| ᠵᠢᠷᠠ ᠬᠦᠷᠬᠦ ᠳᠤ ᠶᠠᠭᠠᠬᠢᠬᠤᠪ᠂ ᠵᠦᠪᠭᠡᠨ ᠵᠢᠷᠠ ᠭᠦᠷᠦᠭᠰᠡᠨ ᠲᠡᠳᠦᠢ᠃ | ᠵᠠᠵᠢᠨ ᠦᠰᠦ ᠴᠠᠶᠢᠯᠠ᠂ ᠴᠠᠭᠠᠨ ᠪᠤᠭᠤᠷᠤᠯ ᠪᠣᠯᠣᠯᠠ᠃ ᠴᠠᠭᠠᠨ ᠪᠤᠭᠤᠷᠤᠯ ᠢ ᠨᠢ ᠴᠠᠭᠠᠨ ᠪᠤᠭᠤᠷᠤᠯ ᠢᠶᠠᠷ ᠭᠤᠶᠣᠯᠠᠵᠤ ᠰᠤᠯᠠ ᠲᠠᠯᠪᠢᠨ ᠰᠠᠭᠰᠠᠯᠵᠠᠭᠤᠯᠬᠤ᠂ | ᠴᠢᠪ ᠬᠢᠲᠡᠯᠡ ᠬᠡᠷᠪᠢᠭᠡᠳ ᠠᠬᠠᠷ ᠭᠡᠵᠢᠭᠡ ᠲᠠᠯᠪᠢᠬᠤ᠂ ᠮᠥᠩᠭᠦᠨ ᠬᠠᠳᠬᠤᠭᠤᠷ ᠢᠶᠠᠷ ᠨᠠᠮᠪᠠᠯᠢᠬᠬᠠᠨ ᠬᠠᠪᠴᠢᠵᠤ᠂ ᠰᠤᠪᠤᠳ ᠱᠢᠷᠦ ᠶᠢᠨ ᠬᠠᠪᠴᠢᠭᠤᠷ ᠢ ᠡᠪ ᠢ ᠨᠢ | ᠲᠠᠭᠠᠷᠠᠭᠤᠯᠵᠤ ᠰᠢᠭᠢᠳᠬᠡᠨ᠂ ᠠᠷᠢᠭᠤᠨ ᠬᠠᠰ ᠢᠶᠠᠷ ᠴᠣᠭᠴᠠᠯᠠᠭᠰᠠᠨ ᠰᠢᠭ᠋ ᠠᠬᠠᠮᠠᠳ ᠨᠢᠭᠡ ᠦᠶᠡ ᠶᠢᠨ ᠬᠢᠨ ᠰᠢᠤ ᠭᠡᠬᠦ ᠷᠣᠮᠠᠨᠲ᠋ᠢᠭ ᠲᠥᠷᠬᠦ ᠲᠠᠢ ᠭᠡᠷᠡᠯ ᠤᠶᠢᠵᠤ | ᠠᠮᠢᠳᠤᠷᠠᠬᠤᠢ᠃ ᠡᠮᠦᠰᠴᠦ ᠵᠡᠭᠦᠬᠦ ᠬᠤᠪᠴᠠᠰᠤ ᠬᠤᠨᠠᠷ ᠢᠶᠠᠨ ᠴᠠᠭ ᠤᠨ ᠪᠠᠶᠢᠳᠠᠯ ᠳᠤ ᠲᠣᠬᠢᠷᠠᠭᠤᠯᠤᠨ᠂ ᠠᠬᠤᠢ ᠲᠠᠯᠠᠪᠠᠢ ᠳᠤ ᠵᠣᠬᠢᠴᠠᠭᠤᠯᠤᠨᠠ᠃ ᠬᠤᠷᠠᠯ | ᠴᠤᠭᠯᠠᠭᠠᠨ ᠳᠤ ᠲᠥᠪ ᠬᠢᠨᠠᠭᠤᠷ᠂ ᠪᠤᠰᠤᠳ ᠢ ᠬᠦᠨᠳᠦᠳᠬᠡᠬᠦ ᠪᠤᠶᠤ ᠪᠤᠰᠤᠳ ᠢᠶᠠᠷ ᠭᠦᠨᠳᠦᠳᠭᠡᠭᠦᠯᠭᠦ ᠶᠢ ᠬᠢᠴᠢᠶᠡᠬᠦ᠂ ᠨᠠᠶᠢᠷ ᠬᠤᠷᠢᠮ ᠳᠤ ᠡᠷᠬᠢᠮᠰᠦᠭ ᠬᠠᠲᠤᠭᠲᠠᠢ | ᠮᠡᠲᠦ ᠤᠬᠠᠮᠵᠢ ᠲᠠᠢ ᠮᠥᠷᠲᠡᠭᠡᠨ ᠭᠦᠷ ᠲᠤ ᠨᠡᠩ ᠬᠥᠭᠵᠢᠯᠲᠡᠢ ᠪᠠᠶᠢᠬᠤ᠂ ᠨᠠᠭᠠᠳᠴᠤ ᠵᠤᠭᠠᠯᠠᠬᠤ ᠦᠶᠡ ᠳᠡᠭᠡᠨ ᠰᠣᠷᠭᠤᠭ ᠥᠩᠭᠡ ᠲᠠᠢ ᠳᠡᠭᠵᠢᠨ ᠬᠢᠴᠡ ᠲᠠᠢ ᠱᠠᠬᠠᠢ | ᠡᠮᠦᠰᠴᠦ᠂ ᠡᠷᠬᠡ ᠴᠢᠯᠦᠭᠡ ᠲᠠᠢ᠂ ᠡᠯᠪᠡᠭ ᠠᠭᠤᠵᠢᠭᠤ ᠡᠮᠦᠰᠬᠡᠯ ᠢᠶᠠᠷ ᠬᠤᠶᠠᠭᠯᠠᠵᠤ᠂ ᠠᠭᠤᠯᠠᠨ ᠳᠤ ᠭᠠᠷᠴᠤ ᠤᠰᠤᠨ ᠳᠤ ᠣᠷᠣᠬᠤ ᠪᠠᠷ ᠪᠡᠯᠡᠬᠡᠨ ᠪᠠᠶᠢᠬᠤ᠂ ᠲᠠᠯᠠ ᠳᠤ | ᠲᠣᠭᠯᠠᠵᠤ᠂ ᠲᠠᠪᠠ ᠪᠠᠷ ᠪᠠᠶᠢᠵᠤ ᠴᠢᠳᠠᠳᠠᠭ᠃ | ᠵᠢᠷᠠ ᠬᠦᠷᠬᠦ ᠳᠤ ᠶᠠᠭᠠᠬᠢᠬᠤᠪ᠂ ᠵᠦᠪᠭᠡᠨ ᠵᠢᠷᠠ ᠭᠦᠷᠦᠭᠰᠡᠨ ᠲᠡᠳᠦᠢ᠃ | ᠠᠷᠭᠠ ᠦᠭᠡᠢ ᠶᠤᠮ ᠠ᠋᠂ ᠠᠷᠠᠭᠠᠨ ᠰᠢᠳᠤ ᠮᠢᠨᠢ ᠨᠢᠭᠡ ᠤᠨᠠᠴᠢᠬᠠᠯᠠ᠃ ᠠᠷᠠᠭᠠᠨ ᠰᠢᠳᠤ ᠪᠠᠨ ᠨᠥᠬᠦᠬᠦ ᠭᠡᠵᠦ ᠡᠮᠨᠡᠯᠭᠡ ᠳᠤ ᠭᠦᠷᠦᠯᠠ᠃ ᠡᠮᠴᠢ ᠭᠤᠸᠠᠢ | ᠨᠠᠰᠤ ᠵᠢᠯ ᠢ ᠠᠰᠠᠭᠤᠬᠤ ᠳᠤ ᠦᠨᠡᠨ ᠮᠥᠨ ᠢᠶᠠᠷ ᠨᠢ ᠬᠠᠷᠢᠭᠤᠯᠪᠠ᠃ | - ᠵᠢᠷᠠ ᠬᠦᠷᠴᠢᠬᠡᠭᠡᠳ ᠨᠢᠭᠡ ᠠᠷᠠᠭᠠ ᠤᠨᠠᠬᠤ ᠳᠤ ᠶᠠᠭᠤ ᠪᠠᠶᠢᠬᠤᠪ᠃ ᠰᠠᠶᠢᠬᠠᠨ ᠥᠲᠡᠯᠵᠦ ᠪᠠᠶᠢᠨᠠ᠃ ᠵᠠᠯᠠᠭᠤᠬᠠᠨ ᠴᠣᠭᠯᠢᠭ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠃ | ᠶᠡᠷᠦ ᠨᠢ ᠰᠦ ᠴᠠᠭᠠ ᠢᠳᠡᠳᠡᠭ ᠬᠥᠮᠥᠰ ᠰᠢᠳᠦ ᠰᠠᠶᠢᠲᠠᠢ ᠪᠠᠶᠢᠳᠠᠭ ᠶᠤᠮ ᠭᠡᠪᠡ᠃ | ᠲᠡᠶᠢᠮᠦ ᠠ᠋᠂ ᠨᠠᠷᠠᠨ ᠤ ᠳᠣᠣᠷᠠ ᠰᠠᠯᠬᠢᠨ ᠯᠤᠭᠠ ᠲᠣᠭᠯᠠᠵᠤ᠂ ᠡᠪᠡᠰᠦᠨ ᠤ ᠰᠤᠷ ᠤᠰᠤᠨ ᠤ ᠲᠤᠩᠭᠠᠯᠠᠭ ᠲᠤ ᠴᠠᠳᠤᠨ᠂ ᠥᠷᠭᠡᠨ ᠬᠠᠩᠭᠠᠢ ᠠᠭᠤᠳᠠᠮ | ᠲᠠᠯᠠ ᠪᠠᠨ ᠴᠢᠮᠡᠳᠡᠭ᠂ ᠥᠶᠥᠭ ᠲᠠᠩᠰᠤᠭ ᠠᠮᠢᠳᠤᠷᠠᠯ ᠢ ᠴᠤ ᠬᠠᠩᠭᠠᠳᠠᠭ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠮᠢᠨᠢ ᠠᠰᠢᠭ ᠰᠢᠮᠡ᠂ ᠠᠴᠢ ᠲᠤᠰᠠ ᠶᠢ ᠠᠯᠢ ᠠᠴᠠ ᠨᠢ | ᠵᠠᠬᠠᠯᠠᠵᠤ ᠶᠠᠷᠢᠬᠤ ᠪᠢᠯᠡ᠃ ᠢᠩᠭᠡᠨ ᠰᠦ᠂ ᠭᠡᠭᠦᠦ ᠶᠢᠨ ᠢᠯᠭᠠᠳᠠᠰᠤ ︵ᠰᠢᠭᠡᠰᠦ︶ ᠨᠢ ᠭᠦᠷᠳᠡᠯᠡ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠤ ᠡᠮ ᠡᠮᠴᠢᠯᠡᠭᠡ ᠳᠤ ᠵᠠᠷᠤᠭᠳᠠᠵᠤ ᠪᠠᠶᠢᠳᠠᠭ ᠤᠨ | ᠨᠠᠭᠠᠨᠠ ᠁ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠶᠠᠰᠤ ᠬᠠᠲᠠᠭᠤ ᠰᠢᠳᠤ ᠰᠠᠶᠢᠲᠠᠢ ᠪᠠᠶᠢᠬᠤ ᠤᠴᠢᠷᠲᠠᠢ᠃ ᠵᠢᠷᠠ ᠶᠢᠨ ᠳᠠᠪᠠᠭᠠ ᠶᠢ ᠳᠠᠪᠠᠵᠤ᠂ ᠵᠢᠷᠭᠠᠯ ᠢ ᠤᠬᠠᠭᠠᠷᠠᠳᠠᠭ | ᠮᠥᠷᠲᠡᠭᠡᠨ ᠵᠤᠪᠠᠯᠠᠩ ᠢ ᠨᠡᠩ ᠮᠡᠳᠡᠷᠡᠳᠡᠭ᠃ ᠵᠣᠷᠢᠭᠯᠠᠨ ᠬᠦᠴᠦᠯᠡᠬᠦ ᠳᠤᠷᠠᠲᠠᠢ ᠪᠣᠯᠬᠤᠷ ᠵᠤᠵᠢᠬᠯᠠᠨ ᠬᠦᠷᠬᠦ ᠴᠢᠭ ᠲᠠᠢ ᠶᠤᠮᠰᠠᠨ᠃ ᠲᠡᠷᠡ ᠴᠢᠭ ᠲᠤ ᠶᠠᠮᠠᠷ ᠴᠤ | ᠱᠠᠩᠨᠠᠯ ᠪᠠᠶᠢᠬᠤ ᠦᠭᠡᠢ ᠮᠠᠭᠠᠳ᠂ ᠡᠳ᠋ ᠪᠣᠳᠠᠰ ᠪᠤᠶᠤ ᠡᠰᠡᠬᠦᠯᠡ ᠮᠥᠩᠭᠦ ᠲᠥᠭᠦᠷᠢᠭ ᠭᠡᠬᠦ ᠮᠡᠲᠦ᠃ ᠭᠡᠶᠡ ᠪᠡᠶᠡ ᠮᠢᠨᠢ ᠡᠷᠡᠭᠦᠯ᠂ ᠥᠪᠡᠷ ᠢᠶᠠᠨ ᠪᠢ ᠪᠠᠶᠠᠰᠤᠭᠰᠠᠨ ᠪᠣᠯ | ᠳᠠᠷᠤᠢ ᠶᠡᠭᠡ ᠵᠢᠷᠭᠠᠯ ᠲᠡᠷᠡ᠃ ᠳᠠᠭᠠᠤ ᠳᠤᠨᠢ ᠪᠤᠰᠤᠳ ᠲᠤ ᠬᠠᠷᠰᠢ ᠪᠢᠰᠢ ᠠᠴᠢ ᠪᠣᠯᠤᠭᠰᠠᠨ ᠶᠤᠮ ᠪᠣᠯ ᠲᠡᠷᠡ ᠨᠢ ᠬᠠᠷᠢᠨ ᠲᠡᠭᠷᠢ ᠶᠡᠭᠡ ᠵᠢᠷᠭᠠᠯ ᠭᠡᠵᠦ ᠶᠠᠰᠤ | ᠤᠯᠠᠮ ᠬᠠᠲᠠᠭᠤᠵᠢᠨ᠂ ᠰᠢᠳᠤ ᠪᠠᠰᠠ ᠰᠠᠶᠢᠲᠠᠢ ᠪᠣᠯᠬᠤᠯᠠᠷ ᠨᠢ ᠬᠤᠭᠤᠯᠠ ᠤᠮᠳᠠ ᠮᠢᠨᠢ ᠤᠯᠠᠮ ᠠᠮᠲᠠᠲᠠᠢ ᠰᠢᠮᠡᠲᠡᠢ ᠪᠤᠯᠳᠠᠭ᠃ | ᠵᠢᠷᠠ ᠬᠦᠷᠬᠦ ᠳᠤ ᠶᠠᠭᠠᠬᠢᠬᠤᠪ᠂ ᠵᠦᠪᠭᠡᠨ ᠵᠢᠷᠠ ᠭᠦᠷᠦᠭᠰᠡᠨ ᠲᠡᠳᠦᠢ᠃ | ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠦᠰᠦ ᠵᠠᠰᠠᠬᠤ ᠭᠠᠵᠠᠷ ᠦᠷᠭᠦᠯᠵᠢ ᠣᠴᠢᠳᠠᠭ᠃ ᠵᠠᠵᠢᠨ ᠦᠰᠦ ᠴᠠᠶᠢᠯᠠ ᠭᠡᠰᠡᠨ ᠴᠤ ᠵᠠᠰᠠᠵᠤ ᠵᠠᠯᠠᠬᠤ ᠪᠠᠨ ᠰᠤᠯᠠᠷᠠᠭᠤᠯᠵᠤ ᠦᠯᠦ | ᠪᠣᠯᠣᠨᠠ᠃ | ᠵᠠᠯᠠᠭᠤ ᠦᠰᠦ ᠵᠠᠰᠠᠭᠴᠢ᠄ ︽ᠡᠭᠡᠴᠢ ᠠ᠋ ᠳᠥᠴᠢᠨ ᠭᠡᠳᠦ ᠲᠠᠢ ᠪᠤᠢ︖ ᠲᠠᠪᠢ ᠣᠶᠢᠷᠠᠲᠤᠯᠠ ᠦᠦ︖︾ ᠭᠡᠨᠡ᠃ ᠬᠥᠭᠡᠷᠦᠬᠦᠢ ᠦᠰᠦ ᠵᠠᠰᠠᠭᠴᠢ ᠶᠢᠨ | ᠬᠠᠷᠠᠭᠠ ᠨᠢ ᠮᠠᠭᠤ ᠪᠠᠶᠢᠨᠠ ᠭᠡᠬᠦ ᠭᠱᠠᠨᠠ ︽ᠨᠠᠮᠠ ᠪᠠᠷ ᠲᠣᠭᠯᠠᠵᠤ ᠪᠠᠶᠢᠬᠤ ᠨᠢ ᠦᠦ︖︾ ᠭᠡᠰᠡᠨ ᠪᠤᠳᠤᠯ ᠴᠤᠭ ᠲᠠᠭᠠᠨ ᠪᠠᠭᠤᠪᠠ᠃ ᠬᠢᠷᠳ᠋ᠬᠢᠨ ᠡᠷᠭᠢᠵᠦ ᠬᠠᠷᠠᠭᠠᠳ | ᠵᠠᠯᠠᠭᠤ ᠶᠢ ᠠᠵᠢᠬᠤ ᠳᠤ ᠠᠷᠠᠢ ᠥᠭᠡᠷᠡ ᠰᠠᠨᠠᠭᠠ ᠦᠭᠡᠢ ᠰᠢᠭ ᠬᠡᠪ ᠲᠡᠭᠡᠨ ᠯᠠ ᠪᠠᠶᠢᠵᠤ ᠪᠠᠶᠢᠯᠠ᠃ | ︽ᠵᠠᠯᠠᠭᠤ ᠮᠢᠨᠢ᠂ ᠵᠢᠷᠠ ᠭᠦᠷᠦᠭᠡᠳ ᠵᠠᠵᠢᠨ ᠦᠰᠦ ᠪᠦᠷ ᠴᠠᠶᠢᠴᠢᠬᠠᠭᠰᠠᠨ ᠰᠢᠤ︾ ᠭᠡᠯᠡ᠃ | ︽ᠦᠰᠦ ᠴᠠᠶᠢᠬᠤ ᠪᠠᠷ ᠨᠠᠰᠤ ᠠᠬᠢᠭᠰᠠᠨ ᠭᠡᠵᠦ ᠲᠣᠳᠣᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ᠂ ᠵᠠᠯᠠᠭᠤᠴᠤᠳ ᠢᠳᠡᠷᠴᠦᠳ ᠭᠡᠳ ᠪᠤᠭᠤᠷᠤᠯ ᠦᠰᠦ ᠲᠠᠢ ᠨᠢ | ᠪᠠᠶᠢᠬᠤ ᠯᠡ᠃ ᠲᠠ ᠬᠠᠷᠢᠨ ᠵᠢᠰᠦ ᠴᠢᠷᠠᠢ ᠪᠠᠨ ᠶᠠᠭᠠᠬᠢᠭᠰᠠᠨ ᠰᠠᠶᠢᠬᠠᠨ ᠬᠢᠮᠠᠭᠠᠳᠠᠵᠤ ᠪᠠᠶᠢᠭᠠ ᠪᠤᠢ︖ ᠬᠠᠴᠠᠷ ᠨᠢᠭᠤᠷ ᠠᠴᠠ ᠴᠢᠨᠢ ᠭᠡᠭᠡ ᠲᠠᠲᠠᠭᠠᠳ᠂ ᠮᠠᠰᠢ | ᠰᠦᠨᠡᠰᠦᠯᠢᠭ ᠬᠠᠷᠠᠭᠳᠠᠨᠠ᠃ ᠲᠠ ᠯᠠᠪᠲᠠᠢ ᠤᠯᠠᠨ ᠲᠦᠷᠦᠯ ᠤᠨ ᠴᠢᠨᠠᠷ ᠰᠠᠶᠢᠲᠠᠢ ᠭᠤᠸᠠᠯᠢᠳᠠᠭ ᠡᠳ᠋ ᠬᠡᠷᠡᠭᠯᠡᠳᠡᠭ ᠪᠠᠶᠢᠬᠠ︖︾ ᠭᠡᠨᠡ᠃ | ᠬᠡᠩ᠂ ᠦᠨᠡᠨ ᠳᠡᠭᠡᠨ ᠪᠢ ᠭᠠᠳᠠᠨᠠ ᠪᠠᠨ ᠲᠦᠷᠭᠢᠭᠦ ᠨᠠᠭᠠᠬᠤ ᠵᠦᠢᠯᠡᠰ ᠢ ᠳᠡᠮᠡᠢ ᠴᠢᠬᠤᠯᠠᠴᠢᠯᠠᠳᠠᠭ ᠦᠭᠡᠢ ᠨᠢᠭᠡᠨ᠂ ᠭᠤᠣᠯ ᠨᠢ ᠠᠯᠵᠠᠭᠤ ᠲᠠᠢ ᠭᠡᠳᠡᠭ ᠨᠢ | ᠬᠡᠷᠡᠭ ᠠ᠋᠂ ᠣᠷᠣᠢ ᠳᠠᠭᠠᠨ ᠨᠢᠭᠤᠷ ᠢᠶᠠᠨ ᠤᠬᠢᠶᠠᠬᠤ ᠦᠭᠡᠢ᠂ ᠨᠣᠮ ᠦᠵᠡᠵᠦ ᠨᠣᠮ ᠰᠣᠨᠣᠰᠴᠤ ᠪᠠᠶᠢᠭᠰᠠᠭᠠᠷ ᠤᠨᠲᠠᠴᠢᠬᠠᠳᠠᠭ᠃ ᠠᠵᠠ ᠪᠠᠷ ᠨᠣᠮ ᠪᠢᠴᠢᠭ ᠬᠥᠮᠥᠨ ᠢ | ᠭᠤᠶᠣᠯᠠᠳᠠᠭ ᠨᠢ ᠵᠠᠪᠰᠢᠶᠠᠨ ᠪᠠᠶᠢᠵᠠᠢ᠃ ᠨᠣᠮ ᠤᠨ ᠰᠢᠮᠡ ᠤᠶᠤᠨ ᠰᠠᠨᠠᠭᠠ ᠶᠢ ᠴᠡᠯᠮᠡᠭᠰᠢᠭᠦᠯᠵᠦ᠂ ᠨᠣᠮ ᠤᠨ ᠭᠡᠷᠡᠯ ᠶᠠᠰᠤ ᠴᠢᠮᠦᠭᠡᠨᠠ ᠨᠡᠪᠳᠡᠷᠡᠨ ᠨᠢᠭᠤᠷ ᠴᠢᠷᠠᠢ ᠶᠢ | ᠠᠷᠢᠭᠤᠰᠬᠠᠨ᠂ ᠬᠦᠴᠦ ᠲᠠᠮᠢᠷ ᠢ ᠰᠡᠯᠪᠢᠳᠡᠭ ᠲᠡᠭᠡᠨ ᠪᠣᠯᠵᠤ ᠪᠠᠶᠢᠨᠠ᠂ ᠲᠡᠭᠷᠢ ᠮᠢᠨᠢ᠃ ᠵᠣᠯ ᠢᠶᠠᠷ ᠪᠢ ᠨᠣᠮ ᠤᠩᠰᠢᠳᠠᠭ ᠨᠢᠭᠡᠨ᠂ ᠨᠣᠮ ᠪᠢᠴᠢᠳᠡᠭ ᠨᠢᠭᠡᠨ | ᠪᠠᠶᠢᠭᠰᠠᠨ ᠳᠠᠭᠠᠨ ᠪᠣᠯᠵᠠᠢ᠃ ᠵᠣᠯ ᠢᠶᠠᠷ ᠪᠢ ᠤᠷᠠᠨ ᠵᠢᠷᠤᠭ ᠤᠷᠠᠨ ᠪᠢᠴᠢᠯᠭᠡ ᠳᠤ ᠳᠤᠷᠠ ᠲᠠᠢ᠂ ᠪᠠᠰᠠ ᠤᠷᠠᠨ ᠪᠢᠴᠢᠨᠡ ᠭᠡᠵᠦ ᠡᠯᠳᠡᠪ ᠢᠶᠠᠷ ᠡᠷᠢᠶᠡᠴᠢᠳᠡᠭ ᠨᠢᠭᠡᠨ᠃ | ᠪᠢᠷ ᠴᠠᠭᠠᠰᠤ ᠶᠢ ᠤᠰᠤ ᠴᠠᠰᠤ ᠮᠡᠲᠦ ᠦᠷᠡᠭᠡᠳᠡᠭ ᠴᠤ ᠤᠷᠠᠯᠢᠭ ᠲᠤ ᠰᠣᠭᠲᠣᠬᠤ ᠡᠴᠢᠨᠡ ᠶᠢᠨ ᠵᠢᠷᠭᠠᠯ ᠢ ᠬᠡᠨ ᠲᠠᠢ ᠴᠤ ᠬᠤᠪᠢᠶᠠᠯᠴᠠᠮᠠᠷ ᠦᠭᠡᠢ ᠬᠠᠷᠠᠮᠴᠢ᠃ | ᠵᠢᠷᠠ ᠭᠦᠷᠦᠯᠡ᠂ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠰᠦᠨᠡᠰᠦᠯᠢᠭ ᠪᠠᠶᠢᠬᠤ ᠰᠠᠶᠢᠬᠠᠨ᠃ | ᠰᠦᠨᠡᠰᠦᠯᠢᠭ ᠪᠦᠰᠡᠭᠦᠢ ᠤᠯᠠᠨ ᠢ ᠦᠵᠡᠵᠦ ᠣᠪᠣᠭᠠ ᠶᠢ ᠥᠩᠭᠡᠷᠡᠭᠡᠭᠡᠳ ᠦᠯᠡᠮᠵᠢ ᠶᠢᠨ ᠰᠤᠷᠭᠠᠮᠵᠢ ᠦᠨᠡᠨ ᠲᠤᠷᠰᠢᠯᠭᠠ ᠶᠢ ᠬᠤᠷᠠᠮᠳᠤᠭᠤᠯᠤᠭᠰᠠᠨ | ᠡᠷᠳᠡᠨᠢ ᠶᠢᠨ ᠬᠠᠶᠢᠷᠴᠠᠭ ᠪᠢᠯᠢᠦ᠃ ᠰᠦᠨᠡᠰᠦᠯᠢᠭ ᠪᠦᠰᠡᠭᠦᠢ ᠶᠢᠨ ᠨᠢᠳᠦ ᠨᠢ ᠲᠤᠩᠭᠠᠯᠠᠭ᠂ ᠣᠯᠠᠩᠬᠢ ᠦᠭᠡ ᠶᠢ ᠨᠢᠳᠦ ᠪᠠᠷ ᠢᠶᠠᠨ ᠬᠡᠯᠡᠵᠦ᠂ ᠶᠡᠬᠡᠩᠬᠢ ᠤᠴᠢᠷ ᠢ | ᠨᠢᠳᠦᠨ ᠳᠡᠭᠡᠨ ᠪᠠᠭᠲᠠᠭᠠᠵᠤ᠂ ᠪᠦᠭᠦ ᠶᠠᠪᠤᠳᠠᠯ ᠳᠤ ᠲᠠᠶᠢᠪᠤᠭᠤᠨ ᠠᠮᠤᠭᠤᠯᠠᠩ ᠬᠠᠨᠳᠤᠵᠤ᠂ ᠬᠤᠯᠠ ᠶᠢ ᠬᠠᠷᠠᠵᠤ ᠠᠯᠤᠰ ᠢ ᠳᠤᠷᠠᠨᠳᠠᠳᠠᠭ᠃ ᠰᠦᠨᠡᠰᠦᠯᠢᠭ | ᠪᠦᠰᠡᠭᠦᠢ ᠶᠢᠨ ᠬᠠᠮᠠᠷ ᠨᠢ ᠪᠡᠬᠡᠰ ᠤᠨ ᠦᠨᠦᠷ ᠡᠪᠡᠰᠦᠨ ᠤ ᠵᠠᠨᠠᠷ ᠲᠤ ᠨᠢᠭᠡᠨᠡ ᠨᠠᠶᠢᠷᠠᠮᠳᠠᠭᠤ᠃ ᠵᠥᠭᠡᠢ ᠮᠡᠲᠦ ᠡᠷᠪᠡᠬᠡᠢ ᠠᠳᠠᠯᠢ᠂ ᠴᠡᠴᠡᠭ ᠤᠨ ᠠᠩᠬᠢᠯᠤᠮᠠ ᠦᠨᠦᠷ ᠢ | ᠲᠠᠭᠠᠵᠤ ᠪᠠᠯ ᠴᠤᠭᠯᠠᠭᠤᠯᠤᠨ᠂ ᠨᠠᠶᠢᠷᠠᠭ ᠨᠡᠷᠡᠵᠦ ᠶᠠᠭᠠᠷᠠᠳᠠᠭ᠃ ᠰᠦᠨᠡᠰᠦᠯᠢᠭ ᠪᠦᠰᠡᠭᠦᠢ ︽ᠠᠮᠠᠨ ᠠᠴᠠ ᠪᠠᠨ ᠨᠢᠭᠡ ᠴᠦ ᠮᠠᠭᠤ ᠦᠭᠡ ᠶᠢ ᠪᠤᠤ ᠭᠠᠷᠭᠠ᠂ ᠬᠠᠷᠢᠨ | ᠬᠥᠮᠥᠨ ᠢ ᠪᠣᠰᠬᠠᠨ ᠪᠠᠶᠢᠭᠤᠯᠬᠤ ᠳᠤ ᠲᠤᠰᠠ ᠪᠤᠯᠬᠤ ᠰᠠᠶᠢᠨ ᠢ ᠯᠠ ᠶᠠᠷᠢ᠂ ᠲᠡᠷᠡ ᠦᠭᠡ ᠴᠢᠨᠢ ᠰᠣᠨᠣᠰᠤᠭᠴᠢᠳ ᠲᠤ ᠢᠪᠡᠭᠡᠯ ᠢ ᠳᠠᠮᠵᠢᠭᠤᠯᠬᠤ ᠪᠣᠯᠣᠨᠠ︾ ᠭᠡᠬᠦ | ᠨᠣᠮ ᠤᠨ ᠤᠳᠬᠠ ᠳᠤ ᠪᠣᠯᠪᠠᠰᠤᠷᠠᠨ᠂ ᠬᠡᠯᠡᠨ ᠤ ᠭᠡᠮ ᠢᠶᠠᠨ ᠠᠷᠢᠭᠤᠰᠬᠠᠵᠤ᠂ ᠦᠭᠡ ᠶᠢᠨ ᠬᠦᠴᠦᠨ ᠢ ᠪᠠᠳᠠᠷᠠᠭᠠᠨ ᠪᠠᠶᠢᠬᠤ ᠨᠢ ᠦᠵᠡᠰᠬᠦᠯᠡᠩᠲᠡᠢ᠂ ᠦᠭᠡ ᠨᠢ ᠨᠡᠩ | ᠢᠳᠡᠲᠡᠢ᠃ ᠡᠷᠲᠡᠨ ᠤ ᠨᠣᠮ ᠳᠤ᠄ ︽ᠡᠬᠢᠨ ᠳᠤ ᠦᠭᠡ ᠪᠠᠶᠢᠭᠰᠠᠨ ᠁ ᠪᠦᠭᠦ ᠶᠠᠭᠤᠮᠠ ᠦᠭᠡ ᠪᠠᠷ ᠪᠦᠲᠦᠭᠰᠡᠨ ᠁︾ ᠭᠡᠵᠦ ᠨᠣᠮᠯᠠᠭᠰᠠᠨ᠂ ᠪᠠᠶᠢᠭᠰᠠᠨ | ᠪᠠᠶᠢᠭᠠ ᠪᠠᠶᠢᠬᠤ ᠶᠢᠨ ᠥᠨᠢ ᠮᠥᠩᠬᠡ ᠶᠢᠨ ᠢᠷᠦᠭᠡᠯ ᠢ ᠤᠩᠰᠢᠯᠭᠠ ᠪᠣᠯᠭᠠᠨ ᠦᠯᠡᠳᠡᠭᠡᠭᠰᠡᠨ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠲᠡᠷᠡ ᠶᠣᠰᠣᠨ ᠢ ᠲᠠᠭᠠᠳᠠᠭ᠃ | ᠰᠦᠨᠡᠰᠦᠯᠢᠭ ᠪᠦᠰᠡᠭᠦᠢ ᠶᠢᠨ ᠴᠢᠬᠢ ᠨᠢ ᠮᠥᠨ ᠰᠣᠷᠭᠤᠭ᠃ ᠲᠦᠷᠪᠡᠨ ᠲᠠᠯᠠᠢ ᠶᠢᠨ ᠱᠤᠤᠭᠢᠶᠠᠨ ᠢ ᠰᠣᠨᠣᠷᠳᠠᠵᠤ᠂ ᠲᠠᠪᠤᠨ ᠲᠢᠪ ᠤᠨ ᠰᠤᠷᠠᠭ ᠵᠠᠩᠭᠢ ᠳᠤ | ᠰᠡᠷᠭᠡᠭ᠂ ᠬᠠᠭᠠᠨ ᠬᠥᠭᠵᠢᠮ ᠤᠨ ᠬᠦᠩᠭᠢᠨᠡᠭᠡ᠂ ᠬᠠᠳᠤᠨ ᠠᠶᠠᠯᠭᠤ ᠶᠢᠨ ᠴᠤᠤᠷᠢᠶᠠ᠂ ᠨᠡᠷᠡᠳᠦ ᠴᠢᠪᠬᠠᠳᠠᠰᠤ ᠶᠢᠨ ᠬᠠᠩᠭᠢᠨᠠᠭᠠ᠂ ᠨᠠᠶᠢᠷᠠᠯ ᠳᠠᠭᠤᠤ ᠶᠢᠨ ᠢᠷᠠᠭᠤ ᠠᠶᠠ | ᠰᠢᠯᠦᠭ ᠪᠣᠯᠵᠤ ᠨᠣᠲ ᠪᠣᠯᠵᠤ᠂ ᠰᠤᠳᠠᠯ ᠰᠢᠷᠪᠦᠰᠦ ᠰᠦᠭ ᠰᠦᠨᠡᠰᠦᠨ ᠳᠤᠨᠢ ᠤᠶᠠᠩᠭᠠᠷᠠᠨᠠ᠃ | ᠵᠢᠷᠠ ᠭᠦᠷᠦᠭᠰᠡᠨ᠂ ᠵᠦᠪᠭᠡᠨ ᠵᠢᠷᠠ ᠭᠦᠷᠦᠭᠰᠡᠨ ᠲᠡᠳᠦᠢ᠃ | ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠬᠥᠯ ᠬᠥᠩᠭᠡᠬᠡᠨ ᠪᠠᠶᠢᠬᠤ ᠤᠴᠢᠷᠲᠠᠢ᠃ ᠬᠤᠯᠠ ᠶᠠᠪᠤᠵᠤ ᠬᠤᠲᠠᠯᠠ ᠶᠢ ᠲᠣᠭᠤᠷᠢᠬᠤ ᠠᠶᠠᠯᠠᠯ ᠳᠤ ᠭᠠᠷᠬᠤ ᠶᠤᠮ᠃ ᠠᠩᠬᠠ ᠤᠳᠠᠭᠠ | ᠠᠭᠠᠷ ᠢᠶᠠᠷ ᠨᠢᠰᠴᠦ ᠮᠥᠷᠥᠭᠡᠳᠦᠯ ᠤᠨ ᠰᠢᠨᠵᠢᠶᠠᠩ ᠳᠤ ᠬᠦᠷᠴᠡᠢ᠃ ᠲᠡᠷᠡ ᠨᠢᠰᠬᠡᠯ ᠬᠥᠯ ᠢ ᠬᠥᠷᠥᠰᠥᠨ ᠳᠤ ᠬᠦᠷᠭᠡᠯ ᠦᠭᠡᠢ ᠵᠠᠢ ᠶᠢ ᠲᠣᠪᠴᠢᠯᠠᠵᠤ ᠵᠠᠮ ᠢ | ᠪᠣᠭᠤᠨᠢᠰᠬᠠᠭᠠᠳ ᠭᠤᠷᠪᠠᠭ᠋ᠠᠨ ᠴᠠᠭ ᠤᠨ ᠲᠠᠷᠠᠭᠠ ᠰᠢᠨᠵᠢᠶᠠᠩ ᠤᠨ ᠠᠭᠤᠯᠠ ᠤᠰᠤᠨ ᠳᠤ ᠪᠠᠭᠤᠯᠭᠠᠭᠰᠠᠨ ᠶᠤᠮ᠂ ᠨᠢᠭᠡ ᠠᠭᠤᠯᠠᠨ ᠳᠤ ᠲᠦᠷᠪᠠᠨ ᠤᠯᠠᠷᠢᠯ | ᠡᠭᠡᠯᠵᠢᠯᠡᠵᠦ ᠪᠠᠶᠢᠭᠠ ᠶᠢ ᠦᠵᠡᠬᠦ ᠳᠤ ᠰᠠᠶᠢᠬᠠᠨ᠂ ᠭᠦᠷᠳᠡᠭᠦ ᠳᠤ ᠭᠠᠶᠢᠬᠠᠮᠰᠢᠭᠲᠠᠢ᠃ ᠮᠥᠰᠥ ᠴᠠᠰᠤᠨ ᠤᠷᠭᠢᠯ ᠢ ᠨᠢ ᠪᠠᠷᠠᠯᠠᠵᠤ᠂ ᠮᠡᠯᠮᠡᠷᠡᠨ ᠤᠷᠤᠰᠬᠤ ᠬᠠᠶᠢᠯ ᠳᠤᠨᠢ | ᠪᠠᠶᠠᠰᠴᠤ᠂ ᠴᠡᠴᠡᠭ ᠨᠠᠪᠴᠢ ᠳᠡᠯᠭᠡᠷᠡᠭᠰᠡᠨ ᠬᠤᠷᠮᠣᠢ ᠳᠤᠨᠢ ᠬᠤᠷᠭᠤᠳᠠᠵᠤ᠂ ᠰᠠᠶᠢᠬᠠᠨ ᠰᠠᠶᠢᠷᠠᠮ ᠲᠠᠢ ᠤᠯᠠᠭᠠᠨ ᠨᠢᠭᠤᠷ ᠢᠶᠠᠷ ᠢᠶᠠᠨ ᠠᠭᠤᠯᠵᠠᠯᠠ᠃ ᠴᠠᠬᠠᠷ ᠴᠠᠶᠢᠯᠠᠯᠭᠠ᠂ | ᠣᠶᠢᠷᠠᠳ ᠲᠠᠶᠢᠯᠠᠯᠭᠠ᠂ ᠣᠶᠢᠷᠠ ᠳᠣᠲᠣᠨᠣ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠬᠠᠨ ᠬᠤᠷᠸᠠ ᠶᠢ ᠵᠢᠵᠢᠭᠷᠡᠭᠦᠯᠵᠦ ᠬᠠᠷᠢᠨ ᠵᠦᠪᠭᠡᠨ ᠵᠢᠷᠠ ᠲᠠᠢ ᠪᠢᠳᠡᠨᠦᠰ ᠯᠠ ᠵᠢᠷᠭᠠᠯᠲᠠᠢ | ᠭᠡᠮᠡᠷ ᠪᠠᠶᠢᠵᠠᠢ᠃ ᠲᠡᠷᠡ ᠬᠤᠯᠠ ᠶᠢᠨ ᠲᠡᠦᠬᠡ ᠨᠢ ᠲᠡᠷᠡ ᠴᠢᠭ ᠲᠡᠭᠡᠨ ᠬᠠᠯᠠᠭᠤᠬᠠᠨ ᠤᠷᠤᠮ ᠲᠠᠢ᠂ ᠲᠦᠷᠦ ᠶᠢᠨ ᠥᠬᠢᠳ ᠤᠨ ᠤᠯᠠᠭᠠ ᠦᠷᠳᠡᠭᠡ᠂ ᠲᠣᠷᠭᠠᠨ | ᠵᠠᠮ ᠤᠨ ᠦᠨᠡ ᠬᠠᠶᠠᠯᠴᠠᠭᠠ᠂ ᠲᠡᠮᠡᠭᠡᠨ ᠵᠢᠩ ᠤᠨ ᠬᠤᠩᠬᠤᠨ ᠲᠠᠭᠤᠨ᠂ ᠪᠠᠰᠠ ᠰᠣᠳᠣᠨ ᠪᠡᠶᠡᠯᠡᠯ ᠰᠠᠪᠠᠷᠳᠠᠩ᠂ ᠦᠨᠦᠷ ᠥᠳᠬᠡᠨ ᠤᠷᠳᠤ ᠶᠢᠨ ᠳᠠᠭᠤᠤ᠂ ᠴᠡᠭᠡᠵᠢ | ᠰᠠᠶᠢᠲᠤ ᠶᠢᠨ ᠬᠠᠶᠢᠯᠳᠠᠭ ᠭᠡᠰᠡᠷ ᠵᠠᠩᠭᠠᠷ ᠭᠡᠳ ᠥᠨᠢᠷ ᠪᠠᠶᠠᠯᠢᠭ ᠰᠢᠨᠵᠢᠶᠠᠩ ᠤᠨ ᠥᠩᠭᠡ ᠦᠵᠡᠮᠵᠢ ᠦᠯᠢᠭᠡᠷ ᠲᠡᠦᠬᠡ᠂ ᠬᠥᠮᠥᠨ ᠵᠤᠨ ᠤ ᠴᠠᠶᠢᠯᠭᠠᠨ ᠴᠠᠭᠠᠪᠤᠷ ᠤᠨ | ᠠᠯᠢ ᠶᠢ ᠨᠢ ᠶᠠᠷᠢᠬᠤᠪ ᠳ᠋ᠠ᠃ | ᠠᠮᠵᠢᠭᠠᠳ ᠪᠠᠰᠠ ᠠᠯᠠᠱᠠ ᠳᠤ ᠭᠦᠷᠦᠯᠡ᠂ ᠠᠯᠠᠱᠠ ᠸᠠᠩ ᠤᠨ ᠣᠷᠳᠣᠨ ᠤ ᠪᠣᠱᠤᠭᠠ ᠶᠢ ᠬᠥᠯ ᠬᠥᠩᠭᠡᠬᠡᠨ ᠠᠯᠬᠤᠨ᠂ ᠡᠷᠲᠡ ᠡᠳᠦᠭᠡ ᠶᠢ ᠨᠢ ᠰᠡᠬᠦᠵᠦ | ᠵᠠᠬᠠ ᠵᠤᠬᠠᠰ ᠠᠴᠠ ᠴᠤ ᠭᠡᠰᠡᠨ ᠣᠶᠢᠯᠠᠭᠠᠨ᠂ ᠸᠠᠩ ᠤᠨ ᠬᠠᠳᠤᠨ ᠰᠧᠪᠡᠯᠮᠡ ᠶᠢᠨ ᠥᠰᠴᠦ ᠲᠦᠷᠦᠭᠰᠡᠨ ᠭᠠᠵᠠᠷ ᠰᠢᠷᠣᠢ ᠳᠡᠭᠡᠷᠡ ᠤᠯᠠ ᠮᠥᠷ ᠢ ᠨᠢ ᠬᠠᠶᠢᠵᠤ᠂ | ᠬᠤᠯᠠ ᠮᠣᠷᠳᠠᠭᠰᠠᠨ ᠨᠠᠪᠴᠢ ᠭᠦᠩᠵᠦ ᠶᠢᠨ ᠰᠠᠨᠠᠯ ᠮᠥᠷᠥᠭᠡᠳᠦᠯ ᠢ ᠮᠡᠳᠡᠷᠡᠨ᠂ ᠭᠤᠷᠪᠠᠨ ᠮᠢᠩᠭᠠᠨ ᠣᠨ ᠤ ᠡᠮᠦᠨᠡᠬᠢ ᠲᠣᠣᠷᠠᠢ ᠶᠢᠨ ᠪᠣᠯᠵᠤᠭᠠ ᠳᠤ ᠵᠠᠪᠳᠤᠭᠠᠳ | ᠣᠴᠢᠭᠰᠠᠨ ᠨᠢ ᠮᠥᠨ ᠵᠣᠯ ᠵᠠᠪᠰᠢᠶᠠᠨ᠃ | ᠵᠢᠷᠠ ᠭᠦᠷᠦᠯᠡ᠂ ᠵᠠᠪᠳᠤᠭᠠᠳ ᠬᠢᠬᠦ ᠪᠠᠨ ᠬᠢᠵᠦ ᠪᠠᠶᠢᠬᠤ ᠨᠢ ᠵᠥᠪ᠃ | ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠶᠢᠨ ᠭᠠᠷ ᠪᠤᠰᠢᠭᠤ᠂ ᠬᠤᠷᠤᠭᠤᠳ ᠨᠢ ᠤᠷᠠᠨ᠃ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠶᠡᠷᠦ ᠨᠢ ᠬᠡᠯᠡᠬᠦ ᠶᠢᠨ ᠣᠷᠣᠨ ᠳᠤ ᠬᠢᠵᠦ ᠪᠡᠶᠡᠯᠡᠭᠦᠯᠴᠢᠬᠡᠳᠡᠭ᠃ | ᠣᠮᠪᠣᠯᠣ ᠬᠠᠷᠠᠬᠤ ᠳᠤ ᠮᠡᠷᠭᠡᠰᠢᠭᠰᠡᠨ᠂ ᠤᠮᠳᠠ ᠬᠤᠭᠤᠯᠠ ᠲᠣᠬᠢᠷᠠᠭᠤᠯᠬᠤ ᠳᠠᠭᠠᠨ ᠲᠤᠰᠬᠠᠶᠢᠵᠢᠭᠰᠠᠨ᠂ ᠬᠤᠪᠴᠠᠰᠤ ᠬᠤᠨᠠᠷ ᠤᠬᠢᠶᠠᠬᠤ ᠳᠠᠭᠠᠨ ᠭᠠᠷᠰᠢᠭᠰᠠᠨ᠂ ᠭᠡᠷ | ᠭᠠᠳᠠᠨᠠᠬᠢ ᠶᠢ ᠴᠠᠭ ᠲᠤᠨᠢ ᠠᠮᠵᠢᠭᠤᠯᠴᠢᠬᠠᠳᠠᠭ ᠨᠢ ᠬᠡᠴᠡᠭᠦᠦ᠃ ᠡᠷᠲᠡ ᠪᠣᠰᠴᠤ ᠣᠷᠣᠢ ᠤᠨᠲᠠᠬᠤ ᠪᠠᠷ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠳᠤ ᠡᠳᠦᠷ ᠠᠭᠠᠵᠢᠭᠤ᠂ ᠰᠥᠨᠢ | ᠲᠡᠨᠢᠭᠦᠬᠡᠨ᠃ ᠶᠠᠪᠤᠳᠠᠯ ᠬᠢᠳᠡᠯ ᠤᠨ ᠵᠠᠪᠰᠠᠷ ᠥᠭᠡᠳᠡ ᠤᠷᠤᠭᠤ ᠵᠠᠮᠨᠠᠬᠤ ᠶᠢᠨ ᠬᠤᠷᠣᠮ ᠳᠤ ᠠᠯᠳᠠ ᠮᠥᠩᠭᠦᠨ ᠳᠡᠯᠭᠡᠭᠦᠷ ᠢᠶᠠᠷ ᠪᠠᠭᠤᠵᠤ᠂ ᠪᠠᠭᠤᠤ ᠪᠦᠭᠡᠵᠢ | ᠰᠣᠩᠭᠤᠬᠤ ᠳᠠᠭᠠᠨ ᠴᠢᠳᠠᠮᠠᠭᠠᠢ᠂ ᠣᠨᠴᠠᠭᠠᠶᠢᠯᠠᠨ ᠪᠣᠭᠴᠣ ᠦᠵᠡᠪᠡᠯ ᠠᠪᠳᠠᠭ ᠯᠠ ᠵᠠᠩᠰᠢᠯ ᠲᠠᠢ᠃ ᠥᠪᠡᠷ ᠪᠢ ᠪᠠᠨ ᠴᠡᠪᠡᠷ ᠴᠡᠮᠴᠡᠭᠡᠷ ᠭᠤᠶᠣᠯᠠᠬᠤ ᠳᠠᠭᠠᠨ ᠬᠡᠨ ᠢ ᠴᠤ | ᠭᠠᠷᠲᠠᠭᠠᠵᠤ ᠮᠡᠳᠡᠬᠦ ᠪᠠᠭᠰᠢᠲᠠᠨ᠃ ᠪᠣᠯᠤᠮᠠᠷ ᠬᠡᠳᠦᠨ ᠪᠦᠰᠡᠭᠦᠶᠢᠴᠦᠳ ᠲᠠᠢ ᠪᠠᠨ ᠬᠡᠵᠢᠶᠡ ᠨᠢᠭᠡ ᠪᠣᠯᠵᠣᠪᠠᠯ ᠬᠥᠭᠯᠡᠭᠰᠡᠨ ᠬᠡᠷᠡᠭ ᠠ᠋᠂ ᠠᠭᠤᠯᠵᠠᠬᠤ ᠠᠴᠠ ᠰᠠᠯᠬᠤ | ᠭᠦᠷᠳᠡᠯᠡ ᠨᠢᠭᠡ ᠯᠠ ᠭᠦᠭ ᠲᠡᠭᠡᠨ ᠪᠠᠶᠠᠷ ᠭᠦᠷ ᠢᠶᠠᠷ ᠪᠢᠯᠬᠠᠷᠠᠮᠠ᠃ ᠬᠡᠳᠦᠨ ᠬᠥᠮᠥᠨ ᠪᠠᠶᠢᠪᠠᠯ ᠬᠡᠳᠦᠭᠦᠯᠡ ᠶᠠᠭᠠᠷᠠᠵᠤ᠂ ᠬᠡᠴᠢᠨᠡᠨ ᠬᠤᠨᠤᠭ ᠤᠨ ᠬᠥᠷᠥᠩᠭᠡᠰᠢᠭᠰᠡᠨ | ᠦᠭᠡᠰ ᠢᠶᠠᠨ ᠥᠭᠦᠯᠡᠷᠦᠨ᠂ ᠬᠡᠨ ᠨᠢ ᠰᠣᠨᠣᠰᠴᠤ ᠬᠡᠨ ᠳᠡᠭᠡᠨ ᠰᠣᠨᠣᠰᠬᠠᠵᠤ ᠪᠠᠶᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠬᠦᠦᠷᠨᠢᠯᠳᠦᠨᠡ᠃ ᠢᠯᠠᠩᠭᠤᠶᠠ ᠣᠷᠣᠯᠳᠣᠯᠭᠠ ᠰᠠᠶᠢᠲᠠᠢ | ᠵᠢᠷᠠ ᠭᠦᠷᠦᠭᠰᠡᠨ ᠪᠦᠰᠡᠭᠦᠢ ᠭᠡᠳᠡᠭ ᠴᠢᠨᠢ ᠨᠢᠭᠡ ᠪᠤᠳᠠ ᠤᠳ᠋ᠪᠠᠯᠠ᠂ ᠨᠢᠭᠡ ᠪᠤᠳᠤᠩ ᠲᠠᠷᠠᠰᠤᠨ᠂ ᠨᠢᠭᠡ ᠳᠡᠪᠲᠡᠷ ᠵᠤᠵᠠᠭᠠᠨ ᠨᠣᠮ ᠭᠡᠰᠡᠨ ᠦᠭᠡ᠃ ᠡᠨᠡ ᠬᠦ ᠵᠤᠵᠠᠭᠠᠨ | ᠨᠣᠮ ᠢ ᠲᠡᠳᠡ ᠵᠢᠷᠠᠨ ᠵᠢᠯ ᠤᠨ ᠲᠤᠷᠰᠢ ᠪᠢᠴᠢᠵᠦ ᠨᠠᠶᠢᠷᠠᠭᠤᠯᠤᠭᠰᠠᠨ ᠶᠤᠮ᠃ ᠨᠣᠮ ᠤᠨ ᠳᠣᠲᠣᠷᠠ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠶᠢᠨ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠠᠮᠢᠳᠤᠷᠠᠯ | ᠪᠤᠢ᠂ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ ᠦᠢᠯᠡᠰ ᠪᠤᠢ᠂ ᠪᠢᠴᠢᠵᠦ ᠵᠢᠷᠤᠭᠰᠠᠨ ᠪᠦᠲᠦᠭᠡᠯ ᠤᠳ ᠪᠤᠢ᠃ ᠪᠦᠲᠦᠭᠡᠯ ᠤᠳ ᠨᠢ ᠬᠥᠮᠥᠨ ᠲᠦᠷᠦᠭᠰᠡᠤᠨ ᠤᠨ ᠰᠣᠶᠣᠯ ᠲᠡᠦᠬᠡ ᠳᠤ | ᠬᠤᠪᠢ ᠨᠡᠮᠡᠷᠢ ᠪᠣᠯᠵᠤ᠂ ᠦᠷᠡ ᠠᠴᠢ ᠨᠠᠷ ᠲᠤᠨᠢ ᠥᠪ ᠬᠥᠷᠥᠩᠭᠡ ᠪᠣᠯᠵᠤ᠂ ᠥᠪᠡᠷ ᠪᠢ ᠳᠤᠨᠢ ᠡᠷᠭᠢᠴᠡᠭᠦᠯᠦᠯ ᠪᠤᠯᠳᠠᠭ ᠠ᠋᠃ | ᠵᠢᠷᠠ ᠬᠦᠷᠬᠦ ᠳᠤ ᠶᠠᠭᠠᠬᠢᠬᠤᠪ᠂ ᠵᠦᠪᠭᠡᠨ ᠵᠢᠷᠠ ᠭᠦᠷᠦᠭᠰᠡᠨ ᠲᠡᠳᠦᠢ᠃ | ᠭᠡᠬᠦ ᠳᠤ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠬᠠᠶᠠ ᠪᠠᠰᠠ ᠰᠠᠨᠠᠯ ᠮᠥᠷᠥᠭᠡᠳᠦᠯ ᠳᠤ ᠤᠨᠠᠳᠠᠭ ᠴᠤ ᠪᠢᠯᠡ᠃ ᠢᠨᠠᠭ ᠳᠣᠲᠣᠨᠣ ᠬᠠᠶᠢᠷᠠ ᠬᠠᠶᠢᠷᠠ ᠶᠢᠨ ᠴᠤᠤᠷᠢᠶᠠ᠂ ᠦᠶᠡ | ᠦᠶᠡ ᠣᠶᠢᠷᠠᠲᠤᠨ ᠬᠡᠰᠡᠭ ᠬᠡᠰᠡᠭ ᠬᠤᠯᠠᠳᠠᠪᠠᠴᠤ ᠪᠢᠯᠢᠭ ᠠᠪᠬᠠᠯᠵᠢ ᠡᠭᠡᠨᠡᠭᠲᠡ ᠳᠡᠯᠭᠡᠷᠡᠬᠦ ᠳᠤ᠂ ᠪᠠᠳᠠᠭ ᠰᠢᠯᠦᠭ ᠱᠠᠳ ᠳᠠᠷᠠᠭᠠᠯᠠᠵᠤ ᠪᠠᠭᠤᠬᠤ᠂ ᠤᠷᠳᠤ ᠵᠣᠬᠢᠶᠠᠯ | ᠤᠳᠬᠠ ᠥᠳᠬᠡᠷᠡᠨ ᠪᠠᠭᠤᠬᠤ᠂ ᠠᠮᠢᠳᠤᠷᠠᠯ ᠪᠠᠶᠢᠭᠠᠯᠢ ᠥᠩᠭᠡ ᠢᠯᠭᠠᠷᠠᠨ ᠪᠠᠭᠤᠬᠤ᠂ ᠡᠨᠡ ᠬᠤᠷᠸᠠ ᠡᠰᠡᠨᠢᠯ ᠲᠥᠯᠵᠢᠯ ᠢᠶᠠᠷ ᠳᠦᠷᠡᠯᠵᠡᠵᠦ᠂ ᠵᠢᠷᠠ ᠲᠠᠢ | ᠪᠦᠰᠡᠭᠦᠢ ᠶᠢᠨ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠯ ᠳᠤ ᠪᠠᠶᠠᠷ ᠪᠠᠭ᠋ᠠᠳᠤᠯ ᠴᠡᠩᠬᠡᠷ ᠪᠣᠷᠤᠭᠠ ᠰᠢᠭ᠋ ᠱᠠᠭᠢᠵᠤ ᠰᠡᠳᠬᠢᠯ ᠵᠢᠷᠦᠬᠡ ᠶᠢ ᠨᠢ ᠤᠮᠳᠠᠯᠠᠨᠠ᠃ ᠬᠠᠶᠠ ᠨᠢᠭᠡ ᠡᠪᠦᠭᠡᠨ᠂ | ᠵᠠᠷᠢᠮ ᠨᠢᠭᠡ ᠢᠳᠡᠷ ᠡᠷᠡ᠂ ᠲᠤᠩ ᠬᠤᠪᠣᠷᠬᠠᠨ ᠳᠠᠭᠠᠨ ᠠᠯᠢ ᠨᠢᠭᠡ ᠵᠠᠯᠠᠭᠤ᠂ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠳᠤ ᠶᠠᠭᠤ ᠨᠢᠭᠡ ᠶᠢ ᠶᠠᠷᠢᠵᠤ᠂ ᠤᠬᠠᠭᠠᠨ ᠠᠯᠳᠠᠭᠤᠯᠳᠠᠭ ᠤᠳᠠᠭᠠ | ᠴᠤ ᠪᠤᠢ᠃ ᠭᠡᠬᠦ ᠳᠤ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠬᠠᠷᠢᠨ ᠠᠷᠪᠠᠨ ᠨᠠᠢᠮᠠ ᠲᠠᠢ ᠥᠬᠢᠨ ᠰᠢᠭ ᠪᠦᠱᠦᠭᠦᠷᠭᠡᠳᠡᠭ ᠴᠤ ᠦᠭᠡᠢ ᠰᠠᠨᠳᠤᠷᠳᠠᠭ ᠴᠤ ᠦᠭᠡᠢ᠂ ᠭᠦᠨ ᠤᠰᠤᠨ ᠮᠡᠲᠦ | ᠲᠠᠶᠢᠪᠤᠩ ᠠᠮᠤᠭᠤᠯᠠᠩ ᠰᠠᠭᠠᠲᠠᠭᠠᠳ ᠥᠨᠳᠥᠷ ᠰᠡᠨᠳᠠᠢ ᠳᠤ ᠡᠷᠬᠢᠮᠰᠦᠭ ᠶᠡᠬᠡᠮᠰᠦᠭ ᠳᠦᠷᠢᠯᠡᠨᠡ᠃ ᠭᠡᠯᠡ ᠴᠤ ᠭᠡᠰᠡᠨ ᠪᠠᠰᠠ ᠰᠠᠯᠬᠢᠨ ᠤ ᠦᠨᠦᠰᠦᠯᠲᠡ ᠬᠠᠴᠠᠷ | ᠱᠦᠷᠭᠦᠭᠡᠨ ᠥᠩᠭᠡᠷᠡᠬᠦ ᠳᠤ᠂ ︽ᠴᠢᠨᠦ ᠠᠨᠢᠷ ᠢ ᠠᠪᠴᠢᠷᠠᠭᠰᠠᠨ ᠶᠤᠮ ᠦᠦ᠂ ᠴᠢᠮᠠ ᠲᠠᠢ ᠠᠭᠤᠯᠵᠠᠭᠰᠠᠨ ᠮᠡᠲᠦ ᠪᠤᠯᠳᠠᠭ ᠮᠢᠨᠢ ᠶᠠᠭᠤ ᠪᠢᠯᠡ︾ ᠭᠡᠵᠦ ᠬᠡᠢ ᠪᠤᠳᠤᠨᠠ᠃ | ᠲᠡᠷᠡ ᠰᠡᠳᠬᠢᠯᠭᠡᠨ ᠤ ᠶᠢᠷᠲᠢᠨᠴᠦ ᠶᠢᠨ ᠭᠦᠨ ᠨᠠᠷᠢᠨ ᠢ ᠠᠷᠠᠳ ᠤᠨ ᠳᠠᠭᠤᠤ ᠪᠠᠷ ᠢᠯᠡᠳᠬᠡᠬᠦ ᠳᠤ ᠴᠤ ᠪᠠᠭᠠᠳᠠᠮᠠᠷ᠂ ᠲᠡᠷᠡᠬᠦ ᠤᠶᠤᠨ ᠮᠡᠳᠡᠯ ᠤᠨ ᠭᠦᠨ ᠤ ᠭᠦᠨ ᠳᠤ | ᠭᠦᠪᠪᠤᠨ ᠲᠤᠨᠤᠬᠤ ᠢᠷᠠᠭᠤ ᠰᠠᠶᠢᠬᠠᠨ ᠢ ᠵᠦᠪᠭᠡᠨ ᠰᠡᠷᠡᠯ ᠮᠡᠳᠡᠷᠡᠮᠵᠢ ᠪᠠᠷ ᠤᠬᠠᠨᠠ᠃ | ᠬᠠᠶᠢᠷᠠ ᠪᠣᠯ ᠮᠥᠬᠦᠰᠢ ᠦᠭᠡᠢ᠂ ᠬᠠᠶᠢᠷᠠ ᠪᠣᠯ ᠮᠥᠩᠬᠡ ᠶᠢᠨ᠃ ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠶᠢᠨ ᠬᠠᠶᠢᠷᠠ ᠭᠡᠳᠡᠭ ᠡᠯᠡᠰᠦᠨ ᠳᠡᠭᠡᠷᠡ ᠰᠠᠴᠤᠭᠰᠠᠨ ᠪᠤᠳᠠᠭᠠ ᠪᠢᠰᠢ᠂ | ᠲᠡᠨᠡᠭᠳᠡᠵᠦ ᠬᠡᠨ ᠬᠥᠮᠥᠨ ᠲᠠᠢ ᠰᠠᠶᠢᠮᠰᠤᠷᠬᠠᠳᠠᠭ ᠭᠤᠯᠤᠰᠢ ᠪᠢᠰᠢ᠂ ᠬᠠᠷᠢᠨ ᠠᠷᠢᠭᠤᠨ ᠨᠢ ᠤᠰᠤᠨ ᠯᠤᠭᠠ ᠦᠯᠢᠭᠡᠷᠯᠡᠮᠡᠷ᠂ ᠱᠠᠩᠳᠠᠭᠤᠨ ᠨᠢ ᠲᠤᠰᠤᠨ ᠯᠤᠭᠠ | ᠠᠳᠠᠯᠢᠳᠬᠠᠮᠠᠷ ᠭᠬᠢᠷ ᠦᠭᠡᠢ᠂ ᠬᠤᠯᠢᠴᠠ ᠦᠭᠡᠢ᠃ | ᠵᠢᠷᠠ ᠬᠦᠷᠬᠦ ᠳᠤ ᠶᠠᠭᠠᠬᠢᠬᠤᠪ᠂ ᠵᠦᠪᠭᠡᠨ ᠵᠢᠷᠠ ᠭᠦᠷᠦᠭᠰᠡᠨ ᠲᠡᠳᠦᠢ᠃ | ᠵᠢᠷᠠ ᠲᠠᠢ ᠪᠦᠰᠡᠭᠦᠢ ᠶᠢᠨ ᠠᠮᠢ ᠠᠮᠢᠵᠢᠷᠠᠯ ᠵᠠᠭᠤ ᠬᠤᠷᠢᠨ ᠨᠠᠰᠤᠨ ᠥᠭᠡᠳᠡ ᠲᠡᠮᠡᠦᠯᠬᠦᠢ᠃ |