᠢᠨ ᠤ ᠦᠵᠡᠯ ᠤᠬᠠᠮᠰᠠᠷ ᠲᠠᠢ ᠠᠴᠠ ᠪᠣᠯᠤᠭᠰᠠᠨ ᠪᠠᠶᠢᠬᠤ ᠤᠴᠢᠷᠲᠠᠢ᠃ᠶᠠᠭ ᠡᠭᠦᠨ ᠠᠴᠠ ᠪᠣᠯᠤᠭᠰᠠᠨ ᠪᠠᠶᠢᠬᠠ︕ ᠮᠠᠨᠠᠶᠢᠬᠢᠨ ᠶᠡᠷᠦ ᠨᠢ | ᠡᠪᠦᠯ ᠤᠨ ᠢᠳᠡᠰᠢ ᠪᠠᠨ ᠲᠥᠬᠦᠭᠡᠷᠬᠦ ᠳᠤ ᠮᠠᠯ ᠢᠶᠠᠨ ᠬᠤᠷᠤᠭᠠ ᠬᠠᠰᠢᠶᠠᠨ ᠠᠴᠠ ᠪᠠᠨ ᠨᠢᠭᠡ ᠬᠤᠶᠠᠷ ᠢᠶᠠᠷ ᠠᠪᠴᠢᠷᠠᠨ᠂ ᠲᠠᠶᠢᠪᠤᠩ ᠠᠮᠤᠭᠤᠯᠠᠩ ᠢᠶᠠᠷ ᠲᠡᠭᠷᠢ | ᠬᠠᠷᠠᠭᠤᠯᠬᠤ ᠡᠭᠦᠳᠡᠨ ᠠᠴᠠ ᠬᠤᠨᠢ ᠢᠮᠠᠭᠠ ᠶᠢ ᠨᠢ ᠥᠷᠥᠴᠡᠯᠡᠵᠦ᠂ ᠦᠬᠡᠷ ᠢ ᠰᠢᠯᠢᠯᠡᠵᠤ ᠨᠢᠲᠤᠯᠤᠨ᠂ ᠲᠥᠬᠦᠭᠡᠷᠴᠦ ᠪᠤᠢ ᠮᠠᠯ ᠤᠨ ᠢᠶᠠᠨ ᠲᠣᠯᠣᠭᠠᠢ ᠶᠢ ᠭᠦᠷᠲᠡᠯᠡ | ᠬᠤᠶᠢᠰᠢ ᠬᠠᠨᠳᠤᠭᠤᠯᠬᠤ ᠶᠢ ᠬᠢᠴᠢᠶᠡᠳᠡᠭ ᠵᠠᠩᠰᠢᠯ ᠲᠠᠢ ᠪᠢᠯᠡ᠃ ᠬᠠᠷᠢᠨ ᠨᠢᠲᠤᠯᠬᠤ ᠮᠠᠯ ᠢ ᠢᠵᠢᠯᠢ ᠶᠢᠨ ᠬᠢᠨᠢ ᠬᠠᠵᠠᠭᠤ ᠳᠤ ᠴᠢᠰᠤ ᠨᠥᠵᠢ ᠶᠢ ᠨᠢ | ᠭᠤᠭᠤᠵᠢᠭᠤᠯᠤᠨ ᠠᠯᠠᠵᠤ ᠨᠢᠲᠤᠯᠬᠤ᠂ ᠨᠢᠲᠤᠯᠤᠭᠰᠠᠨ ᠮᠠᠯ ᠤᠨ ᠴᠢᠰᠤ ᠨᠦᠵᠢᠨ ᠳᠡᠭᠡᠷᠡ ᠭᠢᠰᠬᠢᠬᠦ ᠶᠢ ᠶᠡᠬᠡᠳᠡ ᠴᠡᠭᠡᠷᠯᠡᠨ᠂ ᠮᠠᠯ ᠤᠨ ᠵᠠᠶᠠᠭᠠ ᠶᠢ ᠭᠤᠮᠣᠳᠠᠭᠠᠭᠰᠠᠨ | ᠪᠤᠯᠠᠢ ᠲᠠᠢ ᠨᠢᠭᠦᠯ ᠬᠡᠮᠡᠨ ᠦᠵᠡᠵᠦ᠂ ᠢᠯᠠᠩᠭᠤᠶᠠ ᠴᠢᠰᠤ ᠰᠡᠪᠡᠰᠦ ᠶᠢ ᠨᠢ ᠮᠠᠯ ᠬᠠᠷᠠ ᠶᠢᠨ ᠵᠠᠮ ᠮᠥᠷ ᠠᠴᠠ ᠵᠠᠶᠢᠳᠠᠭᠤ ᠭᠤᠤ ᠰᠤᠪᠠᠭ ᠪᠤᠶᠤ ᠬᠤᠩᠬᠤᠷ ᠰᠢᠭ᠋ | ᠭᠠᠵᠠᠷ ᠪᠤᠯᠠᠵᠤ ᠬᠠᠶᠠᠨ᠂ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠢᠯᠠ ᠬᠠᠶᠠᠭᠰᠠᠨ ᠠᠴᠠ ᠪᠣᠯᠵᠤ ᠦᠬᠡᠷ ᠪᠢᠷᠠᠭᠤ ᠢᠷᠡᠵᠤ ᠦᠨᠦᠷᠯᠡᠨ ᠮᠥᠭᠡᠷᠡᠯᠳᠦᠵᠦ ᠤᠯᠠᠩᠭᠠᠰᠬᠤ ᠠᠴᠠ | ᠰᠡᠷᠭᠡᠶᠢᠯᠡᠳᠡᠭ᠃ | ᠣᠳᠣ ᠪᠤᠯᠬᠤ ᠳᠤ ᠮᠠᠯ ᠨᠢᠲᠤᠯᠬᠤ ᠡᠳᠡᠭᠡᠷ ᠴᠡᠭᠡᠷ ᠶᠣᠰᠣ ᠬᠥᠳᠡᠭᠡ ᠣᠷᠣᠨ ᠨᠤᠲᠤᠭ ᠲᠤ ᠶᠡᠬᠡᠳᠡ ᠬᠦᠨᠳᠦᠳᠬᠡᠯ ᠲᠠᠢ ᠤᠯᠠᠮᠵᠢᠯᠠᠭᠳᠠᠨ ᠶᠠᠪᠤᠭᠳᠠᠵᠤ | ᠪᠠᠶᠢᠬᠤ ᠪᠤᠯᠪᠠᠴᠤ ᠬᠤᠳᠠ ᠪᠠᠯᠭᠠᠰᠤᠨ ᠤ ᠠᠯᠠᠰᠢᠨ ᠤ ᠭᠠᠵᠠᠷ ᠢᠶᠠᠷ ᠪᠣᠯ ᠬᠠᠷᠢᠨ ᠪᠦᠷᠢᠮᠦᠰᠦᠨ ᠠᠯᠳᠠᠭᠳᠠᠵᠤ᠂ ᠦᠨᠡᠬᠡᠷ ᠴᠤ ᠨᠢᠭᠡ ︽ᠨᠢᠳᠦ ᠤᠯᠠᠭᠠᠨ ᠮᠥᠩᠭᠦ | ᠴᠠᠭᠠᠨ︾ ᠭᠡᠲᠡᠭ ᠤᠨ ᠤᠴᠢᠷ ᠪᠣᠯᠵᠠᠢ᠃ | ᠲᠡᠭᠡᠭᠡᠵᠦ ᠠᠪᠴᠢᠷᠠᠭᠰᠠᠨ ᠦᠬᠡᠷ ᠢ ᠮᠠᠰᠢᠨ ᠲᠡᠷᠭᠡᠨ ᠤ ᠣᠩᠭᠤᠴᠠᠨ ᠳᠡᠭᠡᠷᠡ ᠠᠴᠠ ᠲᠣᠯᠣᠭᠠᠢ ᠶᠢ ᠨᠢ ᠤᠨᠵᠢᠢᠯᠭᠠᠨ ᠪᠠᠶᠢᠵᠤ ᠰᠢᠭᠤᠳ ᠰᠢᠯᠢᠯᠡᠭᠦ ᠳᠤ᠂ | ᠬᠠᠮᠲᠤ ᠲᠡᠭᠡᠭᠡᠪᠦᠷᠢᠯᠡᠵᠦ ᠠᠪᠴᠢᠷᠠᠭᠰᠠᠨ ᠨᠦᠭᠦᠭᠡ ᠭᠡᠲᠤ ᠨᠢ ᠣᠩᠭᠤᠴᠠᠨ ᠤ ᠡᠰᠡᠷᠭᠦ ᠲᠠᠯᠠ ᠶᠢᠨ ᠥᠨᠴᠥᠭ ᠲᠤ ᠨᠢᠳᠦ ᠪᠠᠨ ᠪᠦᠯᠲᠡᠭᠡᠨᠡᠭᠦᠯᠦᠨ ᠴᠡᠴᠡᠷᠬᠢᠯᠡᠨ | ᠵᠣᠭᠰᠣᠵᠤ᠂ ᠠᠮᠢ ᠲᠠᠯᠪᠢᠭᠳᠠᠵᠤ ᠪᠠᠶᠢᠭᠠ ᠨᠢᠭᠡᠨ ᠤ ᠪᠠᠨ ᠮᠥᠭᠡᠷᠡᠬᠦ ᠲᠠᠭᠤᠨ ᠢᠶᠠᠷ ᠪᠦᠷ ᠴᠤ ᠠᠶᠢᠳᠠᠰ ᠪᠠᠯᠠᠭᠳᠠᠯ ᠢᠶᠠᠷ ᠳᠦᠭᠦᠷᠳᠡᠭ ᠪᠠᠶᠢᠨᠠ᠃ ᠵᠠᠶᠠᠭᠠ ᠮᠠᠭᠤ ᠳᠠᠭᠠᠨ | ᠴᠤ ᠪᠣᠯᠤᠭ᠂ ︽ᠦᠭᠡ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠠᠴᠠ ᠪᠢᠰᠢ︾ ᠮᠠᠯ ᠳᠤ ᠪᠠᠰᠠ ᠠᠮᠢ ᠭᠤᠣᠯ ᠪᠠᠶᠢᠭᠠ ᠰᠢᠤ ᠳ᠋ᠠ⁈ | ᠶᠠᠷᠢᠶᠠᠨ ᠦᠭᠡᠢ ᠡᠨᠡ ᠪᠦᠭᠦᠨ ᠳᠤ ᠵᠠᠷᠢᠮ ᠭᠠᠵᠠᠷ ᠣᠷᠣᠨ ᠤ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ︽ᠠᠯᠠᠰᠢᠨ ᠤ ᠭᠠᠵᠠᠷ︾ ᠤᠨ ᠡᠮᠬᠢ ᠳᠢᠭᠯᠢᠮ᠂ ᠶᠣᠰᠣ ᠳᠦᠷᠢᠮ ᠢ | ᠨᠢᠭᠡᠳᠦᠯᠲᠡᠢ ᠰᠠᠶᠢᠬᠠᠨ ᠵᠣᠬᠢᠴᠠᠭᠤᠯᠤᠨ ᠰᠢᠢᠳᠪᠦᠷᠢᠯᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠤᠴᠢᠷ ᠪᠠᠶᠢᠵᠤ ᠮᠡᠳᠡᠨᠡ᠃ ᠪᠠᠰᠠ ᠮᠠᠨ ᠤ ᠮᠠᠯᠴᠢᠳ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠠᠵᠤ | ᠠᠬᠤᠢ ᠶᠢᠨ ᠵᠢᠮᠡ ᠶᠣᠰᠣ ᠪᠠᠷ ᠮᠠᠯ ᠢᠶᠠᠨ ᠦᠨᠡ ᠳᠤ ᠬᠦᠷᠭᠡᠵᠦ ᠬᠡᠳᠦᠨ ᠮᠥᠩᠭᠦ ᠢᠯᠡᠭᠦᠦ ᠣᠯᠬᠤ ᠭᠡᠳ ᠠᠷᠭᠠ ᠦᠭᠡᠢ ᠪᠠᠶᠢᠳᠠᠯ ᠤᠨ ᠳᠣᠣᠷᠠ ᠪᠠᠰᠠ ᠲᠡᠭᠡᠭᠡᠳ | ᠪᠡᠶᠡ ᠶᠢᠨ ᠠᠮᠠᠷ ᠢᠶᠠᠨ ᠪᠤᠲᠤᠵᠤ᠂ ᠠᠯᠢ ᠲᠦᠷᠭᠡᠨ ᠢᠶᠠᠷ ᠬᠤᠳᠠᠯᠳᠤᠵᠤ ᠭᠠᠷᠭᠠᠬᠤ ᠶᠢ ᠰᠠᠨᠠᠳᠠᠭ ᠤᠴᠢᠷ ᠴᠤ ᠪᠠᠶᠢᠵᠤ ᠮᠡᠳᠡᠨᠡ᠃ ᠭᠡᠪᠡᠴᠦ ᠮᠠᠯᠴᠢᠨ ᠤᠳᠤᠮ ᠲᠠᠢ | ᠪᠢᠳᠡ ︽ᠮᠠᠯ ᠤᠨ ᠵᠠᠶᠠᠭᠠ ᠭᠤᠮᠣᠳᠠᠨᠠ︾ ᠭᠡᠲᠡᠭ ᠬᠡᠴᠡᠭᠦᠦ ᠨᠢᠭᠡᠨ ᠴᠡᠭᠡᠷ ᠶᠣᠰᠣ ᠪᠠᠨ ᠮᠡᠲᠡᠵᠤ᠂ ᠵᠠᠰᠠᠭ ᠤᠨ ᠲᠠᠯᠠ ᠴᠤ ᠪᠣᠯᠤᠭ᠂ ᠮᠠᠨ ᠤ ᠮᠠᠯᠴᠢᠳ ᠴᠤ ᠪᠣᠯᠤᠭ | ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠢᠳᠡᠪᠬᠢᠲᠡᠢ ᠠᠷᠭᠠ ᠪᠣᠳᠣᠯᠭᠠ ᠰᠦᠪᠡᠭᠴᠢᠯᠡᠨ᠂ ᠡᠶᠢᠮᠦᠷᠬᠦᠦ ᠴᠡᠭᠡᠷ ᠶᠣᠰᠣ ᠶᠢ ᠲᠡᠷᠰᠯᠡᠭᠰᠡᠨ ᠠᠷᠭᠠ ᠭᠡᠯᠪᠡᠷᠢ ᠪᠠᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨᠴᠢ ᠪᠠᠷ ᠥᠭᠡᠷᠡᠴᠢᠯᠡᠪᠡᠯ ᠵᠣᠬᠢᠨᠠ᠃ | ᠣᠶᠢᠷᠠ ᠶᠢᠨ ᠵᠢᠯ ᠤᠳ ᠢᠶᠠᠷ ᠮᠠᠯ ᠡᠵᠡᠨ ᠢᠶᠠᠨ ᠮᠥᠷᠭᠦᠵᠦ ᠰᠢᠷᠬᠠᠲᠤᠭᠤᠯᠤᠨ᠂ ᠴᠢᠨᠠᠭᠰᠢᠯᠠᠪᠠᠯ ᠠᠮᠢ ᠨᠠᠰᠤ ᠶᠢ ᠨᠢ ᠬᠤᠷᠣᠭᠠᠭᠰᠠᠨ ᠤᠴᠢᠷ ᠴᠤ ᠬᠠᠶᠠ | ᠭᠠᠷᠴᠤ ᠪᠠᠶᠢᠭᠰᠠᠨ ᠶᠤᠮ᠃ ᠡᠶᠢᠮᠦᠷᠬᠦᠦ ᠬᠠᠷᠠᠰᠠᠯᠲᠤ ᠪᠠᠶᠢᠳᠠᠯ ᠳᠤ ᠪᠢᠳᠡ ᠵᠦᠪᠭᠡᠨ ︽ᠡᠨᠡ ᠮᠠᠭᠤᠰᠠᠶᠢᠨ ᠮᠠᠯ ᠤᠨ᠂ ᠠᠳᠠᠭ ᠨᠢ ᠬᠥᠭᠡᠷᠦᠬᠦᠢ ᠡᠵᠡᠨ ᠢᠶᠠᠨ ᠭᠦᠷᠲᠡᠯᠡ | ᠲᠠᠨᠢᠬᠤ ᠦᠭᠡᠢ᠂ ᠲᠡᠨᠡᠭ ᠮᠡᠨᠡᠭ ᠭᠡᠲᠡᠯᠡ ᠬᠤᠭᠤᠰᠤᠨ ᠢᠳᠡᠬᠦ ᠶᠢ ᠮᠡᠲᠡᠨᠡ ᠁︾ ᠭᠡᠳ ᠶᠠᠭᠤ ᠪᠣᠯᠭᠠᠨ ᠢ ᠮᠠᠯ ᠳᠡᠭᠡᠷᠡ ᠪᠠᠨ ᠲᠤᠬᠤᠵᠣ ᠬᠠᠷᠢᠶᠠᠯ ᠵᠦᠬᠡᠯ | ᠲᠠᠯᠪᠢᠨ ᠬᠠᠷᠠᠳᠠᠵᠤ ᠴᠣᠬᠢᠭᠠᠳ ᠪᠤᠯᠬᠤ ᠪᠢᠰᠢ᠂ ᠬᠠᠷᠢᠨ ᠵᠠᠷᠢᠮ ᠤᠴᠢᠷ ᠶᠠᠪᠤᠳᠠᠯ ᠢ ᠵᠠᠪᠠᠯ ᠡᠵᠡᠨ ᠤ ᠬᠢᠨᠢ ᠤᠶᠢᠯᠡ ᠬᠢᠳᠡᠯ ᠠᠴᠠ ᠨᠢ ᠴᠤ ᠪᠠᠰᠠ ᠪᠣᠳᠣᠯᠬᠢᠯᠠᠬᠤ | ᠴᠢᠬᠤᠯᠠᠲᠠᠢ᠃ | ᠠᠮᠢᠳᠤᠷᠠᠯ ᠳᠤ ᠶᠡᠷᠦ ᠨᠢ ᠴᠡᠭᠡᠷ ᠶᠣᠰᠣᠨ ᠬᠡᠷᠡᠭᠲᠡᠢ᠃ ᠤᠯᠠᠮᠵᠢᠯᠠᠯᠲᠤ ᠴᠡᠭᠡᠷ ᠶᠣᠰᠣᠨ ᠳᠤ ᠶᠠᠭᠤ ᠪᠠᠷ ᠴᠤ ᠰᠣᠯᠢᠰᠢ ᠦᠭᠡᠢ ᠡᠷᠬᠢᠮ ᠨᠠᠨᠳᠢᠨ ᠵᠦᠢᠯᠡᠰ | ᠪᠠᠶᠢᠳᠠᠭ᠃ ᠤᠯᠠᠮᠵᠢᠯᠠᠯᠲᠤ ᠨᠠᠨᠳᠢᠨ ᠵᠦᠢᠯᠡᠰ ᠢᠶᠠᠨ ᠲᠠᠶᠠᠭᠳᠠᠵᠤ᠂ ᠠᠰᠢᠭ ᠢ ᠯᠠ ᠬᠠᠷᠠᠵᠤ ᠮᠥᠩᠭᠦ ᠶᠢ ᠯᠠ ᠬᠥᠭᠡᠭᠡᠴᠡᠯᠳᠦᠬᠦ ᠶᠤᠮ ᠪᠣᠯ ᠪᠤᠶᠠᠨ ᠵᠠᠶᠠᠭᠠ ᠴᠢᠨᠢ | ᠬᠠᠵᠠᠶᠢᠬᠤ ᠨᠢ ᠵᠦᠪᠭᠡᠨ ᠴᠠᠭ ᠤᠨ ᠤᠴᠢᠷ ᠲᠡᠳᠦᠢ ᠪᠠᠶᠢᠵᠤ ᠮᠡᠳᠡᠨᠠ᠃ |