| ᠵᠤᠵᠠᠭᠠᠨ ᠴᠠᠰᠤ ᠬᠤᠴᠢᠭᠰᠠᠨ ᠥᠨᠳᠥᠷ ᠴᠠᠭᠠᠨ ᠮᠠᠩᠬᠠᠨ ᠳᠤ ᠨᠣᠮᠢᠨ ᠨᠠᠷᠠᠰᠤ ᠨᠤᠭᠤᠳ ᠰᠦᠭᠯᠡᠶᠢᠵᠦ᠂ ᠭᠤᠷᠪᠠ ᠶᠢᠰᠦ ᠶᠢᠨ ᠬᠦᠢᠲᠡᠨ ᠳᠤ ᠪᠤᠯᠠᠭ ᠤᠨ | ᠤᠰᠤ ᠨᠢ ᠣᠷᠭᠢᠯᠤᠨ ᠤᠨᠢᠶᠠᠷᠲᠤᠨ᠂ ᠠᠭᠤᠷ ᠰᠠᠪᠰᠠᠭᠤᠯᠤᠨ ᠤᠷᠤᠰᠤᠭᠰᠠᠨ ︽ᠨᠠᠷᠠᠰᠤᠨ ᠪᠤᠯᠠᠭ︾ ᠭᠡᠳᠡᠭ ᠭᠠᠵᠠᠷ ᠰᠢᠯᠤᠭᠤᠨ ᠬᠥᠬᠡ ᠶᠢᠨ ᠰᠢᠷᠭᠠᠯ ᠡᠯᠡᠰᠦᠨ ᠳᠠᠬᠢ | ᠰᠠᠩ ᠤᠨ ᠲᠠᠯᠠᠢ ᠨᠤᠲᠤᠭ ᠲᠤ ᠪᠠᠶᠢᠳᠠᠭ᠃ | ᠪᠠᠭ᠋ᠠᠷᠬᠠᠯᠳᠤ ᠦᠵᠡᠰᠭᠦᠯᠡᠩ ᠨᠤᠲᠤᠭ ᠨᠠᠷᠠᠰᠤᠨ ᠪᠤᠯᠠᠭ ᠤᠨ ᠢᠶᠠᠨ ᠮᠥᠩᠬᠡ ᠤᠡᠳᠤᠷᠤᠯ ᠢᠶᠠᠷ ᠪᠡᠯᠭᠡᠳᠡᠭᠰᠡᠨ ︽ᠨᠠᠷᠠᠰᠤᠨ ᠪᠤᠯᠠᠭ ᠰᠣᠶᠣᠯ ᠤᠨ ᠨᠠᠭᠠᠳᠤᠮ︾ | ᠵᠢᠯ ᠤᠨ ᠥᠩᠭᠡ᠂ ᠠᠮᠢᠳᠤᠷᠠᠯ ᠤᠨ ᠵᠢᠷᠭᠠᠯ ᠢᠶᠠᠨ ᠪᠡᠯᠭᠡᠳᠡᠭᠡᠳ ᠵᠢᠯ ᠪᠦᠷᠢ ᠶᠠᠪᠤᠭᠳᠠᠭᠰᠠᠭᠠᠷ ᠯᠡ᠃ | ᠰᠤᠮᠤᠨ ᠤ ᠨᠠᠭᠠᠳᠤᠮ ᠰᠠᠶᠢᠬᠠᠨ᠂ ᠰᠣᠶᠣᠯ ᠤᠨ ᠨᠠᠭᠠᠳᠤᠮ ᠨᠢ ᠨᠡᠩ ᠰᠠᠶᠢᠬᠠᠨ ᠭᠤᠶᠤ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠶᠡᠷᠡᠭᠡᠳ ᠣᠨ ᠳᠤ ᠰᠢᠯᠤᠭᠤᠨ ᠬᠥᠬᠡ ᠬᠤᠰᠢᠭᠤᠨ ᠤ | ᠰᠠᠩ ᠤᠨ ᠲᠠᠯᠠᠢ ᠰᠤᠮᠤᠨ ᠤ ᠰᠣᠶᠣᠯ ᠤᠨ ᠥᠷᠲᠡᠭᠡᠨ ᠤ ᠬᠥᠲᠥᠯᠪᠦᠷᠢ ᠠᠵᠢᠯᠯᠠᠭᠠᠨ ᠤ ᠲᠣᠮᠣ ᠦᠷᠤᠭᠡ ᠶᠢᠨ ᠬᠠᠨᠠᠨ ᠳᠡᠭᠡᠷᠡ ᠥᠩᠭᠡ ᠶᠢᠨ ᠴᠠᠭᠠᠰᠤᠨ ᠳᠡᠭᠡᠷᠡ | ᠦᠰᠤᠨ ᠪᠢᠷ ᠢᠶᠠᠷ ︽ᠨᠠᠷᠠᠰᠤᠨ ᠪᠤᠯᠠᠭ ᠰᠣᠶᠣᠯ ᠨᠠᠭᠠᠳᠤᠮ︾ ᠭᠡᠵᠦ ᠳᠤᠷᠠᠶᠢᠲᠠᠯᠠ ᠪᠢᠴᠢᠵᠦ᠂ ᠨᠠᠢᠮᠠᠨ ᠵᠦᠭ ᠤᠨ ᠨᠠᠭᠠᠳᠤᠮᠴᠢᠳ ᠳᠦᠭᠦᠷᠲᠡᠯᠡ ᠴᠤᠭᠯᠠᠷᠠᠭᠠᠳ᠂ ᠲᠡᠷᠡ | ᠤᠳᠠᠭᠠᠨ ᠤ ᠰᠣᠶᠣᠯ ᠤᠨ ᠨᠠᠶᠢᠷ ᠨᠢᠵᠢᠭᠢᠷ ᠶᠠᠪᠤᠭᠳᠠᠭᠰᠠᠨ᠃ ᠲᠡᠪᠡᠯ ᠭᠤᠳᠤᠯ ᠢᠶᠠᠷ ᠢᠶᠠᠨ ᠭᠤᠶᠤᠵᠤ᠂ ᠳᠡᠯᠭᠡᠷ ᠰᠣᠶᠣᠯ ᠢᠶᠠᠷ ᠢᠶᠠᠨ ᠭᠠᠩᠭᠠᠷᠠᠭᠰᠠᠨ ᠮᠠᠯᠴᠢᠨ | ᠲᠦᠮᠡᠨ ᠤ ᠥᠪ ᠰᠣᠶᠣᠯ ᠢᠶᠠᠨ ᠳᠡᠭᠡᠳᠦᠯᠡᠭᠰᠡᠨ ᠡᠨᠡ ᠰᠠᠶᠢᠬᠠᠨ ᠨᠠᠶᠢᠷ ᠭᠤᠴᠢ ᠭᠠᠷᠤᠢ ᠵᠢᠯ ᠢᠩᠭᠢᠵᠦ ᠠᠷᠠᠳ ᠢᠶᠠᠨ ᠪᠠᠶᠠᠰᠬᠠᠨ᠂ ᠨᠤᠲᠤᠭ ᠢᠶᠠᠨ ᠪᠠᠶᠠᠰᠬᠠᠨ | ᠦᠷᠭᠦᠯᠵᠢᠯᠡᠭᠰᠡᠭᠡᠷ᠃ | ᠥᠷᠯᠥᠭᠡ ᠶᠢᠨ 8 ᠴᠠᠭ ᠠᠴᠠ ᠡᠬᠢᠯᠡᠵᠦ᠂ ᠣᠷᠣᠢ ᠶᠢᠨ 5 ᠴᠠᠭ ᠭᠦᠷᠳᠡᠯᠡ ᠦᠷᠭᠦᠯᠵᠢᠯᠡᠭᠰᠡᠨ ᠡᠶᠢᠮᠦ ᠬᠥᠭᠵᠢᠶᠡᠨ ᠲᠠᠢ ᠨᠠᠶᠢᠷ ᠪᠢᠳᠡᠨ ᠤ ᠰᠡᠳᠬᠢᠯ ᠠᠴᠠ | ᠶᠠᠭᠠᠬᠢᠵᠤ ᠭᠠᠷᠬᠤ ᠪᠢᠯᠡ ᠳ᠋ᠧ᠃ ᠰᠠᠩ ᠤᠨ ᠲᠠᠯᠠᠢ ᠰᠤᠮᠤᠨ ᠤ ᠡᠨᠡ ᠤᠳᠠᠭᠠᠨ ᠤ ᠰᠣᠶᠣᠯ ᠤᠨ ᠨᠠᠶᠢᠷ ᠲᠤ ᠤᠯᠠᠨ ᠰᠤᠮᠤ ᠬᠤᠰᠢᠭᠤᠨ ᠤ ᠮᠠᠯᠴᠢᠨ ᠤᠷᠠᠯᠢᠭᠴᠢᠨ᠂ | ᠰᠢᠯᠦᠭᠴᠢᠨ ︽ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠡᠳᠦᠷ ᠤᠨ ᠰᠣᠨᠢᠨ︾ ᠤ ᠬᠤᠷᠢᠶᠠᠨ ᠤ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠳᠤ ᠲᠤᠰᠬᠠᠢ ᠬᠢᠯᠭᠡᠭᠰᠡᠨ᠂ ᠠᠳᠬᠤᠭᠰᠠᠨ ᠬᠤᠶᠠᠷ ᠭᠠᠷ ᠤᠨ | ᠵᠢᠷᠤᠭ ᠲᠠᠢ ︽ᠨᠠᠷᠠᠰᠤᠨ ᠪᠤᠯᠠᠭ ᠰᠣᠶᠣᠯ ᠤᠨ ᠨᠠᠭᠠᠳᠤᠮ︾ ᠭᠡᠰᠡᠨ ᠱᠠᠩᠨᠠᠯ ᠤᠨ ᠳᠡᠪᠲᠡᠷ᠂ ︽ᠮᠣᠩᠭᠤᠯ ᠪᠦᠭᠡ︾ ᠨᠣᠮ ᠪᠢᠴᠢᠭ᠂ ᠮᠣᠩᠭᠤᠯ ᠤᠷᠠᠨ ᠪᠢᠴᠢᠯᠭᠡ | ᠵᠡᠷᠭᠡ ᠪᠠᠷ ᠱᠠᠩᠨᠠᠭᠳᠠᠭᠰᠠᠨ ᠨᠢ ᠨᠡᠩ ᠤᠳᠬᠠ ᠠᠭᠤᠯᠭᠠ ᠲᠠᠢ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠬᠤᠰᠢᠭᠤ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠠᠬᠠᠮᠠᠳ ᠲᠣᠭᠯᠠᠭᠴᠢ᠂ ᠰᠣᠶᠣᠯ ᠤᠨ | ᠣᠷᠳᠣᠨ ᠤ ᠠᠯᠳᠠ᠂ ᠲᠠᠷᠢᠰᠤ᠂ ᠯᠠᠩ ᠫᠧᠩ ᠱᠠ᠂ ᠰᠠᠩ ᠤᠨ ᠲᠠᠯᠠᠢ ᠰᠤᠮᠤᠨ ᠤ ᠰᠣᠶᠣᠯ ᠤᠨ ᠥᠷᠲᠡᠭᠡᠨ ᠤ ᠲᠤᠰᠬᠠᠢ ᠠᠵᠢᠯᠲᠠᠨ ᠮᠥᠩᠬᠡᠨᠠᠰᠤᠨ᠂ ᠰᠢᠯᠤᠭᠤᠨ | ᠬᠥᠬᠡ ᠬᠤᠰᠢᠭᠤᠨ ᠤ ᠮᠠᠯᠴᠢᠨ ᠵᠠᠯᠠᠭᠤᠴᠤᠳ ᠤᠨ ᠰᠣᠶᠣᠯ ᠭᠡᠭᠡᠷᠡᠯ ᠬᠤᠯᠪᠣᠭᠠᠨ ᠤ ᠲᠤ᠋·ᠭᠠᠩᠧᠴᠠᠷ᠂ ᠪᠠ᠊᠆·ᠪᠠᠯᠵᠤᠤᠷ᠂ ᠵᠢ᠊·ᠮᠥᠩᠬᠡ᠂ ᠦ᠊·ᠪᠠᠳᠠᠷᠠᠬᠤ ᠵᠡᠷᠭᠡ | ᠰᠢᠯᠢᠳᠡᠭ ᠴᠢᠮᠡᠭᠡᠯᠡᠭᠴᠢᠳ ᠬᠢᠨᠠᠨ ᠰᠢᠯᠭᠠᠷᠠᠭᠤᠯᠬᠤ ᠠᠵᠢᠯ ᠳᠤ ᠪᠦᠲᠦᠨ ᠡᠳᠦᠷ ᠠᠮᠠᠷᠠᠯ ᠦᠭᠡᠢ ᠶᠠᠭᠠᠷᠠᠭᠰᠠᠨ ᠪᠤᠯᠪᠠᠴᠤ ᠰᠣᠶᠣᠯ ᠤᠨ ᠨᠠᠶᠢᠷ ᠰᠠᠶᠢᠬᠠᠨ ᠶᠠᠪᠤᠭᠳᠠᠵᠤ | ᠪᠠᠶᠢᠬᠤ ᠳᠤ ᠰᠡᠳᠬᠢᠯ ᠪᠠᠶᠠᠷ ᠲᠠᠢ ᠪᠠᠶᠢᠯᠠ᠃ ᠰᠣᠶᠣᠯ ᠤᠨ ᠨᠠᠭᠠᠳᠤᠮ ᠳᠤ ᠨᠠᠢᠮᠠᠨ ᠨᠠᠰᠤᠲᠠᠢ ᠵᠢᠭᠠᠯ ᠥᠬᠢᠨ ᠰᠢᠨᠡᠴᠡᠴᠡᠭ ᠠᠴᠠ ᠨᠠᠶᠠ ᠭᠠᠷᠤᠭᠰᠠᠨ ᠰᠠᠮᠫᠢᠯᠸᠠᠩᠵᠢᠯ | ᠨᠠᠰᠤᠲᠠᠶᠢᠴᠤᠳ ᠭᠦᠷᠳᠡᠯᠡ ᠥᠪᠡᠷ ᠥᠪᠡᠷ ᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠨ ᠭᠠᠶᠢᠬᠠᠭᠤᠯᠵᠤ᠂ ᠰᠣᠶᠣᠯ ᠤᠨ ᠭᠢᠯᠪᠠᠭᠠ ᠪᠠᠨ ᠰᠠᠴᠤᠷᠠᠭᠤᠯᠵᠤ ᠪᠠᠶᠢᠯᠠ᠃ ᠳᠠᠭᠤᠤ᠂ | ᠰᠢᠯᠦᠭ᠂ ᠬᠥᠭᠵᠢᠮ᠂ ᠤᠷᠠᠨ ᠤᠩᠰᠢᠯᠭᠠ᠂ ᠪᠥᠵᠢᠭ ᠵᠡᠷᠭᠡ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠤᠷᠤᠯᠳᠤᠭᠠᠨ ᠪᠣᠯᠵᠤ ᠨᠡᠶᠢᠳᠡ ᠵᠠᠭᠤ ᠭᠠᠷᠤᠢ ᠲᠤᠬᠯᠠᠯᠳᠠ ᠶᠢᠨ ᠠᠯᠢ ᠠᠯᠢ ᠨᠢ ᠴᠦ | ᠭᠤᠶᠤ ᠪᠠᠶᠢᠵᠤ ᠪᠢᠯᠡ᠃ | ︽ᠠᠪᠤ ᠶᠢᠨ ᠰᠡᠭᠦᠷᠡᠰᠦ︾ ᠭᠡᠳᠡᠭ ᠰᠢᠯᠦᠭ ᠲᠡᠭᠡᠨ ᠠᠯᠲᠠᠢ ᠪᠤᠯᠠᠭ ᠭᠠᠴᠠᠭᠠᠨ ᠤ ᠤᠷᠠᠩᠬᠤᠸᠠᠷ ᠬᠡᠦᠬᠡᠨ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠰᠢᠳᠦᠨ᠂ ᠡᠯᠡᠰᠦᠷᠬᠡᠭᠵᠢᠵᠦ | ᠲᠠᠴᠢᠷᠰᠢᠭᠰᠠᠨ ᠳᠤᠨᠢ ᠭᠤᠨᠢᠵᠤ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠡᠩᠬᠡ ᠰᠠᠶᠢᠬᠠᠨ ᠪᠠᠶᠢᠭᠠᠰᠠᠢ ᠭᠡᠵᠦ ᠬᠦᠰᠡᠭᠰᠡᠨ ᠰᠠᠨᠠᠭᠠ ᠪᠠᠨ ᠢᠯᠡᠳᠬᠡᠭᠰᠡᠨ ᠨᠢ ᠦᠷᠡ ᠬᠥᠮᠥᠨ ᠤ ᠨᠤᠲᠤᠭ | ᠲᠠᠭᠠᠨ ᠥᠭᠭᠦᠭᠰᠡᠨ ᠡᠷᠬᠢᠮ ᠨᠠᠨᠳᠢᠨ ᠬᠠᠶᠢᠷᠠ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠰᠢᠯᠦᠭ ᠤᠨ ᠰᠠᠨᠠᠭᠠ᠂ ᠰᠡᠳᠬᠢᠯ ᠦᠨᠡᠨ ᠢᠶᠠᠷ ᠢᠶᠠᠨ ᠤᠷᠠᠩᠬᠤᠸᠠᠷ ᠤᠰᠤ ᠨᠤᠲᠤᠭ ᠤᠨ ᠢᠶᠠᠨ | ᠬᠠᠶᠢᠷᠠ ᠬᠦᠨᠳᠦᠳᠬᠡᠯ ᠢ ᠭᠦᠷᠳᠡᠪᠡ᠃ ᠲᠡᠷᠡ ᠤᠳᠠᠭᠠ ᠬᠠᠳᠠᠨᠬᠤᠰᠢᠭᠤ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠠᠴᠠ ᠴᠢᠯᠦᠭᠡ ᠭᠤᠶᠤᠵᠤ ᠮᠠᠰᠢᠨ ᠳᠤ ᠰᠠᠭᠤᠵᠤ ᠰᠣᠶᠣᠯ ᠤᠨ | ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠬᠰᠡᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠬᠴᠢ ᠨᠠᠷᠠᠨᠲᠤᠶᠠᠭᠠ ᠤᠷᠠᠨ ᠲᠣᠳᠣ ᠤᠩᠰᠢᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠤ ᠬᠤᠶᠠᠳᠤᠭᠠᠷ ᠲᠡᠰ ᠲᠤ | ᠣᠷᠣᠵᠤ ᠪᠠᠶᠢᠭᠰᠠᠨ ᠪᠣᠯ ᠬᠤᠵᠢᠮ ᠨᠢ ᠥᠪᠥᠷ ᠮᠣᠩᠭᠤᠯ ᠤᠨ ᠤᠳᠤᠨ ᠲᠧᠯᠸᠢᠰ ᠤᠨ ᠨᠡᠷᠡᠳᠤ ᠬᠥᠲᠥᠯᠥᠭᠴᠢ᠂ ᠥᠪᠥᠷ ᠮᠣᠩᠭᠤᠯ ᠤᠨ ᠠᠷᠪᠠᠨ ᠰᠣᠳᠣᠨ | ᠬᠥᠲᠥᠯᠥᠭᠴᠢ ᠶᠢᠨ ᠨᠢᠭᠡᠨ ᠪᠣᠯᠤᠭᠰᠠᠨ ᠶᠤᠮ᠃ ᠰ᠊·ᠰᠠᠷᠠᠨᠰᠦ᠋ᠬᠡ᠂ ᠦᠷᠯᠤᠳ· ᠰᠡᠴᠡᠩᠭᠤᠸᠠ᠂ ᠰᠣᠶᠣᠯ ᠤᠨ ᠨᠠᠭᠠᠳᠤᠮ ᠠᠴᠠ ᠵᠣᠷᠢᠭᠵᠢᠭᠤᠯᠤᠯ ᠤᠨ ᠱᠠᠩ ᠲᠤᠰᠴᠤ | ᠶᠡᠭᠡ ᠪᠠᠷ ᠤᠷᠮᠠᠰᠢᠵᠤ ᠪᠠᠶᠢᠭᠰᠠᠨ ᠪᠣᠯ ᠬᠤᠵᠢᠮ ᠨᠢ ᠲᠡᠳᠡ ᠪᠠᠭᠰᠢ ᠶᠢᠨ ᠠᠯᠪᠠ ᠲᠠᠢ ᠪᠣᠯᠵᠤ᠂ ᠭᠡᠳᠤ ᠬᠡᠳᠦᠨ ᠨᠣᠮ ᠪᠦᠲᠦᠭᠡᠯ ᠲᠠᠢ ᠨᠡᠷᠡᠳᠤ ᠤᠷᠠᠨ | ᠪᠦᠲᠦᠭᠡᠯᠴᠢ ᠪᠣᠯᠤᠭᠰᠠᠨ᠃ ᠪ᠊ · ᠨᠠᠰᠤᠨᠪᠥ᠋ᠬᠡ᠂ ᠮᠥᠩᠬᠡᠨᠠᠰᠤᠨ᠂ ᠬ᠋᠊·ᠡᠷᠳᠡᠨᠢ᠂ ᠣ᠊·ᠤᠶᠠᠩᠭᠠ᠂ ᠪᠡ᠊᠆·ᠪᠠᠲᠤᠰᠦ᠋ᠬᠡ᠂ ᠡ᠊·ᠴᠢᠯᠠᠭᠤᠨ᠂ ᠸᠠᠩ᠊·ᠮᠥᠩᠬᠡᠪᠠᠶᠠᠷ ᠤᠯᠠᠨ ᠰᠠᠶᠢᠬᠠᠨ | ᠨᠣᠮ ᠬᠡᠪᠯᠡᠯ ᠲᠠᠢ ᠥᠷᠢᠰᠦᠯᠳᠦᠨ ᠪᠠᠶᠠᠰᠤᠯᠳᠤᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠢᠶᠠᠨ ᠭᠠᠷᠭᠠᠭᠰᠠᠨ ᠪᠠ ᠨᠢ᠊ ·ᠴᠢᠯᠠᠭᠤᠨᠪᠠᠭᠠᠲᠤᠷ᠂ ᠲᠡᠮᠡᠴᠡᠯᠳᠦ᠂ ᠳᠡᠯᠡᠬᠡᠢ᠂ ᠰᠡᠴᠡᠨᠰᠣᠳᠣ᠂ | ᠤᠷᠲᠤᠮᠥ᠋ᠷᠡᠨ ᠵᠡᠷᠭᠡ ᠮᠠᠯᠴᠢᠨ ᠤᠷᠠᠯᠢᠭᠴᠢᠳ ᠰᠢᠨᠡ ᠳᠠᠭᠤᠤ ᠶᠢᠨ ᠪᠦᠲᠦᠭᠡᠯ ᠪᠠ ᠴᠣᠮᠤᠭ ᠭᠡᠳᠤ ᠭᠡᠳᠤ ᠶᠢ ᠭᠠᠷᠭᠠᠴᠢᠬᠠᠵᠤ᠂ ᠰᠠᠩ ᠤᠨ ᠲᠠᠯᠠᠢ ᠪᠠᠨ ᠰᠢᠯᠦᠭ | ᠳᠠᠭᠤᠤ ᠶᠢᠨ ᠪᠠᠶᠠᠨ ᠲᠠᠯᠠᠢ ᠪᠤᠯᠭᠠᠬᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠪᠣᠯ ︽ᠨᠠᠷᠠᠰᠤᠨ ᠪᠤᠯᠠᠭ︾ ᠰᠣᠶᠣᠯ ᠤᠨ ᠨᠠᠭᠠᠳᠤᠮ ᠤᠨ ᠨᠥᠯᠥᠭᠡ ᠭᠦᠨᠵᠡᠭᠡᠢ ᠠᠴᠢ ᠬᠤᠯᠪᠣᠭᠳᠠᠯ ᠶᠤᠮ᠃ | ᠨᠡᠶᠢᠭᠡᠮ ᠨᠡᠶᠢᠳᠡ ᠪᠠᠷ ᠢᠶᠠᠨ ᠰᠣᠶᠣᠯ ᠢᠶᠠᠨ ᠨᠠᠨᠳᠢᠩᠨᠠᠨ ᠭᠦᠡᠳᠤᠳᠭᠡᠵᠤ᠂ ᠳᠤᠤᠭᠠᠷᠪᠠᠯ ᠲᠠᠭᠤ ᠨᠢᠭᠡᠲᠡᠢ᠂ ᠳᠤᠭᠲᠤᠷᠪᠠᠯ ᠬᠦᠴᠦ ᠨᠢᠭᠡᠲᠡᠢ ᠶᠠᠪᠤᠭᠰᠠᠨ ᠤ ᠰᠠᠶᠢᠬᠠᠨ | ᠳᠤᠷᠠᠳᠬᠠᠯ ᠶᠤᠮ ᠠ᠋᠃ ᠭᠦᠭᠡᠭᠡ ᠡᠪᠦᠯ ᠢᠶᠠᠷ ᠴᠠᠩ ᠲᠠᠲᠠᠭᠤᠯᠤᠨ ᠤᠷᠤᠰᠳᠠᠭ᠂ ᠠᠯᠳᠠᠨ ᠡᠯᠡᠰᠦᠨ ᠳᠡᠭᠡᠨ ᠨᠣᠮᠢᠨ ᠨᠠᠷᠠᠰᠤᠨ ᠤ ᠴᠡᠯᠭᠡᠷᠡᠭᠡ ᠲᠠᠢ᠂ ᠨᠠᠷᠠᠰᠤᠨ | ᠪᠤᠯᠠᠭ ᠢᠶᠠᠷ ᠢᠶᠠᠨ ᠨᠠᠷᠠᠯᠠᠨ ᠰᠤᠮᠤᠨ ᠤ ᠰᠣᠶᠣᠯ ᠤᠨ ᠨᠠᠭᠠᠳᠤᠮ ᠢᠶᠠᠨ ᠨᠦᠰᠡᠷ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠰᠠᠩ ᠤᠨ ᠲᠠᠯᠠᠢ ᠰᠤᠮᠤᠨ ᠤ ᠳᠠᠶᠠᠭᠠᠷ ᠠᠷᠠᠳ ᠤᠨ | ᠰᠠᠶᠢᠬᠠᠨ ᠰᠠᠨᠠᠭᠠ᠂ ᠨᠤᠲᠤᠭ ᠪᠦᠲᠦᠨ ᠪᠣᠯ ᠠᠮᠢᠳᠤᠷᠠᠯ ᠪᠦᠲᠦᠨ᠂ ᠰᠣᠶᠣᠯ ᠬᠥᠭᠵᠢᠭᠦᠨ ᠪᠣᠯ ᠦᠢᠯᠡᠰ ᠰᠠᠷᠠᠭᠤᠯᠬᠠᠨ ᠭᠡᠳᠡᠭ ᠰᠠᠶᠢᠬᠠᠨ ᠲᠡᠮᠡᠦᠯᠦᠯ ᠪᠠᠶᠢᠭᠰᠠᠨ | ᠪᠠᠶᠢᠵᠠᠢ᠃ | ᠶᠠᠭᠤᠮᠠ ᠬᠤᠪᠣᠷ᠂ ᠠᠮᠢᠳᠤᠷᠠᠯ ᠴᠢᠨᠡᠭᠡᠯᠢᠭᠵᠢᠭᠡ ᠦᠭᠡᠢ ᠲᠡᠷᠡ ᠦᠶᠡ ᠳᠤ ︽ᠨᠠᠷᠠᠰᠤᠨ ᠪᠤᠯᠠᠭ ᠰᠣᠶᠣᠯ ᠤᠨ ᠨᠠᠶᠢᠷ︾ ᠳᠠᠩᠴᠢ ᠰᠠᠶᠢᠬᠠᠨ ᠪᠠᠶᠢᠵᠠᠢ᠃ | ᠮᠠᠩᠬᠠᠨ ᠤ ᠳᠡᠭᠡᠷᠡ ᠡᠩᠭᠡᠷ ᠠᠴᠠ ᠡᠬᠢ ᠠᠪᠴᠤ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠮᠡᠯᠮᠡᠷᠡᠨ ᠣᠨᠳᠣᠷᠴᠤ ᠠᠭᠤᠳᠠᠮ ᠲᠠᠯᠠ ᠪᠠᠷ ᠠᠯᠤᠰ ᠢ ᠵᠣᠷᠢᠨ ᠤᠷᠤᠰᠤᠭᠰᠠᠨ ᠨᠠᠷᠠᠰᠤᠨ | ᠪᠤᠯᠠᠭ ᠢᠶᠠᠨ ᠰᠢᠭ᠋ ︽ᠨᠠᠷᠠᠰᠤᠨ ᠪᠤᠯᠠᠭ ᠰᠣᠶᠣᠯ ᠤᠨ ᠨᠠᠭᠠᠳᠤᠮ︾ ᠰᠣᠶᠣᠯ ᠤᠨ ᠴᠡᠴᠡᠭ ᠤᠨ ᠳᠤᠮᠳᠠ ᠤᠮᠳᠠ ᠪᠣᠯᠵᠤ ᠬᠤᠴᠣᠷᠤᠭᠰᠠᠨ ᠪᠠᠶᠢᠯᠠ᠃ |