| ᠲᠣᠮᠤᠭ ᠤᠨ ᠤᠯᠠᠭᠠᠨ ᠲᠣᠭᠤᠰᠣᠨ ᠳᠤᠮᠳᠠᠭᠤᠷ ᠥᠴᠥᠭᠡᠳᠦᠷ ᠥᠨᠥᠳᠥᠷ ᠤᠨ ᠵᠠᠢ ᠳᠤ ︽ᠠᠷᠪᠢᠨ ᠴᠠᠭᠠᠰᠤᠨ ᠳᠡᠭᠡᠷᠡ ᠪᠢᠴᠢᠭᠰᠡᠨ ᠭᠠᠭᠴᠠᠬᠠᠨ ᠬᠠᠭᠤᠳᠠᠰᠤ | ᠵᠠᠬᠢᠳᠠᠯ ᠰᠢᠭ᠋︾ ᠲᠡᠭᠦᠨ ᠤ ᠠᠮᠢᠳᠤᠷᠠᠯ ᠭᠦᠤᠷᠨᠢᠭ᠍ᠳᠡᠭᠰᠡᠭᠡᠷ᠃ | ︽ᠴᠠᠭ ᠬᠤᠭᠤᠴᠠᠭᠠ ᠠᠯᠢᠪᠠ ᠶᠢ ᠬᠤᠪᠢᠷᠠᠭᠠᠳᠠᠭ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠬᠤᠪᠢᠷᠠᠭᠠᠭᠰᠠᠭᠠᠷ ᠪᠠᠶᠢᠳᠠᠭ︾ ᠬᠤᠷᠸᠠ ᠶᠢᠨ ᠵᠠᠮᠨᠠᠯ ᠳᠤ ᠳᠤᠷᠠᠯᠠᠨ ᠬᠠᠶᠢᠷᠠᠯᠠᠬᠤ ᠶᠢᠨ | ᠰᠡᠳᠬᠢᠯ ᠥᠭᠭᠦᠭᠰᠡᠨ᠂ ᠳᠤᠷᠠᠰᠤᠨ ᠰᠠᠨᠠᠬᠤ ᠶᠢᠨ ᠮᠥᠷᠥᠭᠡᠳᠦᠯ ᠥᠭᠭᠦᠭᠰᠡᠨ᠂ ᠳᠠᠭᠤᠯᠠᠨ ᠤᠶᠠᠩᠭᠠᠯᠠᠬᠤ ᠶᠢᠨ ᠰᠢᠯᠦᠭ ᠥᠭᠭᠦᠭᠰᠡᠨ᠂ ᠳᠤᠭᠤᠢ ᠰᠠᠭᠤᠵᠤ ᠨᠠᠮ | ᠪᠣᠳᠣᠯᠭᠠᠰᠢᠷᠠᠬᠤ ᠶᠢᠨ ᠤᠬᠠᠭᠠ ᠥᠭᠭᠦᠭᠰᠡᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠨᠤᠲᠤᠭ ᠤᠨ ᠢᠶᠠᠨ ᠬᠠᠩᠭᠠᠢ ᠵᠣ᠂ ᠬᠠᠯᠴᠠᠭᠠᠷ ᠬᠦᠷᠡᠩ ᠠᠭᠤᠯᠠ᠂ ᠲᠠᠰᠢᠭᠤᠷ ᠰᠢᠭ᠋ ᠰᠠᠯᠬᠢ ᠲᠠᠢ | ᠠᠷᠴᠠ ᠶᠢᠨ ᠪᠡᠷᠬᠡ ᠶᠢᠨ ᠮᠠᠩᠬᠠ᠂ ᠲᠠᠪᠤᠨ ᠮᠢᠩᠭᠠᠨ ᠵᠢᠯ ᠤᠷᠤᠰᠤᠭᠰᠠᠨ ᠠᠲᠠᠯᠡ ᠪᠠᠨ ᠥᠨᠥᠳᠥᠷ ᠠᠮᠢ ᠲᠠᠰᠤᠷᠠᠬᠰᠠᠨ ᠯᠤᠤᠬᠠ ᠶᠢᠨ ᠭᠤᠣᠯ᠂ ᠰᠢᠯᠦᠭ ᠲᠡᠦᠬᠡ | ᠮᠡᠳᠡᠬᠦ ᠦᠭᠡᠢ ᠵᠣᠭᠤᠰ ᠯᠠ ᠲᠠᠨᠢᠳᠠᠭ ᠠᠷᠠᠳ ᠲᠦᠮᠡᠨ ᠬᠢᠭᠡᠳ ᠲᠡᠭᠦᠨ ᠤ ᠥᠴᠥᠭᠡᠳᠦᠷ ᠪᠠ ᠥᠨᠥ ᠮᠠᠷᠭᠠᠰᠢ᠂ ᠠᠬᠤᠢ ᠪᠠ ᠬᠦᠰᠡᠯᠡᠩ ᠲᠡᠮᠡᠦᠯᠦᠯ᠂ ᠪᠠᠶᠠᠷ ᠪᠠ | ᠭᠤᠨᠢᠭ ᠭᠤᠮᠣᠳᠠᠯ᠂ ᠰᠠᠶᠢᠨ ᠮᠠᠭᠤ ᠦᠨᠡᠨ ᠬᠤᠳᠠᠯ ᠤᠨ ᠲᠤᠬᠠᠢ ᠶᠡᠭᠡ ᠤᠰᠤᠨ ᠤ ᠴᠢᠮᠡᠭᠡ ᠴᠢᠩᠨᠠᠨ ᠰᠣᠯᠣᠩᠭᠠ ᠪᠠᠷᠢᠬᠤ ᠭᠡᠵᠦ ᠭᠦᠶᠦᠯᠳᠦᠳᠡᠭ ᠬᠡᠦᠬᠡᠳ ᠦᠶᠡ᠂ | ᠰᠣᠯᠣᠩᠭᠠᠨ ᠳᠣᠯᠣᠭᠠᠨ ᠬᠦᠰᠡᠯ ᠳᠡᠭᠡᠨ ᠱᠠᠩᠳᠠᠭᠤᠷᠠᠭᠰᠠᠨ ᠰᠣᠯᠢᠶᠠ ᠭᠡᠨᠡᠨ ᠠᠷᠪᠠᠨ ᠨᠠᠢᠮᠠᠨ ᠨᠠᠰᠤ ᠪᠠᠨ ᠰᠠᠨᠠᠵᠤ᠂ ᠳᠥᠯᠭᠡᠨ ᠠᠭᠠᠳ ᠲᠠᠶᠢᠪᠤᠩ ᠮᠣᠩᠭᠤᠯ ᠤᠨ | ᠭᠤᠪᠢ ᠪᠦᠷᠢᠳᠦ ᠪᠠᠨ ᠡᠷᠢᠵᠦ ᠪᠡᠳᠡᠷᠢᠭᠰᠡᠭᠡᠷ ᠰᠡᠳᠬᠢᠯ ᠢᠶᠠᠨ ᠰᠡᠮᠭᠡᠨ ᠠᠷᠭᠠᠳᠠᠨ ︽ᠪᠢᠷ ᠢᠶᠠᠨ ᠪᠢ ᠬᠠᠶᠠᠭᠠ ᠦᠭᠡᠢ︾ ᠬᠡᠮᠡᠨ ᠪᠠᠷᠳᠠᠮ ᠶᠠᠷᠢᠵᠤ ᠥᠪᠡᠷ ᠤᠨ ᠭᠡᠰᠡᠨ | ᠵᠥᠩ ᠮᠡᠳᠡᠷᠡᠬᠦᠢ᠂ ᠪᠢᠰᠢᠯᠭᠠᠯ᠂ ᠪᠠᠷᠢᠮᠲᠠᠯᠠᠯ ᠢᠶᠠᠷ ᠢᠶᠠᠨ ᠰᠢᠯᠦᠭ ᠵᠣᠬᠢᠶᠠᠯ ᠢᠶᠠᠨ ᠲᠤᠭᠤᠷᠪᠢᠵᠤ᠂ ᠠᠮᠢ ᠨᠠᠰᠤᠨ ᠤ ᠪᠠᠨ ᠥᠭᠡᠷᠡ ᠨᠢᠭᠡᠨ ᠭᠡᠯᠪᠡᠷᠢ ᠪᠠᠨ ᠪᠢᠴᠢᠭᠯᠡᠵᠦ | ᠶᠠᠪᠤᠭᠠ ᠨᠢᠭᠡᠨ ᠬᠥᠮᠥᠨ ᠢ ︽ᠥᠴᠥᠭᠡᠳᠦᠷ︾ ︽ᠥᠨᠥᠳᠥᠷ︾ ︽ᠮᠠᠷᠭᠠᠰᠢ︾ ᠰᠠᠶᠢᠨ ᠲᠠᠨᠢᠳᠠᠭ ᠪᠦᠯᠦᠭᠡ᠃ | ᠨᠢᠭᠡ | ︽ᠤᠰᠤᠨ ᠤ ᠶᠡᠭᠡ ᠤᠰᠤ - ᠯᠤᠤᠬᠠ ᠶᠢᠨ ᠭᠤᠣᠯ ᠮᠢᠨᠢ | ᠤᠷᠤᠰᠬᠠᠯ ᠴᠢᠨᠢ ᠠᠮᠢᠳᠤ ᠪᠠᠶᠢᠪᠠᠯ ᠴᠢ ᠡᠨᠡ ᠨᠤᠲᠤᠭ ᠤᠨ ᠦᠨᠡᠨ ᠲᠡᠦᠬᠡ ᠁︾ | - ︽ᠪᠠᠶᠠᠷᠲᠠᠢ᠂ ᠯᠤᠤᠬᠠ ᠶᠢᠨ ᠭᠤᠣᠯ ᠮᠢᠨᠢ︾ | ᠡᠨᠡ ᠬᠥᠮᠥᠨ ᠪᠣᠯ ︽ᠬᠠᠳᠠᠨ ᠲᠡᠮᠦᠷ︾᠃ | ᠥᠴᠥᠭᠡᠳᠦᠷ ᠲᠡᠷᠡ ᠥᠨᠢ ᠡᠷᠲᠡᠨ ᠤ ᠯᠤᠤᠬᠠ ᠶᠢᠨ ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠡᠭᠡᠨ ᠭᠦᠷᠪᠡ᠃ ᠬᠦᠢᠲᠡᠨ ᠴᠠᠷᠴᠠᠩᠬᠠᠢ ᠥᠩᠭᠡ ᠪᠠᠷ ᠮᠡᠯᠮᠡᠷᠡᠨ ᠤᠷᠤᠰᠬᠤ | ᠭᠤᠣᠯ ᠢᠶᠠᠨ ᠤᠶᠢᠳᠬᠠᠷᠲᠠᠶᠢᠬᠠᠨ ᠰᠢᠷᠲᠡᠨ᠄ | ︽ᠯᠤᠤᠬᠠ ᠶᠢᠨ ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠡᠭᠡᠷᠡ | ᠨᠣᠭᠲᠣ ᠪᠠᠨ ᠴᠢᠷᠦᠭᠰᠡᠨ ᠮᠣᠷᠢ ᠠ᠋ | ᠨᠠᠮᠤᠭᠤᠬᠠᠨ ᠵᠠᠩ ᠲᠠᠢ ᠨᠤᠭᠤᠨᠵᠠᠶᠠᠭᠠ | ᠨᠤᠲᠤᠭ ᠠᠴᠠ ᠪᠠᠨ ᠬᠤᠯᠠ ᠵᠠᠶᠠᠭᠠᠵᠠᠢ ᠁︾ ᠭᠡᠵᠦ ᠳᠠᠭᠤᠯᠠᠨ ᠶᠠᠪᠤᠲᠠᠯᠠ ᠭᠤᠣᠯ ᠤᠨ ᠡᠷᠭᠢᠨ ᠳᠤ ᠪᠦᠷ ᠴᠤ ᠣᠶᠢᠷᠠᠬᠠᠨ ᠨᠢᠭᠡᠨ ᠶᠠᠭᠤᠮᠠ ᠴᠠᠶᠢᠷᠠᠨ | ᠬᠠᠷᠠᠭᠳᠠᠬᠤ ᠪᠠᠷ ᠨᠢ ᠶᠠᠭᠠᠷᠠᠨ ᠠᠯᠬᠤᠯᠠᠵᠤ ᠣᠶᠢᠷᠠᠲᠤᠨ ᠣᠴᠢᠪᠠᠯ ᠨᠢᠭᠡᠨ ᠳᠤᠭᠲᠤᠢ ᠵᠠᠬᠢᠳᠠᠯ ᠪᠠᠶᠢᠯᠠ᠃ ᠬᠡᠭᠡᠷᠡ ᠭᠠᠳᠠᠭᠠ ᠭᠠᠭᠴᠠᠭᠠᠷ ᠢᠶᠠᠨ ᠶᠠᠪᠤᠬᠤ ᠳᠠᠭᠠᠨ | ᠭᠡᠨᠡᠳᠲᠡ ᠪᠠᠷ ᠡᠶᠢᠮᠦ ᠨᠢᠭᠡ ᠵᠠᠬᠢᠳᠠᠯ ᠬᠠᠷᠠᠭᠰᠠᠨ ᠳᠠᠭᠠᠨ ᠲᠡᠷᠡ ᠰᠡᠮᠭᠡᠨ ᠢᠨᠢᠶᠡᠯᠡ᠃ ᠨᠢᠳᠦᠨ ᠡᠮᠦᠨᠡᠬᠢ ᠵᠠᠬᠢᠳᠠᠯ ᠢ ᠨᠢ ᠬᠡᠨ ᠨᠢᠭᠡ ᠬᠥᠮᠥᠨ ᠪᠤᠯᠢᠶᠠᠬᠤ ᠠᠴᠠ | ᠠᠶᠤᠭᠰᠠᠨ ᠰᠢᠭ᠋ ᠶᠠᠭᠠᠷᠠᠤᠬᠠᠨ ᠭᠡᠭᠴᠢ ᠠᠪᠴᠤ ᠳᠡᠯᠭᠡᠯᠡ᠃ ᠲᠡᠭᠦᠨ ᠢ ᠰᠢᠨᠡᠰᠦ᠋ᠮᠡ ᠶᠢᠨ ᠬᠠᠷᠠ ᠠᠴᠠ ᠪᠠᠨ ᠢᠯᠡᠭᠦᠦ ᠬᠠᠶ᠋ᠢᠭ ᠦᠭᠡᠢ ᠵᠠᠬᠢᠳᠠᠯ ᠳᠤ ᠳᠤᠷᠠᠲᠠᠢ ᠭᠡᠵᠦ | ᠬᠥᠮᠥᠰ ᠤᠨ ᠱᠣᠭᠯᠠᠳᠠᠭ ᠦᠨᠡᠨ ᠴᠤ ᠪᠠᠶᠢᠭᠰᠠᠨ ᠪᠣᠯᠪᠠ ᠤᠤ᠃ | ︽᠁ ᠲᠡᠷᠡ ᠰᠡᠵᠢᠭᠦᠷ ᠴᠠᠭᠠᠨ ᠴᠢᠯᠠᠭᠤ᠂ ᠭᠦᠢᠯᠡᠰᠦᠨ ᠮᠣᠳᠣᠨ ᠣᠯᠣᠮ᠂ ᠤᠷᠢᠨ ᠴᠠᠭ ᠤᠨ ᠰᠠᠯᠬᠢᠨ ᠳᠤ ᠳᠣᠮᠤᠭ ᠤᠨ ᠶᠤᠮ ᠰᠢᠭ᠋ ᠪᠦᠷᠦᠯᠵᠡᠨ | ᠬᠠᠷᠠᠭᠳᠠᠬᠤ ᠭᠥᠯᠢᠭᠡᠷ ᠤᠨ ᠴᠠᠭᠠᠨ᠂ ᠨᠣᠭᠤᠭᠠᠨ ᠱᠠᠬᠱᠤᠣᠷᠭᠠ ᠰᠣᠭᠰᠣᠯᠵᠠᠨ ᠬᠠᠯᠢᠭᠤᠷᠠᠭᠰᠠᠨ ᠯᠤᠤᠬᠠ ᠶᠢᠨ ᠭᠤᠣᠯ ᠤᠨ ᠳᠡᠨᠵᠢ᠂ ᠡᠷᠬᠡ ᠬᠤᠩᠭᠤᠷ ᠨᠠᠰᠤᠨ ᠤ ᠪᠠᠨ | ᠲᠣᠭᠯᠠᠭᠠᠮ ᠤᠨ ᠴᠢᠯᠠᠭᠤ ᠠᠴᠠ ᠲᠣᠭᠤᠷᠤᠤ ᠶᠢᠨ ᠭᠠᠩᠭᠠᠨᠠᠭᠠ᠂ ᠳᠤᠷᠠᠰᠤᠯ ᠮᠥᠷᠥᠭᠡᠳᠦᠯ ᠳᠤᠨᠢ᠂ ᠰᠢᠪᠠᠭᠤᠳ ᠤᠨ ᠢᠶᠠᠨ ᠤᠶᠠᠬᠠᠨ ᠳᠣᠩᠭᠤᠳᠤᠯᠭᠠ ᠳᠤ ᠰᠠᠶᠢᠨ | ᠰᠠᠶᠢᠬᠠᠨ ᠢᠶᠠᠨ ᠥᠭᠭᠦᠭᠡᠳ ᠬᠤᠯᠠ ᠶᠢᠨ ᠬᠤᠯᠠ ᠶᠠᠪᠤᠭᠰᠠᠨ ᠪᠠᠶᠢᠭᠠᠯᠢ ᠶᠢᠨ ᠥᠬᠢᠨ ᠵᠤᠨᠠ᠂ ᠰᠦᠷᠯᠢᠭ ᠤᠩᠭᠤᠨ ᠨᠤᠲᠤᠭ᠂ ᠰᠦᠨ ᠰᠡᠳᠬᠢᠯᠲᠦ ᠥᠬᠢᠨ | ᠬᠤᠶᠠᠷ ᠤᠨ ᠦᠯᠢᠭᠡᠷ ᠲᠠᠢ ᠤᠨᠠᠭᠠᠨ ᠪᠠᠭᠠ ᠨᠠᠰᠤᠨ ᠤ ᠴᠡᠭᠡᠯᠬᠡᠨ ᠢᠨᠢᠶᠡᠳᠦ ᠴᠢᠨᠢ ᠠᠳᠡ ᠲᠣᠳᠣᠬᠠᠨ ᠰᠣᠨᠣᠰᠳᠠᠨᠠ︾᠃ | ᠡᠨᠡ ᠨᠢ ᠤᠯᠠᠭᠠᠨ ᠲᠣᠭᠤᠰᠣᠨ ᠤ ᠭᠠᠳᠠᠨᠠᠬᠢ ᠶᠢᠷᠲᠢᠨᠴᠦ ᠠᠴᠠ ᠢᠷᠡᠭᠦᠯᠦᠭᠰᠡᠨ ᠵᠠᠬᠢᠳᠠᠯ ᠪᠤᠯᠬᠤ ᠶᠢ ᠲᠡᠷᠡ ᠮᠡᠳᠡᠯᠡ᠃ ᠵᠠᠬᠢᠳᠠᠯ ᠤᠨ ᠮᠥᠷ ᠪᠠᠳᠠᠭ ᠤᠳ | ᠡᠷᠬᠡ ᠦᠭᠡᠢ ᠯᠠ ᠪᠠᠭᠠ ᠨᠠᠰᠤᠨ ᠤ ᠬᠢᠨᠢ ᠪᠠᠭᠠᠰᠬᠠᠯ ᠵᠢᠷᠤᠭ᠂ ᠲᠡᠭᠦᠨ ᠤ ᠯᠠ ᠥᠮᠴᠢᠯᠡᠭᠰᠡᠨ ᠲᠣᠭᠤᠰᠣᠲᠤ ᠶᠢᠷᠲᠢᠨᠴᠦ ᠨᠢ ᠪᠠᠶᠢᠯᠠ᠃ ᠤᠷᠤᠰᠬᠤ ᠶᠢ ᠨᠢ ᠬᠠᠷᠠᠨ | ᠪᠠᠶᠠᠷᠯᠠᠨ᠂ ᠳᠠᠪᠠᠯᠭᠠᠯᠠᠬᠤ ᠶᠢ ᠨᠢ ᠬᠠᠷᠠᠨ ᠳᠣᠭᠳᠣᠯᠤᠨ᠂ ᠲᠠᠲᠠᠷᠠᠬᠤ ᠶᠢ ᠨᠢ ᠬᠠᠷᠠᠨ ᠭᠤᠨᠢᠭᠯᠠᠨ ᠶᠠᠪᠤᠳᠠᠭ ᠡᠨᠡ ᠭᠤᠣᠯ ᠬᠢᠭᠡᠳ ᠪᠠᠶᠢᠭᠠᠯᠢ ᠬᠡᠮᠡᠭᠴᠢ ᠡᠬᠡ | ᠳᠠᠭᠢᠨᠢ ᠲᠠᠢ ᠪᠠᠨ ᠲᠡᠷᠡ ᠭᠦᠢ ᠶᠢᠨ ᠬᠤᠯᠪᠤᠭᠠ ᠲᠠᠢ᠃ | ᠵᠠᠬᠢᠳᠠᠯ ᠤᠨ ᠬᠠᠭᠤᠳᠠᠰᠤ ᠪᠠᠨ ᠡᠪᠬᠡᠵᠦ ᠬᠥᠬᠡ ᠴᠠᠮᠴᠠᠨ ᠤ ᠪᠠᠨ ᠬᠠᠷᠮᠠᠨ ᠳᠠᠭᠠᠨ ᠬᠢᠯᠡ᠃ ᠲᠡᠭᠦᠨ ᠤ ᠨᠢᠯᠪᠤᠰᠤ ᠡᠩᠭᠡᠷ ᠤᠷᠤᠭᠤ ᠨᠢ ᠪᠢᠰᠢ ᠡᠯᠢᠭᠡ | ᠤᠷᠤᠭᠤ ᠨᠢ ᠡᠮᠵᠡᠭᠬᠡᠨ ᠤᠷᠤᠰᠤᠨᠠ᠃ | ᠳᠠᠩᠳᠠ ᠮᠥᠷᠥᠪᠴᠢᠯᠡᠳᠡᠭ ᠰᠢᠷᠭᠠᠯ ᠪᠣᠭᠴᠣᠨ ᠠᠴᠠ ᠪᠠᠨ ᠪᠢᠷ ᠢᠶᠠᠨ ᠭᠠᠷᠭᠠᠨ ᠬᠠᠷᠢᠭᠤ ᠵᠠᠬᠢᠳᠠᠯ ᠢᠶᠠᠨ ᠴᠠᠭᠠᠰᠤᠨ ᠳᠤ ᠪᠢᠰᠢ ᠴᠠᠭᠠᠲᠤ ᠡᠷᠭᠢᠨ ᠳᠤ | ᠪᠢᠴᠢᠵᠦ ᠡᠬᠢᠯᠡᠯᠡ᠃ ᠲᠡᠭᠦᠨ ᠤ ᠡᠨᠡ ᠬᠦ ᠬᠠᠷᠢᠭᠤ ᠵᠠᠬᠢᠳᠠᠯ ᠢ ᠲᠣᠭᠤᠰᠣᠲᠤ ᠶᠢᠷᠲᠢᠨᠴᠦ ᠶᠢᠨ ᠭᠠᠳᠠᠨᠠᠬᠢ ᠬᠥᠮᠥᠰ ᠯᠠ ᠣᠯᠵᠤ ᠤᠩᠰᠢᠬᠤ ᠪᠠᠶᠢᠬᠠ᠃ | ᠯᠤᠤᠬᠠ ᠶᠢᠨ ᠭᠤᠣᠯ -︽ᠬᠠᠳᠠᠨ ᠲᠡᠮᠦᠷ︾ ᠤᠨ ᠢᠶᠠᠨ ᠯᠤᠭᠰᠢᠬᠤ ᠵᠢᠷᠦᠬᠡᠨ ᠤ ᠬᠢᠨᠢ ᠮᠥᠩᠬᠡ ᠶᠢᠨ ᠤᠷᠤᠰᠬᠠᠯ ᠪᠠᠶᠢᠵᠠᠢ᠃ ᠲᠣᠮᠤᠭ ᠬᠦᠦᠷᠨᠢᠵᠦ᠂ ᠰᠢᠯᠦᠭ | ᠪᠤᠳᠣᠬᠳᠠᠭᠤᠯᠵᠤ᠂ ᠣᠷᠴᠢᠯᠠᠩ ᠤᠨ ᠭᠠᠶᠢᠬᠠᠮᠰᠢᠭ ᠢ ᠵᠢᠷᠤᠭᠯᠠᠭᠰᠠᠨ ᠡᠨᠡ ᠰᠢᠳᠢᠲᠦ ᠤᠰᠤᠨ ᠤ ᠪᠠᠨ ᠲᠤᠬᠠᠢ ᠶᠠᠭᠤ ᠨᠢᠭᠡ ᠶᠢ ᠬᠠᠶᠢᠬᠤ ᠬᠡᠮᠡᠨ ᠲᠡᠷᠡ ᠵᠡᠭᠦᠳᠦᠨ ᠤ | ᠡᠷᠢᠯ ᠳᠡᠭᠡᠨ ᠰᠡᠮᠭᠡᠨ ᠮᠣᠷᠳᠠᠯᠠ᠃ | ᠬᠤᠶᠠᠷ | ︽ᠠᠷᠴᠠ ᠶᠢᠨ ᠪᠡᠷᠬᠡ ᠮᠢᠨᠢ᠂ ᠠᠮᠢᠨ ᠵᠢᠷᠦᠬᠡ ᠮᠢᠨᠢ | ᠠᠷᠴᠢᠬᠤ ᠳᠤ ᠪᠡᠷᠬᠡ ᠰᠡᠳᠬᠢᠯ ᠤᠨ ᠨᠢᠯᠪᠤᠰᠤ ᠮᠢᠨᠢ ᠁︾ | - ︽ᠠᠷᠴᠠ ᠶᠢᠨ ᠪᠡᠷᠬᠡ︾ | ᠡᠨᠡ ᠬᠥᠮᠥᠨ ᠪᠣᠯ ︽ᠭᠡᠷᠡᠯᠪᠠᠭᠠᠲᠤᠷ︾᠃ | ᠥᠨᠥᠳᠥᠷ ᠲᠡᠷᠡ ᠲᠣᠮᠤᠭ ᠦᠨᠡᠨ ᠤ ᠳᠤᠮᠳᠠᠭᠤᠷ ᠵᠡᠭᠦᠷᠮᠡᠭᠯᠡᠨ ᠶᠠᠪᠤᠭᠰᠠᠭᠠᠷ ᠠᠯᠤᠰ ᠵᠡᠭᠦᠳᠦᠨ ᠤ ᠠᠷᠴᠠ ᠶᠢᠨ ᠪᠡᠷᠬᠡ ᠳᠡᠭᠡᠨ ᠬᠦᠷᠴᠦ ᠢᠷᠡᠪᠡ᠃ ᠪᠡᠷᠬᠡ | ᠭᠡᠵᠦ ᠲᠡᠭᠦᠨ ᠤ ᠬᠤᠪᠢ ᠳᠤ ᠰᠦᠭ ᠰᠦᠨᠡᠰᠦᠨ ᠤ ᠢᠲᠡᠭᠡᠯ ᠪᠢᠰᠢᠷᠡᠯ᠂ ᠠᠮᠢ ᠠᠮᠢᠯᠠᠯ ᠤᠨ ᠲᠡᠮᠡᠦᠯᠦᠯ ᠲᠡᠮᠡᠴᠡᠯ᠂ ᠠᠯᠤᠰ ᠶᠠᠪᠤᠵᠤ ᠶᠡᠭᠡ ᠶᠢ ᠪᠦᠲᠦᠭᠡᠬᠦ ᠬᠦᠰᠡᠯ | ᠮᠥᠷᠥᠭᠡᠳᠦᠯ ᠥᠭᠭᠦᠭᠰᠡᠨ ᠰᠢᠳᠢᠲᠦ ᠣᠷᠣᠨ ᠨᠢ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠥᠨᠥᠳᠥᠷ ᠰᠢᠯᠦᠭ ᠪᠦᠲᠦᠭᠡᠯ ᠤᠨ ᠬᠢᠨᠢ ᠡᠬᠢ ᠤᠨᠳᠤᠷᠤᠭᠠ ᠨᠢ ᠪᠤᠯᠬᠤ ᠶᠧᠯᠸᠢ ᠶᠢᠨ ᠶᠤᠮ | ᠰᠢᠭ᠋ ᠡᠨᠡ ᠪᠡᠷᠬᠡ ᠨᠢ ᠲᠡᠭᠦᠨ ᠢ ᠦᠭᠡᠶᠢᠯᠡᠨ ᠳᠠᠭᠤᠳᠠᠵᠠᠢ᠃ | ︽ᠠᠩᠭᠢᠷ ᠪᠠᠭᠠ ᠨᠠᠰᠤ ᠶᠢ ᠮᠢᠨᠢ ᠪᠦᠪᠡᠶᠢᠯᠡᠭᠰᠡᠨ ᠠᠷᠴᠠ ᠶᠢᠨ ᠪᠡᠷᠬᠡ ᠶᠢᠨ ᠪᠦᠷᠢᠳᠦ ᠲᠠᠢ ᠴᠠᠶᠢᠳᠠᠮ᠂ ᠪᠤᠷᠭᠠᠰᠤ ᠲᠠᠢ ᠬᠤᠲᠣᠭᠤᠷ ᠢᠶᠠᠨ ᠶᠡᠷᠦ ᠨᠢ ᠪᠢ | ᠬᠡᠵᠢᠶᠡ ᠴᠤ ᠶᠠᠭᠤᠨ ᠬᠡᠮᠡᠵᠦ ᠮᠠᠷᠲᠠᠬᠤ ᠪᠢᠯᠡ︖︾ ᠭᠡᠵᠦ ᠲᠡᠷᠡ ᠮᠥᠷᠡᠨ ᠲᠠᠩᠭᠢᠰ ᠤᠨ ᠰᠠᠶᠢᠨ ᠡᠷᠡ ᠶᠢᠨ ᠳᠠᠭᠤ ᠪᠠᠷ ᠬᠠᠰᠬᠢᠷᠴᠤ ᠪᠠᠶᠢᠯᠠ᠃ ᠠᠭᠤᠵᠢᠮ ᠴᠡᠩᠬᠡᠷ | ᠠᠭᠠᠷ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠬᠤ ᠳᠤᠨᠢ ᠠᠮᠲᠠᠯᠠᠭᠳᠠᠵᠤ᠂ ᠤᠷᠠᠨ ᠠᠮᠢᠳᠤ ᠣᠰᠣᠨ ᠭᠠᠵᠠᠷ ᠤᠨ ᠵᠢᠷᠤᠭ ᠳᠡᠭᠡᠷᠡ ᠨᠢ ᠬᠥᠳᠡᠯᠵᠦ᠂ ᠭᠠᠷᠤᠨ ᠣᠷᠣᠨ ᠪᠤᠳᠣᠬᠳᠠᠭᠤᠯᠵᠤ | ᠪᠠᠶᠢᠳᠠᠭ ᠪᠣᠯᠬᠤᠷ ︽ᠠᠷᠴᠠ ᠶᠢᠨ ᠪᠡᠷᠬᠡ︾ ᠠᠳᠠ ᠠᠴᠠ ᠲᠦᠷᠦᠭᠦ ᠨᠢ ᠪᠤᠷᠤᠭᠤ ᠦᠭᠡᠢ᠃ ᠠᠩᠭᠠ ᠪᠠᠭᠠ ᠶᠢᠨ ᠳᠤᠷᠠᠳᠬᠠᠯ᠂ ᠠᠯᠢᠶᠠᠬᠠᠨ ᠨᠠᠰᠤᠨ ᠤ ᠳᠤᠷᠠᠰᠤᠮᠵᠢ᠂ | ᠠᠯᠳᠠᠷᠠᠢ ᠨᠠᠰᠤᠨ ᠤ ᠮᠥᠷᠥᠭᠡᠳᠦᠯ ᠶᠠᠭᠤ ᠪᠦᠭᠦᠨ ᠢ ᠨᠢ ᠰᠢᠩᠭᠡᠭᠡᠭᠰᠡᠨ ᠠᠷᠴᠠ ᠶᠢᠨ ᠪᠡᠷᠬᠡ ᠶᠢᠨ ᠭᠠᠵᠠᠷ ᠤᠰᠤᠨ ᠬᠥᠭᠡᠷᠦᠬᠦᠢ ᠦᠷᠡᠰ ᠤᠨ ᠢᠶᠠᠨ ᠰᠡᠳᠬᠢᠯ ᠢ | ᠰᠡᠮᠭᠡᠨ ᠴᠠᠩᠭᠠᠭᠠᠳᠠᠭ ᠤᠴᠢᠷᠲᠠᠢ᠃ | ᠪᠡᠷᠬᠡ ᠨᠢ ᠪᠡᠷᠬᠡᠳᠡᠬᠦ ᠪᠠᠷ ᠢᠶᠠᠨ ᠪᠡᠷᠬᠡ ᠳᠤ ᠥᠰᠦᠭᠰᠡᠨ ᠬᠡᠦᠬᠡᠳ ᠤᠳ ᠢᠶᠠᠨ ᠳᠠᠭᠤᠳᠠᠳᠠᠭ ᠭᠡᠭᠴᠢ ᠦᠨᠡᠨ᠃ ᠲᠡᠷᠡ ᠬᠤᠯᠠ ᠶᠢᠨ ᠲᠡᠵᠢ ᠮᠠᠩᠨᠤᠭ ᠳᠡᠭᠡᠷᠡ | ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠰᠢᠭᠢᠳᠬᠡᠭᠰᠡᠨ ᠰᠢᠭ ᠴᠠᠭᠠᠨ ᠬᠤᠶᠠᠭ ᠲᠣᠭᠤᠯᠭᠠ ᠲᠠᠢ ︽ᠡᠷᠳᠡᠨᠢ ᠠᠭᠤᠯᠠ︾ ᠭᠡᠬᠦ ᠬᠤᠯᠠ ᠶᠢᠨ ᠳᠡᠭᠦᠦ ᠪᠠᠨ ᠰᠠᠨᠠᠨ ᠰᠠᠨᠠᠨ ᠨᠢᠯᠪᠤᠰᠤ | ᠡᠪᠬᠡᠷᠡᠭᠦᠯᠵᠦ ᠪᠠᠶᠢᠯᠠ᠃ ᠡᠨᠡ ᠪᠦᠭᠦᠨ ᠢ ᠨᠢ ᠭᠠᠭᠴᠠ ᠯᠠ ᠠᠭᠤᠯᠠ ᠶᠢᠨ ᠬᠡᠦᠬᠡᠨ᠂ ᠮᠠᠩᠬᠠᠨ ᠤ ᠬᠥᠪᠡᠭᠦᠨ ᠨᠢ ᠯᠠ ᠣᠶᠢᠯᠠᠭᠠᠬᠤ ᠪᠠᠶᠢᠬᠠ᠃ | ︽ᠮᠠᠨ ᠤ ᠠᠭᠤᠯᠠ ᠬᠠᠮᠢᠭᠠ ᠶᠠᠪᠤᠭᠰᠠᠨ ᠢ ᠪᠤᠤ ᠮᠡᠳᠡ | ᠥᠪᠡᠷ ᠢᠶᠠᠨ ᠪᠢᠳᠡ ᠰᠢᠳᠢ ᠲᠠᠢ ᠪᠠᠶᠢᠭᠰᠠᠨ ᠪᠣᠯ | ᠥᠴᠥᠬᠡᠨ ᠪᠡᠶᠡ ᠮᠢᠨᠢ ᠴᠢᠳᠠᠯ ᠲᠠᠢ ᠪᠠᠶᠢᠭᠰᠠᠨ ᠪᠣᠯ | ᠮᠠᠨ ᠤ ᠠᠭᠤᠯᠠ ᠶᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠦᠭᠡᠢ ᠦᠦ ᠳ᠋ᠠ ᠁︾ ᠭᠡᠵᠦ ᠠᠭᠤᠯᠠ ᠶᠢᠨ ᠬᠡᠦᠬᠡᠨ ᠲᠡᠷᠲᠡᠭᠡ ᠠᠯᠤᠰ ᠠᠴᠠ ᠶᠠᠷᠢᠬᠤ ᠰᠣᠨᠣᠰᠳᠠᠨᠠ᠃ | ︽ᠥᠪᠥᠷ ᠮᠣᠩᠭᠤᠯ ᠤᠨ ᠮᠢᠨᠢ ᠪᠠᠭᠠᠰᠬᠠᠯ ᠪᠠᠶᠢᠯᠠ ᠴᠦ | ᠭᠠᠵᠠᠷ ᠤᠨ ᠵᠦᠢ ᠴᠢᠮᠠ ᠶᠢ ᠮᠡᠳᠡᠷᠡᠬᠦ ᠦᠭᠡᠢ | ᠡᠪᠦᠷ ᠳᠦᠭᠦᠷᠡᠩ ᠮᠥᠩᠭᠦ ᠲᠠᠢ ᠪᠣᠯᠣᠯᠠ ᠴᠦ | ᠭᠠᠩᠭᠠᠩ ᠲᠥᠷᠬᠦ ᠶᠢ ᠴᠢᠨᠢ ᠠᠮᠢᠯᠠᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ᠁︾ ᠭᠡᠵᠦ ᠮᠠᠩᠬᠠᠨ ᠤ ᠬᠥᠪᠡᠭᠦᠨ ᠬᠠᠷᠢᠭᠤ ᠬᠠᠰᠬᠢᠷᠬᠤ ᠰᠣᠨᠣᠰᠳᠠᠨᠠ᠃ | ᠠᠷᠴᠠ ᠶᠢᠨ ᠪᠡᠷᠬᠡ ᠶᠢᠨ ᠢᠶᠠᠨ ᠦᠵᠢᠷᠬᠡᠢ ᠬᠤᠵᠤᠤᠯᠠ ᠶᠢ ᠴᠦ ᠠᠮᠢᠨ ᠠᠴᠠ ᠪᠠᠨ ᠢᠯᠡᠭᠦᠦ ᠥᠮᠴᠢᠷᠬᠡᠵᠦ ᠶᠠᠪᠤᠳᠠᠭ ︽ᠭᠡᠷᠡᠯᠪᠠᠭᠠᠲᠤᠷ︾ ᠥᠩᠭᠡᠷᠡᠨ | ᠣᠲᠣᠭᠰᠠᠨ ᠡᠨᠡ ᠪᠦᠭᠦᠨ ᠢ ᠰᠡᠳᠬᠢᠯ ᠳᠡᠭᠡᠨ ᠰᠢᠩᠭᠡᠬᠡᠨ᠂ ᠠᠮᠢ ᠨᠠᠰᠣᠨ ᠤ ᠦᠷᠭᠦᠯᠵᠢᠯᠡᠯ ᠪᠤᠶᠤ ᠰᠢᠯᠦᠭ᠂ ᠰᠡᠳᠬᠢᠯ ᠤᠨ ᠨᠢᠭᠤᠴᠠᠬᠠᠢ ᠪᠦᠭᠦᠨ ᠢᠶᠠᠨ ᠬᠠᠳᠠᠭᠠᠯᠠᠨ | ᠮᠠᠷᠭᠠᠰᠢ ᠵᠦᠭ ᠢᠶᠠᠨ᠂ ᠦᠨᠡᠨ ᠤ ᠡᠷᠢᠯ ᠵᠦᠭ ᠶᠠᠭᠠᠷᠠᠨ ᠠᠯᠬᠤᠯᠠᠯᠠ᠃ | ᠭᠤᠷᠪᠠ | ︽ᠴᠦᠢᠳᠧᠩ ᠤᠨ ᠲᠣᠯᠣᠭᠠᠢ ᠲᠣᠯᠠᠰᠭᠢᠬᠤ ᠳᠤ ᠥᠩᠭᠡᠷᠡᠴᠢᠬᠡᠳᠡᠭ ᠵᠠᠯᠠᠭᠤ ᠨᠠᠰᠤ | ᠴᠦᠪᠢᠲ ᠤᠨ ᠵᠡᠪᠡᠨ ᠳᠤ ᠣᠯᠠᠨᠲᠠ ᠰᠢᠷᠬᠠᠲᠤᠳᠠᠭ ᠴᠤ ᠠᠵᠢᠭ ᠦᠭᠡᠢ ᠵᠠᠯᠠᠭᠤ ᠨᠠᠰᠤ | ᠮᠠᠨᠢ ᠶᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠤᠩᠰᠢᠬᠤ ᠶᠢᠨ ᠵᠠᠢ ᠳᠤ ᠪᠠᠷᠠᠴᠢᠬᠠᠳᠠᠭ ᠵᠠᠯᠠᠭᠤ ᠨᠠᠰᠤ | ᠮᠠᠷᠭᠠᠰᠢ ᠮᠠᠷᠭᠠᠰᠢ ᠭᠡᠵᠦ ᠬᠤᠳᠠᠷᠭᠠᠯᠠᠭᠰᠠᠭᠠᠷ ᠪᠠᠶᠢᠵᠤ ᠶᠠᠪᠤᠴᠢᠬᠠᠳᠠᠭ ᠵᠠᠯᠠᠭᠤ ᠨᠠᠰᠤ︾ | - ︽ᠵᠠᠯᠠᠭᠤ ᠨᠠᠰᠤ︾ | ᠡᠨᠡ ᠬᠥᠮᠥᠨ ᠪᠣᠯ ᠮᠢᠨᠤ ︽ᠪᠠᠭᠰᠢ︾᠃ ᠨᠡᠷᠡ ᠯᠤᠤᠬᠠ᠂ ᠣᠪᠣᠭ ᠵᠠᠯᠠᠶᠢᠷ᠃ | ︽ᠬᠡᠦᠬᠡᠳ ᠤᠨ ᠢᠶᠠᠨ ᠮᠥᠷᠥᠭᠡᠳᠦᠯ ᠳᠤ ᠢᠲᠡᠭᠡᠭᠡᠷᠡᠢ᠃ ᠮᠥᠷᠥᠭᠡᠳᠬᠦ ᠳᠤ ᠵᠢᠭᠦᠷ ᠤᠷᠭᠤᠳᠠᠭ᠂ ᠮᠥᠷᠥᠭᠡᠳᠬᠦ ᠳᠤ ᠬᠦᠰᠡᠯ ᠪᠡᠶᠡᠯᠡᠳᠡᠭ᠃ ᠬᠡᠦᠬᠡᠳ ᠢ | ᠤᠷᠮᠠᠰᠢᠭᠤᠯᠵᠤ ᠵᠣᠷᠢᠭ ᠢᠲᠡᠭᠡᠯ ᠥᠭᠴᠦ᠂ ᠰᠡᠳᠬᠢᠬᠦᠢ ᠶᠢ ᠨᠢ ᠲᠡᠯᠡᠷᠡᠭᠦᠯᠵᠦ᠂ ᠲᠣᠮᠣ ᠶᠠᠭᠤᠮᠠ ᠶᠢ ᠮᠥᠷᠥᠭᠡᠳᠦᠭᠦᠯᠵᠦ ᠪᠠᠶᠢᠭᠠᠷᠠᠢ᠃ ᠪᠢᠳᠡ ᠬᠡᠦᠬᠡᠳ ᠢᠶᠠᠨ ᠳ᠋ᠣᠺᠲ᠋ᠣᠷ | ᠡᠷᠳᠡᠮᠲᠡᠨ᠂ ᠬᠠᠭᠠᠨ ᠬᠠᠳᠣᠨ ᠪᠤᠯᠭᠠᠬᠤ ᠴᠢᠬᠤᠯᠠ ᠪᠢᠰᠢ᠂ ᠬᠠᠷᠢᠨ ᠬᠥᠮᠥᠨ ᠪᠤᠯᠭᠠᠬᠤ᠂ ᠬᠥᠳᠡᠯᠮᠦᠷᠢᠯᠡᠬᠦ ᠳᠤᠷᠠ ᠲᠠᠢ᠂ ᠡᠬᠡ ᠰᠣᠶᠣᠯ ᠳᠠᠭᠠᠨ ᠬᠠᠶᠢᠷᠠᠲᠠᠢ᠂ ᠬᠠᠶᠢᠷᠠ | ᠠᠴᠢ ᠶᠢ ᠮᠡᠳᠡᠬᠦ ᠬᠥᠮᠥᠨ ᠪᠣᠯᠭᠠᠨ ᠬᠥᠮᠥᠵᠢᠭᠦᠯᠬᠦ ᠨᠡᠩ ᠴᠢᠬᠤᠯᠠ︾ ᠬᠡᠮᠡᠨ ᠪᠠᠭᠰᠢ ᠮᠢᠨᠢ ᠥᠨᠥᠳᠥᠷ ᠮᠠᠷᠭᠠᠰᠢ ᠶᠢᠨ ᠠᠯᠢᠨ ᠳᠤ ᠴᠦ ᠰᠤᠷᠬᠤᠢ ᠶᠢᠨ ᠬᠦᠰᠡᠯ ᠤᠨ | ᠨᠣᠭᠲᠣ ᠦᠭᠡᠢ ᠲᠡᠮᠡᠦᠯᠦᠯ ᠳᠤ᠂ ᠰᠤᠷᠭᠠᠬᠤᠢ ᠶᠢᠨ ᠰᠥᠰᠥ ᠪᠠᠷ ᠮᠥᠷᠥᠭᠡᠳᠦᠯ ᠬᠠᠶᠢᠷᠠᠯᠠᠵᠤ᠂ ᠪᠤᠷᠠᠮ ᠢᠶᠠᠷ ᠪᠢᠰᠢ ᠤᠷᠮᠠ ᠪᠠᠷ ᠲᠡᠳᠬᠦᠨ ᠢᠨᠢᠶᠡᠮᠰᠦᠭ ᠬᠠᠷᠠᠴᠠ᠂ | ᠶᠡᠷᠦᠮᠳᠡᠭ ᠦᠭᠡ᠂ ᠣᠷᠣᠯᠳᠣᠯᠭᠠ ᠪᠠᠷᠢᠮᠲᠠᠯᠠᠯ ᠢᠶᠠᠷ ᠢᠶᠠᠨ ᠢᠲᠡᠭᠡᠯ ᠬᠠᠶᠢᠷᠠ ᠪᠠᠨ ᠵᠣᠷᠢᠭᠤᠯᠵᠤ᠂ ᠠᠬᠢᠯᠲᠠ ᠳᠠᠪᠠᠯᠲᠠ ᠶᠢᠨ ᠬᠦᠴᠦ ᠣᠯᠭᠤᠵᠤ᠂ ᠤᠷᠤᠯᠳᠤᠵᠤ | ᠮᠥᠷᠥᠶᠢᠴᠡᠬᠦ ᠶᠢᠨ ᠰᠢᠨᠳᠠᠰᠤ ᠶᠢ ᠬᠦᠷᠲᠡᠭᠡᠨ᠂ ᠤᠬᠠᠭᠠᠵᠢᠵᠤ ᠲᠣᠮᠣᠭᠠᠵᠢᠬᠤ ᠶᠢᠨ ᠰᠢᠳᠢ ᠶᠢ ᠬᠠᠶᠢᠷᠠᠯᠠᠳᠠᠭ ᠨᠢᠭᠡᠨ ᠪᠣᠯᠵᠤ ᠶᠠᠪᠤᠨᠠ᠃ | ︽ᠬᠢᠬᠦ ᠬᠥᠮᠥᠨ ᠳᠤ ᠠᠷᠭᠠ ᠮᠤᠩᠳᠠᠬᠤ ᠦᠭᠡᠢ᠂ ᠬᠢᠬᠦ ᠦᠭᠡᠢ ᠬᠥᠮᠥᠨ ᠳᠤ ᠰᠢᠯᠲᠠᠭ ᠮᠤᠩᠳᠠᠬᠤ ᠦᠭᠡᠢ︾ ᠬᠡᠮᠡᠨ ᠥᠪᠡᠷ ᠤᠨ ᠢᠶᠠᠨ ᠰᠢᠯᠦᠭ | ᠲᠤᠭᠤᠷᠪᠢᠯ ᠤᠨ ᠵᠠᠮ ᠢᠶᠠᠷ ᠵᠠᠮᠨᠠᠭᠰᠠᠨ ᠬᠢᠭᠡᠳ ᠣᠩᠨᠢᠭᠤᠳ ᠠᠷᠠᠳ ᠤᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠤᠨ ᠬᠤᠯᠪᠣᠭᠠᠨ ᠤ ᠪᠠᠨ ᠥᠴᠥᠭᠡᠳᠦᠷ ᠥᠨᠥᠳᠥᠷ ᠤᠨ ᠲᠤᠬᠠᠢ | ︽ᠤᠤᠭᠠᠯ ᠨᠤᠲᠤᠭ᠂ ᠤᠳᠤᠮ ᠰᠣᠶᠣᠯ᠂ ᠤᠬᠠᠭᠠᠨ ᠨᠣᠮ︾ ᠭᠡᠬᠦ ᠰᠡᠳᠦᠪ ᠢᠶᠠᠷ ᠵᠠᠯᠭᠠᠮᠵᠢ ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠢᠷᠡᠬᠦ ᠮᠠᠷᠭᠠᠰᠢ ᠳᠤᠨᠢ ᠰᠡᠳᠬᠢᠯ ᠢᠲᠡᠭᠡᠯ ᠤᠨ | ᠰᠢᠪᠡᠨᠡᠭᠡ ᠪᠠᠨ ᠶᠠᠷᠢᠳᠠᠭ ᠪᠠᠶᠢᠯᠠ᠃ | ︽ᠮᠠᠷᠭᠠᠰᠢ ᠪᠢ ᠤᠤᠭᠠᠯ ᠨᠤᠲᠤᠭ ᠤᠨ ᠢᠶᠠᠨ ᠬᠠᠷᠠᠭᠤᠯ ᠪᠣᠯᠣᠨᠠ ᠁︾ | ︽ᠮᠠᠷᠭᠠᠰᠢ ᠪᠢ ᠤᠳᠤᠮ ᠰᠣᠶᠣᠯ ᠤᠨ ᠢᠶᠠᠨ ᠵᠠᠯᠭᠠᠮᠵᠢᠯᠠᠭᠴᠢ ᠪᠣᠯᠣᠨᠠ ᠁︾ | ︽ᠮᠠᠷᠭᠠᠰᠢ ᠪᠢ ᠤᠬᠠᠭᠠᠨ ᠨᠣᠮ ᠲᠠᠢ ᠬᠥᠮᠥᠨ ᠪᠣᠯᠣᠨᠠ ᠁︾ | ᠡᠨᠡ ᠪᠦᠭᠦᠨ ᠪᠣᠯ ᠬᠡᠦᠬᠡᠳ ᠤᠳ ᠤᠨ ᠬᠢᠨᠢ ᠰᠡᠳᠬᠢᠯ ᠤᠨ ᠳᠠᠭᠤᠨ ᠪᠠᠶᠢᠯᠠ᠃ | ︽ᠬᠤᠪᠢ ᠵᠠᠶᠠᠭᠠ ᠭᠡᠭᠴᠢ ᠵᠣᠯ ᠵᠠᠪᠰᠢᠶᠠᠨ ᠪᠢᠰᠢ ᠬᠠᠷᠢᠨ ᠰᠣᠩᠭᠤᠯᠲᠠ ᠶᠤᠮ᠂ ᠬᠦᠰᠡᠯᠡᠩ ᠪᠢᠰᠢ ᠬᠠᠷᠢᠨ ᠠᠵᠢᠯᠯᠠᠭᠠ ᠶᠤᠮ᠂ ᠨᠡᠷᠡ ᠦᠭᠡ ᠪᠢᠰᠢ ᠬᠠᠷᠢᠨ | ᠦᠢᠯᠡ ᠦᠭᠡ ᠶᠤᠮ᠃ ᠬᠤᠪᠢ ᠵᠠᠶᠠᠭᠠ ᠭᠡᠭᠴᠢ ᠲᠠᠯᠪᠢᠵᠤ ᠶᠠᠪᠤᠭᠤᠯᠳᠠᠭ ᠪᠢᠰᠢ ᠬᠠᠷᠢᠨ ᠠᠳᠬᠤᠵᠤ ᠠᠪᠳᠠᠭ ᠶᠤᠮ︾ ᠭᠡᠵᠦ ᠪᠠᠭᠰᠢ ᠮᠢᠨᠢ ᠳᠠᠩᠳᠠ ᠶᠠᠷᠢᠳᠠᠭ᠃ | ᠲᠡᠶᠢᠮᠦ ᠠ᠋᠂ ᠠᠭᠤᠯᠠ ᠶᠢᠨ ᠢᠶᠠᠨ ᠬᠥᠬᠡ ᠴᠢᠯᠠᠭᠤ ᠶᠢ ᠳᠡᠷᠡᠯᠡᠵᠦ ᠲᠦᠷᠦᠭᠰᠡᠨ ᠬᠥᠮᠥᠨ ᠤ ᠵᠣᠷᠢᠭ ᠬᠠᠳᠠᠨ᠂ ᠤᠰᠤᠨ ᠤ ᠬᠢ ᠪᠠᠨ ᠭᠦᠨ ᠴᠡᠭᠡᠯ ᠢ ᠬᠠᠷᠠᠵᠤ | ᠥᠰᠦᠭᠰᠡᠨ ᠬᠥᠮᠥᠨ ᠤ ᠰᠡᠳᠬᠢᠯ ᠲᠤᠩᠭᠠᠯᠠᠭ᠂ ᠠᠭᠤᠳᠠᠮ ᠲᠠᠯᠠ ᠪᠠᠨ ᠪᠠᠷᠠᠳᠠᠵᠤ ᠥᠰᠦᠭᠰᠡᠨ ᠬᠥᠮᠥᠨ ᠤ ᠰᠠᠨᠠᠭᠠ ᠬᠤᠯᠠ ᠪᠠᠶᠢᠬᠤ ᠤᠴᠢᠷᠲᠠᠢ᠃ ᠤᠬᠠᠭᠠᠨ ᠤ | ᠣᠨᠳᠣᠷᠤᠭᠠ ᠨᠢ ᠦᠨᠡᠨ ᠤ ᠦᠷᠭᠦᠯᠵᠢᠯᠡᠯ ᠪᠣᠯᠵᠤ᠂ ᠦᠶᠡ ᠵᠠᠯᠭᠠᠮᠵᠢ ᠨᠤᠭᠤᠳ ᠨᠢ ᠢᠲᠡᠭᠡᠯ ᠤᠨ ᠨᠠᠷᠠᠨ᠂ ᠠᠮᠢ ᠨᠠᠰᠤᠨ ᠤ ᠢᠯᠴᠢ ᠭᠡᠭᠡ ᠨᠢ ᠪᠣᠯᠵᠤ ᠳᠤᠯᠠᠭᠠᠯᠠᠵᠠᠢ᠃ | ︽ᠲᠠᠷᠢᠶᠠ ᠳᠠᠷᠢᠭᠰᠠᠨ ᠰᠢᠯᠦᠭᠴᠢ ᠶᠢᠨ ᠭᠤᠨᠢᠭ ᠢ ᠬᠠᠮᠢᠭᠠ ᠠᠴᠠ ᠡᠷᠢᠨᠡᠮ | ᠲᠠᠮᠠᠬᠢᠨ ᠤᠲᠤᠭᠠ ᠪᠠᠷ ᠰᠡᠳᠬᠢᠯ ᠠᠷᠭᠠᠳᠠᠭᠰᠠᠨ ᠵᠢᠷᠦᠬᠡᠨ ᠳᠤ ᠨᠢ ᠬᠡᠨ ᠪᠠᠭᠲᠠᠨᠠᠮ | ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ ᠲᠤ ᠳᠠᠷᠢᠭᠰᠠᠨ ᠵᠡᠭᠦᠳᠦ ᠨᠢ ᠴᠡᠩᠬᠡᠷ ᠭᠤᠷᠣᠬᠠᠨ ᠪᠠᠶᠢᠨᠠᠮ | ᠳᠡᠯᠡᠬᠡᠢ ᠶᠢᠨ ᠭᠦᠨ ᠳᠤ ᠬᠤᠷᠢᠶᠠᠭᠰᠠᠨ ᠲᠠᠷᠢᠶᠠ ᠨᠢ ᠮᠥᠩᠬᠡ ᠶᠢᠨ ᠣᠨᠢᠰᠤᠭᠠ ᠪᠠᠶᠢᠨᠠᠮ︾ | - ᠵᠢ᠊·ᠴᠡᠩᠭᠡᠯ ᠤᠨ ᠪᠢᠴᠢᠭᠡᠰᠦ | ᠲᠡᠭᠦᠨ ᠤ ᠥᠴᠥᠭᠡᠳᠦᠷ ᠳᠣᠮᠤᠭ ᠦᠨᠡᠨ᠂ ᠵᠡᠭᠦᠳᠦ ᠡᠷᠢᠯᠬᠢᠯᠡᠯ ᠢᠶᠠᠷ ᠳᠦᠭᠦᠷᠡᠩ ᠠᠭᠠᠳ ᠥᠨᠥᠳᠥᠷ ᠨᠢ ᠲᠤᠤᠯᠢᠰᠯᠢᠭ ᠦᠨᠡᠨ᠂ ᠰᠠᠶᠢᠨ ᠰᠠᠶᠢᠬᠠᠨ ᠤ | ᠬᠥᠭᠡᠭᠡᠴᠡᠯᠳᠦᠯ ᠪᠢᠯᠬᠠᠮᠠ ᠪᠣᠯᠬᠤᠷ ᠦᠨᠡᠨ ᠤ ᠦᠷᠭᠦᠯᠵᠢᠯᠡᠯ ᠪᠤᠶᠤ ᠮᠠᠷᠭᠠᠰᠢ ᠨᠢ ᠭᠡᠮᠨᠡᠯ ᠥᠭᠡᠷᠡ ᠪᠠᠶᠢᠬᠤ ᠨᠢ ᠦᠨᠡᠨᠲᠡᠢ᠃ ᠭᠡᠬᠦ ᠳᠡᠭᠡᠨ ᠲᠡᠷᠡ ᠶᠡᠷᠦ ᠳᠤᠷᠠᠰᠤᠮᠵᠢ | ᠵᠦᠭ ᠣᠳᠬᠤᠢ ᠥᠴᠥᠭᠡᠳᠦᠷ ᠢᠶᠠᠨ ᠮᠠᠷᠲᠠᠭᠠ ᠦᠭᠡᠢ᠃ | ᠤᠯᠠᠭᠠᠨ ᠲᠣᠭᠤᠰᠣᠨ ᠤ ᠡᠬᠢᠯᠡᠯ ᠲᠡᠭᠦᠰᠬᠡᠯ ᠨᠢ ᠦᠨᠡᠨ ᠪᠤᠶᠤ ᠴᠠᠭ ᠬᠤᠭᠤᠴᠠᠭᠠ᠃ | | |